Wikipedia:城市論壇 (雜項)/歸檔/2020年6月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2020年7月6號 (一) 15:46 (UTC)做嘅。

News Report

Here's some new reports from Freedom House,especial this one,everybody should take a look.——Longway22 (傾偈) 2020年1月16號 (四) 04:46 (UTC)

共享圖片畀刪除咗，「網民虛構」可成標靶

依家中維有幾個修訂動作要大規模清查圖片，而呢家廣東木棉花嘅圖片Kapok flag.svg喺共享度畀Arthur_Crbz刪除咗，之前中維度嘅User陳白腸堅稱網民虛構圖片刪咗好多次，同Roy17又係有非常之近似嘅表現，另外仲反复要求嘅係提供返圖片標誌原製作人資料，呢家Arthur_Crbz共享度刪咗就要提供個人嘅版權授權，懷疑係有起底原初啲設計人嘅行動，包括港澳朋友等亦都要注意，因為宜家嘅多數同木棉花相似嘅圖片標誌都係會有所謂嘅「網民虛構」性質，版權資料會同家下啲正規版權要求有所衝突，呢點恐怕會畀集中利用，User:PQ77wd、User:S7w4j9，User:Wpcpey，懷疑方針同共享空間等係有多個帳嘅會聯同Roy17等有更多對粵維中維等不利影響，應要擴大關注。——Longway22 (傾偈) 2020年1月25號 (六) 03:36 (UTC)

@Longway22：「網民虛構」嘅情況係噉：如果支旗唔出名，噉擺上維基共享就冇教育價值。但如果出咗名，就要確認上載人真係有版權。所以點都係要電郵確認著作權。翹仔 (傾偈) 2020年1月28號 (二) 22:05 (UTC)

@Deryck Chan：呢個圖案相當耐勒，相信匿名原作人初頭經係貢獻咗版權出來，用作公共標誌用途，相當係畀社群度有得非盈利合理使用，認為可以使用公共領域嘅例如PD-ineligible標識，同刪除嘅管理留言咗但對方未有回覆。呢陣如此照搬所謂規程處理，應該要合理考慮到特殊性同可預見嘅影響，以（社群）公共利益出發考慮，盡量避免牽涉匿名原作人等問題。——Longway22 (傾偈) 2020年1月29號 (三) 03:01 (UTC)

最新回覆踢波去恢復版面度提出請求。——Longway22 (傾偈) 2020年1月29號 (三) 09:33 (UTC)

有冇link？另外，Commons拗唔掂數嘅話，可以考慮以公平使用做理由喺粵文維基本地上載（如果有篇文特登講呢支旗同佢相關嘅社群）。翹仔 (傾偈) 2020年1月31號 (五) 13:45 (UTC)

‎@Deryck Chan：踢波1，‎波場2，歡迎落場轉圈。——Longway22 (傾偈) 2020年1月31號 (五) 14:14 (UTC)

‎@Deryck Chan：踢咗去冷板凳，若果本地上載替換陣係要點改個鏈接，未試過用第啲空間嘅文件，唔係幾熟悉。——Longway22 (傾偈) 2020年2月1號 (六) 03:17 (UTC)

@Longway22： 睇嚟共享嗰邊嘅方針就係唔收錄呢啲旗。本站上載啦，如果用返同一個檔名嘅話，喺文章度入圖嘅維基字一樣。翹仔 (傾偈) 2020年2月1號 (六) 20:48 (UTC)

學習粵文

你好，請問有哪一些網站/網上資源可以幫助新手學習粵文書寫？--219.77.44.21（討論） 2020年2月20號 (四) 11:31 (UTC)

你好！睇下你識唔識講粵語。如果識聽識講粵語，但冇寫開粵文，建議睇下講故盧點樣用粵文寫科學同文學評論，同埋擇言嘅粵文規範討論。如果未識講粵語嘅話，就要睇下你母語係乜嚟建議教材畀你。翹仔 (傾偈) 2020年2月28號 (五) 11:30 (UTC)

引用模組

我今晚會嘗試更新Module:Citation/CS1系列，即係Template:引網之類引用模背後嘅模組。之前我同User:Roy17分別失敗過，但我去咗英維取經，希望今次成功。

• User:Shinjiman：搞完可能要搵你幫手。
• User:Dr. Greywolf：如果成功嘅話，要搵你幫手執靚啲本地化字串。

如果失敗嘅話，我會喺24個鐘內自我還原。但更新期間，啲文可能會有好多紅字。翹仔 (傾偈) 2020年3月14號 (六) 22:36 (UTC)

搞掂。我盡量抄返晒啲本地化字串，不過有兩類冇抄到：

1. Error message 同維修分類名我由佢繼續英文，因為似乎每個版本會變。User:Shinjiman：你譯咗之前啲維修分類名，點睇？
2. 啲圖書庫嘅 link target 我冇譯，因為可以用跳轉嘅方法解決。

另外我問緊人點搞日期格式。而家又出咗一堆「15 三月 2020」形狀嘅嘢，希望可以變返做「2020年3月15號」。 翹仔 (傾偈) 2020年3月15號 (日) 00:12 (UTC)

呢啲類會喺各個模組裏面搵得到，有時需要搵返Transluction或者Whatslinkhere先得。 Shinjiman ⇔ ♨ 2020年3月15號 (日) 13:01 (UTC)

中文維基開始搶佔粵文維基嘅藍海

香港嘅電視節目一路都有好受普羅大眾關注。其中中文維基過去一路都好熱衷關注無綫電視作品，介紹每套劇集同節目都寫得好詳盡，粵文維基根本就望塵莫及（假如直接翻譯中文維基，就無乜意義啦）。慶幸ViuTV作品過去唔受中文維基重視，加埋佢有嚴格嘅「關注度」門檻，令粵文維基得以搵到一個唔細嘅藍海，唔使「硬碰硬」，都可以靠寫ViuTV作品去搶到唔少人流過嚟睇。可惜近期中文維基寫手似乎已經逐漸意識到ViuTV作品嘅潛力，亦開始寫多咗ViuTV嘢，搶佔粵文維基嘅藍海。加上Google明顯偏幫中文維基（就算粵文版本早啲開版或者寫得長啲都好，好多時都畀中文版本搶佔搜尋結果有利位置），粵文維基嘅形勢幾輸蝕下。要再發掘第啲普羅大眾有興趣睇，而又畀中文維基忽略嘅題材，認真唔容易。--Sally508 (傾偈) 2020年4月7號 (二) 14:41 (UTC)

維基友，睇開啲啦。世上有好多嘢自己理唔得到。我有我做，佢有佢做，寫得自在。有一排谷歌連本百科都推到落谷底，依家又上返來。寫得多文，自然谷歌都唔能忽視，我哋嘅對手係自己而已。有啲方法，或者有用。例如駁去其他文多啲，加多啲跳轉，加啲外文名，有多唔同睇法，啲嘢同中文版唔同。咁人哋可能用唔同方向搵到本百科。HenryLi (傾偈) 2020年4月7號 (二) 15:05 (UTC)

盡力而為啦，不過關注度唔係咁高我又唔覺得係一樣好差嘅嘢，關注度高咗，參與嘅人多咗，爭拗都會多咗。脫支解殖！香港獨立！唯一出路！香港獨立萬歲！黃嘅先好撳！ (傾偈) 2020年4月9號 (四) 19:26 (UTC)

我都留意咗好耐，呢度嘅ViuTV嘢齊全過國維，確係一個賣點，而家畀國維嗰邊搶咗風頭，確實有少少可惜（近排最唔抵嘅例子係《歎息橋》，國維（3月31號開版）用咗大陸用名《嘆息橋》，粵維（3月25號開版）企硬用香港用名《歎息橋》，但用Google搵「歎息橋」，都只會顯示國維結果，而唔會顯示粵維結果）。不過，「Google唔公平對待粵維」已經唔係一朝一夕嘅事，又無門路投訴；加上我哋亦控制唔到國維嗰邊啲人寫乜嘢，大家唯有繼續努力做好自己，盡力開多啲文（尤其係國維未寫嘅）。--Kowlooner (傾偈) 2020年4月12號 (日) 13:11 (UTC)

另外有時都會見到國維嗰邊會將一啲文提刪，如果喺呢度係有保留價值嘅話亦都可以喺呢度開文。 Shinjiman ⇔ ♨ 2020年4月14號 (二) 02:04 (UTC)

我唔同意話直接翻譯中維係冇乜意義喎，我哋係個獨立嘅維基嚟，好應該盡力令得佢更加完整，唔會話同中維嘅內容重覆就冇意義。Jonashtand (傾偈) 2020年6月5號 (五) 06:25 (UTC)

請問

赤身、刺身、魚生係咪同一樣架？--Mendorache (傾偈) 2020年4月15號 (三) 04:46 (UTC)

建議你去:https://zh.wikipedia.org/wiki/Wikipedia:RD 嗰度問。唔重要嘅人 (傾偈) 2020年4月22號 (三) 21:44 (UTC)

@Mendorache：唔係同一樣嘢，赤身（あかみ）：即瘦肉、紅肉，魚背不含油脂的部位。刺身（日語：刺身／さしみ sashimi *；或音譯沙西米），通常指生魚片，不過都可以用雞肉、馬肉或者任何可以切成一片片嘅食材製作，係一種常見嘅日本料理。

唔重要嘅人 (傾偈) 2020年5月7號 (四) 06:46 (UTC)

尋求更多編者完善2019年元旦遊行

唔重要嘅人 (傾偈) 2020年4月22號 (三) 21:46 (UTC)

我上網查過，啲資料比2020年元旦大遊行少，可能真係要靠第一手來源 (親眼睇到) 先至得。不羈的風 (傾偈) 2020年5月21號 (四) 11:03 (UTC)

有啲字唔係好識打

部手機waang咗、傳wan全世界，最尾一gyut未整好，tan車、向後tan，呢啲字點打，點查？--StarryHouse (傾偈) 2020年5月26號 (二) 14:14 (UTC)

tan車=褪車，最尾一gyut未整好=最尾一橛未整好。其他唔知。用呢個《粵語審音配詞字庫》可能幫到你。--WikiCantona (傾偈) 2020年5月26號 (二) 16:28 (UTC)

我諗係手機彎咗、傳勻全世界？-Mhhoh (傾偈) 2020年6月3號 (三) 20:58 (UTC)

@StarryHouse、WikiCantona、Mhhoh： 「軭咗」(waang1 zo2)。睇中維辭典、粵典。翹仔 (傾偈) 2020年6月5號 (五) 17:41 (UTC)

噉「勻 chun4」點寫（好似：油油油yau4 yau5 yau2得好勻 chun4）？勻 chun4 即係「勻均」，只係見到個「勻稱」意思相同。--WikiCantona (傾偈) 2020年6月7號 (日) 13:45 (UTC)

@WikiCantona： 髹油髹得好勻循/勻巡/勻旬。Ceon4 係粵語自造詞語，全部漢字用法都係假借，似乎未規範，可以睇九座樓主同粵典相關記載。翹仔 (傾偈) 2020年6月8號 (一) 10:20 (UTC)

粵文維基文庫

我喺元維基嗰邊提議咗開一個粵文維基文庫（Cantonese Wikisource），大家去畀下建議吖！我主要嘅用意係提供一個地方畀大家去翻譯白話文同文言文嘅公有領域文本做粵文，當然如果大家搵到喺公有領域嘅粵文資料，或者想翻譯其他語言（例如英文法文）嘅文章做粵文，都無任歡迎啦！連結在此。Jonashtand (傾偈) 2020年6月2號 (二) 22:11 (UTC)

其實粵庫係已經有嘅，只不過係要睇吓使唔使獨立出嚟先。 Shinjiman ⇔ ♨ 2020年6月3號 (三) 06:23 (UTC)

@Shinjiman：噉可以嘅話，當然係獨立出嚟比較好。Jonashtand (傾偈) 2020年6月3號 (三) 20:29 (UTC)

@Jonashtand： 又唔一定嘅，中維文庫同多語言維基文庫都已經接受粤文文本，開粤文文庫會花好多功夫搬運現有內容，而除非你想搞翻譯 project，其實粤文文庫冇乜着數。不過我唔反對，只係要確保有人俾心機做啫。翹仔 (傾偈) 2020年6月8號 (一) 10:23 (UTC)

書面、文言同粵文、粵語

依家粵語圈嘅人文發展，大概係會有新嘅開始。以「書寫」話唔少朋友，係好渴求著「我手寫我口」，呢個會係表達言論嘅範疇。不過就用字措辭呢啲，有啲朋友想完全擺脫北方官話嘅影響，但話到去同「書面文」斷纜，就混淆咗唔少概念同範疇。呢度睇係可以展開一下，聽各位維基友都嚟度度。

先話本地度實際嘅體驗，似愚生受教，專注考究嘅阿沽公有話，文辭應該要符合廣東話文法。如照愚生理解，係傾得開啲文法嘅，就要將啲字指到明先有後話。咁容愚生斗膽舉下，如「始建」、「約莫」，供參詳。就照返粵文法嘅話，其實兩個問題可能唔會好大，呢度其實照嘅係書面判定話，而呢個係古文、文言嘅視角去睇，唔係呢世啲大一統書面文。

如果再調用返北方官話嘅，對照粵語、白話文嘅視角，再講兩個字詞，其實係會有偏差感覺：呢度係要撇開啲「正統」嘅嘢，文同白各異讀，口語啲字就會feel到，同口法有啲唔一致嘅。而口講度慣咗嘅，似「可惱也」（文白差異大），「皆因」（文白差異少），呢啲係文言書面，經已融入咗粵語系統，就唔會有大問題。

當然牽涉到唔同朋友唔同接觸嘅情況，呢啲都可能經已變咗唔係「常識」。依家所謂「正統」嘅，唔再係舊底嘅文言，自不然影響咗大家對書面文嘅認識，呢度會混淆埋新嘅國語、官話文。而另外一個就有潮語嘅影響，北方官話流行語唔計背後嘅因素，同臺灣國語、日文、英文，都係一樣嘅介入影響咗粵語圈嘅生態，粵圍度其實會更難分辨到，書寫同口講之間啲承接問題。似後生會成日用嘅「課金」、「正太」，呢啲喺文法度，同傳統嘅認識都有啲衝突，但經已係新一脫朋友慣用粵語書寫嘅一部分。當唔係照喜好，而係正式去分辨嘅時候，係咪話呢啲又要斬埋纜？

如果以政策版度傾過嘅意見講，可能真係會幾難解答到，但係呢度並唔係要粵圍去放棄。粵語嘅今日如此獨特嘅文法體系，正係有粵本身嘅堅守，夾埋外圍吸收到嘅唔同文化，先至得到咗喺世界如此不凡嘅地位。計返粵語行過嘅路，如果冇過中原人，百粵人，波斯同阿拉伯人，北人，蒙古人，旗下人（滿人），南洋人，東洋人，仲有好多可能經已唔知去咗邊嘅族群，就唔會有而家嘅粵文化圈。呢個係客觀上講嘅，因為變遷入邊，每個有過影響嘅族群同文化，都係搭起粵個朵嘅一部分。唔論係文言、白話、官話或者土談，都係粵圈吸收咗嘅一部分，而粵啲本色一路仲有大家堅守落嚟。相信大浪中，粵圍仲係可以繼續書寫自己，立足根基，保持堅守、開放同多元一齊行，粵文係會繼續到落去。

對粵語同文嘅書寫，如果有乜唔同嘅諗法，都可以呢度講下，最緊要係集思廣益，話唔定有得再助呢度嘅繼續發展。——Longway22 (傾偈) 2020年6月4號 (四) 03:06 (UTC)

• 三及第好得意，可惜冇人用。所有話都係佢改變之中，廣東話亦都唔例外（e.g.認真考証 "將"軍澳、"張"保字洞, 為什麼一個是"TS"eung, 一個是"CH"eung?），更可惜就係，老一輩嘅用詞，唔少喺消失之中（e.g. 兵房、黃䘆、四腳蛇），外來話呢，睇到一篇[1]，幾趣緻...--WikiCantona (傾偈) 2020年6月8號 (一) 23:45 (UTC)

事務員申請

User:WikiCantona提名咗我做事務員，討論開始咗頭幾日都未有其他人參與，所以冒昧喺度灌一灌水，邀請大家去Wikipedia:申請做管理員#Deryck_Chan畀啲意見。翹仔 (傾偈) 2020年6月11號 (四) 17:33 (UTC)

• 再推。未出聲嘅，記得去啦。--WikiCantona (傾偈) 2020年6月21號 (日) 02:42 (UTC)
  • 推埋最後呢次，下個禮拜就一個月屆滿，希望多啲人過去俾意見。翹仔 (傾偈) 2020年7月2號 (四) 21:51 (UTC)

呢句嘢嘅出處

有冇人知呢句嘅出處同原文：『所有歷史都係假嘅除咗地點同時間，所有文學故事都係真嘅除咗人名』？--WikiCantona (傾偈) 2020年6月21號 (日) 02:41 (UTC)

@WikiCantona：南懷瑾。[2]唔重要嘅人 (傾偈) 2020年6月21號 (日) 16:08 (UTC)