Wikipedia:申請做管理員/恐狼博士

加新連結
出自維基百科，自由嘅百科全書
以下嘅討論係一個成功申請做管理員嘅歸檔。請唔好再修改佢。

恐狼博士[編輯]

表達你嘅意見 (討論頁)

最後結果 (5/0/0) ，於 2018年6月9號 (六) 16:20 (UTC) 結束

恐狼博士（留言 | 貢獻） - 相信大家都睇過恐狼博士寫嘅文，因為佢呢一年幾寫咗唔少有關自然科學同埋粵地文化嘅高質文，當中嶺南文化同香港文化仲升埋做正文，飛蛾最近又上咗頭版。恐狼博士以前又叫Prince-of-Canton，自從加入粵文維基百科以來，積極寫文、積極參與討論。我哋上次推舉編者做管理員已經係年幾前嘅事，係時候搵下新血加入，所以我想推薦恐狼博士做管理員。恐狼博士話佢如果大家支持佢做管理員，佢會繼續寫好文，提升粵文維基百科嘅質素。我相信升佢做管理員，多雙手肯定更好辦事，希望大家支持。 翹仔 (傾偈) 2018年5月7號 (一) 14:52 (UTC)[回覆]

候選人，請確認接受提名：

恐狼博士確認接受提名。恐狼博士 2018年5月8號 (二) 00:01 (UTC)[回覆]


問候選人[編輯]

候選人你好，多謝你貢獻維基百科。請你答幾條問題，可以做到其他利用者嘅指引：

1. 你想做邊種操作員(sysop)嘅工夫？
A: 我想幫手保護啲文。根據我嘅理解，管理員有權限喺啲文受破壞嗰陣幫手快速復原，尤其係我寫嗰啲文當中有一啲屬於比較高危，易受破壞嘅，例如係《進化》同《生命》呀咁。恐狼博士 2018年5月8號 (二) 03:16 (UTC)
2. 你響維基百科有冇一啲特別滿意嘅貢獻？噉又點解呢？
A: 目前為止，我個人最滿意嘅作品係《進化》，因為三個原因：（1）我覺得篇文做到「由淺入深」，我覺得成篇文都好有邏輯，由最淺白嘅 idea 開始，近乎個個 idea 都係 logically 咁跟住之前嗰個嘅，我認為呢點對於一篇維基文嚟講好緊要，因為要咁先至可以令到大眾讀者都睇得明，相反好似係英維嗰篇《Quantum mechanics》咁，佢一開波就講個理論嘅歷史，又冇乜嘢 transition，我相信一個冇返咁上下物理修為嘅讀者睇咗佢都重係一頭霧水，相比之下，粵維篇《進化》做到由淺入深，而且個個 idea 之間都有 transition，我相信一個初中生都會睇得明；（2）我覺得呢篇文係多人關注、有影響力嘅，進化論係一個好緊要嘅科學理論，對於好多人嚟講都 relevant，由佢個 talk page 嗰度都睇得出佢係一篇多人留意嘅文；（3）我個人從來都覺得進化論係一個好出色嘅科學理論，連我家陣做緊嗰啲 research 都會間中用到，所以寫呢篇文滿足到我作為一個科學家想 share 自己啲諗法嘅意欲。恐狼博士 2018年5月8號 (二) 03:14 (UTC)
3. 你編輯嗰陣有冇遇過分歧，或者受過其他維基友壓力？你點處理？
A: 我編輯嗰陣時又未至於遇到壓力，但係分歧的確試過。喺有分歧嗰陣，我偏向會睇邊一方嘅意見比較能夠令到粵維資訊更加豐富得嚟又合乎維基「客觀」同「政治中立」嘅原則。如果對方提出嘅意見係合乎呢啲原則嘅，我會跟從。例如係有人喺《瓢蟲》篇文個 talk page 度提我話喺廣州同香港有人叫瓢蟲做「金龜」，又或者係有關《蝴蝶》喺 telegram 嗰度有人提我話蝴蝶喺廣東話有個舊名叫「崩紗」，我都係聽從佢哋嘅意見，因為佢哋嘅提議幫手加到多啲資訊，又合乎維基嘅原則；另一方面，喺「唐人文化主題」嗰個 Template 嗰度，有人提議加「回族文化」落去，但係我自己上網查咗啲有關回族人嘅嘢，留意到啲人對「回族人算唔算漢人/華人」呢個問題意見有好大分歧－即係話，我哋就咁加「回族文化」落去「唐人文化主題」嗰度嘅話，我認為會有違反「唔可以加個人意見」呢條原則之嫌，所以最後我反對做呢樣嘢。總括嚟講，喺編輯上有分歧嗰陣，我傾向睇邊一方嘅意見最能夠「令到粵維資訊更加豐富又合乎客觀同政治中立嘅原則」嚟決定企邊一面。恐狼博士 2018年5月8號 (二) 04:15 (UTC)
4. 我睇到你寫文好用功，好畀心機。試想：你寫文好啱啱寫好一篇好嘢，有另一位維基友，唔停咁改「你」嘅文，有啲有理，有啲吹毛求疵，有時討論冇禮貌，寸寸貢咁。請問閣下會點處理呢？--WikiCantona (傾偈) 2018年5月9號 (三) 08:48 (UTC)[回覆]
A: 我了解一樣嘢：我啲作品雖然好多時大半都係由我寫，但係佢哋嘅使命係要喺廣東話族群入面提供準確嘅資訊，所以有其他人改我啲作品嘅時候，如果佢哋嘅 edit 係合理、可以令到篇文提供更多資訊嘅，我絕對會接受。如果有你講嗰種情況嘅話，我會咁樣做：(1) 嗰個維基友啲 edit 當中，合理嗰啲我會全盤接受；(2) 對於比較有爭議性嗰啲 edit ，我會喺篇文個 talk page 嗰度同其他管理員傾；(3) 至於嗰個維基友嘅禮貌，我會喺佢個 user talk page 嗰度同佢傾，但係我相信「接唔接受一個 edit」應該純粹取決於一個準則－睇嗰個 edit 係咪能夠令到篇文提供到更多準確嘅資訊。無論嗰個維基友幾冇禮貌，如果佢個 edit 係合乎呢條準則嘅，我都覺得應該接受呢個 edit。恐狼博士 2018年5月9號 (三) 10:26 (UTC)[回覆]
5. 對於啲「破壞者」，你會點對付？不如講得實質啲，有某位維基友仔，初浮頭時做吓 edits，冇乜特別，之後慢慢改改係啲嘢就有得拗，幾 controversial，有啲顯然就錯嘅；佢好有觀點取向，之後就討論到㷫烚烚，間唔中會人身攻擊，而最重要係好堅持，人地改咗佢嘅嘢，佢一定改返轉。個問題畀你嘅係：你會出乜招數化解呢（你做咗 SysOps）？【註：以上講唔係特定一人，只係由經驗嘅 extraction】--WikiCantona (傾偈) 2018年5月10號 (四) 13:01 (UTC)[回覆]
A: 我會咁做：首先我會喺 Telegram 嗰度同其他管理員講，話有個人喺度搞搞震，如果大家有個共識覺得呢個人真係有問題嘅話，我會以大家嘅名義 send 個警告畀佢。如果兩三次警告之後佢都重係咁嘅話，我會同其他管理員傾，睇吓使唔使 block 佢個 IP。恐狼博士 (傾偈) 2018年5月10號 (四) 13:29 (UTC)[回覆]
意見:我個人相信，Bad guys may not be necessarily bad. 有觀點取向係好事，只係一味堅持先係問題；粵文維基重係細，有多條友肯嚟玩，係好事。--WikiCantona (傾偈) 2018年5月12號 (六) 00:27 (UTC)[回覆]
@WikiCantona 了解。恐狼博士 (傾偈) 2018年5月12號 (六) 04:01 (UTC)[回覆]

一般意見[編輯]

請畀建設性同有禮嘅評論。如果你對嗰位被提名者唔熟嘅話，請響提出意見之前睇過Special:Contributions/恐狼博士先。

討論[編輯]

  • 我提兩個問題。
    1. 點解你轉account嘅？
    2. 你對於管理員嘅各項權限同職能係咪熟悉？請簡略講下你嘅了解。--Roy17 (傾偈) 2018年5月8號 (二) 01:59 (UTC)[回覆]
    • @Roy17 有關閣下嘅提問：
    • 1）我嘅諗法不嬲係想我個 account 名能夠代表到我寫啲乜嘢文。我一開頭嗰陣係想寫一啲文化方面嘅文嘅，尤其係粵文化，因為我相信認識粵文化幫到保護廣東話。但係日子耐咗，我就發覺文化嘅嘢我根本唔係好寫得嚟，而寫科學嘅文我就得心應手－我估咁係因為我係讀理科嘅。於是乎我決定改行寫科學文，所以就換過個 account，改返個比較似「寫科學文嘅人」嘅名。我主力係生命同行為科學，個人鍾意犬科動物，恐狼係一種比較少人識嘅遠古犬科動物，再加上我而家讀緊博士，所以就諗咗個名－恐狼博士。恐狼博士 2018年5月8號 (二) 03:27 (UTC)
    • 2）我讀咗《Wikipedia:管理員》嗰一頁。我了解到管理員嘅權限包括咗保護頁面、刪除同反刪除、一撳復原、有得回復破壞唔使喺最近更改嗰度 show、封鎖同解封、重有係設計同埋修訂介面嘅用語等等。簡單啲講，我理解管理員嘅主要職責係保護啲文同確保佢哋合乎維基「中立」同「客觀」等嘅原則。恐狼博士 2018年5月8號 (二) 03:58 (UTC)
  • @Deryck Chan：請問，呢一項管理員任命有冇自動卸任日期嘎？--Roy17 (傾偈) 2018年5月8號 (二) 16:53 (UTC)[回覆]

支持

  1. 候選人接受咗提名，提名人自然要舉手支持。 翹仔 (傾偈) 2018年5月8號 (二) 09:28 (UTC)[回覆]
  2. 支持。同佢傾過下偈，起碼係個靠譜嘅人，可能有時寫嘢唔會寫得咁齊，或者出少少錯，但佢肯聽意見，我認爲呢個係極關鍵嘅質素，尤其是管理員，唔聽勸嘅人，坐呢個位會好牙煙。而且睇佢論述，有條理，有邏輯，冷靜睇嘢。我推崇理性，我認爲理性處事、酌情處事，係做管理嘅兩大原則，既然佢人有噉樣品素，何妨唔支持佢呢？所以我投贊成票。--S7w4j9 (傾偈) 2018年5月8號 (二) 09:38 (UTC)[回覆]
    • 【離題】「靠譜」，好ang2耳，廣州人請講廣州話。Emoji u1f601
    仲有「品素」、「何妨唔支持佢呢？」。ROFL--Roy17 (傾偈) 2018年5月10號 (四) 10:00 (UTC)[回覆]
  3. 十卜，User:恐狼博士，一直寫好多文，長而準，參攷詳細，好認眞，又主動去搵人畀意見，精益求精。喺其他 SysOps 嘅工作就係展望之中，即係希望 User:恐狼博士，幫手保護啲文之餘，亦可以幫手執頭執尾。佢嘅歷嚟表現，值得呢度嘅街方信任，委以重任，冇問題。--WikiCantona (傾偈) 2018年5月12號 (六) 00:18 (UTC)[回覆]
  4. 【支持】不過博士似乎對維基各項功能未玩到熟，恐怕仲需要一d時間熟習。--Roy17 (傾偈) 2018年5月30號 (三) 15:19 (UTC)[回覆]
  5. 支持。睇佢寫咗好多同科學有關啲正嘢文，都無妨試下嘅。--PQ77wd (傾偈) 2018年5月30號 (三) 22:03 (UTC)[回覆]

反對

中立

以上有關做管理員嘅討論係有關哩個討論嘅歸檔。請唔好再修改佢。之後嘅評論應該要喺相關嘅討論頁（例如喺哩一項提名或者喺被提名嘅用戶中）。唔好再喺哩一頁再做任何嘅編輯。
由「https://zh-yue.wikipedia.org/w/index.php?title=Wikipedia:申請做管理員/恐狼博士&oldid=1200541」收