五十年不變

2047年香港特別行政區前途問題

香港特別行政區 – 2047年7月1號

距離依家重有8274日

用當地時間嚟計

2049年澳門特別行政區前途問題

澳門特別行政區 – 2049年12月20號

距離依家重有9177日

用當地時間嚟計

五十年不變，係指中華人民共和國（下稱中國）前話事人鄧小平喺1984年提出嘅方針。根據「五十年不變」方針，香港、澳門特別行政區承諾回歸後保持原有制度唔變嘅時間分別去到2047年6月30號、2049年12月19號，所以衍生出「2047年香港前途問題」同「2049年澳門前途問題」。

理論定性同埋事實落差

理論來歷

傳言係鄧小平發明一個政治宣傳口號，目的可能只係暫時安撫因當時中國局勢而害怕中國嘅香港中產，特別係班有錢佬咪走。中國大陸教材認爲，根據鄧小平理論，五十年後都無必要改變指示，原則上2047年、2049年以後港澳特區限於經濟同埋體制都同之前一樣，保有「高度」自主。但事實上，歷任中共高層同埋特首對「五十年不變」都無統一定義，從未有任何中方文件清楚列明2047年之後香港會點。

法理表述

根據《中英聯合聲明》第三條同附件一，香港自1997年7月1號後將按照《基本法》確保香港實行一國兩制、資本主義制度，達成字面上「港人治港，高度自治」實況，社會同埋生活上保持五十年不變。基本法第5條規定「香港特別行政區不實行社會主義制度和政策，保持原有的資本主義制度和生活方式，五十年不變。」

港人理解生活方式

睇埋：港中矛盾

參考新聞工作者就黑心食品作記錄，香港食品安全事件問題上

本土風情同北方衝擊

睇埋：香港旅遊業、水客、港澳個人遊同電話騙案

政治集會同抗爭文化

睇埋：2003年香港七一遊行、七一遊行、2020年香港立法會選舉民主派初選、47人案同蘋果日報同壹週刊停刊事件

部份香港人對於1997前後，政治活動係咪五十年不變之「誤解」。自2019年反送中運動，到武漢肺炎殺到，林鄭政府開始利用「防疫」阻礙舉辨六四晚會。到中國政府強推《香港國安法》同埋立《23條》，好多時六月四號當日維園比親中團體租走，或有「活動」。同以前一直由支聯會租場唔同啦。而且支會無啦，人拉得就拉，走得就走。市民單獨上街悼念六四事件會有差人帶上警車，之後點同告咩，報紙無交代。

香港粵語同普通話化

睇埋：普教中

外國貨同大陸貨

睇埋：水貨、假貨同黑心食品

香港工業活動自香港開埠後英國統治下一一起步並成名國際。之後香港受中國遷民潮影響，又經過香港嬰兒潮，面對生活成本上升、大城市發展，本土經濟慢慢轉型。農業、重工業等工業開始「北上」，將難以再自給自足。單就香港供水，就開始依賴東江水；糧食等工業產物購自全球，近年因應中國大陸經濟發展，成本較發達國家如歐美地區更低，「中國製造」產品同埋佢對香港影響都日漸增加。

參考黑心食品年表，香港食品安全事件問題雖有嚴格把關，見報率比兩岸三地罕見，但係近年報導有上升情況，而多數同大陸黑心食品有關，健康食物鏈受危。

睇埋

• 一國兩制、香港前途問題
• 香港特別行政區基本法、澳門特別行政區基本法
• 日落條款
• 中英聯合聲明、中葡聯合聲明
• 香港移民潮