豬腸粉
出自維基百科，自由嘅百科全書
-
注意：呢篇寫嘅唔係粉腸。
豬腸粉係一種米漿做出來嘅食物，係廣東小食。米漿蒸過之後變成膜，卷好之後就好似豬腸，所以就叫做豬腸粉[1][2]。不過家下多數簡稱腸粉，甚至簡到叫腸。原來腸粉係無包料，一般叫佢做齋腸。包上唔同配料，就變成唔同嘅腸粉，好似蝦米腸、蝦腸、牛肉腸、叉燒腸等。豬腸粉好多賣廣東菜嘅地方都有得賣，例如粥麪舖、街邊檔、大排檔、酒樓、茶樓咁。
齋腸本身無乜味，所以食嗰陣會加上唔同醬來調下味。成日見到嘅有甜醬、混醬、辣醬、豉油，有時重會加芝麻。蝦米腸通常係再煎來食。而其他腸因為已經有料鮮味，就只係加豉油來食。
1990年代開始，香港酒樓加一味炒腸粉嘅菜式，通常係加入XO醬，當一般炒粉麪來賣。
[編輯] 整法
幾十年前開始，豬腸粉係將米漿置於特製的多層蒸籠中或布上逐張蒸成薄皮。捲成卷狀切粒就變成豬腸粉。
齋腸、蝦米腸因為餡少，所以卷出來就好似一條條圓柱。而其他嘅餡多，就會卷到扁平。
[編輯] 參考
