3月10號

3月10號係公曆年嘅第69日（閏年第70日），離年尾重有296日。

呢幾年嘅今日

大件事 [編輯]

1912年：袁世凱喺北京宣誓做中華民國臨時大總統。
1922年：甘地喺印度被捕，煽動叛亂罪受審，判咗六年，坐咗近兩年因為橫丫腸手術放返出嚟。
1956年：英國皇家飛機製造廠嘅飛行員駕駛一架噴射戰鬥機，喺三萬八千尺嘅高空，創出時速1132英哩當時最快嘅飛行紀錄，比舊世界紀錄快三百幾英哩。
1959年：西藏暴動／起義 - 驚達賴喇嘛會俾中國政府捉走，300,000 西藏人圍住布達拉宮。
1988年：中國第一名試管嬰兒喺北京醫科大學第三醫院出生，係一名女嬰，重3.9公斤。
1992年：香港九龍深水埗發生械劫案，八個持槍悍匪配備手榴彈，接連打劫兩間金舖，搶走大約六百萬港元嘅金飾，其間重向警員開咗五十幾槍，匪徒同警員一輪追逐，三個警員受咗傷。劫匪其後喺畢架山棄車逃走，警方喺車上救出兩個人質，同埋搵到三枚手榴彈。
2005年：香港特首董建華話會辭職。