阿富汗

阿富汗
[[File:|border|150px]] [[File:|100px]]
屬地（實轄）
幅員 國土：652,864平方公里（世界第40名） 水域：0%
首都	喀布爾 33°N 66°E
最大城市	喀布爾
時區	UTC+4:30
國民
人數	以下係2020嘅估計數字 人數：32,890,171（世界第43名） 人口密度：48.08/km2（世界第174名）
官方語言	波斯話（達利話）、普什圖話
主要節日	獨立日：1919年8月19號（喺英國控制下獨立）
政制
經濟
GDP（購買力平價） 以下係2018嘅估計數字 總計：729.11億美金（第96名） 人均：2,024美金（第169名）
GDP（國際匯率） 以下係2018嘅估計數字 總計：216.57億美金（第111名） 人均：493美金（第177名）
HDI 以下係2019嘅估計數字 ▲ 0.511（第169名）－低
貨幣	阿富汗尼（Af）=100普爾
堅尼系數	▼ 0.278
資訊
國家代碼	AF
國際域名縮寫	.af
國際電話區號	+93

其中一座巴米揚大佛，阿富汗文物

阿富汗（粵拼：aa3 fu3 hon6，普什圖文/波斯文：افغانستان），係亞洲中西部一個內陸國。有人將佢歸入中東地區，亦有人將佢歸落中亞或者南亞。佢北面有塔吉克、烏茲別克、土庫曼，西面有伊朗，南部同東部係巴基斯坦，東北部有好窄窄嘅一條走廊同中國西北嘅新疆接壤。領土總面積大概係65.3萬平方公里，五分之四係山同高原，得五分之一係平原。

阿富汗係一個多元民族嘅國家，境內有成四十幾個民族，總人口超過3400萬，其中普什圖人佔42%、塔吉克人佔33%、烏茲別克人佔9%，另外重有第啲少數民族，好似土庫曼人、哈扎拉人、曲爾阿馬克人、努里斯坦人、俾路支人、吉爾吉斯人等等。阿富汗以伊斯蘭教作為國教，其中90%係遜尼派，剩低係什葉派。

1919年8月19號，第三次英阿戰爭之後，阿富汗時任埃米爾阿曼諾拉汗宣佈阿富汗正式獨立，建立阿富汗王國，係呢個地方最後嘅穩定時期。直至1973年，阿富汗王國響一次政變期間畀人推翻，阿富汗共和國正式建立，阿富汗開始咗長年打仗嘅時代。1979年，蘇聯入侵阿富汗，阿富汗民主共和國成立。1990年代，武裝組織塔利班崛起。2001年，911事件之後，美國發動阿富汗戰爭。長期嘅戰亂、內陸國家嘅處境、山多而交通唔方便、落後嘅教育，都令到呢個國家民生凋敝，國民嘅生活質素好低。2014年阿富汗嘅人類發展指數係得0.465，喺全世界嘅國家之中排第171位，接近包尾。

2021年8月16日，塔利班攻陷阿富汗嘅首都喀布爾，8月19號晏晝，重將國號變番「阿富汗伊斯蘭酋長國」。2021年9月6日塔利班宣布，攻陷最後一個反塔利班組織據點，控制阿富汗全境。而家阿富汗伊斯蘭酋長國仍未俾國際普遍承認，阿富汗伊斯蘭共和國仍喺聯合國代表阿富汗。

名

阿富汗，舊日「阿」讀做「柯」，因為「阿」喺粵語一路都係讀「柯」音，而「阿富汗」呢個名係由北方話譯出嚟，無顧及到粵語嘅讀音。今時今日為咗貼近原音，多數都將「阿」讀做「亞」去配合。

史

阿富汗，希臘人隨亞歷山大大帝東征，去到印度就停，人留在此。史書稱為大夏。及後大月氏西遷，入大夏，當地人結合，終於變成貴霜國。貴霜月光王信佛教，南北征伐，深入印度。印度佛教原本唔興造像，然而結合希臘人造像，巴米揚大佛由此而來。佛教亦有所改變，變成大乘佛教。王結集僧侶造經，派僧人四出傳播佛教，入到西域，最後到中原。

地理

城市

内文：阿富汗城市一覽

國歌

内文：阿富汗國歌

​自塔利班喺2021年重新掌政，阿富汗嘅國歌係《呢度係勇士嘅家園》。

經濟

阿富汗即使去到21世紀仲以傳統農業社會為主，百姓以獸類作生產力來源而少見機械或者汽車

阿富汗嘅紡織廠

戰後西方數以百億美元嘅國際援助農業嘅恢復，同埋市場機制嘅重新建立令到經濟有所恢復，但係多數人仲係赤貧狀態，塔利班組織依然掌控西南部大片領土，無人敢涉足呢一區域亦無經濟活動。依家較高端商業投資僅限喺首都有軍力保護嘅幾個商業區，其他地區依然係小農經濟狀態，高度依賴外援。地理位置處於內陸、唔近海域，先天注定咗貿易不暢，亦係長年貧困嘅原因。

毒品

收獲嘅罌粟果實

阿富汗係金新月地帶主要嘅鴉片生產地，喺1992年開始（除咗喺2001年塔利班對鴉片下禁令之外），超越咗拉丁美洲地區、金三角等成為世界鴉片生產第一大國。根據統計，2007年世界市場嘅92%非藥用鴉片嚟自阿富汗。阿富汗亦係世界上最大罌粟種植國之一，全國大部分省都有罌粟種植，佢面積好廣泛。喺塔利班對鴉片落咗禁令前嘅7年間（1994-2000），阿富汗大約200,000戶家庭依靠種植鴉片獲得收入。同時，阿富汗亦係世界第一大大麻生產國。

• 
  阿富汗2001出口貿易比例
• 
  阿富汗2001進口貿易比例
• 
  阿富汗罌粟種植面積，1990–2013（公頃）

旅遊

赫拉特嘅大清真寺

飽受戰亂嘅阿富汗由於國內安全問題，每年去阿富汗嘅外國遊客數量極少。依家大部分遊客集中喺首都喀布爾同巴米揚地區，同埋阿富汗西部嘅赫拉特。物資極度匱乏亦造成咗旅遊設施落後，住宿費用亦變得好貴。

• 阿富汗國家博物館

出面網頁

• 阿富汗嘅官方網站
• 〈国家概况 — 中华人民共和国外交部〉 (簡體中文)。中華人民共和國外交部。
• 〈阿富汗伊斯蘭共和國 Islamic Republic of Afghanistan - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Afghanistan - United States Department of State" (英文). 美國國務院.
• 阿富汗喺中央情報局《世界概況》嘅資料 （英文）
• 〈アフガニスタン・イスラム共和国 ｜ 外務省〉 (日文)。日本外務省。
• "Afghanistan - Department of Foreign Affairs and Trade" (英文). 澳洲外交貿易部.