鯉魚門
22°17′2.5″N 114°14′18.9″E / 22.284028°N 114.238583°E
鯉魚門（粵拼：lei5 jyu4 mun4；英譯Lei Yue Mun，Lyemun，Lye Moon Passage，Ly-ee-moon Passage，Li-yee-mun）係香港一海門，係維多利亞港近九龍灣東面出口，向東通出去大東門同佛堂門出南海。鯉魚門隔開香港島東部同九龍半島東部。
鯉魚門海道本身，佢兩岸嘅地都叫鯉魚門。
名
[編輯]
顧名思義，同鯉魚有關。
海道
[編輯]鯉魚門係海門，水道較窄，兩面通海，洋面較闊。東面係將軍澳洋面，而西面係九龍灣洋面。英人到港初期，叫中環附近水域爲維多利亞港，之後港向伸到鯉魚門，所以家下係維多利亞港東界，係出入港嘅大門。
香港島
[編輯]香港島鯉魚門，行政上屬東區，佢西面係筲箕灣同阿公岩，東面係杏花邨同柴灣。呢度曾經係香港海防要塞。喺第二次世界大戰嗰陣，香港保衞戰裏面，日軍曾經猛烈攻擊鯉魚門。要塞設施，後尾改做香港海防博物館，而原本嘅鯉魚門軍營，大部分就改做鯉魚門公園及度假村。
九龍
[編輯]
九龍鯉魚門，行政上歸觀塘區，喺油塘同三家村東南一帶。有時唔單止指海門岸邊，行政上，重會包埋三家村到調景嶺一帶，按時代唔同而變。鯉魚門以漁港出名，遊客來食海鮮，同香港仔咁出名。唔少外國遊客都會嚟試吓香港海鮮小菜。呢度一共有四條村，分別係嶺南新村、三家村、鯉魚門村同馬環村。旅客嚟到鯉魚門，除咗品嚐美味海鮮外，亦可以沿著大路去燈塔同鯉魚門天后廟呢啲歷史建築物遊覽，重可以近距離欣賞維多利亞港景色。
食
[編輯]鯉魚門村，有超過百五年歷史。舊時，村民大部分耕田、打魚同採石。到咗1960年代，鯉魚門開始有酒家，慢慢變成為海鮮酒家集中地。
1992年，鯉魚門海鮮舖，首次舉辦鯉魚門海鮮節，推廣地道美食。時至今日，海鮮節已成為鯉魚門一年一度嘅盛事，喺呢個節日，唔單只有中國戲曲同舞獅表演，鯉魚門酒家亦有宣傳活動。
鯉魚門眾多海鮮酒家之中，除咗有加入新派海鮮食肆之外，重有老字號嘅海鮮酒家，人客可以去魚檔買海鮮到酒家煮。
行政分區
[編輯]九龍方面，鯉魚門亦當係行政分區，地域有好大轉變。
香港開埠初期到1980年代初，因為將軍澳未填海，行政上鯉魚門版圖，比而家大，當中包括今日嘅調景嶺地區。
出名地點
[編輯]香港島方面：
九龍方面：
交通
[編輯]主要交通幹道（九龍）
[編輯]主要交通幹道（新界）
[編輯]公共交通
[編輯]香港島方面：
九龍方面：
參考
[編輯]睇埋
[編輯]