Talk:龍與地下城

頁面內容唔支援其他語言。
出自維基百科，自由嘅百科全書

@Lpt426： 我係噉諗嘅：粵文個原意係想要貼近廣東話口語；我睇到粵人平時講嘢都成日會夾雜咗啲「英文字」，例如我估香港人玩 D&D 嘅話真係會直接開口嗌隻 gem1 做「di1 en6 di1」，而講借詞嗰篇文已經提到，呢啲噉嘅口語字可以當成「未有漢字寫佢哋嘅英文借詞」；我一路都好想搵啲方法寫呢啲噉嘅「粵-英字詞」。

  • 之前我個做法係喺啲英文字詞上面標粵拼，但你似乎對呢種方法反感，而我都覺得噉嘅做法望落有啲似「無啦啦喺度教英文」。
  • 如果我用而家呢種新做法－喺文頭嗰度講明「個英文名可以粵化做...（跟住出粵拼）」，然後喺文入面用隻英文字，當正佢係「未有漢字寫嘅借詞」。噉你覺得會唔會好啲？Dr. Greywolf (傾偈) 2023年2月21號 (二) 00:06 (UTC)[回覆]

@Deryck Chan、Jeffrey Kim、WikiCantona、Shinjiman、Pokman817： @H78c67c、PQ77wd、SC96、Kowlooner、Matttest、Detective Akai、XRTIER： @Z423x5c6、Rainpong、HenryLi、Alfakwan、特克斯特、Universehk： @Al12si、Mikedou、Geistory317：

@Dr. Greywolf：我會建議將「當中 D&D 可以粵化做」呢句刪去，呢個真係核突。粵拼方面我唔了解，但我認為如果英文都搞粵拼唔係咁好，反而「龍與地下城」呢個名寫粵拼就ok。我會建議「D&D」就當英文名咁處理。Akai 博士 (傾偈) 2023年2月23號 (四) 12:02 (UTC)[回覆]
  • 其實你知我好憎粵拼，我喺度用粵拼只係因為爾度係用粵拼。黃錫凌式音標你可以話係廿世紀初嘅產物，你可以話佢難打，可以話佢有缺字問題，可以話佢冇得分大細楷係白痴，但係技術上你要擴展佢係有可能嘅，因為佢本身已經係 IPA，有機制將啲粵化咗嘅拼法還原；粵拼喺差唔多2000年先發明，居然設計到大量口語有嘅實際音拼唔到，我覺得根本係不可原諒。喺語言學嘅角度（ok, 我只係讀過一科 bird course，我係扮識）香港語有粵音化英文字根本係現實，整套拼音出來，但係拼唔到當時已經現有嘅借詞（甚至連絕對係純正粵語口語嘅 /ɛu/ 音都唔承認存在），我唔知佢哋當時恁乜。
我知用 IPA 有佢嘅問題（/x/ 係明顯問題，不過喺我嘅角度已經解決咗，當然仲有其他問題音），但係最近有啲標音真係有啲 man3。我知我自己都踩緊界，如果大家有共識，我自己都會收歛啲。Al12si (傾偈) 2023年2月23號 (四) 13:21 (UTC)[回覆]
  • 另外嘅一啲個人睇法：
借詞其實未必要有漢字，所以我唔認為 ｢未有漢字｣ 係問題；正如英文借法文字，而今已經連將佢哋嘅串法英文化都廢事。我知喺爾度咁講唔係主流睇法，但係喺語言學嘅角度（利申同上），native speaker 點講，就係事實；語言講嘅係 native speaker 嘅共識，香港人講、寫都用英文字（同粵化咗，明顯已經唔係英文嘅借字），英文字就事實上成為咗香港語（或者講香港粵語，yue-hk）嘅一部分，冇話有冇漢字，係咪 ｢外文｣（因為 ｢事實上｣ 爾啲字已經唔係外文，係粵語嘅一部分）；除非我哋學日文，寫到可以寫例如 ｢地下鐵（subway）｣ 咁（指：意思係 ｢地下鐵｣，但係要讀 ｢subway｣），硬推漢字根本冇得搞。
另外，原則上，如果有共識有咁嘅需要，我唔認為粵維用 ｢原創研究｣ 出來嘅標音係問題（上面講過，如果執正來講，我哋唔使講借字，粵拼係連純正粵音口語音都標唔到，我哋標得出 deu6 技術上已經係 ｢原創研究｣），真正問題只係我哋完全冇共識；北美爾便大量標音都係原創，香港統一用 IPA 其實係例外。我哋亦都唔會逐隻字標音，通常係乜都唔標，只係編輯覺得讀者會唔識讀或者會讀錯先會標。Al12si (傾偈) 2023年2月23號 (四) 21:16 (UTC)[回覆]
  • 對唔住又寫，但係淨係喺講緊嘅爾個問題而言，你知我原則上支持喺可能同有需要嘅情況下用粵拼標非粵音（理由喺用戶頁提過），你亦都見我淨係鏟咗你嘅標音一次，但係新寫法真係唔係咁好；太長，以前咁寫好啲。Al12si (傾偈) 2023年2月24號 (五) 00:04 (UTC)[回覆]
    • 啱啱改咗吓，噉你覺得點呢？Dr. Greywolf (傾偈) 2023年2月24號 (五) 00:26 (UTC)[回覆]
      以前你會寫 ｢類似粵拼｣，我覺得幾好。係唔係喺口語會講 di1 en6 di1 呢？我會覺得係（我唔知，我從來冇玩過，亦都冇朋友玩），換句話，如果口語真係咁講，就唔係 ｢可以粵化｣，而係事實上（de facto，喺語言學嘅角度，利申同上）已經粵化咗，標粵化音只係指出事實。
      但係其實根本問題唔係 ｢類唔類似｣ 甚至 ｢係唔係原創｣，而係夠唔夠膽公開承認粵語有外來字（就好似日文有外來語一樣）同公開指責粵拼根本喺設計上有基本問題。我之前有恁過其實應該整個模，指出例如 ｢口語讀音 xxx｣ 之類。
      我喺執樂器文嗰陣搵到過一啲錄影，入面嘅粵化英文音（係啲師傅教技工嘅課程片，平時係畀錢課程，咁啱 COVID 所以變咗上咗網）同真英文音差別好大，如果某日執到嗰啲題目，唔加返英文係呃人，唔指明粵化讀音係乜亦都係呃人。 Al12si (傾偈) 2023年2月24號 (五) 01:32 (UTC)[回覆]
      I mean，最簡單嘅例子，我哋粵語講 ｢sʰou1 kwo1 li2｣，漢字寫唔出（除非學日文，寫例如 ｢衒嘢（shou1 kwo1 li2）｣），咁係咪即係英文，甚至 ｢外文｣？（喺香港，英文從來都唔係外文。）但係英文絶對唔會咁講，所以唔係英文，係粵語；但係用正統，冇 ｢原創研究｣ 嘅粵拼根本拼唔出。喺發明粵拼之前已經大把人咁講，設計粵拼嘅人居然可以唔理爾啲音，簡直係匪夷所思。 Al12si (傾偈) 2023年2月24號 (五) 01:53 (UTC)[回覆]
  • 恕我保守，你問我意見，我就覺得係濫用粵拼。如果要標讀音，對漢字標題「龍與地下城」標粵拼已經足夠。英維都唔會特登為「D&D」標讀音。另外順帶一提，我明白頂標粵拼係慳位，但喺高解像度螢幕，粵拼就會變得好細，睇得幾辛苦。--Mikedou (傾偈) 2023年3月1號 (三) 11:42 (UTC)[回覆]
由「https://zh-yue.wikipedia.org/w/index.php?title=Talk:龍與地下城&oldid=1953838」收