User:Xwhitec/草稿
超音鼠騎士[編輯]
超音鼠騎士 | |
---|---|
ソニックライダーズ | |
Sonic Riders | |
遊戲標誌 | |
類型 | 競速遊戲 |
平台 | GameCube PlayStation 2 Xbox Microsoft Windows |
整 | Sonic Team Now Production |
發行 | 世嘉 |
制作人 | 湯田高志 |
總監 | 森本兼次郎 |
設計師 | 森本兼次郎 |
編劇 | 宮本裕司 |
程序 | 越田健一 |
音樂 | 澤田朋伯 床井健一 熊谷文惠 |
美工 | 森屋英明 |
系列 | 超音鼠系列 |
模式 | 單人、多人 |
發行日期 | GameCube、PlayStation 2、Xbox 北美:2006 年 2 月 21 日 日本:2006 年 2 月 23 日 歐洲:2006 年 3 月 17 日 澳洲:2006 年 3 月 23 日 Windows 北美:2006 年 11 月 16 日 歐洲:2006 年 11 月 24 日 澳洲:2007 年 2 月 8 日 |
《
呢個遊戲嘅發行紀念住超音鼠系列嘅 15 週年,亦係自 1997 年嘅《超音鼠 R》嘅第一個《超音鼠》競速遊戲。呢個遊戲亦係系列創作者之一中裕司最後參與開發嘅《超音鼠》遊戲。
呢個遊戲有兩個續集,分別為 2008 年嘅《超音鼠騎士零重力》同 2010 年嘅《超音鼠自由騎士》。
遊戲玩法[編輯]
《騎士》環繞住角色用稱為「極限裝備」(extreme gear)嘅反重力滑板、單車同溜冰鞋嚟比賽,玩家同其他 7 個人鬥快環繞賽道 3 次[1]。贏比賽嘅關鍵係螢幕右下嘅空氣罐(air tank),作為極限裝備嘅燃料,喺比賽過程入面會一直消耗[2]。角色亦都可以渦輪加速,加快空氣罐嘅消耗嚟換取速度突然爆發。如果一個玩家用渦輪加速嚟撞入另一個玩家,佢嘅角色會攻擊對方嚟爬頭[1]。
除咗渦輪加速之外,角色漂移同儲力跳亦都會加快空氣罐嘅消耗[3]。如果空氣罐消耗完嘅話,角色就會改用徒步跑,避免玩家渦輪加速、攻擊、漂移同儲力跳呢啲極限裝備先做到嘅動作[4]。玩家要補充返空氣嘅話有兩個方法:用賽道入面嘅加油站或者用斜坡同其他車手留低嘅滑流嚟表現特技,特技越高分,補充嘅空氣就越多[4]。
就好似大多數嘅《超音鼠》遊戲一樣,角色亦都可以喺賽道上收集金環,收集到足夠嘅金環嘅話就可以升級,提高力量同空氣罐容量。玩家亦都可以用比賽收集嘅金環嚟買新嘅極限裝備[3]。
遊戲嘅每個角色都有各自嘅數值,比賽表現亦會略有分别。角色分為 3 種,分別為速度、力量同飛行,各自都有唔同嘅能力。速度角色可以用佢哋嘅極限裝備嚟磨軌;力量角色可以打爛賽道上面嘅障礙;飛行角色可以用天空入面嘅加速環嚟加速[4]。每個賽道亦會設有每種角色先利用到嘅捷徑[4]。
角色[編輯]
玩家可以控制共 16 個角色,其中 13 個為《超音鼠》系列嘅角色,其餘三個為嚟自其他世嘉系列嘅客串,分別為嚟自《超級馬騮波》嘅 AiAi、嚟自《太空頻道 5》嘅 Ulala 同嚟自《飛天幽夢》嘅 NiGHT。
屬於《超音鼠》系列嘅 13 個角色為:
- 原有嘅角色
- Sonic the Hedgehog(超音鼠;ソニック・ザ・ヘッジホッグ)
- Miles "Tails" Prower(マイルス "テイルス" パウアー)
- Amy Rose(エミー・ローズ)
- Knuckles the Echidna(ナックルズ・ザ・エキドゥナ)
- Cream the Rabbit(クリーム・ザ・ラビット)
- Shadow the Hedgehog(シャドウ・ザ・ヘッジホッグ)
- Rouge the Bat(ルージュ・ザ・バット)
- 蛋頭博士(Dr. Eggman;ドクター・エッグマン)
- 《騎士》系列介紹嘅新角色
- Jet the Hawk(ジェット・ザ・ホーク)
- Wave the Swallow(ウェーブ・ザ・スワロー)
- Storm the Albatross(ストーム・ザ・アルバトロス)
- E-10000G
- E-10000R
故事[編輯]
故事喺巴比倫盜賊團(Babylon Rogues)嘅基地開始。盜賊團嘅領袖,Jet,喺佢間房入面欣賞開往巴比倫花園(Babylon Gardens)嘅鎖匙,一個據講可以解開佢哋巴比倫祖先嘅秘密嘅神器同傳家寶。蛋頭博士到訪,聲稱可以用混沌寶石(Chaos Emeralds)將巴比倫花園重新崛起,並徵求盜賊團幫手收集全 7 粒。盜賊團同意,但係喺偷咗第一粒寶石之後嗰陣撞見到搵緊同一粒寶石嘅 Sonic、Knuckles 同 Tails。主角三人緊追於後,但係盜賊團成功逃脫。第二日,Sonic、Knuckles 同 Tails 三人喺廣告牌上面見到蛋頭博士宣傳一個叫「EX 世界大獎賽」(EX World Grand Prix)嘅極限裝備比賽。參賽者需要提交一粒混沌寶石,而贏家會贏全 7 粒。當佢哋發現巴比倫盜賊團會參加嗰陣,三人決定參賽。
三人嚟到比賽會場嗰陣遇到 Amy Rose,並且同意俾佢加入。Sonic、Knuckles、Tails 同 Amy 同盜賊團比賽好幾輪。Sonic 喺最後一輪就嚟贏得第一名,但係佢嘅滑板被盜賊團嘅 Wave 特意破壞,令到 Jet 贏得比賽同全 7 粒混沌寶石。Jet 用混沌寶石結合嘅能量將巴比倫花園由地底掘起,諗住用佢手入面嘅鎖匙嚟解鎖巴比倫法院蘊藏嘅寶藏。但係,喺佢意識到之前,蛋頭博士已經乘機偷走咗個鎖匙。蛋頭博士發動佢嘅飛船前往花園;途中,佢嘅飛船被試圖阻住佢嘅 Amy 捉實。
Sonic 隨手攞起另一部滑板去追蛋頭博士;Jet 挑戰 Sonic 又一場比賽,鬥快阻止蛋頭博士。兩人到達巴比倫花園,發現蛋頭博士持劫 Amy 做人質。Sonic 同 Jet 結合佢哋嘅力量嚟拯救 Amy 同解開秘密嘅鎖匙。
Jet 用鎖匙解開花園嘅大門,盜賊團、Sonic、Knuckles、Tails 同 Amy 緊跟隨後,遇見巴比倫護衛(Babylon Guardian),一隻保護寶藏嘅巨怪。7 人合作打敗怪獸,導致一個寶藏箱出現。蛋頭博士再次出現,要求佢哋俾個寶藏佢。佢發現寶藏淨係一個地氈,極度困惑,當場暈低。Jet 用鎖匙令到地氈飛起,揭示地氈其實係一個早期嘅極限裝備。
Sonic、Knuckles、Tails 同 Amy 告別巴比倫盜賊團。Jet 答應以後會再同 Sonic 比賽。
參考[編輯]
- ↑ 1.0 1.1 Sulic, Ivan (2006年1月14日). "Sonic Riders Hands-On". IGN. 喺2024年4月23日搵到.
{{cite web}}
: CS1 maint: url-status (link) - ↑ Casamassina, Matt (2006年2月23日). "Sonic Riders". IGN. 原先內容歸檔喺2012年3月4日. 喺2018年5月5日搵到.
- ↑ 3.0 3.1 Kaluszka, Aaron (2006年3月30日). "Sonic Riders Review". Nintendo World Report. 原先內容歸檔喺2018年6月23日. 喺2024年4月23日搵到.
- ↑ 4.0 4.1 4.2 4.3 Navarro, Alex (2006年3月1日). "Sonic Riders Review". GameSpot. Fandom, Inc. 原先內容歸檔喺2018年6月23日. 喺2024年4月24日搵到.
超音鼠未知邊境[編輯]
超音鼠未知邊境 | |
---|---|
ソニックフロンティア | |
Sonic Frontiers | |
遊戲標誌 | |
類型 | 開放世界平台遊戲 |
平台 | 任天堂 Switch PlayStation 4 PlayStation 5 Microsoft Windows Xbox One Xbox Series X/S |
整 | Sonic Team |
發行 | 世嘉 |
制作人 | 飯塚隆 川村幸子 |
總監 | 岸本守央 |
編劇 | 伊恩.夫連(Ian Flynn) |
音樂 | 瀨上純 大谷智哉 |
系列 | 超音鼠系列 |
模式 | 單人 |
發行日期 | 2022 年 11 月 8 日 |
《
《未知邊境》喺 2022 年 11 月為任天堂 Switch、PlayStation 4、PlayStation 5、Windows、Xbox One 同 Xbox Series X/S 推出,評價褒貶不一。一方面,玩家稱讚遊戲嘅音樂、視覺同故事;另一方面,玩家批評遊戲嘅技術問題同比較簡單嘅戰鬥系統。儘管係噉,遊戲達到商業成功,截止 2023 年 3 月,遊戲銷量已徑達到 350 萬份。遊戲開售後年仲有 3 彈免費 DLC,分別為「春日嘅啟程」、「夏日嘅慶典」同「超.完全決戰」。
遊戲玩法[編輯]
《未知邊境》圍繞住一個較一貫嘅循環。玩家探索流星群島嘅 5 個島嶼,有兩個目的:拯救 Sonic 被困住嘅朋友同收集全 7 個混沌寶石(Chaos Emeralds)嚟打敗每個島嘅泰坦。
故事[編輯]
角色簡介[編輯]
Sonic the Hedgehog(超音鼠;ソニック・ザ・ヘッジホッグ)[編輯]
英文配音:羅渣.卡利加.史密夫(Roger Craig Smith);日文配音:金丸淳一
故事主角,性情開朗嘅一隻藍色刺蝟,世界上跑得最快嘅生物。由於佢速度非凡,Sonic 係唯一一個逃脫到數碼空間嘅人,喺成個故事間一直嘗試拯救佢嘅朋友。
Amy Rose(エミー・ローズ)[編輯]
英文配音:仙蒂.羅賓臣(Cindy Robinson);日文配音:川田妙子
Sonic 嘅朋友,一隻心地善良、一心追求 Sonic 嘅粉紅色刺蝟。雖然佢困住喺數碼空間入面,但係佢依然盡自己嘅能力幫身邊嘅人。佢揮舞住一個叫「Pico Pico 錘」嘅紅色錘,並具有用魔法塔羅卡嘅能力。
Knuckles the Echidna(ナックルズ・ザ・エキドゥナ)[編輯]
英文配音:戴夫.密曹(Dave Mitchell);日文配音:神奈延年
Sonic 嘅朋友,一隻熱血嘅紅色針鼴,亦係天使島(Angel Island)嘅唯一一個王者翡翠(Master Emerald)護衛。佢非常之大力,善於用佢嘅拳頭嚟戰鬥同打破障礙物。
Miles "Tails" Prower(マイルス "テイルス" パウアー)[編輯]
英文配音:歌蓮.奧所拿斯(Colleen O'Shaughnessey);日文配音:廣橋涼
Sonic 嘅朋友,一隻黃色嘅雙尾狐。佢係一個天才,年紀輕輕就成為咗一個智商高超嘅發明家,智力同蛋頭博士有得比。佢亦都可以將佢嘅兩條尾當直升機噉飛。
蛋頭博士(Dr. Eggman;ドクター・エッグマン)[編輯]
英文配音:米卡.波勒(Mike Pollock);日文配音:中村浩太郎
Sonic 嘅死對頭,一位智力高超嘅發明家,立志用佢嘅機械軍隊統領全世界。
Sage(セージ)[編輯]
英文配音:賴恩.畢利(Ryan Bartley);日文配音:林原惠(林原めぐみ)
蛋頭博士開發嘅人工智能。佢原本嘅用途係為蛋頭博士入侵流星島嘅數碼空間,性情冷淡,但係喺故事期間被 Sonic 同佢嘅朋友感化,逐漸建立人類化嘅感情。
Koco(ココ)[編輯]
配音:大津愛理
住喺流星群島嘅生物,呈圓形嘅迷你石像。隨住故事嘅發展,Sonic 同佢嘅朋友發現佢哋原來係已滅絕古人(the Ancients)曾經戴嘅幸運符,每隻 Koco 都含住各自古人未完成嘅遺願。
神秘聲音[編輯]
英文配音:仙蒂.羅賓臣、米卡.波勒;日文配音:高島雅羅、大塚芳忠
嚟自天空嘅一把神秘聲音,喺故事期間一直指引住 Sonic。
地點簡介[編輯]
《未知邊境》嘅故事喺流星群島發生。群島分為 5 個島,如下:
格羅諾斯島(Kronos Island;クロノス島)[編輯]
遊戲嘅第一個島,由綠色嘅草原同山丘組成,以希臘神話泰坦格羅諾斯命名。坐立喺呢個島嘅泰坦為 Giganto。
阿雷斯島(Ares Island;アレス島)[編輯]
遊戲嘅第二個島,由乾燥嘅沙漠同平頂山組成,以希臘神話戰神阿雷斯命名。坐立喺呢個島嘅泰坦為 Wyvern。島嘅北面有一個綠洲。
混沌島(Chaos Island;カオス島)[編輯]
遊戲嘅第三個島,由灰黑色嘅火山岩組成。島嘅中間坐立一個火山同一個俾霧冚住嘅窿。火山會喺島嘅後期爆發,導致窿上面嘅霧消散,揭開泰坦 Knight 嘅戰鬥場。呢個島嘅地形就好似佢個名噉,凹凸不平,島嘅外圍亦有較多嘅迷你島。
蕾亞島(Rhea Island;レイア島)[編輯]
遊戲嘅第四個島