Wikipedia:是日正文/2025年5月

出自維基百科,自由嘅百科全書
一幅典型嘅腦電圖。
一幅典型嘅腦電圖。

腦電圖神經科學心理學等領域上其中一種最常用嚟監察嘅活動嘅方法。原理簡單啲講係噉嘅:一個腦喺做親啲乜-包括記嘢諗嘢感知等等-嗰陣,佢裏面嗰啲數以億計嘅神經細胞都會係噉用好微弱嘅電流嚟互相傳訊號,電流改變會引致電壓嘅改變,而唔同嘅腦活動所牽涉到嘅資訊都唔同-所以當一個腦喺做唔同嘅工作嗰時,佢入面嗰啲電流同電壓改變嘅規律都會唔同樣。

腦電圖對科學研究嚟講相當有用:研究者可以用非入侵性嘅做法,將一啲電極黐喺個受試者嘅頭皮表面嗰度,靠噉嚟量度吓塊頭皮嗰度有嘅微弱電壓-微弱到通常以微伏特(μV;1 μV 相當於 10-6 伏特)嚟計嘅,亦都可以用入侵性嘅手法-通常係開刀,將啲電極植入去個受試者嘅頭殼入面嚟度電壓改變,後者呢種做法喺用人類以外嘅動物做測試嘅研究當中比較常見。無論用咗邊種做法,呢啲電極嘅量度會得出一大柞 值,當中 指「位置 喺時間點 嘅電壓」,呢啲數據會提供一幅腦電圖:一幅腦電圖條 X 軸時間,而 Y 軸係微電壓,會俾研究者清楚睇到個頭每一個量度咗嘅位置嘅微電壓隨時間嘅改變,然後研究者可以睇吓呢啲電壓嘅改變規律同個腦做緊啲乜係咪有相關。

喺實用上,腦電圖對醫學嚟講都有價值:腦電圖成日都俾神經內科醫生攞嚟診斷包括發羊吊睡眠障礙中風呢啲涉及個腦嘅,因為過往嘅研究清楚噉表明咗,同個腦有關嘅病會搞到病人嘅腦電活動異常;另一方面,腦電圖亦都可以反映一個病人有幾清醒,醫生可以用腦電圖斷定一個病人係唔係進入咗麻醉昏迷或者腦死等嘅狀態。 (成篇文章……)

以前嘅正文: 神經細胞電子遊戲人工智能生物學