神經膠質細胞

染咗紅色嘅大家鼠膠質細胞

膠質細胞gaau1 zat1 sai3 baau1（英文：glia / glial cell / neuroglia）係一啲圍住神經細胞嘅細胞。

膠質細胞本身唔似得神經細胞噉會射電訊號，主要功能係負責支援神經細胞，例如係負責霸佔神經細胞之間嘅空間，等神經細胞彼此會維持分隔開、向神經細胞提供養分、以及攻擊對神經細胞造成威脅嘅病原體等等。雖然話膠質細胞本身唔曉神經細胞會射嘅訊號，但佢哋依然能夠透過上述嘅功能左右神經訊號嘅傳遞。