商衍鎏

出自維基百科,自由嘅百科全書
Jump to navigation Jump to search
商衍鎏.jpg

商衍鎏粵拼soeng1 jin2 lau41875年1月11號1963年8月28號),藻亭又章冕臣康樂老人[1]廣州駐防正白旗漢軍[2],祖家係天津,明末遷遼寧瀋陽,後尾入咗旗籍,民國改籍廣東番禺[2][3],祖居地宜家歸屬廣州市花都區。渠係清代最尾一個探花[4]。試過做中央文史研究館嘅副館長[5]

生平[編輯]

細個陣喺廣東省城紙行街(今紙行路)蓮花巷玉蓮園讀書,後考入府立羊城書院正課外生,後尾轉校廣中路嘅越華書院同越秀山嘅應元書院讀書。1890年得到咗童試第十名中秀才[6]

末代探花[編輯]

喺光緒二十年(1894年)鄉試,同大佬商衍瀛一齊中舉人[5],時有禺山雙鳳嘅稱號。先後去咗廣州光孝寺西華堂、學海堂、菊坡精舍、應元書院等校讀書。光緒三十年(1904年),喺最尾一輪科舉考試度考到探花[4]。由於當時嘅榜眼同埋探花都係廣東人,北京嘅粵東會館專登慶賀咗一番。喺完咗「騎馬游金街」啲儀式,榜眼朱汝珍、探花商衍鎏送咗狀元劉春霖返直隸會館,再一齊返粵東會館,會館就預好演戲宴客,粵籍京官都有到場。宴會辦得好墟冚,宴後啲用過嘅碟碗杯筷仲畀啲民眾搶走曬[註 1][7]

遊學海外[編輯]

光緒三十二年到三十四年(1906—1908年),公派留學日本東京法政大學,專攻經濟法律。返華後先後做過翰林侍講銜撰文、國史館協修、實錄館總校官、幫提調等[8]

民國元年(1912年),受德國漢堡殖民學院德文Hamburgisches Kolonialinstitut(舊譯:殖民學堂。殖民學院喺1908年4月成立)東亞系(Ostasiatischen Seminar)聘任,擔任德國著名漢學家奧托·福蘭閣(Otto Franke)嘅研究助理(wissenschaftlicher hilfsarbeiter)。1914年殖民學院成立咗中國語言與文學系(Seminar für Sprache und Kultur Chinas)後,轉入咗呢度工作[註 2],期間幫學校訂購咗唔少中文書籍[9],參與建立咗德國第一間漢學研究中心[10][11]第一次世界大戰爆發後,1917年隨駐德使館人員撤返去中國[7]

返華仕途[編輯]

返華開初,做過北京副總統府顧問、江蘇督軍署內秘書、大總統府諮議、江西省財政特派員等。

1946年影低嘅商衍鎏

民國十六年(1927年)做咗國民政府財政部秘書,同年辭職[12][13]

民國二十六年(1937年)抗日戰爭爆發後,由南京輾轉入川[14]

民國三十四年(1945年)光復後,到南京,後赴北平廣州澳門香港等地。

共和國後[編輯]

中華人民共和國成立後,做過江蘇省文史館副館長、江蘇省政協委員,同大仔商承祖住埋一齊。1956年11月,中央新聞紀錄電影製片廠同渠專登整咗個紀錄片《探花晚年》[15]

1956年12月返到廣州定居,做過廣東省政協常委、廣東省文史研究館副館長[13],同細仔商承祚住喺中山大學東北區9號。

1960年7月,國務院總理周恩來聘渠做中央文史研究館副館長[12][15]

據蔡國頌先生回憶,晚年嘅商中意到仰忠街天馬巷友人屋企聚會[註 3]。呢個雅集除商衍鎏商承祚兩仔爺,仲有冼玉清教授、容庚教授等。大家都尊稱商衍鎏做商老太爺[16]

1963年8月28日喺廣州過身,享壽88歲。

寫嘅書[編輯]

  • 《清代科舉考試述錄》,1958年,三聯書店出版。
    • 《清代科舉考試述錄及有關著作》,2004年,百花文藝出版社,ISBN 9787530638163
  • 《太平天國科舉考試紀略》,1961年,中華書局出版。
  • 《商衍鎏詩書畫集》,1962年,自費,香港商務印書館影印出版。
  • 《商衍鎏商承祚書正氣歌》,2004年,文物出版社,ISBN 9787501016723
劉春霖朱汝珍、商衍鎏、張啟後楷書四條屏,宜家由深圳博物館收藏

家族[編輯]

備註[編輯]

  1. 傳統有「搶宴之風」,認為可以黐下文氣攞返個好意頭
  2. 漢堡殖民學院喺第一次世界大戰後失去咗作用,喺1919年被解散咗,殖民學院各部門包括東亞系同中國語言與文學系,後併入新建立嘅漢堡大學
  3. 會址揀呢度第一個係近中山圖書館南館,第二個係黐著古多舊書檔嘅文德北路,第三個係當其時嘅14路巴士埋站仰忠街口,搭上去可以直接坐中大北門。

參考[編輯]

  1. 陈柏坚 (1993). "清末探花商衍鎏". 《岭南文史》 (用中文寫). 01期: 15. 1005-0701.0.1993-01-015. 
  2. 2.0 2.1 商衍鎏的後人根據甲辰科小金榜等資料修訂
  3. 據《 廣府文化》(中山大學出版社)
  4. 4.0 4.1 4.2 4.3 商衍鎏:清末最後一位探花郎[失咗效嘅鏈][失咗效嘅鏈]
  5. 5.0 5.1 5.2 朱大尉 (2007-06-12). "【商承祚家族】四世書香兩進士 天道零落亦風流" (用中文寫). 南方都市報. 喺2009-07-09搵到. 
  6. 廣州找到清末狀元榜 慈禧亂點譜狀元變探花 2002-09-29 金羊網-新快報
  7. 7.0 7.1 百年金榜與廣州末代探花(圖) 2004-07-12 金羊網-羊城晚報
  8. 陳柏堅 (1993). "清末探花商衍鎏". 《嶺南文史》 (用中文寫). 01期: 15. 1005-0701.0.1993-01-015. 
  9. 引用錯誤 無效嘅<ref>標籤; 無文字提供於名為O3嘅參照
  10. 德國漢學奠基人商衍鎏 柏 樺 大公報 2012-09-06
  11. [名门望族 商承祚家族]四世书香两进士 天道零落亦风流 2007-11-26 广州图书馆
  12. 12.0 12.1 引用錯誤 無效嘅<ref>標籤; 無文字提供於名為O2嘅參照
  13. 13.0 13.1 引用錯誤 無效嘅<ref>標籤; 無文字提供於名為B3嘅參照
  14. 引用錯誤 無效嘅<ref>標籤; 無文字提供於名為A2嘅參照
  15. 15.0 15.1 引用錯誤 無效嘅<ref>標籤; 無文字提供於名為H2嘅參照
  16. 广州,中国最后的探花第 知乎
  17. 17.0 17.1 末代探花商衍鎏,新浪網(轉自南方都市報)