喺語音學上，固有音響（sonority）可以大致噉定義做一吓聲「同音高或者長度等因素對等嘅聲比起嚟有幾響」，反映咗吓聲帶有幾多聲能。
例如 [a] 等嘅元音就有高嘅固有音響，一個人發出 [a] 音嗰陣佢條聲道大開，令吓聲帶有大嘅聲能，而相比之下，好似 [t] 噉嘅音就係固有音響低，一個人發出 [t] 等嘅輔音嗰時佢聲道會局部或者完全閂埋，能夠通過聲道嘅空氣量就少咗[1]。
