香港民主派區議員辭職潮

出自維基百科,自由嘅百科全書
跳去導覽 跳去搵嘢

香港民主派區議員辭職潮係指因為《香港國安法》規定香港公職人員宣誓擁護《香港基本法》同效忠中華人民共和國香港特別行政區,導致區議員被要求宣誓。喺2021年7月初已經有大量香港民主派區議員連環辭職嘅現象,暫時已經有超過160人辭職[1]

起因[編輯]

2019年第6屆香港區議會選舉,香港民主派贏得大多數議席,改變咗以往由建制派佔多數嘅局面。

2020年全國人大常委會通過嘅《香港國安法》,要求香港公職人員宣誓擁護《香港基本法》同效忠中華人民共和國香港特別行政區。因為噉,2021年頭香港政府就推出咗《2021年公職(參選及任職)(雜項修訂)條例》,要求區議員都要宣誓,條例喺同年5月獲立法會通過同埋刊憲生效。

同年6月開始,政府係噉向傳媒放風話背後已經訂立咗「負面清單」,回溯返區議員任內嘅言行,只要有下面任何一種行為都會入名單:

入咗名單嘅就無得宣誓兼喪失議員資格。估計「負面清單」有成230個民主派區議員。

政府又放風話被取消議員資格就要追討返全數薪津,但宣誓前自行辭職嘅就唔追究。政府呢種做法成功逼使好多民主派區議員因為驚被取消資格同被追討薪津,而急住喺7月舉行宣誓之前辭職。

辭職區議員名單[編輯]

下面資料截至2021年7月9號挨晚,主席同副主席會標明:

參考[編輯]