汶萊文化

汶萊文化好受馬來人同伊斯蘭所影響，文化類似馬來西亞文化。另外，汶萊文化亦受到人口結構所影響，其中汶萊三分之二以上人口為馬來人，其餘人口為華人、印度人同埋原居民群體，例如Murut人、卡達山－杜順人同埋 卡達央族。標準馬來語係汶萊嘅官方語言，但係更加常用嘅語言包括汶萊馬來語同英語，國家大多數標牌上都有顯示羅馬文字。

伊斯蘭教係汶萊嘅官方宗教，由2014年以嚟，汶萊已經實施咗回教法。

汶萊嘅語言、建築、典禮儀式同日常生活習俗上同馬來西亞相似。汶萊結合咗馬來西亞文化、伊斯蘭教義，同埋君臣之間相互尊重嘅禮儀。佢嘅目的在於形成國民對國家統一同穩定嘅高度認識理念。

飲食文化

西米糕係汶萊嘅代表菜

汶萊飲食文化同鄰近嘅馬來西亞、新加坡、印尼相似，亦帶嚟好大影響。以及少部分嚟自印度、中國、泰國同日本所影響。汶萊好似附近地區一樣，魚同飯係主食，因為牛肉價格昂貴，所以比較少見。基於汶萊官方宗教係伊斯蘭教，同時政府亦好重視，所以食物汶萊食物以清真食品為主，避免使用豬肉同禁止飲酒。只有少部分高級酒店有酒精飲品提供。

汶萊菜餚好多都係辣，通常同飯或者麵一齊食。巴東牛肉、椰漿飯同pajeri nanas係汶萊主要食物。汶萊特有嘅少數幾道菜係西米糕，係一種無味嘅西米澱粉粘球，將佢包喺竹叉上面，並浸入酸辣嘅肉汁入面。椰漿飯，字面意思係「爆米飯」，係一道受歡迎嘅菜，包括普通飯、炸雞同sambal，由辣椒粉同多種輔助成分製成嘅辛辣味道，包括唔單只蝦醬、大蒜、姜、蔥、蔥、棕櫚糖、酸橙汁、醋同埋鳳尾魚。椰漿飯傳統上係用牛皮紙包住。

小食方面，雞囉柚喺當地街頭嘅小食檔好容易揾到。通常5至6個雞囉柚串埋一齊，再刷上濃油同一層厚蜜糖以大火烘烤。烤好嘅雞囉柚會好惹味，而重口味嘅調味料亦掩蓋咗雞囉柚原有嘅氣味，會有一陣肉香，係一道充滿特色嘅小食。另外，汶萊嘅蝦片係當地一種傳統特色小食，佢哋多數自產自銷，好少出口。

椰奶

常見嘅飲品包括椰奶、果汁、茶同埋咖啡。其中三色奶茶最大特色，底部棕黑色係椰糖或者小麥糖，中段白色係牛奶，頂部係橘色嘅茶，以一種好有創意嘅色彩製造呢杯奶茶。飲用時要先將奶茶攪勻，先體會到椰糖嘅甘甜同茶嘅芬芳。

音樂同舞蹈文化

汶萊擁有各式各樣嘅民間音樂同舞蹈，亦同馬來西亞、新加坡、印尼、泰國、菲律賓等東南亞國家有一啲聯繫。強大嘅伊斯蘭影響意味住音樂同舞蹈表演某種程度上受到限制。

民間音樂

Adai-adai係一種漁民喺釣魚時唱嘅群體歌曲。另一種民間舞蹈係Benari，或者Joget Baju Putih，佢喺好多節日入面有演出，通常由3個男人同3個女人表演。

卡達央族音樂

Aduk-Aduk係一種由卡達央族表演嘅儀式舞蹈，細路生日前，特別喺收割季節尾聲時進行。跳舞者着住傳統武士服裝tengkolok、紅色腰帶同理黑色服裝，跟住跳著silat (一種馬來武術嘅節拍跳舞。

呢個舞蹈伴奏有敲擊樂器，包括鼓同椰子殼[1]。

汶萊馬來人人口主要以Jipin或者Zapin舞蹈出名，由6個男人同女人表演，伴奏包括gambus dan biola、dombak同埋rebana。鑼好似Kulintangan (一套小鑼)、duck gong同其他風格會演出。馬來民間音樂由技藝高超嘅音樂家喺特別嘅慶典度演出。反應性嘅唱歌有時會喺婚禮入面表演，而來賓就參加 [2]。歌曲「Alus Jua Dindang」亦係汶萊嘅結婚音樂重要嘅一部分。其中，新郎（喺傳統婚禮入面，唔認識新娘）奉承同稱讚佢對新婚妻子嘅虔誠 [3]。

睇理

• 馬來西亞文化