澳門文化

出自維基百科,自由嘅百科全書
跳去導覽 跳去搵嘢

澳門文化係指澳門嘅地方文化。澳門經歷過漫長嘅葡萄牙殖民地統治,構成咗澳門獨有嘅中西合璧文化,尤其係結合咗粵文化葡萄牙文化

語言[編輯]

中文葡文澳門官方語言。居民日常溝通普遍用廣東話英語普通話亦喺澳門通行,好多場合都可以用到。

建築物[編輯]

澳門歷史建築物建築風格可以體現到澳門文化。澳門除咗有華人聚居之外,16世紀開始葡萄牙人喺澳門定居,亦標誌住中式建築同西式建築文化交接發展。部分澳門建築充分反映到中西建築文化上嘅共融同歷史價值,例如澳門茶文化館,建築物以西式建築為意念,但係用中式瓦片做座頂。中西混合嘅建築除咗係澳門獨特建築風格,亦體現到歷史和諧共融。

隨住城市發展,一啲有價值性建築物通過內部改建以適合現代社會用途,噉既保留建築物外貌,亦保存佢歷史文化元素。澳門建築歷史可以粗略分成四個時期,明朝、清朝前期、清朝後期同近代建築,當中包括中式廟宇、西式教堂、居住建築、公共建築同商業建築等。出名中式廟宇有媽祖閣、西式天主教教堂嘉模聖母堂、公共建築有澳門文化局大樓、澳門郵電局大樓、澳門中央圖書館等。

歷史價值高建築物同唔同時期起嘅新式建築物並存,印證住澳門城市歷史變遷同建築發展。

澳門歷史城區[編輯]

內文:澳門歷史城區
大三巴牌坊係歷史城區建築物之一

澳門歷史城區係由22座喺澳門半島區域嘅建築物同相鄰嘅8塊前地組成、以舊城區為核心嘅歷史街區。

喺第29屆聯合國教科文組織2005年7月15號世界遺產委員會會議上,獲得21個成員國全體一致通過,正式被列入《世界文化遺產名錄》,係中國第31處世界遺產。

飲食文化[編輯]

澳門係一個多元化飲食文化嘅城市,除咗有中式飲食文化,澳門仲有世界各地唔同菜色。而土生葡菜係澳門獨有菜色。

土生葡菜[編輯]

免治係其中一種土生葡菜

澳門土生葡菜係澳門一個獨特飲食文化土生葡人會以葡萄牙式烹調方法,再融合中國以及多地嘅烹飪技巧去煮。其中免治非洲雞葡國雞、澳門葡撻等係出名嘅土生葡菜之一。

飲茶文化[編輯]

飲茶
內文:飲茶

粵人出嗮名鍾意飲茶(粵拼:jam2 caa4)。由於大部分澳門人祖先係廣東人,飲茶同廣東以及香港一樣係澳門嘅飲食文化,但同時亦都係一種民俗文化:粵式茶樓唔單止有自己一套嘅飲食風格,飲茶同時仲係粵人嘅一種傳統禮節。澳門人好粵人嘅飲茶文化一樣,仲有一柞專屬嘅詞語,好似係「搭檯」、「茶友」呀噉-已經係一種次文化。

傳統嚟講,澳門人同粵人一樣無論朝頭早、晏晝、定係夜晚都可以去飲茶。飲早茶通常係老人家多,佢哋好多時喺朝早五點零六點晨運完之後就會成班茶友一齊去茶樓度搵張檯坐埋一圍,一路飲茶一路食點心一路傾閒偈。稍為晏少少嘅九點幾時段,有唔少後生仔後生女就會陪自己嘅阿爺阿嫲飲茶。下午茶嗰陣啲嘢食同做法同早茶差唔多,但係就比較多係成家人一齊飲。而夜晚嗰陣嘅茶樓通常會有雅座同包廂-好多時就會有啲大型啲嘅聚會,呢個時候啲人嗌嘅嘢食亦都會偏向豪華啲。但係無論係邊種飲茶,開頭嗰陣要做嘅嘢都係「開茶」-搵張檯坐低,揀自己想飲啲乜嘢茶,再叫個伙記「沖茶」,茶嚟咗之後就會嗌點心,成班人仲會一路飲飲食食一路傾閒偈,最後食完就埋單。

節日[編輯]

澳門係一個中西文化融合嘅地方。除咗有農曆新年土地誕端午節等傳統中國節日,又有追思節聖母無原罪瞻禮聖誕節等西方節日。

公眾假期[編輯]

  • 1月1號:元旦
  • 農曆正月初一至初三:春節頭三日
  • 4月4號或5號:清明節
  • 聖週五:耶穌受難日
  • 聖週六:復活節前日
  • 5月1號:勞動節
  • 農曆四月初八:佛誕
  • 農曆五月初五:端午節
  • 農曆八月十六:中秋節翌日
  • 10月1號:中華人民共和國國慶
  • 10月2號:中華人民共和國國慶翌日
  • 農曆九月初九:重陽節
  • 11月2號:追思節
  • 12月8號:聖母無原罪瞻禮
  • 12月20號:澳門特別行政區成立紀念日
  • 大概12月21號或22號:冬至
  • 12月24號:聖誕節前日
  • 12月25號:聖誕節

以前嘅公眾假期[編輯]

  • 4月25號:自由日
  • 6月10號:葡國日、賈梅士日暨葡僑日
  • 6月24號:澳門市主保聖若翰日
  • 10月5號:葡萄牙共和國日
  • 11月30號:海島市日
  • 12月1號:葡國獨立紀念日

文化活動[編輯]

藝術[編輯]

粵劇[編輯]

粵劇表演
內文:大戲

大戲(粵拼:daai6 hei3),又叫「粵劇」,可以話係廣東話傳統演藝嘅代表[1]。佢知名度高到俾人列咗入世界非物質文化遺產名錄,喺澳門亦畀文化局大力推廣。依家澳門定期都有粵劇表演,而永樂戲院金碧文娛中心係主要嘅表演場地。

電影[編輯]

以下呢啲係澳門電影

  • 《愛情與小腳趾(英語:Amor e Dedinhos de Pé)》(1990年)
  • 《那年某章》(1991年)
  • 《亞明的澳門》(1994年)
  • 《大辮子的誘惑》(1995年)
  • 《我們的昨日》(1996年)
  • 《騎單車的人》(1997年)
  • 《夜盜珍妃墓》
  • 《一把火》(1999年)
  • 《忘不了1999/12/20》(1999年)
  • 《鐘意冇罪》(2002年)
  • 《黃金屋》(2004年,澳門第一部真人真事改編獨立電影)
  • 《鎗前窗後》(2002年,澳門第一部所有演員幕後工作人員全部係澳門人嘅電影)
  • 《濠情歲月》
  • 《摩天快樂》(2004年)
  • 《澳門.聖誕.2005》(澳門創作人協會第一部作品)
  • 《對虛假之信賴 – 遊戲》(2006年)
  • 《回到亞馬交》(2006年)
  • 《夜了又破曉》(2007年)
  • 《堂口故事》(2008年)
  • 《屬於染色體紅的突變》(2008年)
  • 《橫街窄巷》(2008年,澳門利民會精神病復康者機構第一部獨立電影)
  • 《350 米》(2008年)
  • 《女移工》(2008年)
  • 《99》(2006年)
  • 《迷失存在》(2008年)
  • 《澳.土》(2008年)
  • 《面具》(2008年)
  • 《意欲蔓延》(2009年)
  • 《捉童》(2009年)
  • 《澳門街》(2009年)
  • 《良辰美景》(2009年)
  • 《青洲坊拾壹街柒號》
  • 《鎖匙》(2009年)
  • 《蒼蠅人的左耳》(2009年)
  • 《我》(2009年)
  • 《Take It Easy》(2009年)
  • 《豬。天空》(2009年)
  • 《失》
  • 《這裡是澳門》(2009年)
  • 《奧戈》(2009年)
  • 《壹塊錢》(2010年)
  • 《信箱》(2011年)
  • 《堂口故事2-愛情在城》(2011年,拍板視覺藝術團作品)
  • 《在路上》(2011年,澳門獨立電影協會作品)
  • 《痕跡 頁面存檔備份,存喺網際網路檔案館》(2014年,澳門獨立電影協會作品)
  • 《骨妹》(2016年)
  • 《逆著風》(2016年)
  • 《那一年,我17》(2017年)
  • 《過雲雨》(2018年)
  • 《愛比死更冷》(2018年)
  • 《帝皇酒店》(2018年)
  • 《熱唱吧!》 (2019年)
  • 《INA》 (2019年)
  • 《澳門之年》 (2019年)
  • 《幻覺圍》 (2019年)
  • 《情斷心弦》 (2019年)

文娛設施[編輯]

體育文化[編輯]

依家澳門運動員主要係業餘

澳門體育暨奧林匹克委員會[編輯]

澳門體育暨奧林匹克委員會未有獲得國際奧林匹克委員會承認,所以唔能夠參加奧運會。但係澳門係亞洲奥林匹克理事會會員。

殘疾人奧林匹克運動會[編輯]

澳門係國際殘疾人奧委會會員。

街道文化[編輯]

澳門好多好窄,舊區有出現車位供不應求情況。所以好多人會揸電單車

另外,澳門部分街道名稱有以下特徵:

路牌[編輯]

澳門街道路牌用葡萄牙瓷磚畫藝術作為藍本,藍色白色係主調,街道名只有中文葡萄牙文,係澳門地方特色。

另外,澳門有啲街道個名好長,喺華語地區好罕見。

呢類街名主要用葡萄牙政要軍官名,或者歷史人物嘅名,再翻譯做粵語。例如沙嘉都喇賈罷麗街爹美刁斯拿地大馬路士多鳥拜斯大馬路等。亦有啲街名太長,所以市民習慣用較易記嘅名甚至唔記得原名。例如亞美打利庇盧大馬路叫新馬路的。

迴旋處[編輯]

「圓形地」呢個字嚟自葡萄牙文,意思係喺路口中間,係澳門描述迴旋處嘅字。澳門嘅圓形地有嘉路米耶圓形地(三盞燈)、蘇利安圓形地東亞運圓形地等。

招牌[編輯]

由於澳門俾葡萄牙統治過,好多舖頭大廈招牌都保留住葡文

宗教[編輯]

澳葡政府年代天主教係澳門官方宗教主權移交後,澳門無官方宗教。

澳門同其他華人社會相似,儒教道教佛教同其他中國傳統宗教係最多人信,信徒大約佔1996年嘅總人口30.7%。其他主要宗教好似基督教羅馬天主教都好多人信。除此之外,澳門都有伊斯蘭教清真寺墳場

不過,天主教澳門教區係依家澳門最積極參與社會服務工作嘅宗教團體。另外,天主教團體每年聖誕同特別節日都會有表演。

網絡文化[編輯]

「賭牆」[編輯]

睇埋:李氏力場

由於博彩業係澳門重要經濟支柱,全澳有多間賭場澳門氣象局多次畀市民批評多次無按照實際情況而懸掛適當嘅風球,所以網民形容呢個係「賭牆」,參考李氏力場為藍本,衍生惡搞文化。[2]

睇埋[編輯]

其他文化[編輯]

參考[編輯]

  1. Yung, B. (1989). Cantonese opera: performance as creative process. Cambridge University Press.
  2. 澳門拒掛8號被諷「賭牆」阻撓