青衣山

出自維基百科,自由嘅百科全書
跳去: 定向搵嘢
由葵涌望過去,青衣山有三個峰。

青衣山Tsing Yi Peak)係香港青衣島南面嘅,係由一排三個峰砌成。因為遠睇似三支一排,所以又叫做三支香Sam Chi Heung)。青衣山響古代地理有另一種意思,就海上面嘅山,即係青衣島咁解。

青衣山佔個青衣島一大半,同島西北寮肚山隔個山拗。青衣山三個峰由北向南矮至高咁排,最高嘅南峰有334米。因為個山三面都係海,所以極之好景,可以晒到成個維多利亞港西半,亦都隔住四圍嘅海峽,望到成個荃灣新市鎮

青衣山已經有鋪好嘅山路畀人行,所以係行山熱門路綫。不過為個山唔係諗住發展,所以亦都無車路上山。不過佢底下就穿咗長青隧道南灣隧道。前面嗰條就響北峰底,而後面啲條就打斜穿個三個峰底。

青衣山唔發展,因為佢有特殊作用。青衣新市鎮發展集中晒響東北角,而西面同南面都有好多油庫,好多重工業。萬一有大災難,青衣山就好似屏風咁隔開兩邊。

北峰[編輯]

青衣山(TSING I. PK.)響青衣島(TSING I.)南面 (1936地圖)。

青衣山個北峰係青衣島原居民山地。只可以畀島上原居民葬響度。個山地多數響個山東北面高啲嘅地方。山峰東北低啲嘅地方有配水庫,上面重有波地。好近長青邨長康邨,長青巴士總站有車路行上去。另外重有條山路,畀人由美景花園青康路嗰邊行上去。

北峰頂有個,亦都有三角測量站。呢度望東望東北睇晒青衣島、荃灣葵涌市區。望西北見到寮肚山、馬灣海峽、同青馬大橋,望西就去到大嶼山香港迪士尼樂園

跟住山脊向南行就上到中峰。

中峰[編輯]

中峰個樣似錐形。呢度有好多蝕到古靈精怪嘅大石。因為青衣島係飛機升降赤鱲角機場必經之路,所以民航處亦都響石之間導航證題示,上面叫呢度做六號山。

中峰其實重可以響香港專業教育學院青衣分校行山路上山。條山路可以到達中峰到北峰之間。山腰中間有條涌,重有人種田。後面陳氏山地就提示人上之路。

跟住山脊向南行就上到南峰。

南峰[編輯]

南峰係係三個峰之中最高嘅。山頂比較平,最高點有三角測量站。同中峰一樣,一樣有導航證警告飛機唔同飛咁近。民航署叫呢度做五號山。

南峰南面山坡有難得一見嘅香港巴豆,呢隻巴豆自從上個世紀,響薄扶林發現之後就無見過。後尾畀漁農處響呢度發現返,家下規咗做具特殊科學價值地點,保護呢個品種[1]

去南峰睇藍巴勒海峽同維多利亞海就啱晒喇。響好天日子,呢度就好似畀羣山羣島抱住咁。九龍半島昂船洲香港島交倚洲坪洲、大嶼山、燈籠洲馬灣。海面有百船響水上面。

佢東南山腳底係九號貨櫃碼頭,係葵青貨櫃碼頭一部份。其他部份全部響葵涌嗰邊。

向西南行有路落五層樓

[編輯]

  1. "Draft Tsing Yi OZP approved" (用英文寫). 香港政府. 2006-10-27. 喺2007-03-28搵到. 

參考[編輯]

  • Geographic Section, General Staff (1936), Hong Kong and The New Territories, War Office