跳去內容

串聯同並聯電路

出自維基百科,自由嘅百科全書

串聯粵拼cyun3 lyun4 | series)同並聯粵拼bing6 lyun4 | parallel)係電路嘅種類。喺一個串聯電路當中,電流會經過嗮所有嘅電阻,而喺一個並聯電路當中,電流會半路分途,不過最後會結合返埋一齊;喺一個理想化(idealized;簡單化,唔考慮能量流失等嘅因素)嘅串聯電路入面,橫跨所有電阻嘅總電壓會等同電源施嘅電壓,而喺一個理想化嘅並聯電路當中,啲分叉路嘅電流總和會等同電源施嘅電流[1]

串聯[編輯]

因為只有一條電路,所以較為簡單。

因為電池係電路入面負責提供電壓,所以電池串聯,能夠提升電器受到的電壓

因為電器係電路入面負責提供電阻,所以電器串聯,能夠降低電器受到的電壓

並聯[編輯]

因為並聯電路有多條支電路,所以較為複雜。

電池並聯時,各電池電壓唔可以相差太多,唔係嘅話有可能高電壓電池會向低電壓電池充電。

假設電池電壓相同,就好似舊電大粒咗,電量疊加咗,但唔會改變電壓

電器並聯時,各電器電阻都唔可以相差太多,唔係嘅話有可能電只流過電阻較細嘅支電路,造成另一個機器唔著。 所以有時需要對某條支電路增加電阻器嚟平衡吓。

電器並聯,對於主電路嚟講,就好似條路闊咗,阻力細咗,所以主電路電阻會減少,從而電流增加。 理論上嚟講,並聯幾多電器都可以,但因為主電路電流增加,可能條電線頂唔順。 又或者超出咗舊電可以輸出嘅電流上限,同埋舊電池輸出嘅電流大咗,降壓較嚴重,降低電器嘅表現。

[編輯]

  1. Smith, R. J. (1966). Circuits, Devices and Systems (International ed.). New York: Wiley. p. 21.