城門谷公園

喺象山邨東路同象山邨西路交界嘅城門谷公園北園入口

喺城門谷公園南園中嘅玫瑰園

城門谷公園南園嘅人工水景

城門谷公園，香港公園之一，遊樂場之一，新界荃灣大窩口北面，城門谷城門道，隔離係象山邨同石圍角邨，英文叫Shing Mun Valley Park。

公園都幾大，前身係象鼻山臨時房屋區同臨時遊樂場。成個公園範圍佔地十公頃七三，喺1997年12月15號落成啟用，由康樂及文化事務署管理。公園內全面禁煙。

公園分為北園同南園，畀啲人運動消閒。

北園有五個網球場、一個長者健體園地同一個兒童遊樂場，重有二個男女厠所。

南園有一個硬地小型足球場兼手球場同五座可坐375名觀眾嘅看台、兩個籃球場兼排球場同兩座可坐186名觀眾嘅看台、一個兒童遊樂場同足健徑，重有小型人工瀑布同6米高嘅噴泉。

城門谷運動場

公園內設有中央部份係城門谷運動場，將公園分開南園同北園。運動場擁有全天候8線400米跑道、11人草地足球埸同收費停車場，喺1998年8月啟用，由康樂及文化事務署管理。

城門谷游泳池

公園西面有城門谷游泳池，1999年啟用，由康樂及文化事務署管理。

交通

交通路線一覽
巴士 九龍新界巴士 32 （冇資料） 32M （冇資料） 36 （冇資料） 40P （冇資料） 43P （冇資料） 43X （冇資料） 234C （冇資料） N36 （冇資料） 專線小巴 新界專線小巴 81M （冇資料） 406 （冇資料）

出面網頁

• 康樂及文化事務署網站 城門谷公園簡介