大埔道

出自維基百科,自由嘅百科全書
(由大埔公路-沙田段跳轉過嚟)
大埔道深水埗段

大埔道大埔公路Tai Po Road),花名舊路,係香港第二長嘅,由新九龍深水埗旺角,去新界大埔。九龍市區部份叫大埔道,新界叫大埔公路。原本條路可以分成十一段,家下淨得九段。

歷史[編輯]

英國大清身上租到新界之後,英軍開條路以便控制新界,當時叫Frontier Road。由當時望角以北,過深水埗以北,經沙田,過新界管治中心嘅大埔,到上水。同青山道夾埋圍住新界中南北西一個圈。

後尾政府將深水埗以北嘅路,改名做大埔公路。而部份路段,亦改咗其他名。好似大埔一段,改名廣福道大窩粉嶺一段,叫大窩西支路粉嶺到上水,變咗馬會道一截、沙頭角公路一截、新運路一截同粉嶺公路一截。部份路段,亦都拆咗,用來起屋等等。

大埔到上水,家下經已無咗大埔公路,由其他路代替咗。

分段[編輯]

大埔道[編輯]

內文:大埔道 (市區段)

大埔道喺九龍市區,喺新九龍內,由彌敦道界限街交界起,經過深水埗,向西北伸廷,過郝德傑道就駁去大埔公路-琵琶山段。山上有交匯處,駁去呈祥道

琵琶山段[編輯]

琵琶山段喺琵琶山南,由郝德傑道起,駁大埔道,經馬騮山,即係金山郊野公園,過山坳駁沙田嶺段。全段雙程行車。呢段路彎彎曲曲,路一邊係九龍水塘,有唔少馬騮出沒。

沙田嶺段[編輯]

大埔公路沙田嶺段

沙田嶺段接琵琶山段,經沙田嶺山腰徑口路,落沙田下城門道,全段雙程行車,原本駁大圍段,家下現時近大圍海福花園一段,改駁架空嘅青沙公路大圍段,去大埔公路沙田段。呢段彎彎曲曲,同獅子山對望。

大圍段[編輯]

大圍段由下城門道開始,經大圍外圍,到獅子山隧道公路沙田正街交界,車只可入沙田市中心,去唔係直駁沙田段。呢段係分隔雙程行車。

沙田段[編輯]

大埔公路-沙田段

沙田段由大圍沙田馬場,呢段個頭唔直駁大圍段,而係駁城門隧道公路青沙公路。沙田段由城門隧道公路到吐露港公路一段,係九號幹線一截。沙田段城門隧道公路到沙田路一段,係四綫雙程行車;而沙田路到吐露港公路一段,係六綫雙程行車。沙田段由火炭路到吐露港公路,係快速公路。起喺沙田沖積地同新填地上,路勢平坦,同九廣鐵路火車路(家下東鐵綫)平排。

馬料水段[編輯]

大埔公路-馬料水段

馬料水段喺上山段,由沙田馬場附近上山,初段喺九肚山下,過馬料水對上、香港中文大學赤泥坪大埔尾。全段雙程行車。

大埔滘段[編輯]

大埔公路-大埔滘段

大埔滘段由大埔尾,經大埔滘去到黃宜凹。全段雙程行車。

元洲仔段[編輯]

大埔公路-元洲仔段

元洲仔段上接大埔滘段,由黃宜凹起落山,經天橋跨過九廣鐵路火車路,經過元洲仔對出,再過廣福迴旋處,過大埔河爲止。佢駁廣福道南運道交界,就係大埔墟範圍。

呢段路原本喺大埔海上,大埔河口。黃宜凹落山同九廣鐵路交界,過堤入海。一邊堤駁去元洲仔,一邊堤駁去運頭角入大埔。因爲咁叫元洲仔段。

大埔段[編輯]

大埔段改過名做大埔大街,之後又改名廣福道,係入大埔市區一段。呢段包括過林村河廣福橋。原本南駁元洲仔段,北駁大窩段,後尾廣福橋變咗做行人橋,而起太和邨又剷咗一段,所以唔再完整。

大窩段[編輯]

大埔公路-大窩段

大窩段係孤立一段,家下同其他大埔公路分開。未有開大埔新市鎮之前,元洲仔段經廣福道可以直入大窩段。但家下畀太和邨隔斷。佢去到康樂園之後,可以駁原本叫大窩西段嘅大窩西支路

大窩西段[編輯]

大窩西段由康樂園去到和合石,家下改咗名。喺一九九零年代中期,改名粉嶺公路。喺側邊起高速公路時,變成大窩西支路。而高速公路就叫粉嶺公路,而東邊就有大窩東支路。呢段有唔少鄉,好似九龍坑、泰亨、南華莆。因爲喺沖積平原,呢段路都比較直同平。

粉嶺段[編輯]

粉嶺段由和合石去到上水,亦轉名粉嶺公路。終點駁青山公路新田公路粉錦公路

里數[編輯]

位於崇基學院附近的11-1/2咪石碑

大埔公路沿途地方法,係用「大埔公路幾多咪」作做地址。「咪」即係英文「Mile」(英里)嘅廣東話音譯,代表嗰處,同尖沙咀碼頭,經彌敦道,行咗幾遠。

青山公路清水灣道,都有類似里數。

咪數 地區 備註
尖沙咀碼頭 起點 尖沙嘴 唔屬於大埔公路範圍
加士居道 一咪 油蔴地 唔屬於大埔公路範圍
亞皆老街 兩咪 旺角 唔屬於大埔公路範圍
長沙灣道 兩咪半 深水埗 大埔公路(大埔道)起點
欽州街 三咪 深水埗 青山公路(青山道)起點
琵琶山 四咪半 琵琶山
沙田嶺 五咪半 沙田嶺
大圍(近大圍站 七咪半 大圍
下禾輋(近龍華酒店 九咪 下禾輋
馬料水(近崇基學院校園) 十一咪半 馬料水
馬料水(近香港生物科技研究院 十二咪 馬料水
大埔滘(近松仔園 十四咪半 大埔滘

睇埋[編輯]