澳門10A巴士

出自維基百科,自由嘅百科全書
(由澳門10A號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px新時代
所屬車廠 旅遊塔車場
路線用車 宇通ZK6118HGE

路線資訊
路線圖

服務資訊
服務時間 外港碼頭:06:15-23:45
媽閣總站:06:15-00:00
班次間隔 八到十五分鐘
全程收費 六蚊葡幣
主要競爭交通 33A1010B1228A

澳門10A巴士係一條由澳門新時代公共汽車股份有限公司做緊,由媽閣來回外港碼頭嘅巴士線。

背景[編輯]

1993年12月1號,基於10號關閘方向去唔到港澳碼頭,所以澳巴開呢條線。

2009年4月26號,交通事務局實施第二階段巴士路線調整,呢條線改咗一啲路程[1]

2010年1月25號,澳門科學館開幕,延長行駛到澳門科學館,加停「澳門科學館」站[2]

2010年8月21號,交通事務局檢討實施咗三個月嘅新馬路公交專道之後,為咗避免所有巴士集中嗮響永亨銀行出面嘅巴士站上落搞到大塞車,同時藉住增加新馬路西邊嘅人流,改善做生意嘅環境,所以去司打口、媽閣方向嘅巴士都取消停靠永亨銀行出面嘅巴士站,改咗停靠「金碧文娛中心」站[3]

2011年8月1號,新巴士營運模式正式實行,呢條線判咗畀維澳蓮運嚟做。

2014年7月1號,呢條線由澳門新時代公共汽車股份有限公司接手嚟做。

2016年4月23號,去外港碼頭方向,響「媽閣總站」之後,唔停「媽閣廟前地」站、「河邊新街/媽閣」站,加停「河邊新街/凱泉灣」站[4]

2016年5月28號,因應呢條線逐啲逐啲轉用長啲嘅車,但係啲長車停咗「孫逸仙大馬路/漁人碼頭」站之好難轉返出嚟,所以就唔停「孫逸仙大馬路/漁人碼頭」站[5]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[6][7]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

宇通ZK6118HGE

走線[編輯]

車費[編輯]

  • 全程車費:澳門幣三個二。
  • 用澳門通全民卡,只係扣兩蚊,其餘由政府畀。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通殘疾卡,只係扣三毫子,其餘由政府畀。
  • 澳門通IC卡月票適用。

服務[編輯]

服務時間 禮拜一到五 禮拜六、日同公眾假期
外港碼頭 06:15-23:45
媽閣總站 06:15-00:00
班次 繁忙時間八到十二分鐘,普通時間十到十五分鐘 十二到十五分鐘

停站[編輯]

10A走線圖
去媽閣總站方向 去外港碼頭總站方向
  1. 外港碼頭
  2. 孫逸仙大馬路/友誼大馬路
  3. 澳門科學館
  4. 新口岸/文化中心
  5. 新口岸/馬德里街
  6. 捐血中心
  7. 仙德麗街
  8. 亞馬喇前地
  9. 中區/殷皇子馬路
  10. 金碧文娛中心
  11. 粵通碼頭
  12. 司打口
  13. 河邊新街/街市
  14. 河邊新街/下環
  15. 媽閣廟站
  16. 媽閣總站
  1. 媽閣總站
  2. 河邊新街/凱泉灣
  3. 河邊新街/李道巷
  4. 火船頭街
  5. 新馬路/大豐
  6. 殷皇子馬路
  7. 亞馬喇前地
  8. 葡京酒店
  9. 十月一日前地
  10. 北京街/假日酒店
  11. 宋玉生廣場
  12. 觀音蓮花苑
  13. 澳門文化中心
  14. 孫逸仙大馬路/金沙
  15. 馬六甲街
  16. 外港碼頭

[編輯]

  1. 交通事務局,4月26日起第二階段巴士路線調整,2009年8月5日
  2. 3A、8、10A、12路線25日起途經科學館
  3. 交通事務局,新馬路節假日公交專道續試行半年 增完善措施評估成效再定後續安排,2010年8月12日17:30:00
  4. "兩巴士站分流周六實施". 交通事務局. 2016年4月20日. Check date values in: |date= (help)
  5. "三巴士站點周六取消". 交通事務局. 2016-05-26.
  6. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  7. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]