澳門N5巴士

出自維基百科,自由嘅百科全書
(由澳門N5號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px澳巴
所屬車廠 北安車廠
路線用車 五洲龍FDG6951G

路線資訊
路線圖
路線性質 來回

服務資訊
服務時間 凌晨十二點到朝早六點
班次間隔 廿分鐘
全程收費 六蚊葡幣

澳門N5巴士,係一條由澳巴做緊,由澳門大學總站來回氹仔嘅通宵巴士線,只係響凌晨時間服務。

背景[編輯]

2015年12月1號,交通事務局開咗呢條線,畀咗澳巴嚟做,服務時間由凌晨十二點到朝早六點,十分鐘一班[1]

2016年4月20號,因為冇咩人搭要改線,改行氹仔市區、海洋花園亞馬喇前地,重將循環線改做來回線;唔再經路氹邊檢大樓臨時客運碼頭澳門機場外港碼頭嘅海陸空出入境口岸[2]

2016年8月20號,呢條線將總站延伸到「蝴蝶谷大馬路總站」,去嗰陣加停「和諧廣場/樂群樓」巴士站(原「石排灣總站」),返嚟就加停「和諧廣場/業興大廈」巴士站(原「石排灣總站」)[3]

2016年9月24號,「亞利雅架前地」巴士站同「寶龍花園」巴士站合併,改名做「百利寶花園」巴士站[4]

2016年12月10號,調整服務時間到凌晨十二點到朝早六點,廿分鐘一班。去蝴蝶谷大馬路方向,停完「機場圓形地/偉龍」巴士站之後,加停「機場貨運站」巴士站[5]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線同澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[6][7]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

啱啱開呢條巴士線嗰陣,係用宇通ZK6118HGE大巴,後來因為冇咩人搭先改用五洲龍FDG6951G中巴。

而家用緊嘅車型:

  • 五洲龍FDG6951G

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣三蚊,其餘由政府畀。
  • 用澳門通學生卡,只係扣個半,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 每日
亞馬喇前地 凌晨十二點到朝早六點
蝴蝶谷大馬路
班次 廿分鐘


停站[編輯]

去蝴蝶谷大馬路總站方向 去亞馬喇前地方向
  1. 亞馬喇前地
  2. 蘇利安圓形地
  3. 海洋廣場
  4. 海洋花園衛生中心
  5. 南新花園
  6. 基馬拉斯/氹仔中央公園
  7. 泉亮花園
  8. 湖畔大廈
  9. 氹仔茵景園
  10. 氹仔CEM貨倉
  11. 澳門土木工程實驗室
  12. 機場圓形地/偉龍
  13. 機場貨運站
  14. 霍英東馬路/永利皇宮
  15. 體育館馬路/永利皇宮
  16. 保齡球中心
  17. 澳門東亞運動會體育館
  18. 蓮花路/蓮花圓形地-1
  19. 和諧廣場/業興大廈
  20. 蝴蝶谷大馬路總站
  1. 蝴蝶谷大馬路總站
  2. 和諧廣場/樂群樓
  3. 蓮花路/蓮花圓形地-2
  4. 體育館/射擊路
  5. 體育館馬路/新濠天地
  6. 偉龍/科大醫院
  7. 偉龍/科技大學
  8. 氹仔嘉樂庇馬路
  9. 亞利雅架前地/泉悅
  10. 湖畔大廈
  11. 百利寶花園
  12. 基馬拉斯/濠珀
  13. 賽馬會-1
  14. 氹仔海濱花園
  15. 海洋花園/紫荊苑
  16. 亞馬喇前地

[編輯]

  1. (繁體中文)"連接石排灣至皇朝區N5夜間巴士路線下月開通". 交通事務局. 2015年11月29日. Check date values in: |date= (help)
  2. (繁體中文)"交通事務局優化夜間巴士路線 周三起增N6路線調整N5路線". 交通事務局. 2016年4月18日. Check date values in: |date= (help)
  3. (繁體中文)"石排灣"蝴蝶谷大馬路總站"周六啟用". 交通事務局. 2016-08-18.
  4. (繁體中文)"交通事務局調整離島多個巴士站停靠安排". 交通事務局. 2016-09-22.
  5. (繁體中文)"五巴士路線調整班次服務時間 以實際客況合理運用巴士資源". 交通事務局. 2016-12-08.
  6. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  7. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]