跳去內容

香港2021年政改方案

出自維基百科,自由嘅百科全書

香港2021年政改方案》,法律上叫《2021年完善選舉制度(綜合修訂)條例草案》,通稱《完善選舉制度條例草案》,係香港政府交畀香港立法會審議嘅法律草案,配合全國人民代表大會喺2021年3月11號通過嘅《311決定》。唔同之前兩次政改方案(香港2012年政改方案香港2017年政改方案),今次政改方案完全係由中央人民政府自行提出,香港特區政府只係立法配合。

按政府嘅講法,條例係「完善選舉制度,落實愛國者治港」。草案喺4月13號獲香港行政會議通過刊憲,第二日提交立法會首讀同二讀。而喺之前嘅2020年11月11號,泛民主派立法會議員總辭,抗議政府剝奪4個溫和民主派議員資格,令立法會再冇泛民主派成員,最終立法會喺5月27號以40票贊成、2票反對三讀通過。

條例草案涉及修訂8條主體法例,包括《選舉管理委員會條例》、《行政長官選舉條例》、《立法會條例》、《區議會條例》、《選舉(舞弊及非法行為)條例》、《高等法院條例》、《香港終審法院條例》同《旅遊業條例》。

後續

[編輯]

喺選舉制度被修改之後,選舉事務處喺2021年7月18號公布選委會界別分組臨時投票人登記冊,當中得7900名選民登記,比改制前大跌近97%,而且名冊上亦有出現唔少疑雲[1]

部分界別選民數目大幅減少

[編輯]

會計界選民由逾2.7萬人跌到得番39人,合併嘅醫學界同衞生服務界由5.2萬幾人跌到得番80人[1]

不知名,背景不明機構成為選民

[編輯]

有唔少不知名嘅組織名,例如「開心一族」、「緣來一家」、「巔峰一族」、「閃亮家族」、「現代媽咪組」,登記成為第三界別嘅「基層社團」授權投票人。有記者致電其中一啲機構查詢,但呢啲機構就連主席身分、組織活動、成立時間、會址等等都唔肯透露。有啲組織連公開聯絡方法都無,或者打電話去問結果係另一啲機構組織,而就算最後揾到相關組織,佢哋都唔肯回應團體票決定原則[2]

另外,有部份呢啲組織亦出現「一室N票」,其中九龍社團聯會方面,至少有36個居民或地區組織以九龍社團聯會喺牛頭角同一個辦事處作為登記地址。泛民主派政治學者蔡子強就話,結果反映政府特登喺設計選舉制度上安排友好團體成為選民[3]

睇埋

[編輯]

參考

[編輯]
  1. 1.0 1.1 委會選民人數登記人數大跌97% 會計界選民僅39人. Now 新聞 (香港中文). 喺2021-07-20搵到.
  2. 心一族、巔峰一族成選委會選民 閃亮家族拒透露主席身分:你自己搵 | 立場報道 | 立場新聞. 場新聞 Stand News. 原著喺2021-07-21歸檔. 喺2021-07-20搵到.
  3. 新聞 | 委會界別選舉制基層團體室36票 地區樁腳明知同一地址登記. (中文). 原著喺2021-07-20歸檔. 喺2021-07-20搵到.

出面網頁

[編輯]