2020年夏季奧林匹克運動會
(由2020年東京奧運跳轉過嚟)
2020年夏季奧林匹克運動會（日文：
呢屆賽事原訂喺2020年7月24號至8月9號舉行，但係由於受到武肺全球大爆發影響，國際奧委會同日本政府決定延期舉行，喺2020年3月24號宣佈呢一屆奧運押後一年，喺2021年7月23號至8月8號舉行[1]，但係個名仍然保留叫做「東京2020」[2]。呢屆係史上第一次需要延期舉行嘅奧運會，亦係史上第一次喺單數年舉行嘅奧運會。
呢屆奧運會有206個代表團參加（包括205個國家、地區代表團同埋難民代表團），唯獨係北韓代表團冇派隊參加。
男子足球項目球員參賽年齡限制由23歲以下改為24歲以下，而三人籃球亦由呢屆開始加入奧運項目。
申辦過程
[編輯]- 2011年7月16號時任東京都知事石原慎太郎喺日本奧委會創立一百週年紀念會裏面宣佈申辦2020年奧運，改名做「復興奧運」；喺2011年12月13號嘅內閣會議裏面通過[3]。
- 2013年9月7號：國際奧委會喺當地時間下晝5點20分（UTC-3）喺阿根廷布宜諾斯艾利斯舉行嘅第125屆國際奧委會全體會議上決定由日本東京主辦。
運動員感染武漢肺炎事件
[編輯]2021年6月19號，烏干達奧運代表團去到日本之後，其中一位成員被驗出對武漢病毒呈陽性，係東京奧運會代表團第一宗個案。[4]
賽事焦點
[編輯]- 香港代表團攞到歷嚟最好嘅成績：1金2銀3銅，喺206個代表團入面，獎牌榜排名第49位，當中張家朗喺男子花劍個人賽打贏衛冕冠軍（意大利嘅丹尼爾加路素），成為咗九七回歸之後頭一位香港奧運冠軍。
- 中華台北代表團攞到歷嚟最多獎牌落袋嘅成績：2金4銀6銅，只係喺獎牌榜名次部分，因各國競爭激烈而未能改寫記錄（仍然以2004雅典奧運嘅第31名係最佳，但係獎牌榜名列第34名，係史上第二佳嘅記錄）。
- 巴西足球代表隊派出咗李察利臣等人嘅奧運代表隊，成功延續咗五年前（2016年）由尼馬等人創造嘅佳績，順利冧莊奧運會男子足球金牌。
- 由呢屆開始，滑板運動、滑浪同埋運動爬石正式加入夏季奧運會運動項目大家庭，另外，日本作為呢屆奧運會主辦國，空手道、棒球、壘球就係呢屆夏季奧運會嘅期間限定運動項目。
- 响206個參賽國同埋地區入便，一共有93個國家同地區登上獎牌榜，係歷嚟最多。
參考
[編輯]- ↑ 〈【東京奧運】東京奧運倘若明年仍無法舉辦 國際奧委會主席鬆口「只能取消」〉 (香港中文)。香港經濟日報。2020-05-21。原先內容歸檔喺2020-06-08。喺2020-06-08搵到。
- ↑ 〈【東奧延期】奧運不易名照叫2020東京奧運 聖火傳遞取消火炬長留日本〉 (香港中文)。香港蘋果日報。2020-03-24。原先內容歸檔喺2020-06-08。喺2020-06-08搵到。
- ↑ 〈日本政府通過東京申辦2020年夏季奧運〉。tw.news.yahoo.com。Yahoo。2011-12-13。原先內容歸檔喺2019-06-29。喺2020-03-19搵到。
- ↑ 〈【東京奧運】烏干達奧運選手確診 成東奧首例新冠病例〉。原先內容歸檔喺2021年12月12號。喺2021年6月21號搵到。
睇埋
[編輯]出面網頁
[編輯]
- 2020年夏季奧林匹克運動會嘅官方網站（英文）（日文）
- 香港01－東京奧運2020互動專頁
