HSV、HSL、HSB 色彩模式

HSL（a~d）、HSV（e~h）嘅色相座標。上半部分（a、e）都係佢嘅3D模型截面。下半部分係將模型嗰三條參數是旦一個固定做常量，其它兩樣變第啲參數時嘅相。

HSV、HSL、HSB色彩模式，又嗌HSV色彩模式或HSL色彩模式或HSB色彩模式、簡稱HSV或HSL或HSB，係種顏色標準，原理係喺RGB 色彩模式入面嘅點喺圓柱座標系入面嘅表示法。佢主要靠色相、飽和度、光度嘅數值嚟控制顏色嘅變化。其中：

• 色相——出自英文Hue嘅頭拉丁字。屬基本顏色屬性。
• 飽和度——出自英文Saturation嘅頭拉丁字。屬色彩純度。
• 光度——出自英文Value、Lightness、Brightness三隻是旦一個單詞嘅頭拉丁字。屬色彩光度。

呢種色彩模式更加符合人嘅主觀感受。雖然HSV同HSL兩種表示，目的都喺圓柱入面用，但喺概念入面就唔一樣。其中HSL用嘅係圓柱，HSV用嘅係倒圓錐。呢種技術好多時簡化咗喺紅綠藍三原色之間微調啲時間同精力。