幾何變換

幾何變換（粵拼：gei2 ho4 bin3 wun6）喺電腦圖像上涉及操控圖像同三維模型嘅各種屬性（位置或者角度），嚟到將想用嘅物體移去目標位置或者做某啲特定嘅變形。

概論

睇埋：幾何學

想像而家整二維電腦圖像，有一個簡單嘅四方形，個四方形可以表示為一柞點 $p=[p_{1},p_{2},p_{3},p_{4}]$，當中 $p_{i}$ 表示第 $i$ 隻角（1 係最左上角，2 係最右上角，3 係左下角...），當部電腦俾用家要求佢顯示個四方形出嚟嗰陣，佢會做嘢係搵出嗰四個 $p_{i}$，並且喺四個 $p_{i}$ 畫出適當嘅線，形成一個四方形－所以要將呢個四方形移位或者變形，基本上就係要對呢啲數字做一啲加減乘除。例如係：

• 縮放（scaling）係指將件物體按比例放大 $n$ 倍－例：將 $p_{1}$ 同 $p_{3}$ 之間嘅距離增加 $n$ 倍，而 $p_{2}$ 同 $p_{4}$ 之間嘅距離等等... 同理。
• 移位（translation）係指將物體由空間入面嘅一個位置移去另一個－例：要做嘅嘢係將一個立體模型位移 $(3,7,-10)$，部電腦要將個立體模型每隻角嘅 x 坐標加 3，y 坐標加 7，同 z 坐標減 10。
• 轉動（rotation）指將件物體喺空間入面旋轉若干角度，部電腦要按旋轉嘅角度同沿乜嘢旋轉嚟計出每隻角嘅新坐標。

... 等等。

專門處理電腦圖像嘅程式語言多數都會有特定嘅陳述式做幾何變換。