亞洲運動會

亞運會會徽

亞洲運動會（簡稱亞運會或亞運，英文：Asian Games），前身係遠東運動會同西亞運動會，係亞洲地區規模最大、水平最高嘅綜合性運動會，代表成個亞洲嘅體育運動水平。

亞運會係國際奧林匹克委員會（國際奧委會）所承認嘅地區性大型綜合運動會，由亞洲奧林匹克理事會（亞奧理事會）主辦，每4年一屆。第一屆亞洲運動會原定喺1949年2月响印度嘅新德里（New Delhi）召開，由於主辦國籌備等原因褪遲到1951年舉行。

亞運史

遠東運動會

内文：遠東運動會

1912年，中國、日本、菲律賓三國代表經協商之後成立「遠東體育協會」，並响第二年舉行第一屆遠東運動會。由1913年至1934年間，先後响菲律賓嘅馬尼拉、中國嘅上海、日本嘅東京同埋大阪等地舉辦十屆遠東運動會，最初係每兩年搞一屆，1927年之後改為每四年搞一屆。

前幾屆運動會只有中國、日本、菲律賓三國參加，第五屆開始，印度、印尼、越南亦曾經組團參加比賽。比賽項目有田徑、競技游泳、足球、籃球、棒球、網球、排球等。1934年，日本堅持將滿洲國拉入遠東運動會，俾中國抗議重宣布退出遠東運動會，遠東體育協會宣告解體，遠東運動會亦隨之停辦。

西亞運動會

内文：西亞運動會

1934年，喺印度嘅體育人古魯·桑迪推動下，印度、錫蘭（即而家斯里蘭卡）、阿富汗同巴基斯坦四個國家喺新德里舉行第一屆西亞運動會。比賽項目主要有：曲棍球、籃球、田徑等。原定响巴基斯坦舉行的第二屆西亞運動會，因第二次世界大戰爆發而停辦。

亞洲業餘體育聯合會嘅成立

1948年7月倫敦第14屆奧運會舉行期間，中國同菲律賓體育人士提出恢復遠東運動會，並且同亞洲各國體育人士商討。

當時，印度體育領導人古魯·桑迪認為，遠東運動會唔足以體現亞洲體育運動嘅水平同亞洲人民團結精神，主張創辦一個所有亞洲國家嘅亞洲運動會。佢見過到倫敦參加奧運會嘅亞洲國家體育代表，重邀請咗大韓民國、中國、菲律賓等13個國家同地區嘅代表召開關於成立亞洲體育運動組織嘅籌備會議。會議決定起草亞洲運動會有關文件同章程，並確定响1949年2月喺印度新德里舉行第一屆亞洲運動會（因印度國內原因，運動會褪遲到1951年舉行）。

1949年2月，亞洲國家體育組織代表响印度首都新德里召開會議，會上正式成立「亞洲業餘體育聯合會」（後改名為「亞洲運動會聯合會」，1981年改名為「亞洲奧林匹克理事會」）。

會徽及會旗

第一代會徽採用到2006年亞洲運動會，會徽中間嘅太陽代表亞洲運動嘅發展同埋推廣。最上面係國際奧委會會徽，下面係亞運會嘅格言「Ever Onward」（永遠向前）；而响亞運會徽之下就係亞奧理事會「Olympic Council of Asia」嘅字樣。

第二代會徽响2006年12月2號喺多哈亞運會舉行期間公布，而新嘅會徽用番太陽嘅代表，佢嘅意思相同，而會徽嘅右上角同左下角分別係代表東方嘅龍同埋代表西亞嘅鷹，亦代表亞洲團結嘅意思。而會徽下面有國際奧委會會徽同埋「Olympic Council of Asia」嘅字樣。第一個用新會徽嘅運動會係2007年亞洲室內運動會。

舉辦城市

亞運會嘅舉辦城市由亞奧理事會執委通過淘汰制投票選出，即如果所有城市喺首輪投票中都冇超過半數勝出，就將票數最低嘅城市逐個淘汰，餘此類推，直至剩低兩個城市決勝負。喺投票之前，亞奧理事會執委重要對各申辦城市進行全面考察以決定佢哋嘅投票意願。

同其他綜合性運動會嘅分別

奧運會

1. 範圍唔同，奧運會係全球性嘅體育比賽，亞運會係亞洲範圍內嘅體育比賽。
2. 比賽項目唔同，亞運會有好多非奧運項目。
3. 參賽者唔同，奧運選手嚟自世界各地，亞運選手只係嚟自亞洲。
4. 亞運會係奧運會以外規模最大嘅國際性綜合運動會。

其他國際性綜合運動會

同泛美運動會、全非運動會、歐洲運動會、太平洋運動會、英聯邦運動會等地區性綜合運動會相比，亞運會有多啲嘅非奧運會比賽項目。

比賽項目

亞運會開設嘅比賽項目由亞奧理事會認可。主辦國可以喺認可嘅項目中選擇比賽項目，每屆亞運會比賽項目唔可以少過11項，除咗田徑運動同埋競技游泳以外嘅項目由亞運會主辦國選擇，所設各項目至少需要有4個以上參賽隊伍。而且考慮亞洲唔同區域嘅傳統文化特點，並且為亞洲各個國家或地區嘅青年提供展示技能嘅機會及增加亞運會嘅吸引力，亞運會設立一部分非奧運項目。

比賽項目 設立年份 游水運動 1951 射箭 1978 田徑 1951 羽毛球 1962 棒球 1994 籃球 1951 棋類 2006 健美 2002–2006 保齡球 1978、1986、1994年至今 拳擊 1954 扒獨木舟 1986 木球 2010 桌球 1998 單車運動 1951、1958年至今 體育舞蹈 2010 扒龍舟 2010 馬術 1982–1986、1994年至今 劍擊 1974–1978、1986年至今 足球 1951 高爾夫球 1982 體操 1974 手球 1982

比賽項目 設立年份 曲棍球 1958 柔道 1986 卡巴迪 1990 空手道 1994 現代五項 1994、2002、2010 踩雪屐 2010 扒艇 1982 七人欖球 1998 帆船運動 1970、1978年至今 藤球 1990 射擊 1954 壘球 1994 軟式網球 1990 壁球 1998 乒乓波 1958–1966、1974年至今 跆拳道 1986、1994年至今 網球 1958–1974 三項鐵人 2006 排球 1958 奧運舉重 1951–1958、1966年至今 摔跤 1954 武術 1990

報名規定

1. 個人項目：
   1. 田徑同游泳項目，每個會員組織可報2人（無候補隊員）。
   2. 其他項目，每個會員組織可報1人（無候補隊員）。
2. 集體項目：每個會員組織可報1隊，每隊人數不得超過有關國際單項聯合會准許嘅人數。

參賽國家及地區

亞奧理事會會員分布圖

亞運會參賽國家同地區都係亞奧理事會成員，目前亞奧理事會共有45個成員國家同地區。

歷屆亞運會一覽

歷屆亞運會舉辦地示意圖

屆次	主辦地	日期	參賽國家及地區	運動員人數	大項	小項
一	印度新德里	1951年3月4號至11號	11	489	6	57
二	菲律賓馬尼拉	1954年5月1號至9號	19	970	8	76
三	日本東京	1958年5月24號至6月1號	16	1,820	13	97
四	印尼雅加達	1962年8月24號至9月4號	12	1,460	13	88
五	泰國曼谷	1966年12月9號至20號	16	1,945	14	143
六	泰國曼谷	1970年8月24號至9月4號	16	2,400	13	135
七	伊朗德黑蘭	1974年9月1號至16號	19	3,010	16	202
八	泰國曼谷	1978年12月9號至20號	19	3,842	19	201
九	印度新德里	1982年11月19號至12月4號	23	3,411	21	147
十	韓國漢城	1986年9月20號至10月5號	22	4,839	25	270
十一	中國北京	1990年9月22號至10月7號	36	6,122	29	310
十二	日本廣島	1994年10月2號至16號	42	6,828	34	337
十三	泰國曼谷	1998年12月6號至20號	41	6,554	36	376
十四	韓國釜山	2002年9月29號至10月14號	44	7,711	38	419
十五	卡塔爾多哈	2006年12月1號至15號	45	9,520	39	424
十六	中國廣州	2010年11月12號至27號	45		42	476
十七	韓國仁川	2014年9月19號至10月4號	45
十八	印尼雅加達	2018年8月18號至9月2號	45
十九	中國杭州	2022年9月10號至25號	45
二十	日本名古屋	2026年9月18號至10月3號	45

出面網頁

• 亞洲奧林匹克理事會