絕對零度
絕對零度係指熱力學入面溫度嘅理論下限 0 K（開爾文），相等於攝氏零下 273.15 度（−273.15℃）。
物體嘅溫度取決於物體內原子同分子嘅動能。根據麥克斯韋-玻爾茲曼分佈，呢啲粒子嘅動能越高，物體嘅溫度就會越高。理論上如果粒子嘅動能已經降低到根據量子力學原則唔可以更低嘅程度，物體就會去到絕對零度，溫度唔能夠再低落去。實驗證明絕對零度其實係永遠都無辦法達到，但係就可以無限逼近；任何物體嘅溫度亦都唔可能低得過絕對零度。
喺絕對零度空間之下，由於粒子完全唔郁（唔振動），所以成個空間都冇熱能量存在，粒子喺呢個空間入面體積就會係零。
喺現實正常嘅環境入面熱能量同埋相關嘅轉換係無處不在，無時無刻都會產生同埋進行活動，而絕對零度偏偏只能夠喺一個由一開始就完全無熱能量存在嘅空間入面先會出現，所以絕對零度只會喺實險室入面先會出現。
只要有空間嘅存在就一定會有熱能量嘅存在，所以即使達成條件而產生出絕對零度，係當中所有物質嘅體積都一定會係零。
