維多利亞公園
呢篇文講香港嘅維多利亞公園。想搵其他國家地區同名公園嘅話，請睇維多利亞公園 (搞清楚)。 「維園」跳轉到呢度。想搵香港區議會選區，請睇「維園 (選區)」。
維多利亞公園 （英文：Victoria Park），簡稱維園，係喺香港嘅一座大公園，位於香港島銅鑼灣嘅高士威道。公園總共佔地有大約19公頃，有6個足球場，係全香港人流最多嘅公園之一。個公園屬於灣仔區，過咗馬路就係皇仁書院、海軍球場同埋香港中央圖書館（原本係摩頓臺球場）。維園每逢過年都會擺花市，六四週年會開紀念會，而大遊行示威亦好興喺維園出發。維多利亞公園安放咗維多利亞女王銅像，所以有呢個名。
公園嘅設施有公園、硬地球場、草地滾球場、網球場、籃球場、緩跑徑、健身徑、露天劇場、模型船池，同埋七人足球場。呢個公園係全日開放。
傳聞，嚮公園裏面發表個人觀點政論嘅街坊，就係“維園阿伯”或者“維園阿哥”。呢單嘢係由香港電台嘅城市論壇講起，而公園對政治嘅重要性同英國嘅特拉法加廣場有得揮。
畫廊
[編輯]
出面網頁
[編輯]