香港特別行政區行政長官

本文屬香港政治系列
《基本法》
香港政府    行政長官 行政會議    行政部門    公營機構 立法會    區議會 司法    終審法院    法律制度 - 法例
選舉 – 政黨 主權移交後政制改革 殖民地時期政制改革
港區全國人大代表 港區全國政協委員
内聯 　　 香港中聯辦 　　 港府駐京辦 　外事 　　 外交部特派員公署 　　 台港關係 　防務 　　 解放軍駐港部隊
授勳及嘉獎制度 排名表 太平紳士
其他香港系列
文化 - 經濟 歷史 - 地理 - 教育 香港主題

香港特別行政區行政長官（取「特區首長」簡稱為特首；英文：Chief Executive，CE），係中華人民共和國香港特別行政區政府嘅首長同香港特別行政區嘅最高代表。現時係由分別嚟自38個界別分組，代表唔同行業、專業、勞工、社會服務團體及區域組織嘅800人組成嘅選舉委員會選出，中華人民共和國國務院任命。佢主要責任包括：

• 領導香港特別行政區政府
• 執行《香港基本法》同埋香港特別行政區法律
• 簽署、公報並向中央人民政府備案由香港立法會通過嘅法案同政府嘅行政指令
• 簽署立法會通過嘅財政預算案，將財政預算、決算報中央人民政府備案
• 決定政府政策同埋頒佈行政命令
• 建議中央任命或免除各司司長、副司長、各局局長、廉政專員、審計署署長、警務處處長、入境事務處處長、海關關長、各級法院法官及公職人員嘅職務
• 執行中央人民政府就香港基本法規定嘅有關事務發出嘅指令
• 代表香港特區政府處理中央授權嘅對外事務同其他事務
• 批准向立法會提出有關財政收入或支出嘅動議
• 根據安全同埋重大公眾利益嘅考慮，決定政府官員或其他負責政府公務嘅人員有冇向立法會或佢屬下嘅委員會作證同提供證據
• 赦免或減輕刑事罪犯嘅刑罰及處理請願、申訴事項
• 主持香港特別行政區行政會議
• 同立法會主席同埋終審法院首席法官聯合提名全國人民代表大會常務委員會香港特別行政區基本法委員會香港委員

根據《基本法》規定，香港特別行政區行政長官每屆任期為5年，每人只可以連任一次。如果行政長官喺任期完成之前因事離任，繼任人應該喺六個月內產生。2005年，全國人民代表大會常務委員會以解釋基本法方式說明補選的行政長官只係完成前任剩低嘅任期。

香港特別行政區第一、二屆（部份）行政長官係董建華。2005年3月12號，佢喺未完成第二任期嘅情況下以健康理由辭職。董建華辭職之後，按照《基本法》規定，由當時任政務司司長嘅曾蔭權署理行政長官職務。

現任香港特別行政區行政長官係曾蔭權。佢喺2005年6月16號成為行政長官補選中嘅唯一候選人，因此根據《行政長官選舉辦法》自動當選，6月21號中央政府任命佢做行政長官，即日就任，並喺6月24號赴京正式宣誓就職。隨後佢喺2007年3月25號嘅2007年行政長官選舉以649票對123票擊敗對手梁家傑，當選第三屆行政長官，並於4月2號獲中央人民政府任命[1]。曾蔭權於2007年7月1號宣誓就職。

2012年3月25號舉行咗第四屆行政長官選舉，梁振英以六成一得票率（689票），擊敗唐英年同何俊仁當選。預計五年任期由2012年7月1號開始。

參選資格

• 香港特別行政區永久性居民中嘅中國公民
• 冇外國居留權
• 夠40歲
• 連續住喺香港至少20年
• 至少有100個選舉委員會委員提名
• 淨係有特區護照、身分證明書或由中華人民共和國任何部份嘅主管當局發出嘅入境許可證，而唔可以持有外國護照同埋旅行証件
• 司法人員同埋訂明公職人員一定要先辭職，至選得
• 罪犯、破咗產嘅、精神有問題嘅人同埋喺五年內犯過指定罪行嘅人都冇資格選

產生辦法

• 根據《基本法》嘅規定，行政長官由選舉委員會選舉產生。
• 1997年第一屆行政長官由第一屆嘅選舉委員會選出，成員400人，由中央政府任命。2002年第二屆特首由同一選舉委員會選出，成員800人。2005年第二屆特首補選已經喺2005年7月10號舉行，選舉委員會成員大致同原有嘅相同。有缺位嘅選舉委員會委員就由同立法會同一功能組別嘅選民（各界別合共160,000人）選出。2007第三屆特首選舉內容仍然未有定案，但2004年4月26號嘅第10屆人大常務委員會第九次會議已經否定咗2007年普選特首、2008年普選立法會嘅可能。

下面段文未譯好，歡迎你幫手。

根據《香港基本法》第45條規定：

香港特別行政區行政長官在當地通過選舉或協商產生，由中央人民政府任命。行政長官的產生辦法根據香港特別行政區的實際情況和循序漸進的原則而規定，最終達至由一個有廣泛代表性的提名委員會按民主程序提名後普選產生的目標。

另外，《基本法》附件一規定：

香港特別行政區行政長官的產生辦法
一、行政長官由一個具有廣泛代表性的選舉委員會根據本法選出，由中央人民政府任命。
二、選舉委員會委員共800人，由下列各界人士組成：

工商、金融界200人

專業界200人

勞工、社會服務、宗教等界200人

立法會議員、區域性組織代表、香港地區全國人大代表、香港地區全國政協委員的代表200人

選舉委員會每屆任期五年。

三、各個界別的劃分，以及每個界別中何種組織可以產生選舉委員的名額，由香港特別行政區根據民主、開放的原則制定選舉法加以規定。各界別法定團體根據選舉法規定的分配名額和選舉辦法自行選出選舉委員會委員。選舉委員以個人身分投票。
四、不少於一百名的選舉委員可聯合提名行政長官候選人。每名委員只可提出一名候選人。
五、選舉委員會根據提名的名單，經一人一票無記名投票選出行政長官候任人。具體選舉辦法由選舉法規定。
六、第一屆行政長官按照《全國人民代表大會關於香港特別行政區第一屆政府和立法會產生辦法的決定》產生。
七、二○○七年以後各任行政長官的產生辦法如需修改，須經立法會全體議員三分之二多數通過，行政長官同意，並報全國人民代表大會常務委員會批准。

第一屆行政長官於1996年由推選委員會選出，委員400人，全部由中央人民政府委任。第二屆特首按照《附件一》規定，於2002年由第一屆選舉委員會選出，委員增至800人。第二屆特首補選已於2005年7月10日舉行，選舉委員會委員大致與原有的相同。有缺位的選舉委員會委員由所屬界別分組的選民（各界別合共160,000人）選出。

《基本法》只規定了首兩屆行政長官的產生辦法，2007年以後循序漸進地最終達至普選。唯2004年4月26日的第10屆人大常務委員會第九次會議解釋了《基本法》第45條，否定2007年普選特首的可能。隨後政府喺2005年推出嘅政改方案因為得唔到立法會三分二議員支持而被否決，第三屆特首選舉方法維持不變。

2007年12月29號全國人大常委會以全票通過《全國人民代表大會常務委員會關於香港特別行政區2012年行政長官和立法會產生辦法及普選問題的決定》，決定香港會喺2017年可以普選產生行政長官，另外喺2020年可以普選立法會。

2010年政府推出新嘅政改方案，提議選舉委員會委員人數增至1,200人，最終得到立法會三分二議員支持而過到。

歷任行政長官

任期	行政長官	籍貫	生卒日期	任職期
1	董建華	浙江省舟山市	1937年7月7號－	1997年7月1號－2002年6月30號
2	董建華	浙江省舟山市	1937年7月7號－	2002年7月1號－2005年3月12號
2（署理）註1	曾蔭權	廣東省南海縣	1944年10月7號－	2005年3月12號－2005年6月2號
2（署理）註2	唐英年	江蘇省無錫市	1952年9月6號－	2005年6月2號－2005年6月21號
2	曾蔭權	廣東省南海縣	1944年10月7號－	2005年6月21號－2007年6月30號
3	曾蔭權	廣東省南海縣	1944年10月7號－	2007年7月1號－2012年6月30號

註：

1. 由2005年3月12號至6月2號期間因行政長官董建華請辭，由當時政務司司長曾蔭權署任行政長官。
2. 由2005年6月2號至6月21號期間因署理行政長官曾蔭權參選行政長官競選，由當時財政司司長唐英年署任行政長官。
3. 關於其他由於行政長官因公務、休假等事故產生嘅署任期間，並冇包括喺上面個表入面。

離任後待遇

2005年6月14日，香港特別行政區政府公布，決定原則上接納「行政長官報酬及離職後安排獨立委員會」喺2005年6月9日提交嘅報告。委員會由黃保欣擔任主席，委員包括鄭海泉、廖柏偉同埋梁國輝。

報告中建議：

• 前行政長官離任後3年內會受到離職後就業規管。
  • 第1年，前行政長官唔可以從事任何工作或參與商業活動。
  • 第2及第3年，喺展開任何工作或從事商業活動前，必須事先徵詢前任行政長官及政治委任官員離職後工作諮詢委員會嘅意見。
  • 如果前行政長官喺呢3年期間接受中華人民共和國中央政府或香港特別行政區政府嘅委任，或從事學術或者慈善機構嘅工作，就一概可以獲得豁免。
• 前任行政長官會獲提供
  • 前行政長官辦公室。
  • 協助進行推廣同禮節性嘅工作。
  • 行政支援。
  • 汽車連司機嘅運載服務。
• 前行政長官亦可以享有禮遇安排同醫療及牙科福利。
• 視乎香港警務處嘅評估，前行政長官亦會獲提供特別保安服務。

睇埋

• 香港總督

出面網頁

• 香港特別行政區行政長官
• 香港基本法第二章第一節