瞬間轉移

瞬間轉移seon3 gaan1 zyun2 ji4係用啲異常（paranormal）或科技方法即時將啲物質由一笪地方轉到遞度，喺科幻小說同電影講好多。

電子遊戲

睇埋：動作遊戲

有好多動作遊戲會俾某啲角色有瞬間轉移嘅能力，作為佢哋角色異能嘅一部份；又有啲遊戲會用瞬間轉移機制避免玩家去一啲唔應該去嘅位置－例如係將個程式設成一旦有個角色出咗界，程式就即刻將佢瞬間轉移返去界內。

傳送殺（telefrag / tele-frag）：指一個角色傳送去一個位置嗰陣殺死啱啱身處嗰個位置嘅另一個角色；好多動作遊戲都有瞬間轉移嘅機制，而假如一個角色瞬間轉移去另一個位置，而同時有另一個角色啱啱好企喺嗰個位置嘅話，好多遊戲嘅程式會當另外嗰個角色即刻死亡，而瞬間轉移去嗰個位嘅角色當係成功殺死嗰個角色嘅人。