公民黨 (香港)
公民黨 Civic Party | |
| 主席 | 梁家傑 |
| 副主席 | 賴仁彪 |
| 秘書長 | 梁嘉善 |
| 司庫 | 蔡啟昇 |
| 創立 | 2006年3月19號 |
| 解散 | 2023年5月27號（17歲） |
| 總部 |  香港北角屈臣道4-6號海景大廈B座2樓202室 |
| 黨員人數 | 500幾人（2016年，10周年黨慶嗰陣時） |
| 象徵顏色 | 紫色 |
| 政黨口號 | 公道自在民心 |
| 立法會議席 | 0 / 90 （0%） |
| 區議會議席 | 0 / 479 （0%） |
| 政治派系 | 泛民主派（溫和民主派） |
| 意識形態 | 自由主義 社會自由主義[1] 温和本土主義 憲政主義 |
| 政治立場 | 中間偏左 |
| 網站 | www |
公民黨（英文：Civic Party）係香港一個泛民主派政黨，2006年3月19號成立，2023年5月27號摺埋。
創黨黨魁、末代主席係資深大律師兼前立法會議員梁家傑，而前任黨魁就係大律師兼立法會議員楊岳橋，副主席係註冊社工賴仁彪。
背景
[編輯]公民黨由四十五條關注組成員發起，主要成員重有以黎廣德為代表，活躍於公民社會嘅非政府組織成員、大學學者、另加幾名香港專上學生聯會（學聯）成員同立法會議員籌組而成。創黨成員包括6名時任立法會議員（余若薇、張超雄、吳靄儀、湯家驊、梁家傑同埋譚香文），7名時任區議員，創黨黨員人數超過100幾人，全盛期曾經喺立法會擁有6個議席，喺第5屆香港立法會選舉之後，曾經一度取代民主黨，成為泛民主派龍頭大佬。
立場
[編輯]公民黨嘅黨綱包括爭取普選、爭取立法保障市民獲取資訊自由、推動政黨政治、贊成各行各業全面設立最低工資及最高工時，並以發展成執政黨為目標。黨員梁家傑參加過2007年香港行政長官選舉，但最後輸畀曾蔭權。
籌組時畀外界認為會係民主派嘅右翼，但當佢哋訂出「消除貧窮、公平貿易、爭取社會公義」嘅政策綱領後，重要求全面實施最低工資，就開始畀外界標籤做「共產」、「左傾」同「搞福利主義」。《壹周刊》社評〈壹觀點〉更批評公民黨「政府要有明確而穩定的長遠經濟政策」係以社會主義為取向，搞計劃經濟；又批評公民黨累進稅制、財富再分配、最低工資嘅主張[2]。不過，壹傳媒旗下刊物直到停刊嗰陣，幾乎唔再批評公民黨。
黨徽
[編輯]黨徽以綠、白、紫三色綫條圖案為主，象徵爭取普選，意念係嚟自廿世紀初，美國婦女爭取全民普選運動。當時美國嘅運動口號係「畀女人投票權」（Give women vote），所以用口號中三個字嘅第一個字母，重用咗綠（Green）、白（White）同紫（Violet）三色，做象徵爭取普選嘅顏色。當時爭取普選嘅美國婦女，就經常戴呢三種顏色嘅珠寶[3]。
黨徽面世時，吳靄儀形容圖案有如「左手攀日月、右手抱嬰兒」，就係表達喺接觸中上階層人士之餘，亦不忘照顧社會嘅弱勢社群。黨徽由黨員Freeman設計，而「為公為民，香港精神」嘅口號，就係由湯家驊諗出嚟[4]。
立法會議員
[編輯]| 議席 | 界別 | 名 | 2004-2008 | 2008-2012 | 2012-2016 | 2016-2020 | 備註 |
|---|---|---|---|---|---|---|---|
| 地方選區 | 香港島 | 余若薇 |  |
|
|||
| 陳淑莊 | |
|
2010年1月底辭咗職，同年5月經補選後重新當選，後來2020年9月正式退出公民黨同淡出政壇，移居台灣到而家 | ||||
| 陳家洛 | |
||||||
| 九龍西 | 毛孟靜 | |
(2016) |
2016年11月14號正式退出公民黨，2021年1月因為初選47人案民主派議員嘅人士被扣押[5] | |||
| 九龍東 | 梁家傑 | |
|
|
2010年1月底辭咗職，同年5月經補選後重新當選 | ||
| 譚文豪 | |
2021年1月因為初選47人案民主派議員嘅人士被扣押，同埋2021年3月退黨 | |||||
| 新界東 | 湯家驊 | |
|
（2012-2015） |
2015年6月22號正式退出公民黨，10月1號請辭同參加2016年立法會新界東選區地方補選 | ||
| 楊岳橋 | |
|
2016年補選當選、2020年11月被DQ，2021年1月因為初選47人案民主派議員嘅人士被扣押，同埋2021年3月退黨 | ||||
| 新界西 | 郭家麒 | |
|
2020年11月被DQ，2021年1月因為初選47人案民主派議員嘅人士被扣押，同埋2021年3月退黨 | |||
| 功能界別 | 會計界 | 譚香文 | |
2009年6月退出公民黨 | |||
| 法律界 | 吳靄儀 | |
|
||||
| 郭榮鏗 | |
|
2020年11月被DQ，其後2021年4月退黨 | ||||
| 社會福利界 | 張超雄 | |
2010年11月退出公民黨，後於2022年移民加國 | ||||
| 總議席 | 6 | 5→3→5 | 6→5→6 | 6→5 |
區議會議員（2020-2023年）
[編輯]公民黨喺第6屆香港區議會選舉贏得32席之後，議席有以下嘅變化：
- 2020年5月，中西區區議員黃健菁入黨。
- 2020年7月，深水埗區議員伍月蘭退黨。
- 2020年10月，沙田區議員陳諾恒退黨。
- 2020年12月，葵青區議員譚家浚、冼豪輝、南區區議員俞竣晞、東區區議員鄭達鴻先後宣佈退黨。
- 2021年3月，東區區議員李予信、黃大仙區議員鄭文杰先後退黨。
- 2021年4月5號，荃灣區議員黃家華親自證實退黨，並表示佢退黨請辭已於上月生效。
- 2021年4月，觀塘區議員畢東尼宣布6月1號劈炮，觀塘區議員李軍澤、李煒林、沙田區議員黃文萱先後宣佈退黨。
- 2021年5月6號，沙田區議員雷啟榮宣佈退黨。
- 2021年5月7號：深水埗區議員周琬雯已經向區議會主席楊彧遞交辭職信，喺2021年6月1號開始劈炮。
- 2021年5月11號：黃大仙區議員劉珈汶宣佈即將劈炮同埋退出公民黨，意味住公民黨喺黃大仙區議會嘅議席已經清零。
- 2021年5月21號：中西區區議員黃健菁宣佈因健康問題劈炮，公民黨喺中西區區議會嘅議席已經清零，與此同時，佢哋嘅議席數目暴跌到2019年區選所贏得嘅一半。
- 2021年6月21號：除咗東區區議員魏志豪、梁兆新同埋東區區議會主席黎志強、沙田區議員陳珮明同容溟舟外，剩低嘅公民黨區議員宣佈退黨，包括：觀塘區區議員王嘉盈、油尖旺區議會副主席余德寶、深水埗區區議員劉家衡、李俊晞、荃灣區區議員陸靈中、荃灣區議會主席陳琬琛、葵青區區議員張鈞翹、沙田區區議員麥梓健、陸梓峂、離島區區議員李嘉豪、創黨成員容詠嫦，公民黨喺油尖旺、深水埗、觀塘、荃灣、葵青、離島區議會嘅議席已經清零。與此同時，執委溫仲然亦喺同日宣佈退黨。
- 2021年7月8號：沙田區議員容溟舟劈炮。
- 2021年7月9號：東區區議員黎志強、魏志豪、梁兆新齊齊劈炮，公民黨喺東區區議會嘅議席正式清零，成為泛民主派區議員劈炮潮嘅犧牲品。
- 2021年10月3號：沙田區議員陳珮明宣佈劈炮，表示拒絕參與喺10月4號舉行嘅第三場2021年香港區議員宣誓，公民黨喺區議會唔單止完全冇晒影響力，議席亦都清零。
其他主要成員
[編輯]選舉成績
[編輯]立法會
[編輯]區議會
[編輯]| 選舉 | 得票 | 得票率 | 總議席 | 黨魁 |
| 2007 | 48,837 | 4.29% | 8 / 534
|
余若薇 |
| 2011 | 47,573 | 4.03% | 7 / 507
|
梁家傑 |
| 2015 | 52,344 | 3.62% | 10 / 458
|
梁家傑 |
| 2019 | 141,713 | 4.85% | 32 / 479
|
梁家傑 |
睇埋
[編輯]- 公民黨支持外傭居港權謠言 - 一個喺2011年針對公民黨，並令到公民黨大受困擾嘅謠言。
注
[編輯]- ↑ "Country Risk of Hong Kong: Politics". Import–Export Solutions. Société Générale. 2020.
{{cite web}}: CS1 maint: url-status (link) - ↑ 〈公民黨：共產黨不如〉，〈壹觀點〉，《壹周刊》，2006年3月23號
- ↑ 〈黨徽源於美婦解運動〉，《星島日報》A12版，2006年3月6日
- ↑ 〈黨徽如雙手左攀日月右抱嬰兒〉，《蘋果日報》A06版，2006年3月20日
- ↑ 政Whats噏：毛孟靜拉衫尾 拖6年先退黨，東方報業集團網站，2016-11-14
出面網頁
[編輯]
