白紙行動
白紙行動
| |||||||||||
|---|---|---|---|---|---|---|---|---|---|---|---|
| |||||||||||
| 衝突方 | |||||||||||
| 中國市民、學生同工人 |  中國共產黨
| ||||||||||
| 指揮人士 | |||||||||||
| 市民、學生同工人自發 | 習近平 | ||||||||||
白紙行動，普遍畀人叫做白紙革命[3]（英文：A4 Revolution[4]），又叫白紙運動，係中國大陸喺2022年11月26號於南京傳媒學院[5]開始爆發嘅一連串反對中國共產黨喺中共總書記習近平命令下推行嘅「動態清零」政策嘅社會運動，形式包括和平嘅集會。呢次運動至少遍佈中國大陸19省，多個大型城市都出現人潮，由南京、上海開始，之後到北京、廣州、福州、瀋陽、哈爾濱、長春、重慶、成都、蘭州、西安、武漢、鄭州、大理、長沙、烏魯木齊、佛山等地，至少有91間高等院校組織響應[6]。
呢次運動唔單止係中國大陸自六四事件以嚟最大規模嘅示威，更加畀國際社會高度關注。
喺動態清零取消之後，示威者陸續同外界失去聯絡，有事前錄定消失後發放嘅錄影片段指，有人喺參與示威活動之後陸續被警察秘密帶走[7]。
起因
[編輯]喺2022年11月24號，新疆烏魯木齊一棟高樓民宅發生火災，結果現場畫面喺網上瘋傳，其中一名女子好淒厲咁大嗌求救，引發輿論，唔少人都認為火災罹難者無法及時逃出，係受到中共武漢肺炎清零政策影響，逃生出口被封死，先至令人被監生燒死，之後，中國大陸抗議聲浪四起，11月26號晚，「白紙革命」亦隨之由南京傳媒學院爆發[8]。
經過
[編輯]大規模爆發
[編輯]受到烏魯木齊抗議影響，中國大陸嘅大學生，民眾紛紛遊行，示威以示聲援同抗議中共，各地社區民眾自行撬開社區大門。根據社交媒體上帖文嘅統計，到26號晚，至少有51間大學，10個社區亦喺居民抗議[9]。
南京
[編輯]2022年11月26號，南京傳媒學院學生自發聚集悼念新疆烏魯木齊大火嘅死難者嘅活動兼舉起白紙叫出「人民萬歲，逝者安息」口號。當時執行校長曹國聖趕到現場，恐嚇學生「總有一日要為自己今日所做嘅一切付出代價」。有學生就回應「你都要為你所做嘅付出代價，呢個國家都要付出代價」、「你係貴州大巴上嘅死難者咩」。另有一位女學生舉住白紙企喺樓梯前表達抗議，一位睇落係校方管理層嘅男人行埋去拎走張紙。旁觀學生就問：「白紙可以有咩攻擊力？」，條片隨即喺網絡上廣泛傳播，之後其他各大高校學生都舉起白紙聲援，引起全國範圍白紙革命嘅學潮[10]。
北京
[編輯]2022年11月26號，北京海淀清棠灣社區有民眾拆開封控鐵皮，中共聲稱高風險區會及時解封[11]。
第二日，北京市朝陽區多個市民喺亮馬橋一帶高舉白紙，悼念火災死者[12]。夜晚亮馬河畔都出現人潮同警察，部分人揸住白紙表達抗議，民眾就喺河邊放置鮮花並點著好多蠟燭，為新疆烏魯木齊火災罹難者哀悼[13][14]。夜晚嗰時現場亦有人聲稱運動參與者入面有「境外反華勢力」，即遭多位民眾駁斥反問，「請問你講嘅境外勢力係唔係馬克思同恩格斯？係唔係史太林？係唔係列寧？」「請問新疆嘅火係境外勢力放嘅咩？請問貴州嘅大巴係境外勢力推翻嘅咩？」並引用著名政治諷刺電影《弊傢伙！史太林死咗》入面嘅臺詞話，「大家係境外勢力叫嚟嘅咩？我哋連網都上唔到國外嘅，我哋邊度嚟嘅境外勢力？境外勢力點同我哋溝通？只有境內勢力唔畀我哋聚集！我哋而家係可以出國，定係可以上國外嘅網？佢哋點聯繫我哋？邊度嚟嘅境外勢力？月球啊[15]？」
同時，北京亮馬河附近都有人群聚集，高叫「釋放上海市民」，聲援上海抗議民眾，唔少經過嘅私家車甚至巴士響咹以示支持[16]。另外，喺27號夜晚，至少有過百人聚集喺北京天安門廣場，高叫「我哋要普世價值」「我哋要自由平等民主法制」「我哋唔要獨裁」「我哋唔想要個人崇拜」等口號。[17]亦有抗議者舉起白紙，叫住「繼續封控，全部韞死；我要做核酸，我要被封控」、「共產黨萬歲，我要入方艙」等反話[18]。當日，一位BBC記者採訪兩位民眾點解要參與運動，後者用英文答話「呢個係我嘅職責（It's my duty）」，被認為重現咗33年前北京學運嘅一幕；當年同樣有一位學生咁樣回答[19][20]。
上海
[編輯]2022年11月26號到27號，上海民眾聚集在烏魯木齊中路喺匯賢居同亦園門外，呼籲除咗口罩、結束「動態清零」政策、結束中國共產黨執政地位[21]。有民眾喺「烏魯木齊中路」路標下點起白色蠟燭，以此悼念烏魯木齊火災死難者。有民眾高叫「新疆解封！」、「共產黨落台！習近平落台！」[21][22][23]，另有民眾高叫「唔要核酸要自由」，呼應北京四通橋抗爭嘅口號，傳遞兼揸住無字白紙抗議言論封鎖；上海市閔行區天山西路愛博六村民眾高叫要求解封[24]；一名上海男人揸住鮮花上街，並反問在場警察揸住鮮花係咪犯法，之後嗰個男人被幾個警察即場捉走[25]。
11月27號夜晚，網上流傳兩段影片，分別係上海警察喺警用大巴車上同被捉上車嘅民眾爭執拉扯，及疑似便衣喺大巴上毆打被捉民眾嘅畫面；上海市中心嘅群眾就重新聚集，叫出「警察放人」口號，網上流傳片段顯示，喺一輪大巴車入面，有穿着黑衣男人要求車入面一個女人解鎖手機被拒絕，兩次向佢哋掌摑，並拉上車簾[16]。之後疑似嗰個黑衣男人嘅姓名同警號畀微博用戶發出並喺網上流傳。另有身穿制服嘅上海警察喺另一輛大巴車上，同被帶走嘅民眾發生拉扯，期間警員搶走嗰個市民手中嘅手機[16]。
抗爭期間有三個人畀民間稱為「上海坦克人」，其中兩人一男一女係復旦大學新聞學院教授，喺26號夜晚同警方組成嘅人牆對峙，民眾為佢哋拍嘅相被攞嚟同六四事件同埋雨傘革命做呼應[26]；另一個人係一位上海市民，27號夜晚企喺慢駛緊嘅警車前，試圖阻擋警車前進，路旁嘅市民先係發出歡呼聲，但即刻有一班警員衝前，將嗰位市民㩒喺地下，拖行拉走，市民立即鼓譟大閙[16]。英國廣播公司嘅特派記者愛德華·勞倫斯（Edward Lawrence），喺上海採訪抗議活動嗰陣，畀中共警方暴力捉走，周邊群眾高叫放人[27]。
2022年11月28號，上海警方喺烏魯木齊路中路兩邊整個藍色圍籬架，周邊舖頭同咖啡廳被要求暫時閂門[28]。
廣州
[編輯]2022年11月29號夜晚，廣州市海珠區後滘村有警員同市民發生衝突；着白色防疫服嘅警察揸住盾牌推進同大嗌「返去！返去啦！」，而市民就向警察擲玻璃樽並且大聲歡呼，警察隨即朝市民射催淚彈；而30號朝早，都仲係有大量警車喺事發現場。
此外，廣州幾間高校突然之間要學生走，有啲仲話「走得就走，無話唔走得嘅」，令到好多學生要臨時臨急執嘢離開校園[29]。
烏魯木齊
[編輯]2022年11月25號，烏魯木齊火災所在嘅城市烏魯木齊有民眾上街示威，要求解除小區封控，仲有人唱國歌、揮舞國旗[30]。11月26號，烏魯木齊市政府喺記者會上宣佈，話烏魯木齊已經達致「社會面基本清零」，會恢復低風險區市民嘅生活秩序[31]。
各界反應
[編輯]中共試圖打壓運動嘅擴張，譬如派大批警員戒備、拆走「烏魯木齊中路」嘅路牌[32]。唔單止各大媒體一律唔報導，就連一啲講火災嘅微信文章都會被封禁[31]。
由12月開始，中國大陸好多地方突然開始解封：好似深圳由12月3號開始，進入四種場所（藥房、公園、植物園、旅遊景點）同搭公共交通唔使再檢查核酸檢測結果，衹需要「綠碼」同掃場所碼就得[33]；而廣州喺11月30號起，番禺、荔灣、白雲區全區地方以低風險地區作論，而南沙區除咗高風險地區之外，其他地方亦都一律視作低風險地區，全市地鐵逐步恢復營運等等[34]。呢啲舉措被一啲媒體視為安撫民怨嘅手段，至於係咪眞係放棄動態清零政策都仲唔落得定論[35]。
國王陛下政府
[編輯]
- 首相辛偉誠辦公室嘅發言人話，捉走只係採訪嘅記者好得人驚，唔可以接受。記者必須要喺無恐懼同威脅嘅情况下採訪[36]。另外，辛偉誠喺當地時間11月29號舉行嘅有英國商界領袖同外交政策專家參與嘅倫敦市長宴會上面話，面對國內示威，中共選擇進一步鎮壓，包括襲擊一位BBC記者。辛偉誠話英國認知到中共對英國嘅價值觀同利益構成咗系統性嘅挑戰，隨住中共走向更加獨裁，呢一個挑戰變得更加嚴峻[37]。
行政院
[編輯]
立法院
[編輯]
政黨
[編輯]
喺香港大學校園，有中國留學生手持文宣同鮮花響應悼念，結果有警察去到現場紀錄學生個人資料[45][46]。喺香港中文大學亦有同學進行類似嘅悼念活動，但就有網民質疑，點解中大保安組嘅人，未有好似對待其他中大學生嘅和平示威活動咁用人牆包圍或者其他強硬手段處理[47]。
有啲中國大陸網民喺社交媒體上表示，終於明白點解2019年香港會有反送中運動，向香港人道歉。不過，香港人對於今次事件反應偏向分歧。其中香港眾志前主席、前立法會議員羅冠聰透露，自己受到唔少大陸網民表示懺悔道歉，而佢就表示寬恕態度[48]。另外，薯伯伯亦喺社交媒體呼籲公眾唔好抱有嘲笑態度[49]。不過，喺連登討論區，就有啲網民返過嚟揶揄呢啲中國嘅網民，反問點解當初佢哋咁樣批評佢哋，又老屈反送中運動示威者收咗錢[50]。
另外，亦有啲網民關注，喺2019年迅速譴責香港反送中示威者嘅香港藝人同導演，並無持有同樣標準譴責今次白紙革命嘅示威者[51]。
參考
[編輯]- ↑ 〈影／白紙革命齊呼42字口號！中國人喊「罷免獨裁國賊習近平」 畫面曝光〉。三立新聞。2022-11-28。
- ↑ 〈中國白紙革命狂燒！他曝維尼「真實片段」神預言 網笑翻：是紙禁城〉。三立新聞。2022-11-28。
- ↑ 〈"白紙革命"：中國各地掀起抗議浪潮 "白紙"蔚成抗議象徵〉。法國國際廣播電台。2022-11-27。
- ↑ Crisp, James; Pan, Jenny (27 November 2022). "China clamps down on 'A4 revolution' by removing images of white paper from internet". The Daily Telegraph. 喺29 November 2022搵到.
- ↑ 〈從中國南京傳媒學院開始，學生發起「白紙革命」，上海等中國7大城市大學生發起「白紙革命」 全球最大文具商全面下架A4白紙〉。《報導者》 (中文)。2022-11-28。喺2022-11-28搵到。
{{cite web}}: CS1 maint: url-status (link) - ↑ 〈【不斷更新】上海抗議民眾要求「放人」，清華學生呼「表達自由、民主法治」〉。《端傳媒》 (繁體中文)。2022-11-27。原著喺2022-11-27歸檔。喺2022-11-27搵到。
- ↑ Tye, Matthew (2023年1月27號). What Happened After the Protests in China? - The Dark Truth LEAKED (YouTube video) (英文). 時間 5:22開始. 喺2023年1月27號搵到.
- ↑ 聯合新聞網。〈中國為何激起「白紙革命」？從烏魯木齊延燒的反封控之怒〉。《轉角國際 udn Global》 (中文)。喺2022-11-28搵到。
- ↑ 〈「不自由和窮」全佔了？中國多地防疫引發民怨〉。聯合報。2022-11-27。
- ↑ 〈白紙革命》影片曝光！南京傳媒大學生抗議 被校長口語威脅恫嚇〉。自由時報。2022-11-28。
- ↑ 〈忍無可忍 北京多地民眾維權抗議 獲得解封〉。大紀元時報。2022-11-28。
- ↑ 〈北京市民舉白紙抗議 上海拆敏感路牌〉。
- ↑ 〈中國抗議潮蔓延武漢北京成都 民眾喊出反對獨裁〉 (臺灣中文)。中央社 CNA。喺2022-11-27搵到。
- ↑ "China Covid: Protesters openly urge Xi to resign over China Covid curbs". BBC News (英國英文). 2022-11-27. 喺2022-11-27搵到.
- ↑ "Watch again: Footage from Beijing as anti-Covid restrictions protests take place in China". Youtube (中文). 喺2022-11-27搵到.
- ↑ 16.0 16.1 16.2 16.3 〈【不斷更新】北京亮馬河人群高喊四通橋口號，成都、廣州等地民眾上街抗議封控〉。原著喺2022-11-28歸檔。喺2022-11-27搵到。
- ↑ 〈【圖多有片】【新疆大火激民憤】舉白紙示威海外紛紛聲援 中國警暴力清場路人遭波及〉。《鏡週刊》。2022-11-28。
- ↑ 小山 (2022-11-28)。〈白纸抗议喊"我要做核酸"、"我要被关死"口号〉。《法国国际广播电台》。
- ↑ 《封控變失控! 陸白紙革命遍地烽火 防疫變抗議! 紐時:處理失當恐六四翻版》 (中文)，喺2022-11-29搵到
- ↑ 《六四事件：廣場備忘錄－ BBC News 中文 ｜天安門｜1989》 (中文)，喺2022-11-29搵到
- ↑ 21.0 21.1 "Crowds angered by COVID-19 lockdowns call for China's Xi to step down". www.cbsnews.com (美國英文). 喺2022-11-27搵到.
- ↑ "China Covid: Protesters openly urge Xi to resign over China Covid curbs". BBC News (英國英文). 2022-11-27. 喺2022-11-27搵到.
- ↑ "Protesters are so upset with China's COVID rules, some are openly saying Xi should go". NPR. 2022-11-27. 喺2022-11-27搵到.
- ↑ 自由時報電子報 (2022-11-26)。〈烏魯木齊人命獻祭引眾怒 中國抗議封城遍地開花 - 自由財經〉。《自由時報電子報》。
- ↑ 《[訪問完整] "中國人民要勇敢一點"! 中國男子於上海烏魯木齊路舉花演講 為新疆火災聲援 各地學生紛紛舉白紙示威抗議 規模浩大宛如六四學運重演...｜【焦點要聞】20221127｜三立iNEWS》 (中國中文)，喺2022-11-27搵到
- ↑ 〈不要封控要自由！中共封控引發公憤 醫曝上海復旦大學一張照片超震撼〉。《三立新聞》 (臺灣中文)。喺2022-11-28搵到。
- ↑ 〈BBC記者上海採訪示威 遭陸警暴力拘押數小時〉。2022-11-28。
- ↑ 〈嚴防抗議活動 上海警方收緊安全措施〉 (中文)。德國之聲。2022-11-28。喺2022-11-28搵到。
- ↑ 〈廣州傳出激烈抗議 學校車站現返鄉人潮〉。hk.news.yahoo.com (中文)。喺2022-12-03搵到。
- ↑ 聯合新聞網 (2022-11-26)。〈封逾百日民眾示威 新疆烏魯木齊宣布將「分階段」解封〉。《聯合新聞網》 (中文)。喺2022-12-04搵到。
- ↑ 31.0 31.1 孫聖然 (2022-11-26)。〈烏魯木齊爆示威民眾高喊「解封」 多篇有關奪命火警文章遭禁〉。《香港01》 (香港中文)。喺2022-12-04搵到。
- ↑ 〈白紙革命是什麼？中國對白紙運動態度？白紙抗議會讓中共垮台嗎？ - StockFeel 股感〉。《白紙革命是什麼？中國對白紙運動態度？白紙抗議會讓中共垮台嗎？ - StockFeel 股感StockFeel 股感》。2022-12-01。喺2022-12-04搵到。
- ↑ 〈疫情信息-深圳市卫生健康委员会网站〉。wjw.sz.gov.cn。喺2022-12-04搵到。
- ↑ 鄭寧 (2022-11-30)。〈廣州多區解除臨時管控 海珠密接者或居家隔離 全市地鐵恢復運營〉。《香港01》 (香港中文)。喺2022-12-04搵到。
- ↑ 〈安撫民怨！大陸白紙運動後各地掀解封潮〉。tw.news.yahoo.com (中文)。喺2022-12-04搵到。
- ↑ 〈英國首相強烈批評中國拘捕BBC記者侵害新聞自由〉。美國之音。2022-11-29。
- ↑ 〈中英關係：蘇納克為何說「黃金時代」已經結束〉。BBC。2022-11-29。
- ↑ 〈白紙革命》BBC記者遭中國警察毆打拘押 英國譴責侵害新聞自由〉。自由時報。2022-11-28。
- ↑ "UK tells Chinese government to take notice of lockdown protests". Reuters. 2022-11-28.
- ↑ 外交部 (2022-11-29)。〈新聞說明會紀要〉。《外交部》 (臺灣中文)。外交部。原著喺2022-11-29歸檔。喺2022-11-29搵到。
- ↑ 〈陸委會呼籲對岸積極回應民眾對封控不當的正當訴求〉。中华民国大陆委员会。2022-11-29。原著喺2022-11-29歸檔。喺2022-11-29搵到。
- ↑ 王婉諭 (2022-11-28)。〈世上沒有從天而降的英雄，只有願意挺身而出的平凡人〉。
{{cite web}}: CS1 maint: url-status (link) - ↑ 〈白紙革命》民進黨：密切關注 北京必須正視人民聲音〉。《自由時報》。2022-11-28。原著喺2022-11-29歸檔。喺2022-11-28搵到。
- ↑ 〈為正在爭取自由的每一盞燭火加油〉。
- ↑ 自由時報電子報 (2022-11-28)。〈白紙革命》香港大學陸生響應悼念 警到案「記錄學生個資」 - 國際〉。《自由時報電子報》 (中文)。喺2022-11-28搵到。
- ↑ 〈港大內地留學生在校園內悼念新疆大火死者 保安報警 - RTHK〉。news.rthk.hk (臺灣中文)。喺2022-11-28搵到。
- ↑ HK, Channel C. (2022-11-28)。〈白紙浪潮席捲本港學府 中大有學生悼念烏魯木齊死難者 | Channel C〉。channelchk.com (繁體中文)。喺2022-11-28搵到。
- ↑ 〈中國掀白紙革命！他狂收一堆懺悔文〉。《HiNet生活誌》。2022-11-28。原著喺2022-11-28歸檔。喺2022-11-28搵到。
- ↑ 〈牆內審查甚嚴，帶風向甚盛，所以要把一邊的聲音放大十倍（或百倍甚至千倍），把另一邊的聲音縮小十倍百倍或千倍，才能較為真實地反映事實〉。
{{cite web}}: CS1 maint: url-status (link) - ↑ 〈全國爆發示威之際，大量中國人表示悔疚並向香港人道歉〉。《LIHKG 討論區》。喺2022-11-28搵到。
{{cite web}}: CS1 maint: url-status (link) - ↑ 〈剛查看微博，截至 2022 年 11 月 28 日早上 10:30，暫時未見有任何香港藝人及導演譴責中國各地暴徒，與 2019 年迅速譴責香港暴徒的態度大相徑庭〉。Facebook (繁體中文)。喺2022-11-28搵到。
{{cite web}}: CS1 maint: url-status (link)
