啟蒙時期

一班法國人睇緊由伏爾泰翻譯成法文版嘅《趙氏孤兒》話劇

啟蒙時期kai2 mung4 si4 kei4（英文：The Age of Enlightenment）係17同18世紀歐洲一個係咁湧現新思維嘅時期，大大影響嗰時嘅哲學、文化生活同知識。

求知方法

一般認為，現代知識論（epistemology）係喺中世紀打後嗰兩三個世紀（尤其係啟蒙時期）嗰陣形成嘅：响啟蒙時期，歐洲嘅哲學界一路喺度爭論緊經驗主義同理性主義之間「邊個啱」；籠統噉講，主張理性主義嘅人認為推理係知識嘅主要來源，認為人要求知，主要係靠個腦諗嘅；主張經驗主義嘅人就啱啱相反，認為知識全部（或者大部份）喺一定程度上都係經驗嘅體現，人必需要用感官對世界作出觀察，先可以得到知識

呢個時期嘅歐洲哲學界出咗唔少出名嘅思想家－

• 經驗主義嗰邊有培根（Sir Francis Bacon；幫現代科學方法奠基嘅思想家）、約翰洛克（John Locke）同大衛休謨（David Hume）呀噉，
• 理性主義就有笛卡兒同埋史賓諾沙（Baruch de Spinoza）等，

場爭論去到 18 世紀尾由康德解開。經驗主義同理性主義相關嘅諗頭影響深遠－到咗廿一世紀初，哲學以外嘅領域嘅研究者，由自然科學至社會科學，做嘢嗰時都會用到科學方法等嘅知識論概念。

睇埋

• 經驗主義