澳門15T巴士
澳門15T號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:新福利.png新福利 | ||||||||||
| 所屬車廠 | 路環車場 | ||||||||||
| 路線用車 | 蘇州金龍KLQ6108GQ30AT | ||||||||||
| 路線資訊 | |||||||||||
| 路線圖 | |||||||||||
| 路線性質 | 循環 | ||||||||||
| 服務資訊 | |||||||||||
| 服務時間 | 泳季期間禮拜六、日同公眾假期朝早十一點到晚黑七點半先提供服務 | ||||||||||
| 班次間隔 | 禮拜六、日同公眾假期十到十五分鐘 | ||||||||||
| 全程收費 | 六蚊葡幣 | ||||||||||
澳門15T巴士，舊時叫15X，係一條由新福利做緊，由黑沙海灘來回蝴蝶谷大馬路總站嘅循環巴士線。
背景
[編輯]15X
[編輯]2017年5月6號，交通事務局宣佈為咗加快巴士運作效率將25號縮短到路環市區，唔再去竹灣同黑沙，引嚟社會強烈反對，要求還原入返黑沙，傳媒都好多次報導呢單嘢[1][2][3][4][5][6]。
2017年6月10號，交通事務局局長林衍新面臨大量民意壓力之下，但係又唔想認錯將25號入返黑沙，於是開咗一條只係響禮拜六、日同公眾假期先服務嘅15X出嚟由海蘭花園／黑沙來回蝴蝶谷大馬路總站，畀咗新福利做，為咗開呢個只有一條線同埋只係響禮拜六、日同公眾假期先服務嘅巴士總站，交通事務局閂走四個私家車咪錶車位，即使平時冇巴士用呢個站都唔可以停車同泊車，惹嚟附近居民不滿[7][8]。
2017年7月15號，將呢條嘅總站由海蘭花園搬到黑沙海灘，原本嘅海蘭花園總站就改做中途站[9]。
2017年8月19號，呢條線響停完「黑沙水庫-1」巴士站之後，就加停新整「九澳高頂燒烤公園」巴士站；而停完「和諧廣場／樂群樓」巴士站之後，就加停新整「九澳高頂馬路」巴士站[10]。
2017年10月29號，呢條線因為完咗泳季，開埋呢日之後停止服務[11]。
2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線同澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[12][13]。
15T
[編輯]2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費，只分X尾係快線，用澳門通畀錢要畀多一蚊葡幣，由於呢條線唔係快線同埋係泳季先開辦，所以將呢條線由15X改冧巴做15T。
2018年5月5號，交通事務局恢復呢條線運作到10月28號，只限禮拜六、日同公眾假期，朝早十一點到晚黑七點半提供服務[14][15]。
用車
[編輯]蘇州金龍KLQ6108GQ30AT
走線
[編輯]車費
[編輯]- 全程車費：六幣葡幣。
- 用澳門通全民卡，只係扣三蚊，其餘由政府畀。
- 用澳門通學生卡，只係扣個半，其餘由政府畀。
- 用澳門通長者卡同殘疾卡，免費，全部由政府畀。
服務
[編輯]| 服務時間 | 平時（禮拜一到五） | 泳季期間嘅禮拜六、日同公眾假期 |
|---|---|---|
| 黑沙海灘 | 停駛 | 朝早十一點到晚黑七點半 |
| 班次 | 停駛 | 十到十五分鐘 |
停站
[編輯]| 去澳門旅遊塔方向 |
|---|
|
攷
[編輯]- ↑ （繁體中文）〈25號巴士不經黑沙海灘 護老院家屬探訪變困難〉。力報。2017-05-11。
- ↑ （繁體中文）〈25路巴士取消路環黑沙段 當局應檢討路線調整成效〉。力報。2017-05-15。
- ↑ （繁體中文）〈兩團體向交局遞信 要求恢復25號巴士直達黑沙海灘〉。力報。2017-06-05。
- ↑ （繁體中文）〈25路巴唔停黑沙全城鬧爆〉。澳門日報。2017-06-05。原著喺2017-08-09歸檔。喺2018-05-10搵到。
- ↑ （繁體中文）〈兩會促25路巴復走黑沙〉。澳門日報。2017-06-05。原著喺2017-08-09歸檔。喺2018-05-10搵到。
- ↑ （繁體中文）〈護老院：唔好畀咁多困難我哋！〉。澳門日報。2017-06-05。原著喺2017-08-09歸檔。喺2018-05-10搵到。
- ↑ （繁體中文）〈15X路線周六起逢假日營運快速往返黑沙至石排灣〉 (香港中文)。交通事務局。2017-06-07。喺2017-06-07搵到。
- ↑ （繁體中文）15X巴周六起往返黑沙石排灣 - 澳門日報 互聯網檔案館嘅歸檔，歸檔日期2017年10月14號，.
- ↑ （繁體中文）〈15X路線周六起延伸至黑沙海灘〉 (香港中文)。交通事務局。2017-07-13。喺2017-07-13搵到。
- ↑ （繁體中文）〈四路線8月19日起改停"海蘭花園/黑沙"站〉。交通事務局。2017-08-16。
- ↑ （繁體中文）15X號線停止運作 - Facebook
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）有意見指巴士加價漠視民意，澳廣視，響2018年4月21號搵到。
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）15T路線周六開通往返黑沙海灘，交通事務局，響2018年5月2號搵到。
睇埋
[編輯]拎
[編輯]- （繁體中文）新福利公共汽車有限公司