澳門25AX巴士
澳門25AX號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:新福利.png新福利 | ||||||||||
| 所屬車廠 | 北安車廠 | ||||||||||
| 路線用車 | 蘇州金龍KLQ6108GQE4、 蘇州金龍KLQ6108GQ28E5 | ||||||||||
| 路線資訊 | |||||||||||
| 路線圖 | |||||||||||
| 路線性質 | 循環 | ||||||||||
| 服務資訊 | |||||||||||
| 服務時間 | 朝早六點到朝早九點 晏晝四點到晚黑七點 （周末同埋強制性假期停駛） | ||||||||||
| 班次間隔 | 八到十二分鐘 | ||||||||||
| 全程收費 | 六蚊葡幣 | ||||||||||
澳門25AX巴士，係一條由新福利做緊，而跳站形式由關閘廣場來回蝴蝶谷大馬路總站嘅快速巴士線，只係響朝早同晏晝繁忙時間服務。
背景
[編輯]2017年9月8號，由於8月23號關閘總站被天鴿風災帶嚟嘅風暴潮搞到爛嗮而停用，加埋九月開學嘅客流上升，交通事務局經過評估25號嘅客流情況，為咗加快疏導乘客，調配現有資源，將25號一啲班次抽出嚟行呢條線，畀咗新福利做，而跳站嘅快速巴士運作，加快疏散乘客，等中途站啲乘客可以上到車[1]。
2017年9月14號，呢條線尾班車延長到朝早九點[2]。
2017年9月16號，呢條線增加禮拜六、日服務，即係每日運作（強制性假期例外），服務時間同平時一樣。
2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外。會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費；將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行；又將六十分鐘入面補差價由澳門線轉氹仔線嘅轉乘安排取消，澳門線轉氹仔線同澳門線轉澳門線轉乘時間一樣四十五分鐘，轉路環線就保留六十分鐘轉乘時間。林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加；重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟。2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[3][4]。
2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費。
2019年五一黃金周、十一黃金周期間，交通事務局因應訪澳旅客人流大增並開辦25AX路線下午班次由15:30至18:30結束，每12至20分鐘一班車。當局原計劃係2020年農曆新年期間再開辦25AX路線下午服務疏導訪澳旅客前往關閘嘅客流[5]，因應武漢肺炎疫情影響令到訪澳內地旅客大減，為免資源浪費，交通事務局即時取消1月29號至2月2號嘅25AX路線下午服務。[6]
2020年2月1號，因應武漢肺炎疫情持續，為免資源浪費，呢條線暫停運作，直至另行通知。[7]
2020年5月4號，為配合澳門高中階段復課，交通事務局宣佈恢復呢條線服務。服務時間調整為平日（星期一至五）朝早七點到朝早八點，班距15分鐘。[8]
2020年5月11號，因應客況需求，25AX路線巴士即日起延長營運時間至朝早九點。[9]
2020年6月8號起，呢條線改為雙向路線，分別由關閘廣場及蝴蝶谷大馬路發車。[10]
2021年1月4號起，呢條線延長服務時間，朝早服務時段改為朝早六點到九點，並增設下晝服務時段為晏晝四點到晚黑七點。[11]
用車
[編輯]- 蘇州金龍KLQ6108GQE4（K254-K308，K316-K340）
- 蘇州金龍KLQ6108GQ28E5（K341-K355，K356-K375）
走線
[編輯]車費
[編輯]- 全程車費：六幣葡幣。
- 用澳門通全民卡，只係扣四蚊，其餘由政府畀。
- 用澳門通學生卡，只係扣兩蚊，其餘由政府畀。
- 用澳門通長者卡同殘疾卡，免費，全部由政府畀。
服務
[編輯]| 服務時間 | 禮拜一到五 | 周末同公眾假期 |
|---|---|---|
| 關閘廣場 | 朝早六點到朝早九點 晏晝四點到晚黑七點 |
停駛 |
| 班次 | 八到十二分鐘 |
停站
[編輯]| 25AX | 關閘 ←→ 蝴蝶谷大馬路 | |||||
| 序號 | 往程 | 返程 | ||||
| 站號、站名 | 出入境口岸 | 站號、站名 | 出入境口岸 | |||
| 1 | M9 關閘廣場 |  關閘邊檢大樓
|
C690/2 蝴蝶谷大馬路總站 | |||
| 2 | M50 勞動節大馬路／廣華 | C689/2 和諧廣場／樂群樓 | ||||
| 3 | M172/8 亞馬喇前地（E車道） | T376/3 連貫公路／巴黎人 | ||||
| 4 | T403 史伯泰／麗景灣 | T311/1 百利寶花園 | ||||
| 5 | T309 泉亮花園 | T308/1 氹仔電訊 | ||||
| 6 | T375 連貫公路／新濠天地 | M172/11 亞馬喇前地（G車道） | ||||
| 7 | T379 連貫公路／倫敦人 | M64 黑沙環新街／南華 | ||||
| 8 | C690/2 蝴蝶谷大馬路總站 | M9 關閘廣場 | 關閘邊檢大樓
| |||
攷
[編輯]- ↑ （繁體中文）〈快速巴士路線5AX周六起運作〉。澳門特區政府交通事務局。2017-09-21。
- ↑ （繁體中文）〈3AX及25AX運作暢順加強服務〉。澳門特區政府交通事務局。2017-09-14。
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）有意見指巴士加價漠視民意，澳廣視，響2018年4月21號搵到。
- ↑ 〈農曆新年公交服務推多項臨時措施疏客流〉。
- ↑ 〈農曆新年公交特別安排取消〉。
- ↑ 〈四巴士線周六起暫時停運〉。2020-01-31。
- ↑ 〈中學下周復課兩巴增班次回應需要〉。2020-04-30。
- ↑ 〈兩巴士線延長服務時間〉。2020-05-11。
- ↑ 〈30X和AP1X恢復上午運作〉。交通事務局。2020-06-05。
- ↑ 〈新巴士合同1月1日起生效 服務評鑑提升乘客參與度〉。交通事務局。澳門特別行政區新聞局。2020-12-30。喺2020-12-30搵到。
睇埋
[編輯]拎
[編輯]- （繁體中文）新福利公共汽車有限公司