澳門37T巴士

出自維基百科,自由嘅百科全書
(由澳門37T號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px新福利
路線用車 蘇州金龍KLQ6108GQ30AT

路線資訊
路線圖
路線性質 循環

服務資訊
服務時間 清明節重陽節朝早八點到晏晝五點半
班次間隔 五分鐘
全程收費 免費

澳門37T巴士,舊時叫孝思接駁專線39號,係一條由新福利做緊,由湖畔大廈來回鷄頸馬路嘅循環巴士線。

背景[編輯]

孝思接駁專線(第一次)[編輯]

孝思接駁專線未成立之前,每逄清明、重陽嗰陣,兩間專營巴士公司新福利同澳巴會將112228A303334號延伸到雞頸馬路,去大潭山兜一圈,但係11、22、28A、33響延伸期間就唔會停「澳門大學」站(即係而家城市大學)[1]

2005年,由土地運輸工務局協調成立孝思接駁專線,由兩間專營巴士公司新福利同澳巴聯營。

39[編輯]

2011年8月1號,新巴士營運模式正式實行,呢條線判咗畀新福利嚟做,同埋編咗個39冧巴畀呢條線。

孝思接駁專線(第二次)[編輯]

2012年12月18號,因為要開一條由湖畔大廈來回返亞馬喇前地嘅巴士線就攞咗39做冧巴,所以呢條線就變返冇冧巴齋叫孝思接駁專線,而新福利內部就叫呢條線做37S[2]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線同澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

37T[編輯]

2018年4月21號,澳門巴士票價調整,全程收費係六蚊葡幣,唔再分區收費,只分X尾係快線,用澳門通畀錢要畀多一蚊葡幣,由於呢條線唔係快線同埋係特別活動先開辦,而且免費,所以將呢條線由孝思接駁專線改冧巴做37T

用車[編輯]

新福利同澳巴時期[編輯]

三菱Rosa

新福利時期[編輯]

蘇州金龍KLQ6108GQ30AT

走線[編輯]

車費[編輯]

免費。

服務[編輯]

服務時間 清明節同重陽節
湖畔大廈 朝早八點到晏晝五點半
班次 五分鐘

停站[編輯]

去湖畔大廈方向
  1. 湖畔大廈
  2. 雞頸馬路臨時站-1
  3. 雞頸馬路臨時站-2
  4. 亞利雅架前地/泉悅
  5. 湖畔大廈

[編輯]

  1. (繁體中文)巴士線延長方便市民掃墓,澳門日報,2004年4月4號
  2. (繁體中文)澳門特區交通事務局公共巴士資訊站新聞稿:《續優化氹仔公交服務 6新站點18日起運作》,2012-12-12
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]