隨機森林

隨機森林（粵音：ceoi4 gei1 sam1 lam4）係機械學習上嘅一種集成學習做法，畀若干樖決策樹「齊齊做預測」：想像而家隨機抽一拃數據出嚟，用呢拃數據建立一樖決策樹，重複 $N$ 次建立 $N$ 咁多樖決策樹；及後對新個案做預測嗰陣，都畀呢 $N$ 樖決策樹「投票」，即係每樖決策樹各自對新個案做預測，然後就以某啲方式結合呢啲唔同預測，再畀出嚟做結果，例如要做分類而 $N=4$ ，呢啲決策樹當中有 3 樖都將個新個案歸類做 A 類，研究者就當個新個案係 A 類^[1]。