黃錫凌羅馬拼音

粵語拼音方案
粵語
廣州話及港式粵語 主流方案： 粵拼（香港語言學學會粵語拼音方案） 敎材使用方案： 教育學院拼音方案 耶魯粵語拼音 劉錫祥拼音 黃錫凌式音標 政府方案： 廣州話拼音方案 香港政府粵語拼音 澳門政府粵語拼音 歷史方案： Meyer-Wempe 粵語標準羅馬拼音 粵語羅馬字 粵語注音符號＊ 黃錫凌羅馬拼音 趙元任粵語羅馬字 社會共融方案： 粵語點字＊ 小眾原創方案： 假名粵語注音＊ 諺文粵語注音＊ 越式粤拼 Penkyamp方案 新法蘭西粵語拼音方案 （帶＊號者並非羅馬字母方案） 粵語拼音對照表

黃錫凌羅馬拼音係一個由專研粵語嘅語言學家黃錫凌設計嘅粵語羅馬化方案，佢同埋粵語寬式萬國音標一齊刊載喺《粵音韻彙》入面嘅附錄《粵音羅馬字注音新法建議》。。

音系

好似其他中文嘅語言噉，廣東話係單音節嘅，每個音節都可以分割做韻母、聲母同埋聲調。黃錫凌羅馬拼音所用嘅拼音字母係拉丁字母，並連同上標同下標符號去標示聲調。

韻母

因為韻母同詩詞等文學作品嘅押韻有關，所以中文嘅重音通常係喺韻母上。標準粵語共有53個韻母。

韻母元音

呢套拼音方案表示粵語10個基本元音音素嘅方法係噉嘅：

嚴式萬國音標	[a]	[ɐ]	[eː]	[ɛ]	[i]	[oː]	[ɔ]	[œ]	[u]	[y]
粵語寬式萬國音標	/a/	/ɐ/	/ei/	/ɛ/	/i/	/ou/	/ɔ/	/œ/	/u/	/y/
黃錫凌羅馬拼音	aa	a	ei	e	i	ou	o	eu	u	ue

單元音韻母/雙元音韻母

除了[ɐ]之外，粵語所有嘅元音音素都可以自成一個單元音韻母。

粵語一啲元音音素可以同-i、-u和-ue三個韻尾結合，組成雙元音韻母：

	aa	a	ei	e	i	ou	o	eu	u	ue
-	aa		ei	e	i	ou	o	eu	u	ue
-i	aai	ai					oi		ui
-u	aau	au			iu
-ue								eue

鼻音韻母

呢套拼音方案表示[m]、[n]同[ŋ]呢三個鼻音輔音嘅方法係噉嘅：

嚴式萬國音標	[m]	[n]	[ŋ]
粵語寬式萬國音標	/m/	/n/	/ŋ/
黃錫凌羅馬拼音	m	n	ng

[m]、[n]同[ŋ]呢三個輔音同時都係韻尾，可以同其他元音音素結合，組成下列鼻音韻母：

	aa	a	ei	e	i	ou	o	eu	u	ue
-m	aam	am			im
-n	aan	an			in		on	eun	un	uen
-ng	aang	ang		eng	ing		ong	eung	ung

入聲韻母

呢套拼音方案表示[p̚]、[t̚]同[k̚]呢三個入聲輔音嘅方法係噉嘅：

嚴式萬國音標	[p̚]	[t̚]	[k̚]
粵語寬式萬國音標	/p/	/t/	/k/
黃錫凌羅馬拼音	p	t	k

/p/、/t/同/k/呢三個輔音同時都係韻尾，可以同其他元音音素結合，組成下列入聲韻母，由呢啲韻母組成嘅字，聲調係入聲：

	aa	a	ei	e	i	ou	o	eu	u	ue
-p	aap	ap			ip
-t	aat	at			it		ot	eut	ut	uet
-k	aak	ak		ek	ik		ok	euk	uk

自成音節輔音

[m]和[ŋ]這兩個輔音喺粵語入面，可以自成一個音節，喺萬國音標度用[m̩]同[ŋ̩]標示。

下面係黃錫凌羅馬拼音同萬國音標標示呢兩個自成音節輔音嘅方法：

嚴式萬國音標	[m̩]	[ŋ̩]
粵語寬式萬國音標	/m̩/	/ŋ̩/
黃錫凌羅馬拼音	m	ng

聲母

聲母由輔音組成，粵語大部份單字都有聲母，少部份單字冇聲母。粵語共有19個聲母。

嚴式萬國音標	[m]	[n]	[ŋ̩]	[p]	[t]	[k]	[kʷ]	[pʰ]	[tʰ]	[kʰ]	[kʷʰ]	[ts]	[tsʰ]	[f]	[s]	[h]	[j]	[w]	[l]
粵語寬式萬國音標	/m/	/n/	/ŋ̩/	/b/	/d/	/g/	/gw/	/p/	/t/	/k/	/kw/	/dz/	/ts/	/f/	/s/	/h/	/j/	/w/	/l/
黃錫凌羅馬拼音	m	n	ng	b	d	g	gw	p	t	k	kw	dz	ts	f	s	h	y	w	l

喺《粵音韻彙》度，黃錫凌從「dz、ts、s」分拆出另一組聲母「dz₂、ts₂、s₂」，羅馬拼音拼作「dj、ch、sh」，對應普通話嘅捲舌音「ㄓ、ㄔ、ㄕ」。不過，黃錫凌表示兩者嘅讀音實際上冇分別。

聲調

粵語有9個聲調，其中「陰入」、「中入」同「陽入」呢三個聲調嘅調值，分別同另外三個聲調「陰平」、「陰去」同「陽去」嘅調值相同，所以有「九聲六調」之說。聲調對區別粵語單字唔意思好重要。粵語嘅聲調同時亦組成咗詩詞用字嘅聲調，即係平仄。

根據黃錫凌嘅粵語拼音方案，標示粵語聲調的時候，可以使用數字或者符號。

由於黃錫凌在制定這套拼音方案的時候，冇考慮到打字機同電腦使用者嘅需要，所以佢哋難以輸入呢個拼音方案中使用嘅聲調符號。下表列出黃錫凌羅馬拼音方案所使用嘅聲調符號，並以粵語寬式萬國音標度嘅數字標調作為對照。

適用於非入聲	平	上	去	入	適用於入聲
陰	ˈx (1)			ˈx (7)	陰
		ˊx (2)	ˉx (3)	ˉx (8)	中
陽		ˏx (5)	ˍx (6	ˍx (9)	陽
	ˌx (4)

睇埋

• 粵語寬式萬國音標