Wikipedia:管理員留言板/2017年

出自維基百科,自由嘅百科全書

請保護郭奕芯[編輯]

爾啲𡃁模文章長期淪為IP黨編輯戰嘅戰場,強烈建議一咪永久半保護,一咪剷走。爾啲文章係大啲嘅維基百科道絕對係唔到一個星期就會被管理員剷走嘅,喺粵維留到咁耐真係重奇蹟過摩西分紅海。【粵語文學大使殘陽孤侠熱烈慶祝粵維超過兩個月無鷄屎 2017年1月10號 (二) 19:14 (UTC)[回覆]

贊成長時間半保護,反對剷走。郭奕芯做過電影女主角,亦有傳媒介紹過(篇文本身都有參考來源,Google"郭奕芯"有十萬個結果),篇文亦都持續有大把人睇 (Ranked 126 of the most-viewed pages for December 2016)。中文維基收錄門檻高,唔代表我哋要死跟。--XRTIER (傾偈) 2017年1月10號 (二) 23:29 (UTC)[回覆]
先保護六個月,到時再睇睇情況再決定。 Shinjiman 2017年1月11號 (三) 00:48 (UTC)[回覆]

冇人處理啲唔係粵語嘅文啊?[編輯]

麻煩睇下WP:刪唔係粵語嘅文。點解最近重有幾篇明顯唔係粵語嘅文兩個禮拜內冇人理時冇人刪走?最離譜係廣州地鐵18號線Template:收視率表格/解呢兩篇,明知過咗成半年都冇人譯成粵語都冇人理?--PQ77wd (傾偈) 2017年1月24號 (二) 07:10 (UTC)[回覆]

多謝你幫忙譯咗佢,煩請繼續寫文!翹仔 (傾偈) 2017年3月10號 (五) 00:50 (UTC)[回覆]

爾條友已經係第三次洗《飛機》爾版嘞。求封。唔該。【粵語文學大使殘陽孤侠熱烈慶祝粵維超過兩個月無鷄屎2017年1月30號 (一) 16:23 (UTC)[回覆]

User:特克斯特大量上傳有版權圖片[編輯]

User:特克斯特最近大量上傳《我是歌手》嘅截圖,並且將爾啲截圖用喺講歌手本人嘅文章道。據我所知,維基嘅規矩規定:如果有自由圖像嘅話,就唔可以上傳版權受保護嘅圖片;而電視截圖更加係祇准用喺講電視節目本身嘅文章道嘅,用喺講歌手本人嘅文章道已經超出徂「公平使用」嘅範圍(除非個歌手已經過徂身)。請各位管理員酌情處理。多謝。【粵語文學大使殘陽孤侠2017年2月15號 (三) 19:49 (UTC)[回覆]

User:特克斯特 近期上載嘅相,通知佢本人,如果唔理,管理員先做嘢都未遲。--WikiCantona (傾偈) 2017年2月16號 (四) 02:09 (UTC)[回覆]
同意刪走呢啲有版權嘅圖。User:特克斯特呢條友成日放鬼咁多北話落去,唔搞佢餐都唔得啊。--PQ77wd (傾偈) 2017年2月16號 (四) 07:42 (UTC)[回覆]
咁即係要轉用其他相?User:特克斯特 (傾偈) 2017年2月16號 (四) 08:40 (UTC)[回覆]
維基規矩,唔轉用唔得。【粵語文學大使殘陽孤侠2017年2月16號 (四) 15:47 (UTC)[回覆]
同意Cedric兄嘅講法,必須要轉用先至得。--PQ77wd (傾偈) 2017年2月17號 (五) 05:17 (UTC)[回覆]
係,維基規矩,講在生名人嘅文章只准用自由圖像,除非文章要強調佢嘅成名作。翹仔 (傾偈) 2017年2月17號 (五) 17:00 (UTC)[回覆]

如果確認全部圖都有版權問題,冇得留低,我可以一次過 Special:Nuke 晒佢。翹仔 (傾偈) 2017年2月17號 (五) 17:03 (UTC)[回覆]

User:特克斯特部份嘅圖用呢個拉臣:{{Non-free promotional}},睇落 okay,不過,Deryck,你喺 enwiki 玩開,你會清楚啲。--WikiCantona (傾偈) 2017年2月18號 (六) 02:25 (UTC)[回覆]
據我所知,{{Non-free promotional}}係用來上傳海報或者宣傳材料嘅,電視節目截屏唔算宣傳,應該唔得。【粵語文學大使殘陽孤侠2017年2月18號 (六) 06:10 (UTC)[回覆]
我覺得User:特克斯特掛{{Non-free promotional}}都幫唔到乜。正所謂:避得過初一就避唔過十五,因為嗰啲相一睇就知係侵權。--PQ77wd (傾偈) 2017年2月18號 (六) 06:19 (UTC)[回覆]
咁我揾D冇嗰個logo嘅想都得?User:特克斯特 (傾偈) 2017年2月18號 (六) 06:38 (UTC)[回覆]
唔好意思,答案係「唔得」。
關鍵唔在於「有無商標」,而在於「著作權歸於(人或者組織)」。以《我是歌手》為例,包括屏幕截圖在內嘅所有影像、圖像、音頻等材料嘅嘅著作權,都歸於原作者韓國MBC電視臺同埋將節目引入中國嘅湖南衛視。因此除非佢等肯自己喺維基共享道開個戶口,然後用爾個戶口將節目嘅材料上傳到維基共享(不過佢等恁做嘅機會微乎其微,因為上傳去維基共享嘅材料係全地球都用得嘅,湖南衛視或者MBC以後都無得再要求收版權費),否則就祇能夠睇下符唔符合「公平使用」。就電視節目(或者電影、電臺節目等)而言,就算閣下真係入到去《我是歌手》嘅錄製現場,用自己部相機影到臺上嘅實況,再將爾啲相上傳到維基共享,都有可能侵犯版權。因為節目拍攝/錄製現場一般係嚴禁非工作人員影相嘅,所以就算閣下將自己影嘅爾啲相上傳到維基百科,湖南衛視一樣有權出律師信,要求維基共享鏟走爾啲相。
「公平使用」嘅具體定義每個維基項目都唔同,但係基本上對用屏幕截圖都一咪就嚴格限制(例如英維),一咪就「一刀切」恁禁止(例如維)。目前最普遍嘅嚴格限制係:屏幕截圖(唔理有無商標)祇准用喺講電視節目或者應用程式本身嘅文章裏面,即係話爾啲《我是歌手》嘅截圖祇准用喺《我是歌手》爾篇文章裏面,用喺其他文章裏面都會超出「公平使用」嘅許可範圍。【粵語文學大使殘陽孤侠2017年2月18號 (六) 18:19 (UTC)[回覆]
@特克斯特:上面Cedric兄講到,即使係入咗節目拍攝/錄製現場用自己部相機影到臺上嘅實況再上傳到維基同享,嗰啲相都係按有版權角色處理(即使自己用手抄畫都一樣)。呢啲帶有版權嘅相即使過咗上傳呢關,湖南衛視一樣會出律師信嚟刪呢啲相(除非湖南衛視宣佈停播或執笠)。--PQ77wd (傾偈) 2017年2月18號 (六) 23:01 (UTC)[回覆]
要分返開版權問題同埋攝影許可。如果有人入場影咗相,然後噏撈上維基共享,呢個唔係版權問題,而係入場影相人同埋節目安排方面之間嘅合約糾紛。翹仔 (傾偈) 2017年3月8號 (三) 22:37 (UTC)[回覆]
@Deryck Chan多謝指正。【粵語文學大使殘陽孤侠2017年3月9號 (四) 05:33 (UTC)[回覆]

User:特克斯特似乎都唔係太清楚維基對圖片版權嘅掌握。簡單一句,最多只能夠留一張低解像度嘅《我是歌手》嘅截圖用響《我是歌手》篇文度介紹個節目,假如想用響歌手篇文度就一定唔得。--Kowlooner (傾偈) 2017年2月19號 (日) 12:29 (UTC)[回覆]

留底喺我是歌手系列節目入面嘅相。關於歌手嘅相,可以暫時刪除咗佢,得閑我就發返個郵件卑返維基媒體基金會個邊。特克斯特 (傾偈) 2017年3月6號 (一) 13:06 (UTC)[回覆]

我建議跟英文維基規矩嚟做:
  1. 每篇有關電視節目嘅文可以有一張公平使用圖。呢張圖可以係撈稿或者截屏。
  2. 如果一張圖十分重要,無咗張圖會令到讀者睇唔明篇文嘅一啲細節,就可以另外加圖。
特克斯特噏撈嗰啲圖似乎只符合1而唔符合2,所以每篇文應該只准放一張公平使用圖。翹仔 (傾偈) 2017年3月10號 (五) 00:49 (UTC)[回覆]

另外想問下,上傳冇版權限制嘅相,即係自己啲相?就例如,某歌手開完演唱會,我影咗幾張相,我可以放上嚟做佢個個人簡介張相?特克斯特 (傾偈) 2017年6月26號 (一) 07:58 (UTC)[回覆]

特克斯特:自己影嘅相無問題,除非背景好多有版權嘅平面設計,但應該上載去維基共享而唔係粵語維基百科。翹仔 (傾偈) 2018年2月1號 (四) 17:36 (UTC)[回覆]

其他需要搞搞嘅相[編輯]

  • (由上一節拆出嚟)

另外粵維啲圖一直無乜人把關同管理。維基共享開咗好多年,近排都依然有人將自由版權嘅圖放上嚟而唔係放過維基共享嗰邊,無人阻止。重有堆無用嘅圖一路無人清理,入面有唔少非自由版權嘅圖一定要唔可以留低。--Kowlooner (傾偈) 2017年2月19號 (日) 12:29 (UTC)[回覆]

問題已經處理咗部份。--WikiCantona (傾偈) 2017年3月5號 (日) 14:48 (UTC)[回覆]

我都清理緊Special:未用檔案。至於直接噏撈上粵文維基百科嘅圖,如果係自由版權,可以慢慢先理。翹仔 (傾偈) 2017年3月9號 (四) 23:51 (UTC)[回覆]

User:PQ77wd再次未經討論就剷走{{知名度}}[編輯]

請各位睇下《廣州美萊醫療美容醫院》嘅編輯歷史。我已經兩次質疑爾間醫院嘅知名度,但係User:PQ77wd(以前叫做User:WKDx417或者User:CRCHF)兩次都未經討論就單方面剷走{{知名度}}——直到宜家個討論版都重未開。拋開爾間整容診所嘅知名度唔講,連續兩次未經討論就單方面剷走{{知名度}}已經算係嚴重違規。請管理員酌情處理,唔該。【粵語文學大使殘陽孤侠2017年3月12號 (日) 00:16 (UTC)[回覆]

反對Cedric兄對呢間醫院提出嘅所謂「知名度唔夠」嘅問題(以前都敏俊出過一單),因為呢間醫院以前出過三單大新聞,都算有一定知名度。包括2014年中國大陸嘅變性人——劉婷有國內外媒體報道,同埋有市民整到似明星鞏俐個樣,喺深圳([1])同山東青島([2])嗰邊啲媒體都有報道過。--PQ77wd (傾偈) 2017年3月12號 (日) 00:25 (UTC)[回覆]
多謝你哋兩個問其他人意見。你哋問意見係啱嘅。我睇返篇文,見到有唔少引用出處,所以應該無問題。「知名度」嘅用途其實係Wikipedia:求證得到,而唔係「有幾出名」咁簡單。翹仔 (傾偈) 2017年3月31號 (五) 21:45 (UTC)[回覆]

建議刪除華地馬篇嘢兼全保護唔畀再開版(因為懷疑有襪公仔出現)[編輯]

最近發現有位叫177.98.223.136呢位IP黨,喺華地馬篇嘢未經過討論情況下亂咁改文,加上篇文嘅標題屬未經討論就濫用嘅原創譯名(早期係「華踢馬」標題,後嚟查過「華地馬」個名出面又係冇結果,我早喺幾日前改成兩個更加接近原文發音嘅常用名兼今日對「華地馬」呢個原創譯名提刪)。加上177.98.223.136呢位IP黨曾經喺卡米洛 山塔納呢篇嘢懷疑玩過襪公仔(嫌疑最大:177.207.13.48、179.180.135.123、177.98.194.116),重有177.158.174.159同177.158.115.128喺最近幾日新開過巴西政治人物嘅文,呢堆IP規律多數都係寫巴西啲政治人物有關。麻煩管理員調查下177.207.13.48、179.180.135.123、177.98.194.116、177.158.115.128、177.158.174.159呢堆IP係唔係177.98.223.136呢條友用家嘅同一個人。--PQ77wd (傾偈) 2017年4月1號 (六) 01:41 (UTC)[回覆]

建議用「用爭拗,用原文」原則,既然譯名有爭議就搬版去原文名。另外,粵語維基無稽查員,想查幾個IP係咪同一個人嘅話要去m:Steward requests/Checkuser翹仔 (傾偈) 2017年4月2號 (日) 16:37 (UTC)[回覆]
噉我過去m:Steward_requests/Global投訴,因為我查過以往好多人用m:Steward requests/Checkuser查IP黨,結果好多時都Not Done(典型案例:m:Steward_requests/Checkuser/2016-02#95.76.250.24@ro.wikipedia.org)。--PQ77wd (傾偈) 2017年4月2號 (日) 23:12 (UTC)[回覆]

請刪除惡作劇文章李和星[編輯]

對不起,因為不會講粵語,只能用中文留言。自2016年11月28日起,有一個印尼人用戶User:SingkawangTELADAN在大量維基項目中建立了一個所謂名為“李和星/Astro Liecharlie”的人物的條目,據稱是所謂“印尼科學家、作家和演員”,根據印尼語和英語維基百科確認此為惡作劇(hoax),並於12月19日和30日已刪除。根據d:Q27923765的歷史記錄可知,其所創建的這篇惡作劇條目已被許多維基項目刪除,包括印尼文、英文、韓文、日文、中文、簡單英文、吳語、法文等。其中印尼文版本還是刪除後繼續創建。建議管理員立即刪除此惡作劇文章,以防止這個人惡意破壞。@Deryck Chan@SC96@Shinjiman@WikiCantona--112.5.237.248討論2017年4月7號 (五) 10:06 (UTC)[回覆]

已經被SC96鏟咗。唔該晒IP人同埋SC96。翹仔 (傾偈) 2017年4月14號 (五) 15:49 (UTC)[回覆]

在世人物的非自由版權圖像,違反WP:NFCC#3a。--Dabao qian (傾偈) 2017年4月29號 (六) 10:42 (UTC)[回覆]

麻煩全保護古巨基呢篇嘢[編輯]

最近我好想去管理員提呢單,但因為咁啱有啲事未去到。因為最近嗌特克斯特嘅人喺古巨基篇嘢,未經過討論就加入一大堆唔似粵語嘅國文入去,重喺編輯摘要講埋嗮啲廢話。呢種行為喺出名啲大維基嚟講,已經構成編輯戰。我建議將呢篇文全保護一個禮拜,跟住討論下點。--PQ77wd (傾偈) 2017年5月9號 (二) 01:46 (UTC)[回覆]

我用徂少少時間睇過User:特克斯特古巨基道做嘅編輯,係就係有啲咁多語病,但係都遠遠未去到User:PQ77wd所講嘅「太多普通話內容」爾個程度——起碼佢係用「佢」、「喺」等等,而唔係「他」、「在」等等。另外User:PQ77wd唔單止唔肯解釋User:特克斯特嘅編輯點樣太多普通話,重無端端提起User:特克斯特以前上傳侵權圖像嘅事,同爭執嘅核心完全無關,有理由相信佢純粹係想靠玩挖墳來搞衰User:特克斯特個形象。
無論從大陸法系或者英美法系嘅角度來講,User:PQ77wd身為提出指控嘅人,必須負起提供論據嘅責任,但係佢從頭到尾都唔肯解釋User:特克斯特嘅編輯點樣多普通話法,已經令人有足夠理由懷疑佢嘅指控係錯告。唔單止係恁,計我話,發動編輯戰嘅責任應該歸於User:PQ77wd。【粵語文學大使殘陽孤侠2017年5月9號 (二) 05:13 (UTC)[回覆]
詳細嘅睇下「2004年-2007年」同「2001年-2003年」呢段,就算唔用北話指控,都有一堆病句已經睇到頂唔順喇。--PQ77wd (傾偈) 2017年5月9號 (二) 07:56 (UTC)[回覆]
我都未譯完,呢篇文重修理緊喎。同埋唔該尊重編輯者,掛咗inuse就唔好反轉編輯。同埋你挖墳想搞衰我,你點回應啊?特克斯特 (傾偈) 2017年5月9號 (二) 11:23 (UTC)[回覆]
你哋兩個隻抽呢啲嘢,自己搞掂佢啦 ¯\_(ツ)_/¯。我尋日有諗過暫時鎖文,但係見特克斯特呢兩日對篇文修改唔少,所以請PQ77wd唔好再一次過鏟晒人哋啲新內容。有咩覺得唔好嘅,就逐段刪改。 --翹仔 (傾偈) 2017年5月10號 (三) 13:28 (UTC)[回覆]
既然有修改過就得喇。不過我喺篇文要補充啲嘢,佢曾經喺2012年參加過珠江頻道嘅咪王爭霸節目。--PQ77wd (傾偈) 2017年5月10號 (三) 13:37 (UTC)[回覆]
放膽去馬。翹仔 (傾偈) 2017年5月10號 (三) 14:19 (UTC)[回覆]

唔該User:PQ77wd請尊重編輯者[編輯]

PQ77wd請尊重編輯者 就算真係唔識用你都可以講架,無需用呢啲語氣。特克斯特 (傾偈) 2017年5月28號 (日) 10:43 (UTC)[回覆]

算啦,無謂再拗。我都唔想出咁大口氣話你嘅。求先篇嘢,加上睇過你以往嘅編輯,有部分粵語嘅專用詞都唔識用,下下都有人跟你手尾,真係唔知點講。--PQ77wd (傾偈) 2017年5月28號 (日) 12:58 (UTC)[回覆]
呢啲用詞我一陣會喺佢討論頁講。--PQ77wd (傾偈) 2017年5月28號 (日) 13:02 (UTC)[回覆]
文筆問題還文筆問題,唔該PQ77wd唔好人身攻擊[3] 翹仔 (傾偈) 2017年5月31號 (三) 11:31 (UTC)[回覆]
呢個唔係咩文筆問題。關鍵係佢嚟自邊?前一段時間寫啲嘢太似啲煲冬瓜,我已經好懷疑特克斯特呢個人係唔係猛咁將中文維基未譯過啲嘢放嚟粵維搞濫竽充數嘅文章。--PQ77wd (傾偈) 2017年6月1號 (四) 08:35 (UTC)[回覆]
我嚟自邊都唔係關鍵。因為Dabao qian 一早講咗我嚟自香港。你咁樣會令我有少少懷疑你又再一次起人底。同埋個句,我將中維啲嘢唔係未譯過。特克斯特 (傾偈) 2017年6月1號 (四) 09:30 (UTC)[回覆]
好似寫成特克斯特噉嘅未譯得全啲文,遲早有人肯定搞佢鑊。我費事又再出事,呢件事我就到此為止。--PQ77wd (傾偈) 2017年6月1號 (四) 09:41 (UTC)[回覆]
件事到此為止就梗係最好。不過我都好想知道你想點搞鑊我?同埋你話嘅病句你又唔講返點樣出錯法。雖然個句讀起嚟冇問題。特克斯特 (傾偈) 2017年6月1號 (四) 09:55 (UTC)[回覆]

USER:香港獨立呢個用戶名有地域攻擊成分[編輯]

管理員。維基雖然有言論自由啫,但冇理由咁下巴太輕啩?!連「香港獨立」呢句帶有挑釁性同攻擊性嘅用戶名都畀佢入得嚟?睇嚟要理下呢單嘢先至得喇。--PQ77wd (傾偈) 2017年6月1號 (四) 08:31 (UTC)[回覆]

個用戶名又唔係「廣州人全部咸家剷」⋯⋯按維基嘅標準唔算係地域攻擊。【粵語文學大使殘陽孤侠2017年6月1號 (四) 18:04 (UTC)[回覆]
噉點解中文維基嘅台湾独立或英文維基嘅Freetibet84、或者係日文維基嘅Fuckjapanese呢啲噉嘅用戶名都會俾管理員封號?若果按Cedric兄噉樣講嘅,噉Freetibet84Fuckjapanese台湾独立呢啲噉用戶名都可以有理由解得封啦。呢啲現象喺英文維基嗌「inappropriate username」,日文維基嗌「不適切な利用者名」,肯定實封得。言論都有限度㗎,唔係百科連呢啲噉嘅用戶名都唔理啩?!--PQ77wd (傾偈) 2017年6月2號 (五) 05:30 (UTC)[回覆]
User:Freetibet84被封係因為學似當年User:À la 雞恁無正當理由濫用多個帳戶;User:Fuckjapanese個用戶名擺明係唔妥某個特定種族,加上有個粗口字「Fuck」,自然更加無得留低。至於User:台湾独立被封嘅原因,管理員無講明,可能係因為有人投訴,亦可能係因為被人以為係多人共用一個帳戶,而多人共用一個帳戶同樣係犯規嘅,喺百分之百確定係乜嘢原因之前,深入調查下無害嘅。【粵語文學大使殘陽孤侠2017年6月2號 (五) 06:53 (UTC)[回覆]
Cedric算啦,佢都根本唔曉乜嘢叫做言論自由、思想自由,望佢嘅樣十之八九都係啲小粉紅,白白癡癡噉,Cedric生你就話佢會改,計我話根本就係本性難移,佢會改錯簡直就係個笑話,我已經睇透佢呢下嘢。--S7w4j9 (傾偈) 2017年6月2號 (五) 12:16 (UTC)[回覆]

我哋嘅用戶名政策(引自en:Wikipedia:Username policy)有講唔應該用「得罪人嘅用戶名」,例如"Usernames that promote a controversial or potentially inflammatory point of view"(英文新版:Usernames that are likely to offend other contributors, making harmonious editing difficult or impossible; e.g., by containing profanities or referencing controversies.)。但「得罪人」、「controversial point of view」見仁見智,呢條友嘅貢獻亦無乜大問題,所以我做管理員唔會直接ban佢。既然PQ77wd最覺得佢個名有問題,我建議PQ77wd去呢條友嘅傾偈版道,提議佢用Special:GlobalRenameRequest改名。翹仔 (傾偈) 2017年6月5號 (一) 12:00 (UTC)[回覆]

畀幾個例出嚟:en:User:Independènciaen:User:Independent.quebecen:User:GiveTibetFreedomen:User:Patriotic_Gael。--WikiCantona (傾偈) 2017年6月9號 (五) 23:38 (UTC)[回覆]

請保護容祖兒呢版[編輯]

求先有位IP黨喺容祖兒呢版發生咗編輯戰,已經違反咗3RR政策,我建議管理員半保護佢。--PQ77wd (傾偈) 2017年7月7號 (五) 06:44 (UTC)[回覆]

保唔保護我冇問題。總之有unCantonese就唔該講返邊度有,我再去修改返就得。特克斯特 (傾偈) 2017年7月7號 (五) 06:47 (UTC)[回覆]
樓上嗰位,你怪錯人喇。嗰位IP黨唔係我,而係另有其人。--PQ77wd (傾偈) 2017年7月7號 (五) 07:37 (UTC)[回覆]
人哋冇講出錯處唔係刪走{{unCantonese}}嘅理由,因為個問題根本冇解決到。你擴寫嗰陣帶得呢啲問題入嚟,就唔應該用呢種手法卸責。呢度唔係個個都有大把時間同你將篇文由頭睇到落腳,有人肯幫你搞係你好彩,冇人肯搞你都冇得怪人。呢版同「李克勤」就算係鎖都應該係全保護。SC96 (傾偈) 2017年7月7號 (五) 12:07 (UTC)[回覆]
咁你話呢2篇文依家邊度重有unCantonese?唔該詳細啲講返喺邊段、邊句,我再去改返。特克斯特 (傾偈) 2017年7月7號 (五) 12:45 (UTC)[回覆]
同埋李克勤篇文邊度有啲色彩太重?列返出嚟,我再去修改。你唔講錯處我係唔知個啵,就咁掛unCantonese咁我以後寫嘅文永遠都係unCantonese反而係冇幫助。不過就算係有問題,你地都要講返邊度有問題,唔係就咁有問題就算。就算佢哋冇時間睇嗮成篇文,佢哋睇到去嗰個位,發現問題,都要講返嗰問題出嚟,而唔係就咁unCantonese而唔肯講返個問題出嚟。特克斯特 (傾偈) 2017年7月7號 (五) 12:47 (UTC)[回覆]

呢單我支持SC96嘅做法。特克斯特啲{{unCantonese}}所為,佢以前喺羽·泉篇嘢試過俾阿沾搞過一鑊,張敬軒嗰篇嘢都試過俾SC96同其他人質疑過,加上以前喺古巨基篇嘢搞過單大龍鳳。冇人肯搞嘅重喺度死雞撐飯蓋。--PQ77wd (傾偈) 2017年7月7號 (五) 23:50 (UTC)[回覆]

張敬軒篇嘢我又係譯到做粵語。古巨基篇嘢我都唔想再講,係你自己冇講返晒啲錯處出,剩係話有北話嘢,唔通專輯個度啲嘢都係北話,個度冇可能係北話嘢。咁所以依家容祖兒李克勤呢兩版,你地睇到邊度?你地睇到嘅地方,邊度重有北話嘢?都要講返出黎。特克斯特 (傾偈) 2017年7月8號 (六) 06:07 (UTC)[回覆]

關於跨維基破壞者Jessechi[編輯]

Jessechi是來自中文維基的破壞者(zh:WP:Jessechi),現也活躍於文言文維基和粵文維基,不懂粵語而且也有破壞(例如留言的前一天還破壞了中華人民共和國)。我已經在Wikipedia:城市論壇 (雜項)提過這個問題,之前用過的傀儡也在城市論壇中。

如果巡查最近修改時發現有新用戶,或者編輯中國古今歷史方面條目,或者粵語水平有問題,或者編輯可疑,宜檢查其中文維基帳號是否被認定為Jessechi傀儡。此人編輯傾向比較固定,通常情況下一兩天之內就會被發現。如有可疑IP編輯,可到中文維基頁面判斷是否為他所用。

因為此人每次被發現之後就會拋棄舊帳號註冊新帳號,所以核實和清理其傀儡編輯比封禁舊帳號的意義大。--逆襲的天邪鬼 (傾偈) 2017年7月9號 (日) 23:31 (UTC)[回覆]

用橙色字標註搞清楚版[編輯]

建議從中維引進呢個架生仔,以方便巡查。--Dabao qian (傾偈) 2017年7月10號 (一) 16:35 (UTC)[回覆]

Improved search in deleted pages archive[編輯]

請幫手去譯做你嘅語言

During Wikimedia Hackathon 2016, the Discovery team worked on one of the items on the 2015 community wishlist, namely enabling searching the archive of deleted pages. This feature is now ready for production deployment, and will be enabled on all wikis, except Wikidata.

Right now, the feature is behind a feature flag - to use it on your wiki, please go to the Special:Undelete page, and add &fuzzy=1 to the URL, like this: https://test.wikipedia.org/w/index.php?title=Special%3AUndelete&fuzzy=1. Then search for the pages you're interested in. There should be more results than before, due to using ElasticSearch indexing (via the CirrusSearch extension).

We plan to enable this improved search by default on all wikis soon (around August 1, 2017). If you have any objections to this - please raise them with the Discovery team via email or on this announcement's discussion page. Like most Mediawiki configuration parameters, the functionality can be configured per wiki. Once the improved search becomes the default, you can still access the old mode using &fuzzy=0 in the URL, like this: https://test.wikipedia.org/w/index.php?title=Special%3AUndelete&fuzzy=0

Please note that since Special:Undelete is an admin-only feature, this search capability is also only accessible to wiki admins.

多謝! CKoerner (WMF) (talk) 2017年7月25號 (二) 18:40 (UTC)[回覆]

尋人啟事[編輯]

請導入oldwikisource:尋人啟事的歷史內容整併。--Jusjih (傾偈) 2017年7月28號 (五) 03:10 (UTC)[回覆]

反對,因為維基百科唔係教科書,呢啲嘢都屬文庫,應該放喺維基文庫都算好啲喇。--PQ77wd (傾偈) 2017年7月28號 (五) 03:20 (UTC)[回覆]
維基書本有冇粵文版?如果有嘅話就可以轉過去嗰邊。 Shinjiman 2017年7月28號 (五) 08:06 (UTC)[回覆]
另外已經有尋人啟事一文喺編輯史度。我個戶口並無倒入歷史嘅權限。 Shinjiman 2017年7月28號 (五) 08:12 (UTC)[回覆]
維基書尚無粵文版。暫送中文維基教科書?--Jusjih (傾偈) 2017年8月9號 (三) 03:54 (UTC)[回覆]
喺維基孵育場開咗維基書本之後,跟住再將篇嘢掟去粵維書本就得(其實粵維書本喺維基孵育場可以開成「Wb/yue/(標題)」嘅格式)。唔使擸埋就掟去中維書本。--PQ77wd (傾偈) 2017年8月9號 (三) 05:39 (UTC)[回覆]

請求搬版同埋疑問[編輯]

問:想搬呢頁天翼·F => 「天翼師博」 因為初時「天翼」撞名,所以加了F,但後來才醒覺要考慮埋SEARCH,所以想改「天翼師博」

同埋如果揾本人加寫內容,本人應該點做?佢係咪要開新ACCOUNT做認證之類? 唔該晒

--Fushchan (傾偈) 2017年9月15號 (五) 15:12 (UTC)[回覆]

請留意138.19.174.4開嘅redirect[編輯]

請留意Special:貢獻/138.19.174.4,好多redirect都有問題。我已經將世界概況改寫做有用文,其他麻煩管理員睇睇有幾多需要刪。 --Kowlooner (傾偈) 2017年12月10號 (日) 12:49 (UTC)[回覆]

解除保護[編輯]

想解除Wikipedia:城市論壇 (政策)嘅保護,我有野講。222.167.166.187討論2017年12月25號 (一) 03:37 (UTC)[回覆]