跳去內容

外遊警示制度

改拎
出自維基百科，自由嘅百科全書

外遊警示制度（英文：Outbound Travel Alert System，簡稱外遊警示、縮寫OTA）係香港保安局設立嘅一個警示制度，令香港居民容易掌握海外國家或地區旅遊或公幹嘅潛在人身安全風險[1][2]。

設立原因

[編輯]

2008年11月25號，泰國反政府示威者衝入並佔領曼谷蘇凡納布國際機場離境大堂，令機場喺當晚宣布取消所有離境航班同關閉機場[3]；近500人香港居民受事件影響而滯留曼谷[4][5]；及至11月27號，保安局仍然唔發出旅遊警告而俾香港旅遊業界指當局被動[6]。11月29號起，中國大陸、澳門等紛紛派出包機接走居民[7]。去到一對香港夫婦喺12月1號凌晨趕去布吉國際機場搭飛機途中撞車導致人命傷亡後[8]，保安局常任秘書長張琼瑤喺同日中午話因應泰國暴力衝突升級而宣布向國泰航空及香港快運作出包機安排，以接載仍然滯留泰國嘅香港居民[9]。

香港政府喺事件中被指反應遲鈍[10]、處事緩慢同無危機感[11][12]。事後，香港政府同香港旅遊業界就旅遊警告制度進行商討；保安局最終喺2009年10月20號正式設立咗「外遊警示制度」[13]。

運作機制

[編輯]

保安局因應受警示制度監控嘅國家可能出現影響香港居民人身安全或風險變化，並對嗰個國出現嘅風險性質、程度及持續性而評估是否發出相應級別嘅外遊警示。保安局會透過專設網頁及新聞公報向外公布發出外遊警示[14]。

警示級別

[編輯]
警告標誌 警告級別 出現嘅情況 向公眾發出嘅訊息
黃色
Signs of threat
 有威脅跡象 留意當地局勢，並提高警惕。
紅色
Significant threat
 有明顯威脅 應調整行程，冇必要就唔好去有關國家或地區。
黑色
Severe threat
 有嚴重威脅 勸喻唔好去有關國家或地區。

覆蓋地區

[編輯]

外遊警示制度覆蓋85個較多香港居民到訪、旅遊或公幹嘅海外國家／屬地，重有可能增加[15]；但根據保安局嘅指引，外遊警示制度並唔包括中國大陸、澳門同埋台灣。

記錄

[編輯]

以下係制度生效至今嘅發出記錄（記錄至2012年9月21號，灰色陰影嘅已取消）[16]：

警告級別 國家或地區 發出日期 取消日期 註
黃色  印尼 2009年10月20號 仍然生效 [2]
黃色 巴勒斯坦國 2009年10月20號 仍然生效 [2]
黃色 泰國 泰國 2009年10月20號 仍然生效 [2]
黃色 土耳其 土耳其 2009年10月20號 2010年5月4號（解除） [2]
黃色  菲律賓 2009年10月21號 2010年8月23號（提升級別）
黃色 伊朗 伊朗 2009年12月28號 仍然生效
黃色 俄羅斯 俄羅斯 2010年3月29號 2010年7月16號（解除）
紅色 泰國 泰國曼谷 2010年3月10號（被提升級別） 2010年4月10號（提升級別） 制度生效以嚟首次發出紅色外遊警示
黑色 泰國 泰國曼谷 2010年4月10號（被提升級別） 2010年6月2號（降低級別） 制度生效以嚟首次發出黑色外遊警示
黃色 尼泊爾 尼泊爾 2010年5月4號 仍然生效
黃色 希臘 希臘 2010年5月6號 2010年7月30號（解除）
紅色 泰國 泰國曼谷 2010年6月2號（被提升級別） 2010年6月9號（降低級別） 降低至黃色同泰國全國睇齊
黃色 南非 2010年6月11號 2010年7月16號（解除）
黃色 俄羅斯 俄羅斯 2010年8月10號 2010年8月27號（解除） 俄羅斯發生山火而發出[17]
黑色  菲律賓 2010年8月23號 仍然生效 因馬尼拉人質事件而發出；亦係制度設立以嚟首次直接發出黑色外遊警示
黃色 印度 印度 2010年9月20號 仍然生效 因印度新德里近日發生遊客被槍擊事件而發出
黃色 俄羅斯 俄羅斯 2011年1月25號 仍然生效 因2011年多莫傑多沃國際機場炸彈襲擊事件而發出；亦係制度設立以嚟首次對同一國家三度發出外遊警示
黃色  埃及 2011年1月28號 2011年1月29號（提升至紅色） 因開羅、亞歷山大港等城市有持續大型示威遊行並出現暴力衝突而發出
紅色  埃及 2011年1月29號（提升至紅色） 2011年1月30號（提升至黑色） 因多個地方有大型暴力衝突，多人死傷；政府實施宵禁令而發出
黑色  埃及 2011年1月30號（提升至黑色） 2011年3月29號（降級至紅色） 因埃及多個地方持續出現大規模暴力衝突，造成嚴重死傷；政府喺全國實施宵禁令而發出
黃色  巴林 2011年2月16號 2011年2月19號（提升至紅色） 因麥納瑪持續大型示威遊行而發出
黃色  約旦 2011年2月16號 2012年3月21號（解除） 因安曼有持續大型示威遊行而發出
紅色  巴林 2011年2月19號（提升至紅色） 2011年3月16號（提升至黑色） 因巴林警方向反政府示威者開槍而發出
黃色 阿爾巴尼亞 阿爾巴尼亞 2011年2月24號 2011年11月30號（解除） 因多個城市有持續大型示威遊行而發出
黃色 卡塔爾 卡塔爾 2011年2月24號 2012年3月21號（解除） 因為有示威或襲擊風險而發出
黃色  敘利亞 2011年2月24號 2011年3月29號（提升至紅色） 因為有示威或襲擊風險而發出
紅色  黎巴嫩 2011年2月24號（直接發出紅色外遊警示） 仍然生效 因為有持續大型示威遊行同暴力衝突而發出；亦係制度設立以嚟首次直接發出紅色外遊警示
紅色 突尼西亞 突尼西亞 2011年2月24號（直接發出紅色外遊警示） 2011年4月8號（降級至黃色） 因為有持續大型大型示威同暴力衝突，造成人命傷亡；緊急狀態法仍然生效而發出；亦係制度設立以嚟首次直接發出紅色外遊警示
紅色 日本 日本 2011年3月11號（直接發出紅色外遊警示） 2011年4月18號（降級至黃色） 因日本東北地震以及引發海嘯；亦係制度設立以嚟首次因地震及海嘯而直接發出紅色外遊警示
黑色 日本 日本（福島縣） 2011年3月12號（提升至黑色） 2011年6月10號（降級至紅色） 日本東北地震導致縣內嘅福島第一核電廠發生爆炸，其他日本地區維持紅色警示
黑色 日本 日本（宮城縣、茨城縣、岩手縣） 2011年3月15號（提升至黑色） 2011年6月10號（降級至紅色） 日本東北地震導致福島第一核電站發生事故嘅嚴重性同唔確定性，其他日本地區維持紅色警示
黑色  巴林 2011年3月16號（提升至黑色） 2011年3月29號（降級至紅色） 因巴林廣泛地區示威同爆發暴力衝突以及巴林政府喺3月15號宣布三個月緊急狀態而發出
黃色 以色列 以色列 2011年3月24號 仍然生效 因耶路撒冷發生炸彈爆炸而發出
紅色  埃及 2011年3月29號（降級至紅色） 仍然生效 因樂蜀、阿斯旺、洪加達及沙姆沙伊赫地區形勢好轉，全國宵禁令（朝早2至5點）仍然生效而發出
紅色  敘利亞 2011年3月29號（提升至紅色） 2011年4月26號（提升至黑色） 自2011年3月中，多個城市包括德拉、拉塔基亞同大馬士革有暴力示威，造成多人傷亡而發出
黃色 突尼西亞 突尼西亞 2011年4月8號（降級至黃色） 仍然生效 因突尼斯局勢漸趨穩定，社會秩序趨於正常；緊急狀態法仍然生效而發出
黃色  白俄羅斯 2011年4月13號 2011年11月30號（解除） 因2010年12月總統選舉後首都明斯克出現示威活動；2011年4月11號明斯克十月廣場地鐵站發生嚴重炸彈爆炸事件而發出
紅色  巴林 2011年4月13號（降級至紅色） 2012年3月20號（降級至黃色） 因2011年3月15號宣布嘅三個月緊急狀態仍然生放。麥納麥中區實施晚間宵禁令而發出
黃色 日本 日本 2011年4月18號（降級至黃色） 2011年6月10號（解除） 日本東北地震同海嘯後再有餘震而發出，而福島縣、宮城縣、茨城縣、岩手縣就維持黑色外遊警示
黑色  敘利亞 2011年4月26號（提升至黑色） 仍然生效 因多個城市包括德拉、拉塔基亞、大馬士革、巴尼亞斯、阿勒頗、霍姆斯同哈馬等城市，持續出現大規模暴力衝突，造成嚴重死傷而發出
黃色 摩洛哥 摩洛哥 2011年4月29號 2012年7月27號（解除） 因為當地有恐怖襲擊風險。2011年4月28號馬拉喀什市發生嚴重爆炸事件而發出
黃色 馬爾代夫 馬爾代夫 2011年5月3號 2011年6月10號（解除） 因2011年5月初，首都馬累有示威，並出現暴力衝突而發出
紅色 日本 日本（宮城縣、福島縣、茨城縣、岩手縣） 2011年6月10號（降級至紅色） 2012年1月16號（解除其中三個地區） 2011年日本東北地震引致發生猛烈地震同海嘯。計劃去日本嘅市民，應調整行程，冇必要就唔好去宮城縣、福島縣、茨城縣和岩手縣；由於核輻射洩漏事故，唔應該進入福島第一核電廠八十公里範圍以內地區。而日本其他地區已取消外遊警示。
紅色 泰國 泰國（受水災影響地區包括曼谷） 2011年10月25號（提升至紅色） 2011年11月30號（降級至黃色） 連續豪雨引發洪水氾濫；另外，南部陶公、也拉同北大年三府持續出現暴力衝突；曼谷市出現過示威同炸彈襲擊而同時發出[18]
黃色 泰國 泰國 2011年11月30號（降級至黃色） 仍然生效 當地15個府受水災影響；同埋多個城市出現暴力衝突而同時發出
黃色 孟加拉國 孟加拉國 2011年12月29號 仍然生效 因示威或襲擊風險。[19]
紅色 日本 日本（福島縣） 2012年1月16號（維持） 2012年7月27號（降級至黃色） [20]
黃色 馬爾代夫 馬爾代夫 2012年2月8號 仍然生效 首都馬累有示威同埋暴力衝突。
黃色  巴林 2012年3月20號（降級至黃色） 仍然生效 [21]
黃色 緬甸 緬甸 2012年6月11號 仍然生效 [22]
黃色 肯雅 肯雅 2012年6月25號 仍然生效 [23]
黃色 日本 日本（福島縣） 2012年7月27號（降級至黃色） 仍然生效 [24]
黃色 土耳其 土耳其 2012年9月21號 仍然生效 [25]
紅色 以色列 以色列 2012年11月21號（提升至紅色） 2013年1月11號（降級至黃色） 因2012年11月中，以色列空襲加沙，而加沙就向以色列境內發射火箭彈，造成多人傷亡而發出[26]
黃色 以色列 以色列 2013年1月11號（降級至黃色） 仍然生效 因鑑於局勢唔穩定，市民應避免前往加沙及其周邊地區。計劃前往或已經喺當地嘅港人應提高警惕，注意安全，避開示威或人群聚集嘅地方而發出[27]
黃色 馬來西亞 馬來西亞 2013年3月5號 仍然生效 因馬來西亞軍警同嚟自蘇祿群島嘅武裝分子喺沙巴東部發生衝突，造成人命傷亡。當地政府宣布沙巴東部部份地區為「特別安全區」而發出[28]
黑色  埃及 2013年8月15號（提升至黑色） 仍然生效 因示威和大規模暴力衝突持續在當地多處發生，造成嚴重人命傷亡。市民不應前赴當地而發出[29]
紅色 泰國 泰國曼谷 2013年12月2號（被提升級別） 仍然生效

參考

[編輯]
  1. ↑ 保安局網站
  2. ↑ 2.0 2.1 2.2 2.3 2.4 （繁體中文）〈外遊警示制度今起生效〉。頭條日報。2009年10月20號。 {{cite news}}: Unknown parameter |assdate= ignored (help)
  3. ↑ （繁體中文）〈大笑話包機冇人知〉。東方日報。2008年11月26號。
  4. ↑ （繁體中文）〈500港客滯留睏行李帶〉。東方日報。2008年11月27號。
  5. ↑ （繁體中文）〈五百港人仍滯留 今明仍無航班〉。東方日報。2008年11月28號。
  6. ↑ （繁體中文）〈不發旅警 業界轟港府被動〉。東方日報。2008年11月28號。
  7. ↑ （繁體中文）〈首班澳門包機接載170人〉。東方日報。2008年11月30號。
  8. ↑ （繁體中文）〈趕搭機車禍港漢死妻傷〉。東方日報。2008年12月2號。
  9. ↑ （繁體中文）〈大笑話包機冇人知〉。東方日報。2008年12月2號。
  10. ↑ （繁體中文）〈港府遲鈍 曾蔭權被斥廢柴〉。東方日報。2008年12月3號。
  11. ↑ （繁體中文）〈劉國勳狠批港府袖手〉。東方日報。2008年12月2號。
  12. ↑ （繁體中文）〈包機七成半空置旅客怒轟〉。東方日報。2008年12月4號。
  13. ↑ （繁體中文）〈包機鬧劇催生三色旅警〉。東方日報。2010年3月11號。
  14. ↑ （繁體中文）〈外遊警示制度十月二十日起生效〉。政府新聞網。2009年9月30號。
  15. ↑ （繁體中文）〈外遊警示制度覆蓋國家〉。香港保安局。原著喺2018年7月27號歸檔。喺2009年12月31號搵到。
  16. ↑ 〈外遊警示制度新聞公報〉。原著喺2010年3月28號歸檔。喺2010年8月24號搵到。
  17. ↑ （繁體中文）〈港府對俄羅斯發出黃色外遊警示〉。東方互動。2010年8月10號。
  18. ↑ 〈香港提升泰國（受水災影響地區包括曼谷）外遊警示級別至紅色〉。香港政府新聞網。2011年10月25號。（繁體中文）
  19. ↑ 〈外遊警示涵蓋範圍擴大至八十五個國家及地區〉 (繁體中文)。保安局。2011年12月29號。喺2011年12月30號搵到。
  20. ↑ 〈香港調整對日本發出的外遊警示〉。2012年1月16號。（繁體中文）
  21. ↑ 〈特區政府調整對巴林的外遊警示級別至黃色〉 (繁體中文)。2012年3月20號。
  22. ↑ 〈特區政府對緬甸發出黃色外遊警示〉 (繁體中文)。2012年6月11號。
  23. ↑ 〈特區政府對肯尼亞發出黃色外遊警示〉 (繁體中文)。2012年6月25號。
  24. ↑ 〈香港調整對日本福島縣發出的外遊警示及取消對摩洛哥的外遊警示〉。2012年7月27號。（繁體中文）
  25. ↑ 特區政府對土耳其發出黃色外遊警示及取消對馬爾代夫的黃色外遊警示
  26. ↑ 〈香港提升以色列外遊警示級別至紅色〉 (繁體中文)。保安局。2012年11月21號。喺2012年11月23號搵到。
  27. ↑ 〈特區政府調整對以色列的外遊警示級別至黃色〉 (繁體中文)。保安局。2013年1月11號。喺2013年1月13號搵到。
  28. ↑ 〈特區政府對馬來西亞發出黃色外遊警示〉 (繁體中文)。保安局。2013年3月5號。
  29. ↑ （繁體中文）〈特香港提升埃及外遊警示級別至黑色〉。香港政府新聞網。2013年8月15號。

睇埋

[編輯]

出面網頁

[編輯]
由「https://zh-yue.wikipedia.org/w/index.php?title=外遊警示制度&oldid=1936166」收