史萊哲林
 | |
| 史萊哲林 | |
|---|---|
| 學院創立者 | 薩拉札·史萊哲林 |
| 學院代表物 | 蛇 |
| 學院顏色 | 綠色、銀色 |
| 學院院長 | 赫瑞司·史拉轟（1940年代-1982年） 賽佛勒斯·石內卜（1983-1996年） 赫瑞司·史拉轟（1997年至今） |
| 選擇學生方式 | 血統純正（曾經）、有野心、 具領導能力、足智多謀 |
史萊哲林（英文：Slytherin），係J·K·羅琳嘅奇幻小說系列《哈利波特》裡面，霍格華茲嘅四大學院之一[1][2]，嗰個學院由薩拉札·史萊哲林創立[3]，佢嘅代表動物係蛇[4]，仲以血統純正、有野心、狡猾，有領導能力同埋足智多謀嚟做收生條件，就正如分類帽喺《神秘的魔法石》所講咁樣，史萊哲林嘅人會不惜一切代價嚟達到佢嘅目的。史萊哲林學院嘅代表顏色係綠色同銀色，而學院導師係赫瑞司·史拉轟，後嚟佢退咗休之後就由賽佛勒斯·石內卜接任直到第７輯小說，到後尾當石內卜做咗霍格華茲校長之後，史拉轟就喺退休之中返到霍格華茲做學院導師。史萊哲林嘅學院幽靈係血腥男爵。根據羅琳嘅講法，史萊哲林學院大致對應於四大元素入面嘅水[5]。
雖然史萊哲林學院好著重純正血統，不過亦都會收極少量嘅混血學生，就好似係賽佛勒斯·石內卜同埋湯姆·瑞斗，而嗰個系列小說嘅主角哈利·波特亦都差啲被派去史萊哲林學院。嗰個學院培養咗好多出名嘅巫師，包括魔藥學大師赫瑞司·史拉轟同埋石內卜，好多黑巫師都係喺呢個學院出嚟，包括佛地魔。
特質
[編輯]史萊哲林學院著重有野心同埋好強嘅領導才能、狡猾、足智多謀、識得審時度勢，仲好追求成就。由於學院嘅創立者薩拉札·史萊哲林好睇重血統嘅純正，令到嗰個學院甚少會收混血或者係麻瓜出身嘅學生。由於薩拉札·史萊哲林同葛來分多喺血統上嘅觀點唔同，最終搞到佢哋兩個絕交。呢個亦都係史萊哲林同葛萊分多兩個學院之間宿怨嘅起源。根據阿不思·鄧不利多所講，史萊哲林學院喺揀學生嗰陣仲特別睇重「某種對法律條規嘅藐視」，而哈利·波特亦都有呢種特質，不過分類帽喺學院分類儀式嗰陣時跟咗佢嘅意願揀咗葛萊分多學院。由於嗰個學院嘅學生往往都有好高嘅競爭力，佢哋喺哈利·波特入學之前已經連續６年蟬聯霍格華茲嘅學院盃。
由於英國大部分嘅黑巫師（包括佛地魔）都喺呢度出身，搞到史萊哲林學院嘅評價唔多好。不過精明同有野心並唔係由一開始就係負面嘅天份，佢哋都同樣存在住反對用黑魔法、唔贊同純種優越主義嘅人，當中例如係赫瑞司·史拉轟同埋美黛·東施。賽佛勒斯·石內卜喺第１次巫師世界大戰嗰陣都喺後嚟轉呔，做咗鳳凰會嘅雙面間諜。史萊哲林同葛萊分多呢兩個學院嘅學生好少交情非常之好，特別係喺第１次同第２次巫師世界大戰嗰陣，史萊哲林學院嘅學生冇人願意加入去對抗魔法部同埋佛地魔嘅學生地下組織—鄧不利多的軍隊。不過，雖然喺霍格華茲大戰入面，所有史萊哲林學院嘅學生都喺大戰之前離開晒霍格華茲，但係佢哋入面有啲人後尾又跟住史拉轟教授同埋加入駐紮加喺活米村嘅援軍一齊去抵抗佛地魔同食死人嘅戰鬥。
分類帽聲稱血統嘅純度係史萊哲林學院揀學生嘅一個因素，不過呢一點直到第５輯小說先至提到。不過，由於嗰個學院入面都有幾個混血學生嘅例子，就例如係石內卜同埋做咗佛地魔之前嘅湯姆·瑞斗，因為咁就無理由相信麻瓜出身嘅學生唔會被派去嗰度，只係純血嘅學生更加會受到嗰個學院嘅歡迎，而哈利·波特本人只係喺佢自己嘅堅持下先至被排除喺呢個學院之外。喺《死神的聖物》裡面，一班死拿錢聲稱「冇幾多個麻種被派去史萊哲林」。
當佛地魔喺最後相信哈利已經死咗，仲認為佢自己已經掌握咗最後勝利嗰陣，佢宣布自己正諗住廢除其餘３個學院，仲強迫所有霍格華茲嘅學生入去史萊哲林學院。呢個設計喺佛地魔被打敗仲死埋之下被挫敗，史萊哲林學院嘅血統純正度自此之後變得更加溝淡咗好多，唔再係曾經嘅純血堡壘。
位置
[編輯]史萊哲林嘅宿舍同交誼廳都喺霍格華茲城堡嘅地牢，入去嗰度需要透過向地牢入面嘅一塊光禿禿嘅空白石牆講出通關密碼先至可以入去，呢個會令到一扇隱藏嘅門打開。史萊哲林嘅交誼廳係一個狹長而低矮嘅地牢式房間，嗰個交誼廳係喺霍格華茲黑湖嘅湖底，配有綠色嘅枱燈同埋雕刻扶手凳。喺第２輯小說裡面，嗰度啲房間有低矮嘅天花板，嗰度啲燈光係發出綠色光芒嘅火炬。據講喺裡面望出去嘅話，啲人能夠喺嗰度睇到黑湖裡面嘅生物（因為嗰度喺黑湖湖底）。
相關物品
[編輯]史萊哲林嘅傳承物係個原本屬於薩拉札·史萊哲林嘅金匣仔，後來傳到去擁有史萊哲林血統嘅遠親
喺《死神的聖物》嘅小說同埋電影入面，做咗分靈體嘅史萊哲林小金匣畀鄧不利多同哈利·波特搵到，仲最終畀榮恩·衛斯理用葛萊分多寶劍嚟摧毀呢樣嘢。
代表人物
[編輯]薩拉札·史萊哲林喺原著小說入面已知嘅後裔就係岡特家族，亦都係佛地魔嘅母系家族。其餘嘅仲有：
其他資訊
[編輯]嗰個系列嘅作者J·K·羅琳喺2007年接受訪問嗰陣話，史萊哲林學院後尾已經唔再好似以前咁崇尚純種巫師同女巫，不過佢嘅壞聲譽仲喺度，所以咁就搞到哈利·波特嘅細仔—阿不思·賽佛勒斯·波特咁唔想自己被派到入去史萊哲林學院[6]。
參考資料
[編輯]- ↑ 大衛·巴格特、蕭恩·克萊因 (2006年9月)。《哈利波特的哲學世界》。臺北：麥田出版。ISBN 978-986-173-124-7。
- ↑ 楊季、馬博一 (2004年12月)。《歐美懸念文學簡史》。長春：時代文藝出版社。ISBN 7-5387-1895-8。
- ↑ 布萊恩·西布利 (2014年10月)。《哈利波特電影魔法書：八部電影幕後製作全記錄》。臺北：佳魁文化。ISBN 978-986-5712-89-1。
- ↑ 王小花 (2018-11-15)。〈【符號學×哈利波特】佛地魔的黑魔標記：骷髏與蛇・難分正邪〉 (香港中文)。香港01。原著喺2021-07-19歸檔。喺2019-03-21搵到。
- ↑ Rowling, J.K. (10 August 2015). "Colours". wizardingworld.com. 原著喺2023-01-27歸檔. 喺1 March 2022搵到.
- ↑ "J.K. Rowling Web Chat Transcript". The-Leaky-Cauldron.org (美國英文). 2007-07-30. 原著喺2019-08-14歸檔. 喺2018-10-04搵到.
| 小說 | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 改編電影 | |||||||||||||||||||||||||||||
| 角色 |
| ||||||||||||||||||||||||||||
| 網站 |
| ||||||||||||||||||||||||||||
