奈威·隆巴頓

出自維基百科,自由嘅百科全書
奈威·隆巴頓
馬修·路易斯中文馬修·路易斯飾演嘅奈威·隆巴頓。
首次出場哈利波特:神秘的魔法石
尾次出場哈利波特:死神的聖物
作者J·K·羅琳
扮演馬修·路易斯中文馬修·路易斯電影
詳細信息
性別男性
職業霍格華茲草藥學教授
家庭
  • 奧古斯塔·隆巴頓(阿嫲)
  • 法蘭克·隆巴頓(阿爸)
  • 愛麗絲·隆巴頓(阿媽)
  • 阿爾吉·隆巴頓(叔公)
  • 伊妮德·隆巴頓(叔婆)
配偶漢娜·艾寶中文鄧不利多的軍隊#已知成員名單
國籍英國

奈威·隆巴頓英文Neville Longbottom)係英國作家J·K·羅琳嘅奇幻小說系列《哈利波特》系列嘅人物。佢被形容為哈利·波特同屆入去霍格華茲魔法與巫術學院讀書嘅學生,佢同哈利同榮恩·衛斯理一樣屬於葛萊分多學院,仲住喺同一個宿舍間房。喺開始果陣,佢係個圓面嘅學生。喺成個系列入面,奈威成日被形容為一個相當普普通通又唔突出嘅學生,仲係個笨手笨腳、雜亂無章嘅角色,但係佢喺草藥學中文霍格華茲科目#藥草學方面好有天份。不過,佢喺《鳳凰會嘅密令》裡面加入咗鄧不利多的軍隊之後,佢嘅角色性格似乎發生咗啲轉變。

奈威所受到嘅鼓勵令佢對自己嘅魔法能力充滿信心,仲令佢成為一個更有能力嘅巫師。最終,喺哈利、榮恩同妙麗·格蘭傑因為去搵分靈體而缺席果段期間,奈威成為咗鄧不利多軍隊嘅臨時領袖。佢喺佛地魔倒台果陣發揮住重要嘅作用,仲摧毀咗最後嘅分靈體,令哈利可以徹底咁打敗佛地魔

人物性格同特徵[編輯]

奈威·隆巴頓喺1980年7月30日出世,係正氣師法蘭克·隆巴頓同愛麗絲·隆巴頓唯一嘅獨生仔,不過佢哋兩個喺一次制止食死人嘅行動入面(奈威好細果陣),雙雙俾酷刑咒中文哈利波特中的魔法符咒#不赦咒折磨到發癲,搞到成世都好唔返,需要長期住喺聖蒙果醫院中文哈利波特中的地點#聖蒙果魔法疾病與傷害醫院接受治療,令到奈威一直由佢阿嫲奧古斯塔·隆巴頓湊大。

實際上,奈威·隆巴頓係西碧·崔老妮中文西碧·崔老妮嘅第一次預言入面,佢同跟哈利·波特都係同樣符合果個預言內容嘅人。奈威同哈利、榮恩、西莫·斐尼干同丁·湯瑪斯喺成個系列入面都住喺同一個睡房,成為咗哈利最堅定嘅支持者之一;雖然喺頭四輯小說入面都係個次要角色,不過奈威嘅角色成日以喜劇性穿插嘅方式喺入面出現,佢仲同榮恩、妙麗、金妮同露娜做咗好朋友。正如羅琳所講,《哈利波特》嘅第五輯小說「對奈威嚟講係一個真正嘅轉捩點」,因為佢喺果本小說入面飾演一個更重要嘅角色[1]。奈威喺最後兩輯小說,以及同佛地魔嘅戰鬥入面發揮住重要嘅作用,包括用葛來分多寶劍中文哈利波特中的魔法物品#葛萊芬多劍摧毀咗最後嘅分靈體—娜吉妮中文哈利波特中的生物#娜吉妮。由於奈威本人喺一開始就一直懷疑自己喺葛萊芬多學院嘅位置,仲希望知道自己點解無被派去赫夫帕夫學院,不過葛萊芬多寶劍喺奈威最需要果陣出現喺佢面前,咁就足以證明咗佢就係真正嘅葛萊芬多傳人[2][3]

奈威·隆巴頓嘅寵物係一隻蟾蜍,佢叫「吹寶Trevor」,而成日大頭蝦唔記得嘢嘅奈威成日都唔記得咗將佢漏低喺邊度,或者係俾佢走失咗,但係到最後佢都係會搵得返。

奈威·隆巴頓俾人留低最深刻嘅印象係佢嘅忠誠同勇氣,佢唯一叻嘅科目係草藥學中文霍格華茲科目#草藥學,而是其他學科嘅成績唔多好,當中成績最差嘅係魔藥學中文霍格華茲科目#魔藥學,佢成績唔好嘅原因主要係因為佢成日講完呢樣又唔記得果樣;佢最驚嘅人係石內卜教授,其次就係佢阿嫲(喺路平教授嘅堂講過)。

羅琳喺一次訪問入面透露「我身上有好多奈威—呢種永遠唔夠好嘅感覺,我後生果陣就感受到好多[4]。」出於呢個原因,佢希望奈威喺《哈利波特:神秘的魔法石》入面做啲勇敢嘅事。喺走向小說嘅高潮入面,奈威喺當中「搵到真正嘅道德勇氣,就係企出嚟對抗自己最親密嘅朋友—企喺佢呢邊嘅人」。佢喺果次訪問入面仲講到,呢個係「......喺第一輯小說裡面對我嚟說都係一個好重要嘅時刻」。

家庭[編輯]

奈威係純血中文哈利波特世界觀與設定#純血嘅法蘭克·隆巴頓同愛麗絲·隆巴頓所生嘅純血巫師,隆巴頓夫婦喺同佛地魔對立嘅第一次魔法世界大戰入面,佢哋兩個都係傑出嘅正氣師中文魔法部#正氣師辦公室,亦都係鳳凰會嘅成員。鄧不利多曾經話,佢哋兩個喺1981年曾「三次反抗」佛地魔。不過,隆巴頓夫婦俾小巴堤·柯羅奇貝拉·雷斯壯同佢老公魯道夫·雷斯壯,仲有佢叔仔巴坦·雷斯壯組成嘅一班食死人用酷刑咒中文哈利波特中的魔法符咒#不赦咒折磨到精神錯亂嘅地步,打斷咗一班正氣師嘅成功。鳳凰會銘記住隆巴頓一家所受嘅折磨,作為佛地魔追隨者所犯下最駭人聽聞嘅罪行之一。隆巴頓夫婦自此就留喺聖蒙果醫院中文哈利波特中的地點#聖蒙果魔法疾病與傷害醫院接受長期治療。奈威喺放假果陣都會去探佢阿爸阿媽,不過佢哋兩個都已經無辦法認得到佢哋個仔,而奈威阿嫲—奧古斯塔·隆巴頓將奈威由細湊到大。

在果個系列早期果陣,啲人確定奈威好驚佢阿嫲,因為佢係個嚴肅嘅女巫,亦都係紀律嚴明嘅人同完美主義者,尤其係對住奈威,有時仲會呻佢無魔法天份。無論奈威嘅願望又或佢嘅適合性係點,奧古斯塔似乎都係希望奈威效法佢阿爸嚟做榜樣。《鳳凰會的密令》入面,奈威提到奧古斯塔係鄧不利多嘅忠實支持者,而奧古斯塔仲喺果個學年嘅聖誕節假期喺聖蒙果醫院第一次撞到哈利一班人,她首先多謝哈利佢哋喺學校對奈威嘅照顧,亦都同哈利佢哋講奈威係個善良嘅人,但唔係好似哈利一樣有主動企出嚟反抗嘅勇氣,亦都無法蘭克嘅天份,跟住佢發現奈威從來未向同學講佢父母嘅情況之後就大發雷霆,佢認為奈威應該要為自己父母英勇反抗佛地魔嘅事蹟為榮。不過,喺奈威參與神秘部門嘅戰鬥之後,奧古斯塔第一次明確咁表達咗對奈威嘅讚賞,就算奈威喺戰鬥入面整斷咗法蘭克曾經用過嘅魔杖。喺《混血王子的背叛》開頭,佢陪住奈威去買咗一支真正屬於奈威嘅魔杖,而呢支魔杖(或者係奈威對自己嘅自信)令佢喺最後兩輯嘅表現更加活躍。《死神的聖物》係奧古斯塔同佢個孫仔之間關係明確嘅轉折點,喺果本小說嘅高潮部分,當奈威喺霍格華茲嘅第七年,佢所領導嘅鄧不利多的軍隊得到支持,奧古斯塔最終為佢覺得無比自豪;據透露當奈威擔任改革後的鄧不利多的軍隊領袖果陣,食死人就將針對嘅目標轉去到奧古斯塔。魔法部嘅官員約翰·道利什被派往拉佢但唔成功,當她喺走佬前顯然咁反擊,結果最終令道利什俾人送去醫院。奧古斯塔後來亦都喺霍格華茲大戰入面幫佢孫仔。當哈利話佢知,指奈威喺度同食死人作戰果陣,她回應指「自然係咁」。奧古斯塔係魔法格鬥嘅高手,喺變形學同黑魔法防禦術都有唔錯嘅造詣,不過令人意外嘅係,佢無通過到符咒學嘅普等巫測,而佢同麥教授似乎係熟人。

外觀上[編輯]

小說入面對奈威嘅形容係圓臉。喺《阿茲卡班的逃犯》裡面,哈利對奈威同彼得·佩迪魯嘅身體進行咗一啲比較。羅琳喺2000年嘅一次訪問入面醒起佢同一位讀者嘅對話,當中佢將奈威形容為「矮而圓碌碌嘅金髮綠眼嘅人」[5]

性格上[編輯]

喺成個系列首兩輯嘅大部分時間入面,奈威·隆巴頓被形容為無自信同怕醜。

喺第三輯小說裡面,奈威嘅幻形怪中文哈利波特中的生物#幻形怪被揭露係石內卜教授,呢個係由於果個魔藥學老師對佢嘅待遇驚鬼咗而心生恐懼。羅琳話,作為一個教師,「你能做最差、最爛嘅事」就係恰學生[6]。喺成個系列嘅大部分時間入面,奈威同露娜·羅古德喺霍格華茲裡面都俾人孤立起嚟。就算路平教授係其中一個最早鼓勵奈威嘅人,不過呢個角色喺第五輯開始變得更加有自信。在最後一輯小說入面,當奈威成為咗霍格華茲嘅反抗軍領袖,仲受到一班同伴嘅極大欽佩果陣,呢種情況將奈威嘅個性推向看唔到嘅極限。不過,從第一輯小說開始,奈威就表現出極大嘅勇氣,呢個特點都得到鄧不利多嘅承認—勇於對抗自己嘅朋友,仲俾羅琳睇重佢高過所有其他嘅美德。佢形容奈威無「哈利喺打魁地奇果陣所表現出嚟嘅果種華麗嘅男子氣概[7]」。

魔法能力同技巧[編輯]

喺果個系列嘅第一輯小說入面,奈威被形容成一個唔稱職嘅巫師,佢喺學校嘅技能亦都好渣(只係除咗草藥學中文哈利波特中的魔法符咒#草藥學之外)。呢個角色本人喺第二輯小說入面透露,佢屋企人(尤其係佢阿嫲)甚至擔心童年時期嘅佢係個「爆竹中文哈利波特世界觀與設定#爆竹」,因為咁當奈威收到霍格華茲嘅入學信果陣,佢嘅屋企人先至鬆咗一口氣。由於奈威加入咗一個致力於練習黑魔法防禦術中文黑魔法防禦術嘅學生組織—鄧不利多的軍隊,令佢嘅魔法能力喺第五輯裡面大大提升[8]。喺《混血王子的背叛》入面,奈威收到一支用櫻桃木同獨角獸毛整成嘅新魔杖,因為他之前嘅魔杖(實際上係佢阿爸嘅)喺《鳳凰會的密令》入面同食死人戰鬥果陣整爛咗。新魔杖似乎進一步咁提高咗奈威喺學校裡面嘅表現。

演出[編輯]

電影[編輯]

奈威·隆巴頓嘅的角色喺《哈利波特系列電影》入面都係馬修·路易斯中文馬修·路易斯飾演。為咗令奈威嘅特徵更加突出,路易斯需要戴住黃色同竵竵斜斜嘅假牙,大咗兩個碼嘅鞋,仲喺佢耳後放咗膠片,等路易斯對奈威嘅刻畫被「醜化」咗[9]。喺第五輯電影上映之前,路易斯評論咗奈威嘅角色發展,佢認為「令人驚喜嘅係,奈威呢個角色(喺一定程度上)真係擺脫咗佢「論盡」形象。好開心睇到佢最後成為一個能夠幫到手而唔係令件事變得更衰嘅角色,我好期待第五輯電影,幾乎要扮演一個不同嘅角色呢個將會係好過癮嘅事。」當被問到佢係咪覺得同奈威有關果陣,路易斯答話自己同佢個角色一樣「論盡而且好大頭蝦」,但佢無「同奈威一樣嘅緊張性格」,指扮演一個咁樣嘅人好過癮,就算喺學校裡面會被挑剔,但佢仍然會去做啱嘅事[10]

其他作品[編輯]

雖然奈威·隆巴頓並無喺《哈利波特:被詛咒的孩子》嘅舞台上出現,但他被提及做關鍵情節元素嘅一部分。故事講述時間旅行者阿不思·波特(哈利個仔)同天蠍·馬份(跩哥個仔)為咗挽救西追·迪哥里條命而阻止佢贏到三巫鬥法大賽。不過迪哥里被公開羞辱,令佢走上咗成為食死人嘅道路。當天蠍·馬份返番去到自己嘅時代,佢知道咗迪哥里作為食死人嘅唯一重要行為就係謀殺咗被認為係無關重要嘅奈威。最後喺奈威無參與到霍格華茲大戰嘅時間線上面,佛地魔征服咗成個魔法世界,咁就搞到哈利被殺,而阿不思·波特因為咁就唔再存在。

相關情節[編輯]

首四輯小說[編輯]

奈威·隆巴頓都出現喺每一輯小說同電影入面,但佢出現嘅次數並唔係好多:

喺《神秘的魔法石》入面,奈威第一次出現喺霍格華茲特快列車啱啱開始旅程之前,當時佢俾人睇到由佢阿嫲陪住佢一齊搵佢隻寵物蟾蜍—吹寶Trevor。奈威後來同哈利榮恩妙麗做咗朋友,仲參與咗三人組喺第一集嘅一啲冒險;奈威曾喺飛行課度喺飛天掃把上面撻落地面,俾胡奇夫人中文霍格華茲教職員列表#教職員及職位帶去校內嘅醫院側翼嚟進行治療;奈威喺霍格華茲嘅第一年做咗一樣重大嘅貢獻:當佢見到哈利三個就嚟違反校規仲可能對葛萊分多學院造成更大傷害果陣,佢試過企起身嚟同啲朋友對抗,俾妙麗施展全身鎖咒而當場瞓低,他都因為咁而贏得阿不思·鄧不利多嘅讚賞同尊重。對於呢個行為,鄧不利多校長喺學期尾嘅結業晚宴度特別提到佢個名,話「阻止敵人要有足夠勇氣,但阻止朋友就需要更大嘅勇氣」,仲將最後嘅10分俾佢,令葛萊分多學院可以打敗蟬聯咗好多年嘅史萊哲林學院,成為學院總冠軍仲贏埋學院盃。

喺《消失的密室》入面,就算奈威係一個純血巫師,但由於佢「幾乎係個爆竹中文哈利波特世界觀與設定#爆竹」—係個魔法技巧好渣嘅學生,搞到令佢仍然好擔心史萊哲林嘅怪物中文哈利波特中的生物#蛇妖會攻擊自己。不過,喺《阿茲卡班的逃犯》裡面,新任黑魔法防禦術中文黑魔法防禦術教授雷木思·路平係第一個透過要求奈威對抗同摧毀幻形怪中文哈利波特中的生物#幻形怪(佢內心嘅恐懼)嚟幫佢發揮佢真正力量嘅人之一,而奈威都成功咁做到咗。根據《火盃的考驗》入面透露,奈威係由佢嫲嫲湊大嘅,因為佢父母俾食死人小巴堤·柯羅奇貝拉·雷斯壯仲有道夫·雷斯壯巴坦·雷斯壯酷刑咒中文哈利波特中的魔法符咒#不赦咒折磨到精神錯亂嘅程度,用嚟攞到有關佛地魔喺倒台之後下落嘅信息。喺小巴堤·柯羅奇假扮阿拉特·穆迪中文瘋眼穆迪嘅黑魔法防禦術課堂上面,奈威因為睇到小巴堤·柯羅奇展示酷刑咒對蜘蛛嘅影響而嚇親;之後,奈威邀請妙麗參加聖誕舞會但慘被請食檸檬,結果佢喺舞會上由金妮·衛斯理代替陪佢去。

鳳凰會的密令[編輯]

奈威喺呢輯小說同電影入面加入咗鄧不利多的軍隊,佢嘅魔法能力喺哈利喺會議期間嘅指導之下顯著咁提高咗,然後佢專心致志咁投入到哈利嘅訓練計劃當中。奈威比之前有更多嘅人物描述,喺哈利同佢班朋友喺聖蒙果醫院中文哈利波特中的地點#聖蒙果魔法疾病與傷害醫院裡面見到奈威父母嘅情況開始,哈利同讀者因為咁而更深入咁了解佢。

喺小說嘅高潮部分,奈威同哈利、榮恩、妙麗、金妮仲有露娜·羅古德呢班鄧不利多的軍隊成員一齊參與闖入神秘部門,仲同食死人喺戰鬥入面戰鬥,佢喺過程中意外咁打爛咗有關哈利同佛地魔嘅預言[11]。跟住,當年聽到呢個預言嘅鄧不利多向哈利解釋話,呢個同「被選中嘅人」有關—有能力打贏佛地魔嘅一個巫師。呢個「被選中嘅人The Chosen One」將會喺「七月死果陣as the seventh month dies」誕生,因為咁就可以指嘅係1980年7月30號出世嘅奈威,又或係7月31號出世嘅哈利[12]。喺佛地魔出於自己嘅選擇搵上波特一家仲俾人打敗咗之後(鄧不利多相信,佛地魔之所以咁揀係因為哈利同佛地魔一樣都是混血巫師,而奈威就係純血巫師),神秘部門嘅官員就認定呢個預言所指示嘅對象係哈利而唔係奈威,不過哈利直到霍格大戰完咗之前,都無同奈威說明呢個預言嘅內容。

根據羅琳嘅講法,呢個「並無將一種隱藏嘅力量或是神秘嘅命運俾奈威......奈威仍然係一個『可能已經存在』嘅逗引[2]。」

混血王子的背叛[編輯]

奈威喺呢輯小說同電影入面有一支新魔杖,因為佢嘅魔杖實際上原本係佢阿爸嘅,仲喺上一輯小說同電影入面同食死人交鋒果陣折斷咗。喺去霍格華茲嘅火車上面,奈威得到赫瑞司·史拉轟中文霍格華茲教職員#赫瑞司·史拉轟嘅邀請加入佢嘅史拉轟俱樂部,不過佢好明顯無通過史拉轟嘅第一次試驗,令佢喺之後無被佢再邀請。據透露,奈威喺草藥學中文霍格華茲科目#草藥學方面攞到「傑出」嘅成績,而佢喺黑魔法防禦術中文霍格華茲科目#黑魔法防禦術符咒學中文霍格華茲科目#符咒學入面嘅表現都好出色,攞到「超乎期待」嘅成績。

奈威希望鄧不利多的軍隊嘅會議可能繼續落去,因為佢認為佢哋幫到佢同其他人提高咗魔法技能,不過佢哋停咗,正如哈利而家所講嘅咁無必要,因為佢哋而家有一個「合適嘅老師」。當一群食死人喺跩哥·馬份嘅帶領下攻擊霍格華茲城堡,奈威就響應咗求救號召,就算佢受咗輕傷,佢都再同食死人對戰。喺鄧不利多就嘅葬禮上面,奈威得到露娜嘅陪伴同幫助,哈利對佢哋兩個產生咗一種「強烈嘅感情」,因為佢哋係僅有嘅兩個鄧不利多軍隊嘅成員喺食死人嘅戰鬥之中,淨係得佢哋兩個成員幫榮恩、妙麗同金妮。

死神的聖物[編輯]

想知多啲:死神聖物

喺《死神的聖物》裡面,霍格華茲嘅控制權喺哈利缺席嘅情況下落入咗石內卜同食死人艾米克·卡羅同艾朵·卡羅嘅手裡面。奈威喺霍格華茲七年級嘅大部分時間都係作為反對佛地魔接管嘅反抗軍領袖,奈威同露娜仲有金妮一齊重新啟動咗鄧不利多的軍隊,仲喺哈利唔喺度果陣暫代住領導崗位嘅職務,仲幫果啲喺新政權下受折磨嘅學生。奈威透露,卡羅兄妹毆打佢,當佢喺學校搗亂果陣,食死人就針對佢阿嫲。奈威匿埋喺萬應室,他喺果度表現出令人難以置信嘅領導能力。哈利返到去霍格華茲後,奈威就向鄧不利多的軍隊成員發出消息,後者轉轉頭又收集咗鳳凰會嘅消息。

霍格華茲大戰入面,哈利兩次發現奈威運用佢嘅草藥學知識嚟幫佢哋抵禦襲擊者,後來有人見到奈威正喺度幫奥利佛·木透搬柯林·克利維中文鄧不利多的軍隊#柯林和丹尼·克利維嘅遺體。當佛地魔帶著哈利明顯係無生命跡象嘅遺體返嚟果陣,奈威企起身出嚟反抗佢,仲喺分類帽中文哈利波特中的魔法物品#分類帽裡面抽出收埋隱藏喺裡面嘅葛萊芬多寶劍中文哈利波特中的魔法物品#葛來分多劍,仲將佢用嚟將佛地魔嘅蛇妖—娜吉妮中文哈利波特中的生物#娜吉妮斬首,咁就摧毀咗最後嘅分靈體,仲令到佛地魔再一次做咗凡人。

當戰鬥入到去交誼廳果陣,奈威幫榮恩打低狼人中文狼人 (哈利波特)首領焚銳·灰背。霍格華茲大戰贏咗之後,奈威受到一群仰慕者嘅包圍。

小說後的生活[編輯]

喺《死亡的聖物》嘅結尾,19年後嘅金妮提到奈威喺霍格華茲畢業之後得到新任校長米奈娃·麥請佢做學校嘅草藥學教授。

羅琳喺一次訪問入面提到,奈威同好多欽佩佢嘅學生展示佢嘅鄧不利多的軍隊硬幣,仲話俾佢哋知關於自己嘅冒險經歷[13]。羅琳仲透露咗有關奈威嘅更多信息,指他後來同赫夫帕夫學院嘅同學—漢娜·艾寶中文鄧不利多的軍隊#已知成員名單結婚,艾寶喺後來做咗破釜酒吧中文哈利波特中的地點#破釜酒吧嘅老闆娘。呢對夫婦喺結婚之後住喺破釜酒吧樓上,羅琳認為啲人會覺得果樣係「型到震」嘅事實[14][15][16]

迴響同評價[編輯]

因為奈威·隆巴頓嘅角色喺整個系列入面令人印象好深刻,奈威一般被認為係《哈利波特》系列最偉大嘅人物之一。《帝國雜誌中文帝國雜誌》將奈威列為「佢哋最鍾意嘅哈利波特角色」嘅第八位[17];而《IGN中文IGN》將奈威列為果個系列嘅「果個系列人物中文哈利波特角色列表嘅第六位」,仲話:「奈威·隆巴頓係蠢蛋英雄嘅典型例子」[18],當我哋第一次喺霍格華茲見到他果陣,奈威係個怕醜內向嘅人,根本唔叻魔法。其實,果啲識得奈威嘅人都暗自懷疑過佢係咪一個爆竹——果啲出生喺巫師世家,但係就無魔法能力嘅人。佢嘅人格好得人鍾意,但係佢早期嘅不幸並無明確咁預示佢他最終會成為英勇嘅霍格華茲捍衛者[19]。奈威喺頭四輯小說做次要角色,係啲粉絲最鍾意嘅角色,後來佢喺《鳳凰會的密令》升呢做其中一個主角,最終成為咗鄧不利多的軍隊嘅領袖。《哈利波特系列》嘅粉絲欽佩住奈威嘅勇敢、幫父母報仇嘅渴望,同埋佢對哈利、榮恩同妙麗嘅無私協助[20][21]

奈威喺《鳳凰會的密令》嘅預言所扮演嘅角色,令人成日假想如果「被選中嘅人」係奈威而唔係哈利嘅情況[22]。成日有人認為佛地魔揀哈利而唔係奈威係因為哈利嘅混血身份。最後,佢哋兩個都成為咗佛地魔倒台嘅關鍵,體現咗哈利同奈威實際上都係「被選中嘅人」嘅可能性。當哈利以最後一擊嚟摧毀佛地魔果陣,奈威同時摧毀咗最後嘅分靈體,呢個令到哈利可以終結到佛地魔嘅命運[23]。當被問到奈威係咪「被選中的人」果陣,飾演奈威嘅馬修·路易斯中文馬修·路易斯話:「我被問到非常多關於預言嘅問題,仲有奈威作為『被選中嘅人』嘅潛力。兩個人之間嘅對比係,哈利係喺唔情願之下而成為嘅英雄,佢從來唔想孭起責任...等等,只係覺得自已一定要咁樣做。不過奈威係果種無人期望佢會做到英雄嘅果種英雄,咁啱係喺另一面。奈威會係『被選中嘅人』咩?他能夠做到哈利所做嘅事咩?我諗係呀,絕對會。但問題係:呢個系列入面無人能夠單靠自己完成晒所有嘅嘢。就連佛地魔本人都無法靠自己嚟達到佢而家嘅力量。哈利之所以挽救到世界,係因為佢有朋友同愛佢嘅人。我諗,如果係奈威,佢都會有類似嘅經歷。兩個角色都有住極高嘅忠誠,呢個都令其他人對佢哋忠誠。所以我認為奈威嘅背後會有好多人撐佢,哈利都會喺果度為扮演奈威嘅角色嚟撐佢。所以我諗,係呀,佢最後會撐到過去嘅[24][25][26]。」

[編輯]

  1. "2004: Accio Quote!, the largest archive of J.K. Rowling interviews on the web". www.accio-quote.org. 原先內容歸檔喺2007-08-16. 喺2022-11-10搵到.
  2. 2.0 2.1 "What is the significance of Neville being the other boy to whom the prophecy might have referred?". 原著喺2006-03-16歸檔. 喺2022-05-28搵到.
  3. "Why Neville Longbottom was always a true Gryffindor". Wizarding World (英文). 2020-05-03. 原先內容歸檔喺2020-07-15. 喺2020-07-16搵到.
  4. "1999: Accio Quote!, the largest archive of J.K. Rowling interviews on the web". www.accio-quote.org. 原先內容歸檔喺2012-07-27. 喺2022-11-10搵到.
  5. "2000: Accio Quote!, the largest archive of J.K. Rowling interviews on the web". www.accio-quote.org. 原先內容歸檔喺2022-10-26. 喺2022-11-10搵到.
  6. Conversations with JK Rowling, p.21
  7. "2005: Accio Quote!, the largest archive of J.K. Rowling interviews on the web". www.accio-quote.org. 原先內容歸檔喺2022-05-31. 喺2022-11-10搵到.
  8. 哈利波特:鳳凰會的密令》第21章。
  9. Vaughan, Johnny; Henry, Lenny (2004). Head to Shrunken Head (DVD). Warner Bros. Pictures.
  10. "Matthew Lewis MuggleNet Chat (August 25th, 2005)". 原著喺2006-11-08歸檔. 喺2022-05-30搵到.
  11. J·K·罗琳 (2003年10月). 利波特——鳳凰會的密令 . 臺北: 皇冠文化. ISBN 957-33-1986-1.
  12. 哈利波特:鳳凰會的密令》第37章。
  13. "J.K. Rowling Web Chat Transcript". The Leaky Cauldron. 2007-07-30. 原先內容歸檔喺2007-08-24. 喺2007-07-30搵到.
  14. "Here's What Happened To Neville Longbottom After Harry Potter Ended". ScreenRant (美國英文). 2019-08-20. 原先內容歸檔喺2022-11-02. 喺2021-01-09搵到.
  15. "Comments". The-Leaky-Cauldron.org. 2003-01-15. 原先內容歸檔喺2022-11-10. 喺2022-11-10搵到.
  16. "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". The-Leaky-Cauldron.org (美國英文). 2007-10-20. 原先內容歸檔喺2020-01-22. 喺2018-06-30搵到.
  17. "The 25 Greatest Harry Potter Characters". Empire (英文). 2011-07-26. 原先內容歸檔喺2018-08-01. 喺2018-06-30搵到.
  18. "IGN: Top 25 Harry Potter Characters". 2009-07-19. 原著喺2009-07-19歸檔. 喺2018-06-30搵到.
  19. "Top 25 Harry Potter Characters". IGN (英文). 2019-03-28. 原先內容歸檔喺2019-03-28. 喺2020-07-16搵到.
  20. Darcy, Ann (2019-11-03). "Why Are 'Harry Potter' Fans So Obsessed With Neville Longbottom?". Showbiz Cheat Sheet (英文). 原先內容歸檔喺2022-06-30. 喺2020-07-16搵到.
  21. Asher-Perrin, Emmett (2013-11-19). "Neville Longbottom is the Most Important Person in Harry Potter—And Here's Why". TOR (英文). 原先內容歸檔喺2022-09-22. 喺2020-07-16搵到.
  22. Kolganova, Larkspur (2017-10-03). "Should Neville Longbottom Be the Chosen One?". Medium (英文). 原先內容歸檔喺2022-06-01. 喺2020-07-16搵到.
  23. "Analysing Tom Riddle's choices". Wizarding World (英文). 2018-05-07. 原先內容歸檔喺2019-10-02. 喺2020-07-16搵到.
  24. "Matthew Lewis on if Neville Longbottom was the Chosen One". Wizarding World (英文). 2017-10-29. 原先內容歸檔喺2022-06-01. 喺2020-07-16搵到.
  25. Maloof, Rebecca (2020-03-22). "Harry Potter: 10 Times Neville Proved He Could Have Been The Chosen One". ScreenRant (英文). 原先內容歸檔喺2022-10-08. 喺2020-07-16搵到.
  26. Vitto, Laura (2015-05-22). "7 reasons Neville Longbottom should have been the Chosen One". Mashable (英文). 原先內容歸檔喺2020-12-01. 喺2020-07-16搵到.