阿不思·鄧不利多
| 阿不思·鄧不利多 Albus Dumbledore | |
|---|---|
| 《哈利波特》嘅角色 | |
 霍格華茲嘅校長阿不思·鄧不利多。 | |
| 首次出場 | 《哈利波特：神秘的魔法石》 |
| 尾次出場 | 《哈利波特：死神的聖物2》 |
| 作者 | J·K·羅琳 |
| 扮演 | |
| 配音 |  甄錦華（粵語配音） |
| 詳細信息 | |
| 性別 | 男性 |
| 職業 | |
| 家庭 |
|
| 國籍 | 英國 |
阿不思·博知維·巫服利·布萊恩·鄧不利多（英文：Albus Percival Wulfric Brian Dumbledore[1]）係J·K·羅琳嘅《哈利波特》系列入面嘅一個虛構人物，喺嗰個系列嘅大部分時間入面，佢都係作為英國魔法學校霍格華茲嘅校長，呢間亦都係小說同電影主角哈利·波特入讀嘅魔法學校。
作為阿不思·鄧不利多背景故事嘅一部分，佢係秘密地下魔法組織鳳凰會嘅創始人兼會長，呢個組織成立嘅宗旨係致力於同嗰個系列入面嘅主要反派對手—邪惡嘅佛地魔作戰。
喺小說改編嘅2001年電影《哈利波特：神秘的魔法石》同埋2002年電影《哈利波特：消失的密室》裡面，鄧不利多嘅角色原本係由李察·哈里斯飾演嘅，不過由於哈里斯喺2002年10月過咗身，米高·甘邦於是喺2004—2011年剩低嘅６輯電影入面做呢個角色。祖迪·羅喺嗰個系列嘅前傳電影—2018年電影《怪獸與葛林戴華德之罪》同埋2022年電影《怪獸與鄧不利多的秘密》裡面飾演鄧不利多嘅中年版[2]。
作者羅琳話佢揀
角色發展
[編輯]羅琳話佢自己好鍾意寫鄧不利多，因為佢係「善良嘅縮影」[5]。羅琳話因為鄧不利多「幾乎對魔法世界嘅事無所不知」，所以佢成日幫自己代言[6]。羅琳提到鄧不利多好遺憾自己「總係一定要知道嗰個，仲要背負住知情嘅重擔，而佢寧願唔知道」[7]。作為成個系列嘅中心人物哈利·波特嘅導師，鄧不利多係一個非常有智慧嘅人，佢知道哈利必須要去學一啲好難嘅課程嚟到為佢自己人生入面可能會發生嘅事做好準備。佢畀哈利去參與自己唔准其他學生去做嘅事，而且佢都唔情願咁畀哈利面對一啲佢寧願保護哈利等對方唔好受到傷害嘅事[8]。」羅琳喺1999年嘅一次訪談入面話自己認為鄧不利多「更似係約翰·吉爾古德嗰類型，你知啦，年紀相當大而且—都相當優雅高貴而莊重嘅[9]」。鄧不利多喺佢嘅學生時代係葛萊分多學院嘅學生[10]。羅琳喺接受採訪嗰陣話鄧不利多係大概150歲[11]；不過喺羅琳嘅網站上話鄧不利多喺1881年出世，搞到佢過身嗰陣嘅年齡係115歲或116歲[12]。
羅琳喺2007年10月19號畀一個後生嘅粉絲問到鄧不利多係咪搵到「真愛」，佢話自己一直認為鄧不利多係同性戀，仲愛上咗第一代黑魔王蓋勒·葛林戴華德，呢個係鄧不利多嘅「大悲劇」；羅琳並無明確咁講明葛林戴華德係咪回報咗佢嘅感情[13][14][15]。羅琳透過詳細咁說明鄧不利多調情背後嘅動機，呢個進一步解釋咗以巫師統治麻瓜嘅諗法：「當佢墮入愛河嗰陣，佢完全無晒佢嘅道德指向，我認為佢後嚟好唔信任自己對呢啲事上面嘅判斷，所以變得相當無性向，嗰陣之後佢就過住獨身同書
電影描繪
[編輯]
喺2001年嘅《神秘的魔法石》同2002年嘅《消失的密室》嘅電影改編入面，鄧不利多嘅角色都係由李察·哈里斯做嘅，仲預計埋佢嚟緊會喺成個電影系列入面做呢個角色。哈里斯原本並唔係製片人嘅首選，嗰個電影工作室最初同辛·康納利仲有帕翠克·麥高漢接洽演出呢個角色。康納利由於唔鍾意電影嘅主題而辭演，而有意演出嘅麥高漢就因為健康狀況唔好而離開劇組[17]。哈里斯提到原本因為知道佢自己健康狀況正在跌緊而唔打算做呢個角色，不過因為佢當時１１歲嘅孫女威脅話如果佢唔接呢個演出嘅話就唔再同佢講嘢，於是佢就接咗呢個角色[18]。就算被診斷出患咗霍奇金淋巴瘤，電影製片人大衛·海曼亦都要求佢唔好重演呢個角色，不過哈里斯仍然決心喺《阿茲卡班的逃犯》入面再扮演鄧不利多[19]。不過哈里斯喺2002年10月25日過身[20]，呢個角色因為咁而需要重新選角[20]。
基斯杜化·李係監製搵嚟接替哈里斯嘅直接選擇，但因為當時李喺《魔戒電影三部曲》裡面做薩魯曼，同埋喺《星球大戰》前傳入面做杜庫伯爵嘅角色，喺時間安排上撞咗而被迫辭演[17]。伊恩·麥基倫原本係劇組屬意嘅接替人選，佢喺《魔戒電影三部曲》裡面做過類似嘅角色—甘道夫，仲認為做哈里斯嘅角色係唔啱數嘅選擇，不過因為哈里斯生前曾經批評麥基倫係「缺乏感情嘅演員」，亦都係「差到貼地嘅」演員[21]，對呢樣嘢一直耿耿於懷嘅麥基倫因為咁就婉拒咗做鄧不利多嘅機會[22][23][24]。事實上亦都有講法話作者其實正係用《魔戒》入面嘅甘道夫嚟建立鄧不利多形象嘅雛形，搞到麥基倫認為無挑戰性而推咗。哈里斯嘅屋企人話有興趣睇到彼得·奧圖獲選做佢嘅替代者[25]。喺頭兩輯電影入面幫哈里斯配音嘅
米高·甘邦喺哈里斯過咗身４個月之後被選做接替呢個角色嘅演員[27]。甘邦喺第３輯電影開始就接替去做鄧不利多嘅角色，佢並唔關心點樣去改善哈里斯嘅演繹，佢淨係用自己嚟方式嚟描繪呢個角色，佢喺呢個角色帶住輕微嘅愛爾蘭口音[28]，仲喺３個禮拜內完成晒佢嘅場景[29]。不過絕大部分嘅觀眾認為佢嘅表現同原著嘅形象截然相反，但甘邦之後亦用呢個角色演出所有剩低嘅電影部分。
托比·瑞格波後嚟被揀中喺《死神的聖物1》同埋《死神的聖物2》入面做鄧不利多嘅後生版，用嚟做提供角色背景故事重要資訊嘅倒敘回憶場景[30]，而祖迪·羅喺兩輯前傳電影—2018年嘅《怪獸與葛林戴華德之罪》同2022年嘅《怪獸與鄧不利多的秘密》裡面做鄧不利多嘅中年版[31][32][33]。
角色性格同特徵
[編輯]外表上
[編輯]阿不思·鄧不利多外表上又高又瘦，佢留住銀白色嘅長髮同鬍鬚（後生嗰陣係啡紅色）；佢雙眼嘅顏色被形容係一種明亮而穿透靈魂嘅藍色，通常閃爍住善良同惡作劇嘅光芒；佢嘅鼻係長而歪嘅，睇起上嚟好似係至少被整斷過兩次（據講呢個源於佢細佬喺佢哋兩個阿妹嘅葬禮上面揮拳打佢，呢個可能就係佢個鼻變成咁樣嘅原因）；佢啲鬍鬚長到可以塞入去腰帶入面；鄧不利多嘅手指據講又長又靈活；佢曾經話自己左邊膝頭哥上面有一條疤痕，形狀同倫敦地鐵地圖嘅精確形狀一模一樣，但係咪真係咁樣就不得而知喇。
外觀裝束方面，鄧不利多有時會戴住半月形嘅眼鏡，佢嘅衣著包括一系列由紫色去到鮮橙色嘅繽紛色彩長袍。舉止方面，鄧不利多嘅舉止通常都係平靜而空靈嘅（雖然唔係總係咁樣），而且佢通常總係用平靜而愉悅嘅聲線嚟講嘢（就算喺哈利認為佢實際上好嬲嗰陣）。
喺鄧不利多生命嘅最後嗰年，佢戴咗受到詛咒嘅岡特家族戒指而搞到佢嘅右手留低咗傷痕，嗰個詛咒仲搞到鄧不利多隻手枯萎變黑，變得死氣沉沉咁樣，再多嘅治療都修復唔到佢嘅原本咁樣。如果唔係石內卜用咗
性格上
[編輯]鄧不利多被認為是世界上最強大嘅巫師，佢份人仁慈又睿智，係梅林風格嘅優秀巫師。佢散發住平靜同沈着嘅氣息，甚少表現出強烈嘅發嬲或者係恐懼嘅情緒。不過就算佢本性善良，據講鄧不利多係佛地魔唯一真正會驚嘅巫師。性格上，鄧不利多係個好古怪嘅人，甚至帶啲陰柔氣質；佢好鍾意編織圖案，成日著住好華麗嘅衫（有一次，有人見到佢戴住一頂有花嘅繫帶女帽）；佢仲出晒名有異想天開嘅奇怪表現，佢成日用幽默嚟喺佢在場嗰陣令到其他人覺得好舒服。鄧不利多作為一個才華橫溢嘅巫師，佢展示咗好多非凡力量嘅例子。鄧不利多用作為巫師嘅能力互相結合埋佢嗰種些少狡猾而微妙嘅心思，令到佢能夠領悟人性，仲將信任、愛同埋友誼呢啲人性美好嘅一面轉化成為對佛地魔尤其劣勢嘅地方。
最重要嘅係，鄧不利多擁有深厚愛嘅能力，佢仲成日提醒住哈利，愛係世界上最偉大嘅魔法。鄧不利多相信人性本善，仲堅持畀人第２次機會。呢方面最典型嘅例子就係鄧不利多同石內卜嘅關係，石內卜因為表現出悔恨，所以鄧不利多願意對佢投入相當大嘅信任。鄧不利多有好高嘅洞察力同情緒智商；佢對一個人真實性格嘅了解唔會淨係對佢品格嘅良好判斷。呢一點喺佢對佛地魔複雜嘅心理洞察入面表現得最明顯，令到佢可以同哈利一齊拼湊得出佛地魔將佢自己嘅分靈體收埋喺邊度。
鄧不利多嘅外表隱藏住佢更加鋼鐵咁樣嘅一面，就好似喺拉咗假扮成瘋眼穆敵嘅小巴堤·柯羅奇嗰陣所見咁樣：
| 「 | 喺嗰一刻，哈利第一次明白到點解啲人話鄧不利多係佛地魔唯一會驚嘅巫師。鄧不利多面上嘅表情比哈利所諗到嘅仲要得人驚—鄧不利多塊臉度無咗親切嘅笑容，眼裡面無咗佢自己嗰種閃爍。喺呢個老人家面孔上面每一道線條都滲透住冰冷嘅怒火；鄧不利多身上散發住一種力量感，就好似佢正喺度散發住火燒咁嘅熱量[34]。
|
」 |
不過，就算鄧不利多有好多非凡嘅特質，但係佢仍然係個有缺陷嘅角色。根據羅琳嘅講法，「雖然鄧不利多喺前６本小說入面都睇起嚟好仁慈，但係佢實際上係一個馬基雅維利式嘅人物。佢一直喺幕後操縱[35]。」羅琳喺2005年嘅一次採訪入面評論話：「無限嘅腦力並唔能夠保護你唔洗受到情感錯誤嘅影響，而我認為鄧不利多確實體現咗呢一點[36]。」當佢同葛林戴華德第一次見面嗰陣時，佢哋制訂咗奴役麻瓜仲重新確立咗巫師作為世界自然統治者地位嘅計劃。不過，當鄧不利多阿妹—阿蕊安娜喺佢、佢細佬阿波佛同葛林戴華德之間嘅決鬥入面被殺之後，鄧不利多就對呢個幻想就破滅咗。鄧不利多後嚟向哈利承認佢最大嘅缺點係對權力嘅渴望。佢最終發現最啱擁有權力嘅人就係嗰啲唔尋求權力嘅人。
鄧不利多一直都畀自己悲慘嘅家族史困擾住，尤其係佢對自己阿妹—阿蕊安娜嗰件事嘅情況充滿住愧疚。佢對自己捲入咗搞死自己個妹嘅自私行為覺得極大嘅悔恨，仲因為佢自己可能就係落咒殺死阿蕊安娜嘅人而成世受住折磨。當鄧不利多望住意若思鏡嗰陣，佢見到自己喺佢細佬同全家人嘅眼中得到咗救贖，而且佢全家人仲在生咁喺埋一齊。
魔法能力同技巧
[編輯]鄧不利多自細就展現出佢出色嘅魔法能力。鄧不利多喺霍格華茲接受教育嗰陣被譽為有史以來最聰明嘅學生，贏到「學校所頒發嘅每個值得注意嘅獎項」，仲喺佢嘅
鄧不利多嘅技能：
- 鄧不利多能夠發出威力強大到令人驚訝到毛管棟嘅魔咒；
- 鄧不利多係個心思細密嘅巫師，佢能觀察出極細微嘅魔法痕跡；
- 鄧不利多係一個非語言咒語嘅專家，亦都係出名嘅煉金術師，佢曾經同唯一已知嘅魔法石製造者—尼樂·勒梅合作[38]；
- 鄧不利多亦因為發現到龍血嘅12種用途而受到讚譽；
- 鄧不利多能夠馴服鳳凰（不死鳥），佢嘅護法咒係鳳凰嘅形態[39]，呢個喺小說系列入面反覆出現嘅標誌據講同佢嘅家族有關[40]；
- 鄧不利多亦都係變形術嘅專家，佢對變形術嘅掌握好熟練，喺做校長之前就係呢科嘅教授；
- 鄧不利多對最強大的魔法—愛—有好廣泛嘅了解。佢教識咗哈利愛嘅本質係乜嘢，仲有哈利與生俱來愛父母嘅內在力量，呢個最終幫到哈利實現殺死佛地魔嘅命運。
- 鄧不利多有能力召喚
不滅火 （魔法嘅永恆之火）[41]，呢個技能人人都知； - 鄧不利多有無人能及嘅魔法知識；
- 鄧不利多有能力喺唔洗用隱形斗篷嘅情況下隱形，呢個係需要用到強大嘅
幻滅咒 [42][43]； - 鄧不利多亦都擅長破心術同鎖心術；
- 鄧不利多成日（或者坐喺唔太舒服嘅凳嗰陣）憑空去創造梳化凳呢啲複雜嘅嘢；
- 鄧不利多精通魔咒同埋魔藥，根據艾飛·道奇所寫嘅訃告，鄧不利多嘅論文曾經喺《
魔咒成就 》同《實用魔藥大師 》呢啲巫師期刊上面發表過； - 鄧不利多喺1945年嘅「
壯觀嘅傳奇決鬥 」入面以打低僅次於佛地魔嘅有史以來最危險嘅黑巫師—葛林戴華德而出名，就算事實上葛林戴華德擁有據講力量可以保證佢喺決鬥入面保持無敵嘅接骨木魔杖，但係鄧不利多最後都係成功贏咗。鄧不利多嘅決鬥技巧喺《鳳凰會的密令》得到進一步嘅體現，佢喺入面冷靜咁同佛地魔交戰嗰陣制服咗佛地魔，壓倒佢仲最終迫使佢佔有哈利嘅身體嚟到避免徹底咁輸晒（呢個諗返起就會知道嘅係，鄧不利多喺同佛地魔決鬥嗰陣時就已經擁有咗原本屬於葛林戴華德嘅接骨木魔杖）。 - 鄧不利多同大部分嘅巫師喺利用現形術嗰陣時發出明顯嘅爆裂聲有唔同，鄧不利多尤其有能力無聲無息咁去用現形術同消影術；唯一擁有呢個技能嘅巫師就係佛地魔。鄧不利多亦克服到反消影咒嘅限制；
- 人人都知，鄧不利多能夠聽得明
人魚話 [44]、精靈語 ，同埋聽得明爬說語 （但唔識講）[45]。
頭銜同成就
[編輯]少年時期
[編輯]鄧不利多喺讀書嗰陣有過唔少頭銜：
成年後
[編輯]鄧不利多喺成年之後得到嘅頭銜：
- 霍格華茲嘅前變形術教授；
- 霍格華茲嘅前黑魔法防禦術教授；
- 霍格華茲嘅前葛萊分多學院導師；
- 霍格華茲嘅前副校長；
- 霍格華茲嘅校長；
梅林爵士團勳章 第一級大魔法師；- 鳳凰會嘅創始人兼首任會長；
開羅國際煉金術會議 嘅創會貢獻金牌獎；伊史坦堡巫師和平條約 嘅簽署代表；- 巫審加碼嘅首席巫師；
國際巫師聯盟 主席；- 得到至少３次成為英國魔法部部長嘅提名，但係俾鄧不利多自己婉拒；
資產
[編輯]鄧不利多喺霍格華茲嘅校長室裡面有好多古靈精怪嘅儀器：
- 原版嘅《
吟遊詩人皮陀故事集 》：呢本係１本好舊嘅巫師細路故事書，裡面收錄咗巫師界最古老嘅童話。呢本書喺鄧不利多過咗身之後用遺贈嘅方式交俾妙麗·格蘭傑繼承。 熄燈器 ：呢個係１種用嚟熄滅燈火同埋喺遲啲恢復啲光嘅裝置，呢樣嘢仲可以用嚟做根據當事人嘅諗法帶佢返轉頭嘅裝置。鄧不利多喺《哈利波特：神秘的魔法石》裡面被睇到佢用過。呢樣嘢喺鄧不利多過咗身之後由榮恩·衛斯理繼承，仲確認咗呢樣嘢係由鄧不利多自己設計同發明嘅。接骨木魔杖 ：呢個係傳說入面其中一件嘅死神聖物，由鄧不利多打敗蓋勒·葛林戴華德而攞到，呢支魔杖被譽為魔法力量極其強大而且係無敵嘅魔杖，佢另外又叫死神魔杖 或者命運魔杖 。- 喺《哈利波特：神秘的魔法石》，奧利凡德先生透露，哈利支魔杖嘅杖芯係帶有一條鳳凰嘅羽毛，而嗰隻鳳凰俾咗另一條羽毛去另一支魔杖—就係佛地魔令哈利留低疤痕嘅嗰支魔杖；
- 喺《哈利波特：火盃的考驗》入面透露，作為鳳凰嘅
佛客使 ，佢嘅羽毛同時用咗嚟做哈利同佛地魔嘅魔杖杖芯。 - 喺故事入面曾經提及嗰支魔杖經歷過幾個主人，鄧不利多打贏咗黑巫師葛林戴華德之後繼承咗魔杖嘅擁有權。鄧不利多同呢支魔杖嘅咁多個前主人唔同，鄧不利多對魔杖嘅身分嚴加保密；
- 鄧不利多喺過身之前特登畀跩哥·馬份用繳械咒攞走佢支魔杖，咁樣就將嗰支魔杖嘅擁有權順利咁轉移咗；跩哥就正式得到咗擁有接骨木魔杖嘅資格。霍格華茲後嚟就將嗰支魔杖同鄧不利多一齊埋葬，佛地魔後嚟喺鄧不利多嘅墳墓入面攞到嗰支魔杖，不過因為哈利對跩哥施展咗繳械咒在先，所以就做咗嗰支魔杖嘅新主人，令到唔係嗰支魔杖真正主人嘅佛地魔喺佢同哈利對決嗰陣時輸咗。
- 哈利喺小說嘅最後將嗰支魔杖埋返入去鄧不利多嘅墳墓；而電影入面嘅哈利就將佢拗斷咗仲掉咗落去霍格華茲嘅廢墟入面嚟消除後患。
佛客使 ：小說入面將佢翻譯做「鳳凰」，但係佢實際上係西洋神話入面嘅不死鳥，呢個同東方嘅鳳凰有啲唔同。佢可以好似家庭小精靈咁唔會受到霍格華茲城堡嘅防護措施影響而可以自由咁去用消影術。- 湯姆·瑞斗嘅日記：原本係佛地魔嘅其中一個分靈體，但喺《哈利波特：消失的密室》畀哈利·波特用蛇妖嘅毒牙摧毀咗之後，就交畀鄧不利多保管同研究，但哈利直到《哈利波特：混血王子的背叛》先至知道嗰本日記就係佛地魔嘅分靈體。
- 儲思盆：一種用嚟儲存同睇返記憶嘅石製容器，巫師同女巫可以喺佢哋嘅腦度抽出一種液體再倒落去嗰個容器度嚟去睇返。哈利喺《火盃的考驗》入面第１次發現到呢個裝置，呢個容器成日用喺系列嘅其餘部分入面嘅倒敘場景入面出現。
- 金探子：哈利·波特喺佢嘅第１場魁地奇球賽上面捉到嘅金探子，鄧不利多後嚟將死神聖物之一嘅重生石收埋喺裡面[註 1]。鄧不利多後尾用結合咗蛇妖毒液嘅葛萊分多寶劍摧毀咗呢個分靈體。鄧不利多過咗身之後，呢個連同重生石嘅金探子用遺贈嘅方式交咗畀哈利·波特。
- 陀錶：一個屬於鄧不利多嘅陀錶，嗰個錶面上面有１２支指針，用行星嚟代替數字。
- 鄧不利多嘅辦公室裡面仲有各種各樣唔同嘅魔法裝置同儀器，唔清楚有咩用途。
家庭同背景
[編輯]- 阿爸：
博知維·鄧不利多 ，因為佢幫自己個女阿蕊安娜報復而攻擊３個麻瓜後生仔，被送去阿茲卡班監獄坐監，最後喺阿茲卡班過身。 - 阿媽：
甘德拉·鄧不利多 ，麻瓜出身女巫，佢喺自己老公被送咗去阿茲卡班之後成家搬咗去高錐客洞；阿不思１７歲嗰陣，甘德拉畀失控嘅阿蕊安娜誤殺，阿不思同阿波佛對外講佢係死喺咒語逆火反彈。 - 細佬：
阿波佛·鄧不利多 ，豬頭酒吧嘅老闆，曾經畀人告佢對山羊施展唔正當嘅魔法。阿波佛喺《哈利波特：死神的聖物》入面透露佢同阿哥相差３歲，不過佢哋嘅感情唔多好，認為自己阿妹嘅死係佢阿哥嘅錯，更加喺阿妹嘅葬禮上面打斷咗阿哥嘅鼻樑。 - 細妹：
阿蕊安娜·鄧不利多 ，６歲嗰陣時畀３個麻瓜後生仔發現佢嘅魔法能力仲逼佢去表演，但係佢因為唔能夠控制好自己嘅魔法力量而做唔到啲麻瓜嘅要求，佢哋因為咁就暴力咁對佢，搞到佢自從嗰陣就失控，大部分時間都用唔到魔法，不過就會唔定期咁爆發用魔法做出傷人害己嘅事，後嚟更加喺１次發癲嗰陣誤殺咗阿媽。阿蕊安娜喺屋企裡面最黐阿波佛。喺阿不思１７歲嗰時，阿不思、阿波佛同葛林戴華德嘅決鬥入面，受唔住決鬥情景嘅阿蕊安娜因為咁而又再次失控，佢畀決鬥入面嘅魔咒擊中死咗。阿蕊安娜嘅肖像掛咗喺豬頭酒吧通去霍格華茲萬應室秘密通道嘅入口。
嗰個系列嘅作者羅琳透過對呢個角色嘅各種訪問同討論，佢確定阿不思·鄧不利多喺1881年[48]７月定８月[49][50]喺
《哈利波特》系列入面曾經介紹阿不思·鄧不利多嘅細佬—阿波佛·鄧不利多，仲提到佢哋嘅阿妹—阿蕊安娜。阿蕊安娜喺６歲嗰陣俾３個麻瓜後生仔睇到佢施展魔法而受到惡毒嘅攻擊。佢哋首先因為驚而去逼阿蕊安娜重覆表演佢哋所睇到嘅嘢，不過因為阿蕊安娜年紀太細而無辦法重現到呢件事，於是佢哋試吓用暴力阻止佢「同其他人唔同」。不過呢次嘅襲擊對阿蕊安娜造成咗創傷後壓力症—嗰種嚴重嘅創傷搞到阿蕊安娜喺精神同情感上都受到傷害，令到佢無辦法正常咁去社交，佢亦唔肯施展魔法，就算施展魔法亦都唔啱咁去做。小說入面冇明確咁講到呢次襲擊採取咗乜嘢嘅形式，嗰種創傷鑽入咗阿蕊安娜嘅內心而將佢逼到癲咗。當佢控制唔到自己嗰陣，魔法就會喺佢身上發作。佢哋３兄妹嘅老豆博知維對佢個女被傷害呢件事覺得好傷心，於是就走去搵嗰３個麻瓜後生仔算帳，仲落咒攻擊嚟教訓咗佢哋一餐。因為鄧不利多嘅父母唔想畀魔法部知道阿蕊安娜嘅狀況，佢哋３兄妹嘅老豆就將罪名攬晒上身而被判喺阿茲卡班監獄嘅無期徒刑，最後仲喺嗰度死咗。為咗唔畀阿蕊安娜被送去聖蒙果醫院，又或係因為佢唔受控嘅魔法意外咁做出傷人害己嘅事，甘德拉認為鄧不利多一家無辦法再住喺軟泥山丘，於是佢就決定帶住３個仔女搬去高錐客洞，仲寧願唔想同大部分鄰居接觸而過住獨來獨往嘅生活。甘德拉因為覺得羞恥而將阿蕊安娜刻意咁收埋仲對外隱瞞住佢嘅病情，阿不思喺出面亦都唔會提及關於自己阿爸同細妹嘅嘢[56]。佢哋一家喺高錐客洞嘅巫師鄰居同埋熟人一般都認為阿蕊安娜只不過係個唔識魔法嘅爆竹。
求學時期
[編輯]１１歲嘅阿不思·鄧不利多喺1892年嘅秋天入到去霍格華茲讀書，成為咗葛萊分多學院嘅學生。阿不思喺讀書嗰陣時好快就同當時最出名嘅一班魔法大師保持住頻繁嘅通信聯繫，包括咗佢嘅鄰居—魔法史學家
1899年，１８歲嘅阿不思喺霍格華茲畢業之後原本諗住同佢嘅朋友艾飛·道奇按照「當時嘅傳統」嚟去佢哋嘅周遊列國之旅。不過阿不思喺佢哋臨出發之前收到自己屋企嘅噩耗：佢阿媽甘德拉喺阿蕊安娜嘅一次唔受控嘅魔法爆發入面意外咁被殺死咗。由於
當蓋勒·葛林戴華德嚟到高錐客洞，佢同鄧不利多好快就做咗朋友，佢哋兩個都有建立一個新嘅巫師社會秩序嘅夢想，佢哋「為咗更大嘅利益」嚟統治麻瓜。鄧不利多同葛林戴華德建議佢哋要離開鄧不利多嘅屋企先至可以繼續佢哋嘅計劃，但阿波佛對呢樣嘢提出抗議，因為阿蕊安娜嘅狀況唔可以畀佢搬屋。阿不思、阿波佛同葛林戴華德之間嘅嘈交演變成決鬥，隨著阿蕊安娜變得越來越受刺激，搞到佢喺兩邊咒語駁火入面死咗—阿不思同阿波佛都確定唔到究竟係佢哋邊一個，定係葛林戴華德搞到佢死咗。阿不思陷入去悲傷同悔恨裡面，佢同葛林戴華德永遠咁斷絕咗關係。根據作者羅琳所講，阿不思·鄧不利多嘅幻形怪變成咗阿蕊安娜嘅屍體[60]。鄧不利多喺《哈利波特：神秘的魔法石》裡面向哈利提到，意若思鏡揭示咗佢內心深處嘅願望係擁有一對羊毛襪，但係哈利喺第７輯小說入面意識到佢同鄧不利多喺嗰塊鏡度睇到同樣嘅嘢：佢哋同屋企人團聚。
事業
[編輯]阿不思·鄧不利多同蓋勒·葛林戴華德喺被譽為「
1943年，求學時期嘅湯姆·瑞斗老屈魯霸·海格打開咗消失的密室嘅門，當時全校淨係得作為副校長嘅鄧不利多相信海格係無辜。喺海格支魔杖被整斷同埋被逐出學校嗰陣，鄧不利多堅持留佢喺學校做校工（獵場看守人同鎖匙管理員）。鄧不利多喺幾年之後接替霍格華茲前任校長阿曼多·狄劈做校長，佢原本嘅職位就由麥教授接任，而佢嘅稱呼亦改做鄧不利多校長。
作為霍格華茲嘅校長嘅鄧不利多，佢亦都係霍格華茲裡面嘅資深教授。海格對鄧不利多嘅評價係「從來無任何一個校長能夠比佢為霍格華茲付出咁多」，佢亦都係少數得到全校師生尊敬同愛戴嘅霍格華茲校長。湯姆·瑞斗後來喺畢業喺之後返去霍格華茲申請做黑魔法防禦術教授嘅職位但唔成功，佢因為咁就對學校落詛咒，搞到霍格華茲自從嗰時開始就每年都要換一個新嘅黑魔法防禦術教授。鄧不利多對魔法有好高深嘅造詣，佢亦都係巫師界公認當代最偉大嘅巫師，佢單人匹馬就打得低幾個魔法部官員，佢嘅魔法力量強大到令前魔法部嘅夫子部長都要忌佢幾分，甚至就連最強大嘅黑巫師佛地魔都驚咗佢。雖然鄧不利多並無喺魔法部做過嘢，不過佢所講嘅嘢喺魔法部都有一定嘅份量。
鄧不利多係一個戰略家同埋策劃者，但係好多巫師都體會唔到佢呢一點。喺歷史嘅一啲細節度可以睇到佢並唔係好似其他人所諗咁樣係一個瘋癲嘅老嘢。巫師界絕大部分嘅人因為驚咗佛地魔而唔敢亦都唔想直接咁嗌佛地魔個名，而鄧不利多從來都唔會用「
鄧不利多係個唔認同純血至上主義嘅巫師，佢特別批准狼人雷木思·路平喺霍格華茲讀書，仲為咗佢而種咗棵渾拚柳用嚟隱藏仲守衛住一條喺霍格華茲通去活米村尖叫屋嘅秘密通道，等路平喺每次滿月嗰陣留喺嗰度同埋變身，令到佢無辦法去攻擊其他人，其他人亦唔會騷擾到佢。
喺佛地魔第１次崛起之前，當西碧·崔老妮申請做占卜學新教授嗰陣，佢講咗真正嘅預言出嚟，話佛地魔同哈利·波特無辦法一齊存在喺呢個世界上面，不過崔老妮喺講咗呢個預言之後就斷片無晒記憶。鄧不利多請佢做教授嘅原因除咗係避免嗰個完整嘅預言走漏風聲之外，亦都保護崔老妮嘅人身安全。喺賽佛勒斯·石內卜嘅通風報信之下，鄧不利多諗辦法去保護波特一家，期間意外咁發現咗三件死神聖物之一—波特家嘅隱形斗蓬仲借咗去研究。當詹姆·波特同莉莉·波特俾佛地魔殺死咗之後，鄧不利多決定將仲係手抱咁大同埋做咗孤兒嘅哈利擺咗喺哈利嘅佩妮姨媽同威農姨丈屋企照顧。由於莉莉·波特為佢個仔嘅犧牲成為咗一種特別嘅保護，呢個係一種非常古老嘅魔法，只要哈利喺同佢阿媽有血源關係嘅親人身邊，佢阿媽嘅愛就會成為咗對佢嘅保護，能夠俾哈利平安咁生活直到年滿１７歲成年嗰陣。
作為霍格華茲幾十年嚟嘅校長，老咗嘅鄧不利多被形容做一位風趣、優雅、正義、和藹仲法力強大嘅老人家，類似出名嘅英國巫師梅林又或者係《魔戒》裡面嘅甘道夫，係小說入面其中一個最主要嘅正派角色。佢似乎知道晒學校同巫師世界嘅所有嘢，仲喺哈利·波特入去霍格華茲讀書嗰陣時成日提供啲特別嘅幫助俾佢。鄧不利多份人雖然謙遜，但依然俾人全身散發住強大魔法能力嘅感覺，因為咁就俾魔法界將佢睇成係佛地魔唯一會驚嘅人。鄧不利多好神祕又甚少喺人面前展示佢嘅真實力量，但佢喺某啲緊急場合先至會展示佢力量強大嘅魔法實力：例如小巴堤·柯羅奇喺《火盃的考驗》講俾哈利知話自己係假冒嘅瘋眼穆敵仲嚟緊要將佢殺死嗰陣，鄧不利多當時淨係用咗一招昏擊咒就打低咗佢；鄧不利多出現喺《鳳凰會的密令》入面嘅魔法部神秘部門之戰嗰陣，當時成班食死人一見到佢就即刻驚到走夾唔抖，旁觀嘅哈利都話鄧不利多全身散發住強者嘅氣息，佢都終於明白到點解鄧不利多係佛地魔唯一會驚嘅人。
喺哈利讀書嗰陣，鄧不利多為咗保護哈利而冇停過咁幫佢收集有關佛地魔同埋分靈體嘅資訊，包括喺第２輯發現嘅第１件分靈體—湯姆·瑞斗本日記、佢喺第６輯開頭嗰陣發現到另一件分靈體—魔佛羅·岡特嘅戒指，再加埋鄧不利多本嚟就想用嚟召喚佢過咗身屋企人嘅其中一件死神聖物—重生石，但係佢就中咗佛地魔落喺指環上面嘅詛咒。雖然鄧不利多後尾用葛萊分多寶劍破壞咗嗰個分靈體但係就俾詛咒傷咗，變得虛弱嘅佢返到去校長室就交俾石內卜去醫，不過嗰個詛咒嘅威力太犀利，石內卜亦都淨係可以暫時將嗰個詛咒封印喺鄧不利多枯黑咗嘅右手上面，石內卜仲推測鄧不利多剩低嘅壽命唔多過一年。鄧不利多喺跟住嘅一年裡面親自去教哈利·波特，仲帶佢去睇佛地魔嘅過去。
鄧不利多教授嘅嗜好係
1997年6月30號，鄧不利多同哈利喺佢相信分靈體所在嘅山窿返到去霍格華茲之後無幾耐，佢受到佛地魔嘅魔藥影響而搞到佢嘅魔法力量變弱，
喺成個系列故事嘅結尾，哈利·波特得到咗鄧不利多嘅接骨木魔杖，但係佢並無諗住去用呢樣嘢。哈利喺小說裡面將呢樣嘢放返喺鄧不利多嘅墳墓裡面；而佢喺電影入面就將呢支魔杖拗斷仲
傳記
[編輯]鄧不利多作為巫師界嘅一個偉大嘅巫師，巫師媒體喺佢過咗身之後出版咗佢嘅傳記：麗塔·史譏寫嘅《
相關情節
[編輯]神秘的魔法石
[編輯]鄧不利多喺嗰個系列第一輯小說同電影嘅開篇章節入面去到舒梨郡小惠因區嘅水蠟樹街４號嘅德思禮一家屋企，當邪惡嘅黑巫師佛地魔殺咗哈利·波特嘅阿爸阿媽之後，鄧不利多就決定將嗰陣做咗孤兒嘅哈利安置喺佢嘅姨媽同姨丈屋企。鄧不利多知道哈利阿媽嘅犧牲會幫哈利產生一種保護佢嘅特殊魔法，佢哋仲係哈利唯一剩低喺度嘅親人，覺得佢哋最終都會接受哈利入去佢哋屋企。呢種捆綁愛嘅古老魔法仲會令佛地魔唔掂得哈利。鄧不利多帶住一封解釋情況嘅信就將哈利擺喺德思禮家嘅門口。鄧不利多最後同哈利講咗句祝佢好運就走[61]。
鄧不利多喺哈利喺霍格華茲讀書嗰陣同佢講咗意若思鏡嘅秘密，話當佢自己望住嗰塊鏡嗰陣，佢會見到自己「攞住一對厚厚嘅羊毛襪，因為啲襪永遠唔夠著[註 3]」[61]。哈利後來喺最後一輯小說入面嘅回憶話，呢個可能係鄧不利多俾佢唯一唔誠實嘅答案。鄧不利多仲負責用某種方式喺塊鏡度施咗魔法，等佢可以將魔法石隱藏起上嚟，佢仲望住塊鏡同埋「只有嗰啲搵到魔法石...但又唔會用佢」嘅人先至可以得到佢。因為嗰塊鏡嘅特殊魔法，啱嘅人先至會攞到嗰粒魔法石，而其他人淨係會睇到自己用嗰粒魔法石。當哈利同佢嘅同學兼朋友榮恩·衛斯理同埋妙麗·格蘭傑去阻止霍格華茲嘅奎若教授去到地牢搶魔法石嗰陣，鄧不利多俾一條假消息召喚去魔法部，佢趕得切返轉頭仲喺奎若同佛地魔手上救返哈利。
鄧不利多喺地牢入面嘅事件發生之後同哈利講返，同佢講話哈利年紀太細，仲未可以理解到佛地魔點解要殺佢。
消失的密室
[編輯]哈利喺嗰輯小說同電影入面，佢喺一本日記度睇到後生嗰陣嘅鄧不利多喺一系列嘅回憶片段入面出現，而嗰本日記屬於曾經係霍格華茲歷史上最有天份嘅學生—湯姆·瑞斗。哈利透過嗰本日記度睇見舊時嘅瑞斗對鄧不利多就住一系列針對麻瓜出身學生嘅襲擊而問佢嘅記憶。哈利返到嚟現實，當消失的密室嘅門俾人打開咗，學校裡面嘅人陸續俾蛇妖襲擊之後，魯休思·馬份強迫霍格華茲嘅其他１１個校董暫停鄧不利多做校長嘅職務，不過當啲校董發現金妮·衛斯理被帶咗入去密室嗰陣，佢哋即刻就俾鄧不利多恢復返佢校長嘅職務，鄧不利多亦都發現咗魯休思強迫其他校董令佢停職嘅事。
阿茲卡班的逃犯
[編輯]鄧不利多喺嗰輯小說同電影入面無奈咁被迫接受俾催狂魔入去屬於佢管嘅校園，去保護霍格華茲嘅學生唔好受到喺阿茲卡班監獄走甩咗嘅逃犯—天狼星·布萊克嘅傷害。佢喺布萊克闖入咗霍格華茲之後就下令閂晒學校同校園嘅所有出入口。哈利喺魁地奇比賽入面因為催狂魔嘅關係搞到佢喺飛天掃把上面撻咗落嚟之後，鄧不利多一反常態咁對催狂魔發嬲，仲用佢嘅魔杖令哈利安全咁漂浮落番地面。鄧不利多喺嗰輯小說嘅後來建議妙麗去用佢喺麥教授嗰度借返嚟嘅時光器返番去３個鐘頭之前，嚟到將天狼星·布萊克同埋鷹馬巴嘴喺佢哋嘅唔公正嘅處決入面拯救返出嚟。
火盃的考驗
[編輯]鄧不利多喺第４輯小說入面引入咗
當哈利喺小說同電影嘅結尾遇到佛地魔仲捉住西追·迪哥里嘅遺體返嚟，仲有當小巴堤·柯羅奇用
鳳凰會的密令
[編輯]鄧不利多喺第５輯小說同電影入面因為關於佛地魔捲土重來嘅演講，令到佢喺
鄧不利多喺嗰輯小說嘅開頭同一個證人（費太太）一齊出席喺哈利嘅聽證會嚟確保哈利唔會被踢出校，咁樣激嬲咗魔法部部長夫子。當鄧不利多出現去幫哈利嗰陣時，哈利不安嘅感覺好咗好多，不過當校長唔同佢講嘢甚至連望佢一眼都唔會嗰陣，令到哈利覺得無奈同埋忟。跟住魔法部喺霍格華茲嗰個學年批准咗「第２２章教育法令」，俾夫子任命佢嘅次政務官桃樂絲·恩不里居做霍格華茲嘅黑魔法防禦術教授（喺鄧不利多搵到啱嘅人選之前），魔法部仲好積極咁插手學校嘅內政。
夫子因為一路都擔心緊鄧不利多埋班組成一支未成年嘅巫師軍隊嚟推翻魔法部，於是佢就透過恩不里居逐漸咁攞到對霍格華茲同埋鄧不利多嘅控制權，佢仲任命恩不里居做霍格華茲嘅總督察，權力幾乎同校長差唔多。恩不里居自此以後就成日喺魔法部授意之下挑戰鄧不利多同其他教授嘅權威。另外，恩不里居因為唔俾學生喺課堂上面做實際嘅防禦術練習，咁樣就迫到哈利、榮恩同妙麗仲有佢哋嘅其他朋友一齊組成咗鄧不利多的軍隊（一個由哈利領導嘅防禦術小組）實質咁去傳授黑魔法防禦術。當魔法部發現嗰個小組嗰陣，鄧不利多就自己孭飛攬上身，仲講大話指嗰個係佢自己創立嘅顛覆性組織，搞到自己要接受停職處分同埋被解除校長嘅職務（第２次），而唔係眼白白睇住哈利被踢出校。魔法部後嚟就任命恩不里居做校長，正式接管學校。
鄧不利多喺嗰輯小說同電影入面無再提到，直到佢去到神秘部門嚟幫鳳凰會去對抗佛地魔嘅追隨者—食死人。除咗貝拉·雷斯壯之外，鄧不利多制服晒所有食死人，仲用反消影詛咒嚟將佢哋綁埋一齊嚟防止佢哋用魔法走得甩。鄧不利多後嚟喺佛地魔嘅索命咒度救返哈利出嚟，仲同佛地魔展開咗一場激烈而兇猛嘅決鬥。佛地魔後嚟仲佔有咗哈利嘅身體仲企圖令鄧不利多殺咗哈利，佛地魔喺佢嘅呢個詭計衰咗之後，佢被迫離開哈利嘅身體仲同貝拉·雷斯壯一齊著草。嗰陣時先至趕到嘅夫子同幾個魔法部嘅官員因為佢哋都見到佛地魔現身，佢哋仲要睇住呢場戰鬥完咗，所以冇得唔認佛地魔已經翻生嘅事實。鄧不利多之後恢復返佢校長嘅職位，而佢所有嘅職銜同榮譽亦都全部恢復返晒嚟。
鄧不利多喺嗰輯小說同電影嘅結尾同哈利解釋話，佛地魔揀咗哈利作為同佢平等嘅人，而最後一定要殺死對方，鄧不利多仲承認佢對哈利嘅深厚嘅情感已經模糊咗佢嘅判斷。
混血王子的背叛
[編輯]
鄧不利多喺第６輯小說入面去到水臘樹街接咗哈利之後，仲帶埋佢去到赫瑞司·史拉轟嘅屋企去說服佢重新加入做霍格華茲嘅教職員。哈利喺嗰陣時留意到鄧不利多嗰隻枯萎仲變黑咗嘅右手。鄧不利多喺嗰個學年同哈利講咗佛地魔以前發生過嘅事，佢認為呢啲事對哈利嚟講非常之重要。佢哋用儲思盆嚟睇其他人嘅記憶，裡面包含住關於佛地魔嘅生平同埋佢嗰個種族滅絕崛起嘅重要資訊。哈利喺儲思盆睇到鄧不利多第１次同細個嗰陣嘅湯姆·瑞斗見面嘅情況；鄧不利多一開始就知呢個男仔好危險，不過佢相信霍格華茲會改變到佢。據了解，佛地魔整咗６個分靈體嚟令到自己長生不死，哈利一定要喺搵到佛地魔嘅最後嗰塊靈魂碎片之前就將其餘嗰啲分靈體全數摧毀晒。哈利仲喺佢哋嘅大部分課堂度係咁警告鄧不利多，話學校裡面嘅惡霸跩哥·馬份正喺度幫緊佛地魔做嘢。鄧不利多點都唔肯對跩哥採取任何行動，而是要話俾哈利知道佢比哈利更加清楚知道而家喺度發生緊咩事。
鄧不利多喺嗰輯小說同電影嘅結尾同哈利出發去佢相信分靈體喺嗰度嘅海邊岩洞，喺出發之前佢哋兩個約法三章要哈利絕對服從鄧不利多嘅每個決定。鄧不利多喺入去嗰個岩洞之前，佢要𠝹損自己隻手嚟做代價；鄧不利多又要飲晒載住史萊哲林嘅金匣仔嘅容器裡面嘅魔藥藥水先至可以攞到嗰個分靈體。鄧不利多喺飲嗰啲藥水嘅過程度開始嗌到唔停，睇落就似乎喺度忍受緊精神上嘅折磨，同埋身體正喺度被削弱緊咁樣。鄧不利多喺飲完晒啲藥水之後就開始嗌住要飲水，而哈利意識到自己無得揀，於是佢將一個高腳杯浸入去湖度嚟幫佢斟水。但當佢咁樣做嗰陣時，湖裡面嘅所有陰屍都游晒過嚟仲
當鄧不利多同哈利返到去嗰陣，
鄧不利多過咗身之後無幾耐，佢嘅肖像神奇咁出現喺校長辦公室裡面。出席佢葬禮嘅人包括咗霍格華茲嘅師生、魔法部嘅成員、幽靈、人馬、人魚，仲有其他希望表達佢哋敬意嘅人。鄧不利多俾紫色嘅天鵝絨包裹住，佢安葬喺霍格華茲湖邊嘅白色大理石嘅石棺裡面，據講佢係唯一一位埋葬喺霍格華茲校園裡面嘅校長。
死神的聖物
[編輯]羅琳喺《死神的聖物》嘅小說入面用咗幾個篇章嚟揭示關於鄧不利多嘅兩個主要細節：佢嘅早年生活，同埋佢嘅死亡。呢輯小說同電影介紹咗佢嘅屋企—佢嘅父母博知維同埋甘德拉·鄧不利多，仲有佢嗰個年紀仲好細嘅細妹—阿蕊安娜·鄧不利多；至於佢細佬阿波佛·鄧不利多就喺之前嘅小說入面已經提到。
喺鄧不利多一家嘅一連串不幸事件發生咗之後無幾耐，同阿不思差唔多年紀嘅蓋勒·葛林戴華德去到高錐客洞同佢嘅姑婆—芭蒂達·巴沙特一齊住，而巴沙特係一個魔法史學家，佢亦都係《魔法史》呢本書嘅作者。呢兩個年輕人一拍即合，佢哋一齊夢想住透過結合傳說中嘅死神聖物嚟建立一個由巫師統治嘅世界。佢哋相信，就算一路上要夾硬摧毀一啲嘢，呢個仍然係「為咗更大嘅利益」，而期間所承受嘅痛苦同埋損失最後都會得到百倍嘅回報。不過呢個情況並無發生到，因為有一次阿不思、阿波佛同葛林戴華德之間嘈起上嚟，搞到演變做一場決鬥，最後仲搞到阿蕊安娜死咗。阿不思喺佢嘅餘生裡面都覺得內疚，因為佢都確定唔到究竟係佢自己抑或係人哋嘅詛咒殺死咗佢阿妹。事後，葛林戴華德衝返去巴沙特嘅屋企，仲喺幾個鐘頭之後著草離開咗呢個國家。阿不思由於自己嘅錯，佢認為自己嘅權力唔值得被信任，亦都因為咁，就算佢曾經有幾次被邀請擔任魔法部部長，但係佢從來都未做過。鄧不利多後嚟返到去母校霍格華茲做變形學教授，仲負責幫學校招生。
幾十年之後嘅1945年[62]，鄧不利多最後打低咗擁有接骨木魔杖嘅當代黑巫師葛林戴華德。鄧不利多打敗咗葛林戴華德做咗接骨木魔杖嘅新主人，呢支魔杖直到佢過身之前一直都係屬於佢嘅，直到跩哥·馬份對佢施展繳械咒。
鄧不利多仲保留住另一件死神聖物—隱形斗篷，呢件死神聖物係鄧不利多喺詹姆·波特過身之前借咗去研究，後嚟佢保存住，最後決定將呢樣嘢交返俾詹姆個仔—哈利。
鄧不利多之死嘅真相透過石內卜喺儲思盤嘅最後回憶裡面透露咗出嚟：鄧不利多原本希望用魔佛羅嗰隻鑲嵌住重生石嘅指環嚟向佢個妹同父母道歉。哈利知道咗鄧不利多犯咗一個好得人驚嘅錯：鄧不利多喺第５同第６輯小說之間嘅某個時候，佢一定係唔記得咗喺魔佛羅嗰隻指環上面嘅詛咒，就將嗰隻受詛咒嘅指環戴咗喺佢嘅右手上面，點知就中咗咒。鄧不利多後嚟搵石內卜嚟幫佢，不過當石內卜嚟到同評估嗰個詛咒嗰陣，佢做得到嘅就只有遏制住個詛咒，佢仲話俾鄧不利多知道，話佢嘅生命只係剩返一年多啲。鄧不利多喺知道咗呢個消息之後，就向石內卜透露佢自己知道咗佛地魔要跩哥殺死佢嘅計劃。鄧不利多因為唔想俾跩哥殺死佢，佢要求石內卜到時機成熟嗰陣就對佢施展索命咒，仲話呢個男仔嘅靈魂仍然完好無缺；由於跩哥出於惡意去殺死鄧不利多，佢嘅靈魂會因為咁而受損，而石內卜完全意識到咁樣只會令到鄧不利多受到痛苦同羞辱。鄧不利多諗住俾石內卜做殺死佢嘅嗰個人，仲將接骨木魔杖同佢一齊埋葬嚟到去阻止呢支魔杖再繼續傳承落去。
喺最後嗰輯小說同電影入面，哈利發現佢自己因為係一個分靈體，所以佢知道自己一定要死。當佛地魔施展索命咒嗰陣，哈利無去反擊，不過咁樣唔係令佢真正咁死。喺哈利俾佛地魔嘅殺戮咒打中咗之後，鄧不利多嘅靈魂就喺小說尾聲嘅一個好似倫敦英皇十字車站咁嘅地獄邊緣（地獄嘅第一圈）嗰度出現。當鄧不利多又再見返哈利嗰陣，鄧不利多坦白自己所有嘅遺憾嗰陣，哈利呢個男仔安慰住佢。鄧不利多後嚟話俾哈利知佢仲有得揀：繼續向前嘅人生，抑或係返番去佢自己嘅身體度最後一次面對佛地魔。喺嗰個神秘嘅倫敦英皇十字車站返到嚟現實仲打低咗同殺死佛地魔之後，哈利喺校長辦公室裡面同鄧不利多嘅肖像簡短咁傾吓，佢哋討論咗嗰３件死亡聖物各自嘅命運。哈利將作為家族信物嘅隱形斗篷保留咗落嚟，佢將重生石
哈利喺成個系列嘅尾聲度用咗鄧不利多同石內卜兩個人嘅名嚟幫自己嘅細仔改名做
迴響同評價
[編輯]阿不思·鄧不利多呢個角色成日被攞嚟同其他榮格原型嘅「智慧老人」角色嚟做比較。鄧不利多嘅行為就好似《石中劍》裡面嘅梅林咁樣，係個「心不在焉嘅教授」[63]；梅林同鄧不利多都係喺城堡裡面去教育故事裡面嘅主角。就正如筆者
作為成個系列嘅主角，同鄧不利多有關嘅主要事實引發咗大量嘅文章同埋討論。鄧不利多喺《混血王子的背叛》結尾嘅死亡引起咗一班影迷同評論家嘅討論。一個叫做「DumbledoreIsNotDead.com」嘅網站試過用唔同嘅方式去理解第６輯小說裡面嘅事件，仲提供咗論據去話嗰個角色唔係真正咁死咗[69]。不過羅琳喺2006年8月2號證實鄧不利多事實上真係已經死咗，佢仲幽默咁為佢自己做過嘅嘢向網站道歉[70]。
喺《哈利波特：消失的密室》DVD嘅訪問入面，嗰個系列嘅編劇史提夫·克羅夫斯就話，因為鄧不利多所提供嘅智慧，所以佢認為鄧不利多係個令人著迷嘅角色，不過佢覺得「鄧不利多孭住咁巨大嘅黑暗重擔，佢亦知道好多秘密，我認為佢喺好多方面都肩負住巫師世界嘅未來」，而「佢嘅異想天開同幽默就係令佢能夠抵禦同遠離黑暗嘅唯一方法[6]」。
性傾向
[編輯]2007年10月，羅琳喺卡內基音樂廳嘅讀書會嗰度回應讀者嘅提問嗰陣被問到鄧不利多係咪有拍過拖，佢答：「我一直認為鄧不利多係同性戀」[73]。曾經有人訪問過羅琳關於鄧不利多嘅伴侶問題，佢話鄧不利多並唔係一個人，佢鍾意嘅人就係第一代黑魔王蓋勒·葛林戴華德[74]。
羅琳第一次討論佢同蓋勒·葛林戴華德嘅浪漫關係嗰陣，仲將呢個形容做「偉大嘅悲劇」。佢進一步闡述話自己透過劇本嘅早期草稿裡面嘅註釋話咗俾《哈利波特：混血王子的背叛》嘅導演大衛·葉斯知道呢個事實，佢喺裡面刪除咗鄧不利多形容後生嗰陣對女人嘅吸引力嗰一部分，仲寫住「鄧不利多係同性戀」。葉斯後嚟話，佢喺第５輯電影嘅製作過程度就已經講咗佢知，佢話喺度睇下一輯電影嗰陣講：「阿祖斜住個身話：『大衛，你知鄧不利多係同性戀㗎啦，唔係咩？』我就諗：『嘩，咁樣太有型啦掛』[75]。」
喺最後嗰輯小說出版咗之後，鄧不利多性取向嘅揭露成為咗國際新聞，其他哈利波特迷嘅反應都係咁樣[76]。
羅琳對於鄧不利多係個同性戀者嘅講法引起咗唔少評論家嘅激烈爭論。粉絲網站《破釜酒吧》嘅網上管理員梅麗莎·阿內利同《美聯社》講，「J·K·羅琳話任何《哈利波特》角色係同性戀者都會對同性戀嘅寬容方面攞到好大嘅進步。......透過將一個咁受人尊敬、咁有才華、咁善良嘅人，咁啱亦都係作為一個同性戀者，佢強化咗咁樣嘅一種觀念：一個人嘅同性戀唔應該係佢哋應該覺得羞恥嘅事[77]。......透過將一個咁受人尊敬、咁有才華同咁善良嘅人，咁啱亦都係作為一個同性戀者，佢強化咗咁樣嘅一種觀念：即係一個人嘅同性戀唔應該令佢哋感到羞恥[78]。」《娛樂週刊》嘅麥·哈里斯話：「喺一個同性戀老師仲係成日受誹謗做惡意影響嘅世界裡面，佢揀咗俾一位受人愛戴嘅教授兼導師做同性戀者，我夠膽去呢個絕對唔係偶然[79]。」《哈利波特》系列電影嘅演員同導演都支持羅琳嘅披露，演員丹尼爾·域卡夫話，做鄧不利多嘅演員米高·甘邦「自從佢發現呢一個消息以嚟，佢喺過去嘅３個禮拜入面一直喺度用得意嘅方式嚟特登表現得誇張」[75]。激進組織嘅反應亦都基本上係正面嘅.5石牆組織嘅發言人讚揚咗羅琳，話：「羅琳咁樣講真係太好喇。呢個表明同性戀者可以做嘅嘢係無限制嘅，甚至係做巫師學校嘅校長[80]。」
一啲評論家都討論咗呢一個聲明嘅含義，指出呢個係第一次公開披露佢嘅性取向，而呢啲書喺呢個時候已經完成咗嘞。喺嚟自同性戀群體以外嘅更多負面評價入面，《紐約時報》嘅專欄作者
《Slate》引述一個參加讀書會嘅人講嘅嘢，佢話：「好明顯，羅琳並唔打算將鄧不利多被出櫃。佢淨係在乎忠於佢嘅讀者[84]。」《奧蘭多哨兵》嘅
出名嘅同性戀活動家同媒體人士嘅反應都唔一樣。各地LGBT權利嘅運動者彼得·塔切爾話：「兒童文學裡面包含同性戀者嘅現實係一件好事，因為我哋存在喺每個社會入面。但係令我失望嘅係，佢並無喺《哈利波特》小說入面明確咁表達鄧不利多嘅性取向。令呢樣嘢變得顯而易見會發出更強而有力嘅理解同接受訊息[80]。」引用塔切爾所講嘅嘢，《衛報》嘅詹姆·波喺一篇社論入面寫，「將受人尊敬、英勇而且受人愛戴嘅阿不思·鄧不利多展現做完全實現嘅同性戀角色—佢嘅性取向只係佢嘅成就嘅附帶因素—呢個將會提供一個獨一無二嘅虛構角色模型。由於仇視同性戀嘅霸凌問題喺學校裡面仍然係一個嚴重嘅問題，呢個係一個錯失咗嘅機會，而且係真正嘅尾巴刺痛[86]。」喺《時代雜誌》撰文嘅男同性戀作者
羅琳喺2016年對於鄧不利多喺《怪獸系列電影》裡面嘅性取向，佢話：「就佢嘅性取向嚟講，請注視呢個空間[88]。」
賣腐嘅指控
[編輯]繼羅琳對鄧不利多嘅性取向揭露咗之後，媒體後來對鄧不利多性取向嘅評價開始出現，喺跟住嘅戲、小說或者舞台劇裡面，從來未出現顯示過呢個角色同其他男性發生過關係，或者佢同葛林戴華德嘅關係被稱為浪漫嘅嗰種情況，直到2022年嘅《怪獸系列》第３輯前傳上映電影之前。
由2016年《哈利波特：被詛咒的孩子》嘅上演，同埋《怪獸系列》前傳電影嘅發行以嚟，嗰個系列對LGBT角色同主題（包括鄧不利多）嘅描繪開始受到新嘅關注。2016年初，有關《被詛咒的孩子》裡面兩位主角賣腐嘅投訴亦都令到對鄧不利多當時嘅描述進行咗類似嘅重新評價。2016年9 月，
第２輯怪獸系列電影《怪獸與葛林戴華德之罪》喺2018年上映之前，鄧不利多同葛林戴華德喺佢哋關係結束之後嘅一段時間裡面返嚟，導演葉斯喺接受《娛樂週刊》採訪嗰陣嘅言論引發咗進一步嘅爭議。當被問到套戲係咪會將鄧不利多形容做同性戀或者展示又或討論佢同葛林戴華德嘅浪漫關係嗰陣時，葉斯會話「無明確咁表示」，後來又話「我認為所有粉絲都意識到呢一點[92]。」《Den of Geek》嘅
嗰個系列嘅第３輯電影—2022年上映嘅《怪獸與鄧不利多的秘密》，呢套戲最終明確咁令鄧不利多提到自己「愛上咗」葛林戴華德，仲用簡單嘅語言嚟話俾其他角色知道佢哋嘅浪漫關係，就算有啲消息來源指出呢啲台詞只有六秒鐘嘅對話。「喺有報道話華納兄弟已經喺中國刪除咗呢套戲入面嘅嗰啲台詞之後，呢套戲、導演同羅琳再次被指控做『賣腐』，因為佢哋淨係用咁輕微嘅方式去確認鄧不利多嘅性取向，以至於好容易通過審查返嚟[96][97]。華納兄弟喺一份新聞稿入面為剪輯嚟做辯護，話佢哋只係遵守咗當地電影當局嘅要求，而『電影嘅精神保持完好無損。』幫《MovieWeb》撰稿嘅
現代諗法
[編輯]阿不思·鄧不利多喺《哈利波特》系列裡面被刻畫做一個有現代改良派諗法嘅巫師，佢極力反對英國魔法部喺康尼留斯·夫子同盧夫·昆爵呢兩個部長先後執政嘅時代所呈現出嚟嘅腐敗，亦都因為咁而多次咁挑戰魔法部喺嗰個時代制定唔適當嘅政策。
- 鄧不利多同其他巫師唔同，佢會訂麻瓜報紙嚟睇，去了解非魔法世界。
- 鄧不利多對純血、混血或者係麻瓜出身嘅巫師都一視同仁，認為佢哋嘅未來並唔係由血統嚟決定，而係由佢哋嘅選擇去決定。
- 鄧不利多相信人性美好嘅一面，對懸崖勒馬嘅人總係可以不計前嫌咁重新去相信佢哋。
- 鄧不利多好討厭催狂魔，佢唔鍾意魔法部俾佢哋去守衛巫師監獄—阿茲卡班監獄。佢相信佛地魔一返嚟嘅話，催狂魔就會即刻掉轉頭去到黑魔法嘅陣營。後嚟證明佢嘅猜測係啱嘅。
- 鄧不利多對非巫師生物無偏見，佢將半人類同非人類生物睇成係同巫師平等嘅地位，佢仲高尚咁叫佢哋做「生命」。佢認為巫師界長期忽略咗佢哋嘅存在，仲侵吞佢哋嘅權利，最終將會自食苦果，後嚟證明佢嘅諗法係啱嘅。
- 佢係第１個批准俾狼人喺霍格華茲讀書嘅校長，佢幫學生時代嘅雷木思·路平提供咗一個安全嘅地方去變身。
- 佢請咗唔同嘅種族嚟做霍格華茲嘅教授同員工，包括魯霸·海格（半混血巨人）、菲力·孚立維（混血妖精）、雷木思·路平（狼人）、阿各·飛鼠（爆竹）、卡斯伯特·丙斯（幽靈），同埋翡冷翠（半人馬）。
- 家庭小精靈多比喺重獲自由之後但係就喺巫師家庭搵唔到嘢做，佢去到霍格華茲搵鄧不利多請佢做嘢，鄧不利多唔單止同意俾人工同假期呢啲工作福利俾佢，仲俾佢可以用佢鍾意嘅方式嚟嗌佢，仲勸天狼星·布萊克對佢自己屋企嘅家庭小精靈怪角好啲。
- 佢反對去殺巨人，佢相信巫師嘅屠殺已經搞到巨人就嚟絕種。佢喺佛地魔返嚟之後建議時任英國魔法部部長康尼留斯·夫子即刻對巨人伸出善意之手，嚟防止佢哋加入去佛地魔嘅陣營，可惜唔成功。當夫子宣佈佢唔贊成呢個諗法嗰陣，佢秘密咁派魯霸·海格同埋波巴洞魔法學校嘅女校長
美心夫人 去做巫師使者，試吓去同巨人建立友誼。 - 佢唔會迷信關於騎士墮鬼馬嘅唔吉利傳聞，當佢唔想用現形術同飛天掃把或者係任何魔法技術出門嗰陣就會用到佢哋，仲俾佢哋拉車接學生來回霍格華茲同附近嘅火車站。
紀念
[編輯]流行文化
[編輯]鄧不利多喺唔同嘅小品同埋動畫系列入面被戲仿：
- 2003年，《喜劇救濟》演出咗一個惡搞故事—《
哈利波特與阿塞拜疆的秘密大壺 》，其中奈傑爾·普萊納著咗已故嘅李察·哈里斯嘅戲服同鬍鬚嚟做鄧不利多嘅角色[100][101]； - 2006年，喺《阿森一族》連續劇入面嘅《山楂樹夫婦》一集裡面，麗莎·辛普森要求荷馬·辛普森喺臨瞓之前讀
安祖麗卡·巴頓 嘅書。喺荷馬知道咗格雷斯塔什 校長就嚟會死（就好似鄧不利多喺《混血王子的背叛》入面咁樣），佢透過創造一個仲開心啲嘅結局嚟向麗莎收埋個事實，就算麗莎確實睇咗真正嘅結局，仲認為荷馬嘅結局好啲[102]； - 喺尼爾·西塞雷加嘅《波特木偶夥伴》入面，鄧不利多除咗佢頂帽之外，佢成日喺故事裡面除晒；佢都傾向於喺一個明顯唔啱嘅地方去用感嘆詞「
唉！ 」，戲仿羅琳對唔尋常詞語嘅熱愛。喺《榮恩的病 》嗰一集裡面，鄧不利多透露自己係「一個基嘅機械人 」[103]； - 阿不思·鄧不利多亦都出現喺由薛夫·格連配音嘅《機器雞》裡面，佢喺某啲集數入面出現。喺《
密碼：劍魚 》入面，當青春期生物菁春 有已知嘅威脅嗰陣，鄧不利多將一塊石頭交畀哈利，呢個有可能幫到佢去對抗菁春。鄧不利多喺呢次亮相入面係一個非裔美國人，佢話自己喺每套戲入面都係由唔同嘅演員去扮佢。喺同菁春對峙嗰陣，哈利摩擦咗石頭兩次嚟召喚幽靈嚟打佢。去到第３次嗰陣時，鄧不利多出現咗仲話畀哈利知，指一日淨係可以摩擦３次（如果佢放假就係４次），而且菁春唔能夠被摧毀，因為佢存活喺每個人身體裡面，就好似佢自己嘅惡魔—萬都斯林普斯 一樣，阻止佢去建立有意義嘅關係；鄧不利多喺《我愛她 》嘅嗰集入面話畀啲學生知石內卜教授遇到一次「輕微嘅魔藥事故」，仲招募咗基斯·安祖嚟做佢哋嘅代課老師； - 鄧不利多仲喺《
哈利球膽 》嘅喜劇小品入面出現，當中由凱南·湯臣飾演年長嘅威廉·班恩斯·皮佩爾 呢個角色（呢個角色嘅身份係皮佩爾校長）； - 喺鄧不利多嘅性取向被揭露咗之後，《Saturday Night Live》入面嘅美國幽默小品喜劇就用咗由愛美·寶拉飾演嘅羅琳做特色主角，展示咗《哈利波特：阿茲卡班的逃犯》入面嘅「刪除場景」，嗰個係由由標·赫特做嘅鄧不利多表現出典型同性戀行為嘅場景[104]；
- 喺2009年嘅《非常波特的音樂劇》裡面，鄧不利多呢個角色係由
迪倫·桑德斯 做嘅； - 喺YouTube頻道《收聲！卡通》入面，鄧不利多出現喺《
青少年偶像 》嘅一集連續劇入面，佢嘅角色由賈斯汀·羅蘭德聲演。作為一個少年，鄧不利多鍾意變魔術仲用製作機械人嚟複製自己。有一日，佢戴咗水肺潛水，幫童子軍贏咗水肺潛水徽章。當佢暗戀嘅對象莎蓮 同童子軍團長去潛水嗰陣時，鄧不利多嚇親仲留喺船上面。佢哋遇到了一隻好大嘅海怪，莎蓮瞇埋眼仲講鄧不利多教佢嘅一個把戲。鄧不利多收到佢嘅求救信號仲跟住佢哋潛入去。佢遇到一隻識講嘢嘅海豚，海豚就話如果最後佢可以食咗鄧不利多嘅話，佢就同意去幫鄧不利多。鄧不利多就提議海豚食咗童子軍團長，海豚就將佢帶到去佢啲朋友嗰度。鄧不利多整咗一個機械人版本仲將佢送入去嗰隻生物嘅胃嗰度，仲用足夠長嘅時間嚟分散嗰隻生物嘅注意力，等鄧不利多、莎蓮同童子軍團長走得甩。莎蓮多謝鄧不利多拯救咗佢哋。鄧不利多發表咗性別嘅評論，但就好似佢講嘅咁樣講笑。莎蓮問到童子軍團長喺邊度嗰陣，鄧不利多就話佢去咗某個地方（當時海豚真係食咗佢）。鄧不利多跟住決定起一個童子軍團長嘅機械人副本，用嚟防止任何人發現咗佢出咗事。 - 阿不思·鄧不利多亦都出現喺2014年嘅《LEGO英雄傳》嗰套戲裡面，不過佢嘅配音演員就無被記名。有人見到佢同建築大師出現喺
維特魯威 雲布穀地 嘅會面，入面包括咗《魔戒》入面嘅樂高版甘道夫。
名言
[編輯]神秘的魔法石
[編輯]被愛得咁深，即使愛我哋嘅人已經唔喺度，都會永遠俾到我哋一啲保護。 對抗我哋嘅敵人需要好大嘅勇氣，但對抗我哋嘅朋友亦同樣需要過人嘅勇氣。 一個人啲襪永遠都唔夠。 啊，音樂。魔法超越晒我哋喺呢度所做嘅一切！ 對事物永遠要用正確嘅稱呼。 對一個名嘅恐懼會增加對事物本身嘅恐懼。 真相。呢個一件美麗而可怕嘅事，因為咁應該非常謹慎咁對待。 沉溺喺虛幻嘅夢想而忘記現實嘅生活係毫無益處嘅事，千祈要記住呢一點。 呢塊鏡唔會俾到我哋知識同埋真相。 啲人淨係會喺佢面前虛度光陰，甚至發癲，唔知道鏡裡面嘅一切係咪真實，甚至係咪有可能實現。 人唔可以活喺夢裡面而唔記得咗生活。 等我解釋一下啦。 呢個世界上最幸福嘅人能夠像將意若思鏡當成普通鏡咁樣去用， 亦都即係話，佢望住塊鏡度會睇到佢自己本來嘅面目。 咁樣有幫助咩？ 魔法石其實並唔係咁美妙嘅嘢。 有咗佢，無論有幾多財富同壽命都可以如願以償！ 呢兩樣嘢都係大部分人會揀先嘅— 但問題係，人類偏偏就鍾意揀啲對佢哋嚟講最無好處嘅嘢。 你媽咪係為咗救你而犧牲。 如果佛地魔有啲咩係唔明白嘅，嗰樣就係愛。 佢無意識到你媽咪對你嗰種強烈嘅愛係會喺你身上留低佢嘅印記。 唔係疤痕，唔係看得見嘅痕跡... 被深深咁樣愛過，即使愛我哋嘅嗰個人已經離開咗，都會為我哋留低一個永恆嘅保護。 呢樣嘢就收埋喺你嘅皮膚裡面。 奎若嘅內心充滿住仇恨、貪婪同野心，正因為佢將靈魂出賣俾佛地魔，所以奎若就唔可以掂到你。 去掂一個身上有咁美好印記嘅人係會覺得痛苦難當嘅。
消失的密室
[編輯]哈利，我哋嘅選擇比起我哋展現真正嘅自我，遠勝過我哋嘅能力。 我哋當中最好嘅人有時都會食言。 只要進入夢鄉，嗰度就完全係屬於自己嘅世界。 就等佢哋喺最深嘅海裡面暢游，或者喺最高嘅空中翱翔啦。 細路仔嘅聲音係幾咁真誠，不過對於嗰啲唔記得咗點樣去聆聽嘅人嚟講都係毫無意義嘅。 真正有特質嘅人永遠唔會被低估。 只要唔好忘記點著心中嘅燈，即使喺最黑暗嘅時候，幸福都能夠唾手可得。 鳳凰係一種迷人嘅生物。佢哋嘅承重力無與倫比，眼淚就有治癒嘅能力，而且係高度忠誠嘅寵物。 當呢度無人對我忠誠嘅時候，我先至會真正咁離開學校。 你都會發現到霍格華茲總係會向嗰啲提出請求嘅人提供幫助。
阿茲卡班的逃犯
[編輯]喺證實有罪之前都係無辜嘅。 即使喺最黑暗嘅時候，只要記得點著燈，就可以搵到幸福。 你認為我哋深愛嘅親人會喺死咗之後永遠離開我哋？ 唔通你唔覺得每當我哋遇到大麻煩嗰陣時，對佢哋嘅記憶會更加清晰啲咩？ 你知道嘅，哈利，喺某種程度上，你尋晚確實見到你嘅爸爸。 你會喺自己嘅內心搵到佢。 我哋行為嘅後果總係咁複雜同多元，以至於預測未來確實係一件非常困難嘅事。
火盃的考驗
[編輯]黑暗而艱難嘅時期就喺眼前。 好快我哋所有人都必須要面對乜嘢係正確同容易之間作出選擇。 如果我哋嘅目標一致而且敞開心扉嘅話，習慣同語言嘅差異係唔會成為我哋嘅障礙。 我哋唯有團結一致先至強大，唯有各自為政先至令我哋變弱。 你對所謂嘅血統純潔性睇得太重喇，而且你一直都係睇得咁重嘅！ 你無意識到，一個人嘅出身係咩並唔重要，重要嘅係佢哋長大成為一個點樣嘅人！ 我一直都相信，喺大多數情況下，事實總會比大話好得多。 了解係接受嘅第一步，而唯有接受先至有可能痊癒。 暫時令疼痛變得麻木，只係會令你喺最後真係感覺到佢嗰陣嘅情況更差。 無任何魔咒可以令死咗嘅人再次蘇醒㗎。 一個人嘅出身並唔重要，重要嘅係佢成長做點樣嘅人。 好奇心唔係一種罪嚟嘅... 但我哋應該謹慎對待我哋嘅好奇心。係呀，確實是要㗎。 如果你仲係執意要瞇埋雙眼，唔肯去正視件事嘅真相，咁我哋必然係要分道揚鑣喇... 咁你就照你嘅諗法去採取適當嘅行動，而我都會採取我認為適當嘅行動。 而家已經到咗你哋應該放低舊有嘅歧見同埋開始互相信任嘅時候。 除非我哋呢幾個少數知道真相嘅人能夠團結一致，如果唔係我哋必然會全軍覆沒。
鳳凰會的密令
[編輯]漠不關心同視而不見往往會比直截了當嘅厭惡造成嘅傷害大得多。 年輕人無辦法知道年齡嘅諗法同感受，但係老年人如果唔記得咗年輕嗰陣嘅感受，咁就有罪喇。 我哋無得揀我哋嘅命運，但我哋可以揀其他人嗰啲。 要小心啲了解呢一點。 人類最大嘅財富係無法估量嘅智慧。 哈利，受咁樣嘅苦證明咗你係個男人！呢種痛苦係人類嘅一部分... 事實上，你可以感受到咁樣嘅痛苦，呢個就係你最大嘅力量。 我喺度等呢個證據已經好耐喇。佢證實咗我一直喺度研究嘅理論， 佢證實咗我一直喺度研究嘅理論。 佢證實咗我嘅推測，證明我係啱嘅，亦都話俾我知前面條路仲有好長。
混血王子的背叛
[編輯]可悲嘅係，意想唔到嘅無禮行為經常令人震驚咁發生，最好咩都唔好講。 唔應該低估年輕人，太過在意年齡實在係愚蠢又大意。 你知道暴君有幾咁驚佢哋壓迫嘅人民呀？ 他們所有人都意識到，有一日喺佢哋咁多嘅受害者入面，一定會有人起身反抗佢哋仲會反擊！ 當我哋見到死亡同黑暗嗰陣時，我哋真正驚嘅係嗰種未知嘅感覺，就只係咁嘅啫。 哈利，我哋必須要盡量唔好陷入喺痛苦，而係要繼續戰鬥。 總而言之，你係受到愛嘅能力嘅保護！ 呢個可能係唯一可以對抗佛地魔咁樣嘅權力誘惑！ - 鄧不利多：
你如果唔向佢哋透露咁重要嘅事就係傷害咗佢哋。
哈利：我唔想咁樣-
鄧不利多：令佢哋擔心或者嚇親？或者可能，去承認你自己好擔心同好驚？ 你係需要朋友㗎，哈利！ 正如我已經向你證實，我都會好似普通人咁樣犯錯。 事實上—原諒我— 比大多數人更聰明啲嘅我， 我所犯嘅錯可能會再嚴重啲。
死神的聖物
[編輯]- 鄧不利多喺《三兄弟的故事》嘅筆記：
人類想方設法去逃避或征服死亡嘅企圖往往註定要失望。 - 鄧不利多喺《三兄弟的故事》嘅筆記：
人類偏偏就鍾意揀啲對佢哋嚟講最無好處嘅嘢。 - 鄧不利多喺《魔法師的毛茸茸心臟》嘅筆記：
無論男人定女人，抑或係咪識魔法，都曾經走唔甩喺身體、精神或者情緒上某種形式嘅傷害。傷害就好似呼吸一樣，係人之常情。 哈利，呢個係一件奇怪嘅事，但係或者最適合權力嘅嗰啲人就係嗰啲從來未尋求過權力嘅人。 嗰啲好似你一樣被佢哋強加領導權嘅人，而佢哋必須承擔起呢個職責，因為佢哋必須要咁做，而佢哋又會好驚訝咁發現自己好稱職。 哈利，唔好可憐死咗嘅人，可憐生存緊嘅人。尤其係要可憐嗰啲生存但係無愛嘅人。 咁當然發生喺你腦海裡面啦，哈利，但係講到尾呢個點解意味住唔係真嘅呢？ 我一直為自己能言善辯嘅能力而自豪。 以我唔係咁謙卑嘅觀點嚟講，我認為語言係我哋最用之不竭嘅魔法泉源。 佢既能夠造成傷害，亦都能夠治癒傷害。 但係呢次我要收返自己原本嘅說話： 霍格華茲總係會幫助嗰啲值得幫助嘅人。 死亡實際上就好似係經過漫長嘅一日之後終於要上床休息喇。 對於頭腦好清醒嘅人嚟講，死亡只不過係另一場偉大嘅冒險。 我喺年輕嗰陣嘅表現就證明咗權力係我嘅弱點、我嘅誘惑。 我留喺霍格華茲會安全些啲，我認為我會係個好老師。 遺憾係我恆久不變嘅陪伴。 唔好俾佢變成你自己嘅嘢。
參考
[編輯]- ↑ 重生石原本係鑲嵌喺魔佛羅嘅指環上面嘅岡特家族家傳信物，呢個指環曾經畀佢嘅家族後代—佛地魔用嚟做分靈體。
- ↑ 喺意大利語嘅《哈利波特》譯本入面，「Dumbledore」被翻譯做「Silente」，即係沉默嘅意思，羅琳就認為呢個譯名同原意完全相反。
- ↑ 羊毛襪喺英國文化入面象徵住親情。鄧不利多後嚟仲講笑咁話：「聖誕節嚟完又去，我１對襪都收唔到。啲人係咁送書俾我。」由呢度可以睇到，鄧不利多因為無咗象徵住親情嘅羊毛襪，佢就將自己嘅大部分精力都放晒喺作為知識嘅書上面，咁樣先至成就到佢做咗當世最偉大同最睿智嘅巫師。
- ↑ Hirsch, Anne-Christin (2008). Names and Their Underlying Mythology in J.K. Rowling's Harry Potter-Novels. Munich, Germany: GRIN Verlag. p. 7. ISBN 978-3-640-16412-7.
- ↑ Kroll, Justin (2017-04-12). "Jude Law to Play Young Dumbledore in 'Fantastic Beasts' Sequel (EXCLUSIVE)". Variety. Los Angeles, California: Penske Media Corporation. 原著喺2018-06-18歸檔. 喺2017-04-12搵到.
- ↑ ""Dumbledore" in Merriam–Webster". Machaut.uchicago.edu. 原著喺2015-10-17歸檔. 喺2011-11-27搵到.
- ↑ Sexton, Colleen A. (2007-10-01). J. K. Rowling (英文). Twenty-First Century Books. p. 46. ISBN 978-0-8225-7949-6. 原著喺2022-07-06歸檔. 喺2022-06-30搵到.
- ↑ "Of Course J.K. Rowling Misses Dumbledore the Most". The Atlantic. 2013-08-27. 原著喺2022-07-06歸檔. 喺2022-05-12搵到.
- ↑ 6.0 6.1 Chamber of Secrets DVD: Interview with Steve Kloves and J.K. Rowling (DVD). February 2003.
- ↑ "Living with Harry" - J. K. Rowling Interview". Christmas Special. 2005-12-10. BBC Radio4.
- ↑ "J.K. Rowling at the Royal Albert Hall". MSN.com. 2003-06-26. 原著喺2006-11-12歸檔. 喺2022-05-12搵到.
- ↑ "J. K. Rowling Interview". The Connection. 1999-10-12. WBUR Radio.
- ↑ 《哈利波特：神秘的魔法石》第106頁。
- ↑ 11.0 11.1 "About the Books: transcript of J.K. Rowling's live interview on Scholastic.com". Scholastic.com. 2000-10-16. 原先內容歸檔喺2011-04-23. 喺2011-03-20搵到.
- ↑ "Wizard of the Month Archive". J.K. Rowling Official Site. 原著喺2009-03-02歸檔. 喺2011-03-20搵到.
- ↑ "Rowling dubs Dumbledore of 'Harry Potter' books as gay". Daily News. New York City. 2007-10-19. 原先內容歸檔喺2007-10-21. 喺2007-10-20搵到.
- ↑ "J.K. Rowling outs Hogwarts character". Associated Press. 2007-10-20. 原著喺2007-10-21歸檔. 喺2007-10-22搵到.
- ↑ "JK Rowling says wizard Dumbledore is gay". Reuters. 2007-10-20. 原著喺2022-07-06歸檔. 喺2008-08-02搵到.
- ↑ Amini, Adeel (2008-03-09). "Minister of Magic". Mugglenet.com. 原著喺2008-03-11歸檔. 喺2008-03-14搵到.
- ↑ 17.0 17.1 "Harry Potter: The Actors Who Almost Played Dumbledore". ScreenRant. 2020-01-01. 原著喺2022-07-06歸檔. 喺2021-03-03搵到.
- ↑ "Richard Harris turned down Harry Potter three times". The Guardian. 2001-09-14. 原著喺2022-07-06歸檔. 喺2021-03-16搵到.
- ↑ Jensen, Jeff (2005-10-28). "A Look Back". Entertainment Weekly. 原著喺2018-10-14歸檔. 喺2007-10-10搵到.
- ↑ 20.0 20.1 "Actor Richard Harris dies". BBC News. 2002-10-25. 原著喺2002-12-06歸檔. 喺2010-03-03搵到.
- ↑ Hinman, Michael (2007-11-29). "No Regrets For McKellen in Turning Down Harry Potter". SyFy Portal. 原著喺2007-12-01歸檔. 喺2007-11-30搵到.
- ↑ 〈15年后揭真相 "万磁王"自曝拒演邓布利多原因〉。搜狐娱乐。2017-04-06。原著喺2018-01-16歸檔。喺2018-01-15搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈只因一句話 伊恩麥克連15年前拒演鄧不利多〉。自由娛樂。2017-04-05。原著喺2018-01-16歸檔。喺2018-01-15搵到。
{{cite web}}: Unknown parameter|dead-url=ignored (|url-status=suggested) (help) - ↑ "SyFy Portal". 2007-12-01. 原著喺2007-12-01歸檔. 喺2018-01-15搵到.
{{cite web}}: Unknown parameter|deadurl=ignored (|url-status=suggested) (help) - ↑ Whitty, Stephen (2011-07-15). "'Harry Potter': The best could-have beens..." The Star-Ledger. 原著喺2018-06-23歸檔. 喺2017-01-02搵到.
- ↑ "Oxford Harry Potter actor who played Dumbledore's double has died". Oxford Mail (英文). 原著喺2022-07-12歸檔. 喺2021-09-29搵到.
- ↑ "Dumbledore and Sirius cast for Azkaban". Newsround. 2003-02-21. 原著喺2007-08-08歸檔. 喺2007-10-10搵到.
- ↑ Vaughan, Johnny; Henry, Lenny (2004). Head to Shrunken Head (DVD). Warner Bros. Pictures.
- ↑ Synnot, Siobhan (2004-05-30). "Olivier, Dumbledore and two broken ribs". The Scotsman. 原著喺2007-05-25歸檔. 喺2007-11-30搵到.
- ↑ Martin, Michael (2010-10-12). "Toby Regbo". Interview. 原著喺2018-10-06歸檔. 喺2022-06-30搵到.
- ↑ 林映妤 (2017-04-12)。〈裘德洛確定演出《怪獸與牠們的產地2》年輕版鄧不利多！〉。《ETtoday星光雲》 (臺灣中文)。原著喺2018-01-29歸檔。喺2018-01-11搵到。
{{cite news}}: Unknown parameter|dead-url=ignored (|url-status=suggested) (help) - ↑ Lee, Ashley (2017-04-12). "Jude Law to Play Young Dumbledore in 'Fantastic Beasts' Sequel". The Hollywood Reporter (英文). Los Angeles, California: Eldridge Industries. 原著喺2019-04-22歸檔. 喺2018-03-15搵到.
- ↑ "Jude Law cast as Albus Dumbledore in next Fantastic Beasts film". Pottermore (英文). 原著喺2017-04-12歸檔. 喺2018-03-15搵到.
- ↑ 《哈利波特：火盃的考驗》第439頁, 精簡文字。
- ↑ Adler, Shawn (12 October 2007). "Harry Potter's Author J. K. Rowling Meets With L.A. Students, Plots Her Next Move". New York City: MTV. 原著喺2010年3月10號歸檔. 喺18 April 2008搵到.
- ↑ Spartz, Emerson; Anelli, Melissa (16 July 2005). "MuggleNet and The Leaky Cauldron interview Joanne Kathleen Rowling". mugglenet.com. 原著喺12 June 2012歸檔. 喺21 October 2007搵到.
- ↑ Spartz, Emerson; Anelli, Melissa (2005-07-16). "MuggleNet and The Leaky Cauldron interview Joanne Kathleen Rowling: Part 3". MuggleNet. 原著喺2007-10-11歸檔. 喺2007-10-21搵到.
- ↑ 《哈利波特：神秘的魔法石》。
- ↑ "J.K. Rowling at the Edinburgh Book Festival". J. K. Rowling Official Site. 15 August 2004. 原著喺7 January 2005歸檔. 喺10 May 2022搵到.
- ↑ 《怪獸與鄧不利多的秘密》。
- ↑ 《哈利波特：混血王子的背叛》。
- ↑ J·K·羅琳 (2000-06-23)。《哈利波特：神秘的魔法石》 (中文)。皇冠出版社。頁 第221頁。ISBN 978-957-33-1724-1。
- ↑ J·K·羅琳 (2007-10-19)。《哈利波特：死神的聖物》 (中文)。皇冠出版社。頁 第218頁。ISBN 978-957-33-2357-0。
- ↑ 《哈利波特：火盃的考驗》。
- ↑ "Webchat with J.K. Rowling", Harry Potter at Bloomsbury, 30 July 2007. Retrieved 21 October 2007.
- ↑ "J.K. Rowling at the Edinburgh Book Festival". J. K. Rowling Official Site. 2004-08-15. 原著喺2005-01-07歸檔. 喺2022-05-10搵到.
- ↑ 喺《怪獸與葛林戴華德之罪》入面曾經提及過鳳凰同鄧不利多嘅家族有關。
- ↑ J.K. Rowling. "J.K. Rowling Official Site". 原著喺31 March 2008歸檔.
- ↑ "Birthdate: 1881 (JKR), 大概７月或８月。呢個日期取代咗羅琳喺2001年所講嘅「鄧不利多大概150歲嘅講法（藍鼻子日），仲更符合第７輯小說入面出現嘅日期。關於佢嘅出世月份，麗塔·史譏喺《
阿不思·鄧不利多的生命與謊言 》入面話，鄧不利多喺嗰年６月喺霍格華茲畢業嗰時「已經接近」１８歲生日，但當佢喺《哈利波特：死神的聖物》第１８章遇到葛林戴華德嗰陣，佢先至１７歲。基本上，喺葛林戴華德留喺高錐客洞嗰陣，鄧不利多已經足咗１８歲，所以佢生日嘅月份似乎係７月或者８月。」[1] 喺2008年7月10號搵到 - ↑ 50.0 50.1 Time Line of Dumbledore's Life retrieved July-09-2008
- ↑ ""Dumbledore" in Merriam–Webster". Machaut.uchicago.edu. 原著喺2015-10-17歸檔. 喺2013-08-04搵到.
{{cite web}}: Unknown parameter|deadurl=ignored (|url-status=suggested) (help) - ↑ J·K·羅琳; 琳賽·費瑟 (2002年7月)。《哈利波特的祕密：與J·K·羅琳對話》。臺北：皇冠。ISBN 957-33-1878-4。
- ↑ "Introducing Albus Silente: Harry Potter in translation". Guardian. 2017-09-20. 原著喺2019-07-22歸檔. 喺2019-07-22搵到.
{{cite news}}: Unknown parameter|dead-url=ignored (|url-status=suggested) (help) - ↑ Rowling, J. K. (1999-03-19). "Barnes and Noble interview, 19 March 1999". AccioQuote!. 原著喺2007-02-28歸檔. 喺2013-08-04搵到.
{{cite web}}: Unknown parameter|deadurl=ignored (|url-status=suggested) (help) - ↑ "WBUR radio interview 12 October 1999". Accio-quote.org. 1999-10-12. 原著喺2012-08-06歸檔. 喺2013-08-04搵到.
{{cite web}}: Unknown parameter|dead-url=ignored (|url-status=suggested) (help) - ↑ 《哈利波特：死神的聖物》第11章：賄賂。
- ↑ 《哈利波特：鳳凰會的密令》第31章：普等巫測。
- ↑ 《哈利波特：死神的聖物》第2章：追思。
- ↑ 59.0 59.1 《哈利波特：死神的聖物》第18章：鄧不利多的人生與謊言。
- ↑ J. K. Rowling Web Chat Transcript – The Leaky Cauldron
- ↑ 61.0 61.1 《哈利波特：神秘的魔法石》第12章：意若思鏡。
- ↑ 《哈利波特：神秘的魔法石》裡面曾經提到。
- ↑ "Real Wizards: The Search for Harry's Ancestors". Channel 4. 2001. 原著喺18 October 2012歸檔. 喺1 June 2007搵到.
- ↑ Perry, Evelyn M. "Harry Potter and the Sorcerer's Stone Novel". Farmingham State College. 原著喺24 October 2006歸檔. 喺1 June 2007搵到.
- ↑ "Gandalf vs Dumbledore: Ian McKellen Talks Wizards". The Leaky Cauldron. 24 November 2007.
- ↑ Linder, Brian; Pirrello, Phil; Goldman, Eric; Fowler, Matt (14 July 2009). "Top 25 Harry Potter Characters". IGN. 原著喺19 July 2009歸檔. 喺3 April 2011搵到.
- ↑ Utichi, Joe (3 November 2010). "The Top 10 Harry Potter Characters". IGN. 原著喺6 November 2010歸檔. 喺3 April 2011搵到.
- ↑ Rosenfield, Kat (18 November 2015). "A Brief History of the Worst 'Harry Potter and the Goblet of Fire' Mistake Ever". New York City: MTV. 原著喺2022年7月17號歸檔. 喺27 November 2015搵到.
- ↑ Haber, David (19 July 2005). "Dumbledore Is Not Dead!". Beyond Hogwarts. 喺21 March 2011搵到.
- ↑ "Dumbledore 'definitely' dead, says Rowling". HPANA. 2 August 2006. 原先內容歸檔喺8 February 2011. 喺21 March 2011搵到.
- ↑ Granger, John, 編 (2006). Who Killed Albus Dumbledore?: What Really Happened in Harry Potter and the Half-Blood Prince? Six Expert Harry Potter Detectives Examine the Evidence. Unlocking Press. ISBN 978-0972322119.
- ↑ Harris, Scott (14 July 2011). "'Harry Potter' Mega Poll: The Mega Results!". NextMovie.com. 原著喺17 July 2011歸檔. 喺25 July 2011搵到.
- ↑ "J.K. Rowling reveals Dumbledore is gay". CBC Arts. Oct 20, 2007. 喺September 28, 2023搵到.
- ↑ 〈罗琳透露《哈利波特》秘密：邓布利多是同性恋〉。原著喺2014-06-06歸檔。喺2014-06-06搵到。
{{cite web}}: Unknown parameter|dead-url=ignored (|url-status=suggested) (help) - ↑ 75.0 75.1 Masters, Tim (12 November 2007). "Potter stars react to gay twist". BBC News. London, England: BBC. 喺21 March 2011搵到.
- ↑ Smith, David (2007-10-21). "Dumbledore was gay, JK tells amazed fans". The Observer (英國英文). ISSN 0029-7712. 喺2023-09-28搵到.
- ↑ "Dumbledore's outing gives text new meaning". Today.com. 21 October 2007. 喺4 August 2009搵到.
- ↑ "Dumbledore's outing gives text new meaning". Today.com. 21 October 2007. 喺4 August 2009搵到.
- ↑ Evans, Mark (30 October 2007). "Dumbledore: A Lovely Outing". Entertainment Weekly. New York City: Meredith Corporation. 原著喺2014年11月29號歸檔. 喺21 March 2011搵到.
- ↑ 80.0 80.1 "JK Rowling outs Dumbledore as gay". BBC News. London, England: BBC. 20 October 2007. 喺13 August 2016搵到.
- ↑ Rothstein, Edward (29 October 2007). "Is Dumbledore Gay? Depends on Definitions of 'Is' and 'Gay'". The New York Times. London, England. 喺29 October 2007搵到.
- ↑ "The Life and Lies of Albus Dumbledore". East Tennessean. 22 October 2007. 原著喺30 January 2010歸檔. 喺21 March 2011搵到.
- ↑ Smith, Michelle (2014-12-22). "The 'death' of J. K. Rowling: Why it doesn't matter what she has to say about Harry Potter". The Conversation. 原著喺2022-07-12歸檔. 喺2022-07-08搵到.
- ↑ Wamsley, Laurel (22 October 2007). "Bloggerson Stephen Colbert's presidential run". Slate. New York City: The Slate Group. 原著喺24 October 2007歸檔.
- ↑ Thomas, Mike (22 October 2007). "So Dumbledore is Gay". Orlando Sentinel. Orlando, Florida: Tribune Publishing Company. 原著喺22 May 2011歸檔. 喺21 March 2011搵到.
- ↑ Ball, James (2007-10-23). "Dumbledore tumbles out". The Guardian (英國英文). ISSN 0261-3077. 喺2023-09-28搵到.
- ↑ Cloud, John (October 25, 2007). "Outing Dumbledore". Time. 喺August 17, 2021搵到.
- ↑ Robinson, Will (2016-11-10). "J.K. Rowling Addresses Whether Dumbledore Will Be Openly Gay in 'Fantastic Beasts' Sequel". Entertainment Weekly. New York City: Meredith Corporation. 原著喺2022-01-26歸檔. 喺2018-03-14搵到.
- ↑ Smith, Michelle (22 December 2014). "The 'death' of J. K. Rowling: Why it doesn't matter what she has to say about Harry Potter". The Conversation.
- ↑ Romano, Aja (2016-09-04). "The Harry Potter universe still can't translate its gay subtext to text. It's a problem". Vox (英文). 喺2023-09-28搵到.
- ↑ Whitney, E. Oliver (November 10, 2016). "J.K. Rowling on Whether Dumbledore Will Be Openly Gay in 'Fantastic Beasts 2'". ScreenCrush. 原先內容歸檔喺March 23, 2023. 喺September 28, 2023搵到.
- ↑ Dry, Jude (2018-02-01). "J.K. Rowling, Stop Queerbaiting: We're Ready for Gay Dumbledore in 'Fantastic Beasts' — Opinion". IndieWire (美國英文). 喺2023-09-28搵到.
- ↑ Harrington, Delia (2018-11-20). "Fantastic Beasts 2 is Queerbaiting That Puts Dumbledore Back in the Closet". Den of Geek (美國英文). 喺2023-09-28搵到.
- ↑ Morgan, Richard (March 18, 2019). "It's not enough for J.K. Rowling to say her characters are queer. Show it to us". The Washington Post. 喺September 28, 2023搵到.
- ↑ "There Are No Gay Wizards | Nancy". WNYC Studios (英文). 喺2023-09-28搵到.
- ↑ Hibberd, James (2022-04-12). "Warner Bros. Removes 'Fantastic Beasts: Secrets of Dumbledore' Dialogue About Gay Relationship for China". The Hollywood Reporter (美國英文). 喺2023-09-28搵到.
- ↑ ""Fantastic Beasts" Queer Dialogue Was Censored — All 6 Seconds of It". Teen Vogue (美國英文). 2022-04-15. 喺2023-09-28搵到.
- ↑ Shortt, Hannah (2022-05-12). "Fantastic Beasts 3: How The Secrets of Dumbledore Falls Short on LGBTQ+ Representation". MovieWeb (英文). 喺2023-09-28搵到.
- ↑ "Gallery: Royal Mail: Stamps from magical realms". The Guardian. 喺22 September 2022搵到.
- ↑ "Harry Potter and the Secret Chamberpot of Azerbaijan". tv.com. 原著喺2012-11-02歸檔. 喺2007-07-08搵到.
- ↑ "French and Saunders: Harry Potter and the Secret Chamberpot of Azerbaijan". .frenchandsaunders.com. 2003-02-19. 原著喺2016-11-19歸檔. 喺2007-07-08搵到.
- ↑ "The Haw-Hawed Couple Epison Recap". tv.com. 原著喺2008-02-06歸檔. 喺2007-07-15搵到.
- ↑ "The Potter Puppet Pals". The Potter Puppet Pals Official Website. 原著喺2007-07-16歸檔. 喺2007-07-15搵到.
- ↑ "SNL Videos". Bill Hader Online. 原著喺2014-03-25歸檔. 喺2011-04-03搵到.
| 小說 | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 改編電影 | |||||||||||||||||||||||||||||
| 角色 |
| ||||||||||||||||||||||||||||
| 網站 |
| ||||||||||||||||||||||||||||
