哈利波特：混血王子的背叛 (電影)
跳去導覽
跳去搵嘢
《哈利波特：混血王子的背叛》（Harry Potter and the Half-Blood Prince）係一部2009年奇幻電影，由大衛葉斯做導演，改編J. K. 羅琳嘅2005年同名小說。主演係丹尼爾域卡夫、魯拔格連特、愛瑪屈臣。
劇情簡介[編輯]
食死人喺出面搞事。跩哥·馬份嘅阿媽水仙·馬份要賽佛勒斯·石內卜立下不破誓，保證佢會喺跩哥嘅食死人任務度幫佢。
阿不思·鄧不利多成功說服史拉轟返去霍格華茲教魔藥學，原本教開魔藥學嘅石內卜就做咗黑魔法防禦術教授。哈利波特上史拉轟堂嗰陣，因為冇帶書而攞咗本舊書，嗰本書入面寫咗好多筆記，同埋有寫住「這是混血王子的物品」。哈利喺本書度學到新嘅咒語，之後金妮·衛斯理說服哈利將本書收埋喺萬應室。
哈利用幸運水，氹掂史拉轟交出當年湯姆·瑞斗搵佢嗰陣嘅記憶。鄧不利多同哈利知道瑞斗當年問嘅係關於分靈體嘅嘢。
跩哥·馬份嚟到鄧不利多面前，打低咗佢支魔杖。一班食死人都嚟到，但係跩哥落唔到手殺鄧不利多，於是石內卜就用索命咒殺咗鄧不利多。之後哈利追住石內卜，追到去海格嘅小屋附近，哈利用「撕淌三步殺」攻擊石內卜，畀石內卜知道哈利學咗佢嘅咒語，就話自己就係「混血王子」。