跳去內容

衛斯理家族

出自維基百科，自由嘅百科全書

衛斯理家族（英文：Weasley family）係英國小說作家J·K·羅琳嘅奇幻小說《哈利波特》系列入面嘅一個純血（中文：哈利波特世界觀與設定#純血）巫師家族，裡面嘅成員榮恩·衛斯理亦都係系列嘅其中一個主角，佢係主角哈利嘅老友。衛斯理家族係魔法世界入面少數仲存在嘅其中一個純血巫師家族，而純血家族大多會互相聯婚嚟去維持佢哋血統嘅純粹，所以衛斯理家族、布萊克家族同馬份家族之間都有姻親或者係血親嘅關係，不過衛斯理家族同其他純血家族唔同嘅係，佢哋同混血（中文：哈利波特世界觀與設定#混血）仲有麻瓜出身（中文：哈利波特世界觀與設定#麻瓜出身）巫師之間嘅關係相當親密，令到其他重視血統純潔嘅純血家族因為咁而叫佢哋做「血腥叛徒Blood traitor」[1]。

衛斯理一家嘅主要成員分別係亞瑟同埋茉莉兩公婆同埋佢哋７個仔女，佢哋一家都係成個系列故事嘅配角，佢哋都係故事主角哈利·波特嘅朋友，後嚟更加成為咗親人。

族譜[編輯]

 
 
 
 
 
 
 
 
 
 
 
 
 
 
 
 
布萊克家族
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
塞普提默斯·衛斯理Septimus Weasley
 
塞德蕾兒·布萊克Cedrella Black
 
普瑞先生Mr. Prewett
 
普瑞太太Mrs. Prewett
 
伊內修斯·普瑞Ignatius Prewett
 
柳克麗夏·布萊克Lucretia Black
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
戴樂古太太Mrs. Delacour
 
戴樂古先生Mr. Delacour
 
畢流斯·衛斯理Bilius Weasley
 
亞瑟·衛斯理Arthur Weasley
 
茉莉·衛斯理Molly Weasley
 
吉昂·普瑞Gideon Prewett
 
費邊·普瑞Fabian Prewett
 
 
 
 
 
莉莉·伊凡
 
詹姆·波特
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
佳兒·戴樂古Gabrielle Delacour
 
 
查理·衛斯理Charlie Weasley
 
 
弗雷·衛斯理
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
花兒·戴樂古
 
比爾·衛斯理Bill Weasley
 
派西·衛斯理Percy Weasley
 
奧黛麗·衛斯理Audrey Weasley
 
喬治·衛斯理
 
莉娜·強生Angelina Johnson
 
妙麗·格蘭傑
 
榮恩·衛斯理
 
金妮·衛斯理
 
哈利·波特
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
薇朵兒·衛斯理Victoire Weasley
 
多美妮克·衛斯理Dominique Weasley
 
路易斯·衛斯理Louis Weasley
 
 
 
 
 
 
弗雷·衛斯理二世Fred Weasley II
 
蘿珊妮·衛斯理Roxanne Weasley
 
露絲·格蘭傑─衛斯理Rose Granger-Weasley
 
曉高·格蘭傑─衛斯理Hugo Granger-Weasley
 
詹姆·天狼星·波特James Sirius Potter
 
阿不思·賽佛勒斯·波特Albus Severus Potter
 
莉莉·露娜·波特Lily Luna Potter
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
茉莉·衛斯理Molly Weasley
 
露西·衛斯理Lucy Weasley

家庭成員[編輯]

亞瑟·衛斯理[編輯]

亞瑟·衛斯理
首次出場《哈利波特：消失的密室》
尾次出場《哈利波特：死神的聖物2》
作者J·K·羅琳
扮演馬克·威廉斯（英文：Mark Williams (actor)）
配音香港 李建良（中文：李建良）
詳細信息
性別男性
家庭
配偶茉莉·衛斯理
親戚
  • 花兒·戴樂古（大家嫂）
  • 薇朵兒·衛斯理（孫女）
  • 多美妮克·衛斯理（孫女）
  • 路易斯·衛斯理（孫仔）
  • 奧黛麗·衛斯理（三家嫂）
  • 茉莉·衛斯理（孫女）
  • 露西·衛斯理（孫女）
  • 莉娜·強生（五家嫂）
  • 弗雷·衛斯理二世（孫仔）
  • 蘿珊妮·衛斯理（孫女）
  • 妙麗·格蘭傑（六家嫂）
  • 露絲·格蘭傑─衛斯理（孫女）
  • 雨果·格蘭傑─衛斯理（孫仔）
  • 哈利·波特（女婿）
  • 詹姆·天狼星·波特（外孫仔）
  • 阿不思·賽佛勒斯·波特（外孫仔）
  • 莉莉·露娜·波特（外孫女）
國籍英國

亞瑟·衛斯理Arthur Weasley係巫師家族姓衛斯理嘅長輩，佢老婆係茉莉·衛斯理，佢哋兩個生咗６個仔同１個女，分別係比爾、查理、派西、弗雷、喬治、榮恩同埋金妮，佢哋一家９口都住喺洞穴屋。由於亞瑟·衛斯理對麻瓜世界嘅用品同事物都非常之有興趣（雖然佢對呢啲嘢嘅理解有時令人匪夷所思），佢又鍾意用魔法改造呢啲嘢，所以俾純血家族嘅人同埋食死人將佢哋一家人叫做「血腥叛徒Blood traitor」。

亞瑟·衛斯理喺霍格華茲讀書嗰陣係屬於葛萊分多學院，當時嘅佢被形容做又高又瘦，係個髮線向後移仲戴住角框眼鏡嘅男仔。佢份人和藹可親又心胸廣闊，佢喺屋企往往唔係權威人物；佢老婆茉莉就管教仔女嗰部分。亞瑟對麻瓜嘅所有嘢都好熱愛，亦都沉迷喺了解麻瓜嘅習俗同發明，仲收藏咗大量主要係麻瓜用過嘅嘢。

亞瑟喺魔法部嘅麻瓜人工製品濫用局返工，由於亞瑟嘅人工唔高，屋企仔女又多，搞到佢哋屋企裡面大多數嘅嘢都係二手嘢。佢曾經買咗一架二手嘅麻瓜私家車，買返嚟之後落咗魔法嚟變改裝成飛天汽車（中文：哈利波特中的魔法物品#飛天汽車），不過呢架車喺《哈利波特：消失的密室》裡面俾榮恩同哈利揸住佢撞埋去渾拚柳度，之後呢架飛天汽車就留咗喺霍格華茲嘅禁忌森林裡面，亞瑟都無試吓去搵佢返嚟。根據亞瑟嘅講法，只要唔係真係去用改造過嘅麻瓜嘢就唔算犯法。不過根據榮恩嘅講法，如果麻瓜人工製品濫用局突襲去檢查佢哋屋企，亞瑟就會係第一個俾人拉嗰個。

亞瑟喺《哈利波特：鳳凰會的密令》入面由於暗中去執行鳳凰會指派俾佢嘅任務，佢喺魔法部俾佛地魔同埋佢嘅蛇妖—娜吉妮嘅攻擊，因為哈利可以同佛地魔仲有佢條蛇妖嘅思緒相連而知道呢件事，令到哈利因為咁而可以即刻透過學校嚟做警告，等亞瑟可以喺魔法部其他人發現之前即刻順利咁送去聖蒙果醫院去做治療，佢仲喺嗰度完全好返晒[2]。羅琳透露自己喺《鳳凰會的密令》嘅原稿入面，佢曾經計劃將亞瑟殺死[3]，不過佢後嚟改變咗主意，佢話自己唔能夠殺死亞瑟，因為佢係嗰個系列入面為數唔多嘅好老豆之一，但係由於「希望殺死父母」，所以佢就用路平同東施條命嚟去交換放過亞瑟條命[4]。

喺《哈利波特：混血王子的背叛》裡面，亞瑟後嚟睇晒由魔法部部長盧夫·昆爵因應局勢而設立嘅新部門—偽造防禦咒語暨防護品偵查沒收處，亞瑟升職去到呢個部門嘅部門主管，仲帶領住十個員工。佢嘅護法咒（中文：哈利波特世界觀與設定#護法咒）係一隻鼬鼠。

亞瑟最後出現喺《哈利波特：死神的聖物1》，佢陪住佢啲仔去做「七個波特」行動嘅成員，佢亦都係作為將哈利喺小惠因區護送去安全地方嘅先遣隊成員。亞瑟後來繼續喺魔法部返工，但佢嘅一舉一動都被追蹤。當佢發現榮恩同哈利一起去遠行而唔係病咗喺屋企嗰時，衛斯理一家無得唔匿埋晒。亞瑟後嚟喺霍格華茲大戰入面再出現，佢喺裡面無咗佢個仔弗雷，之後佢同佢另一個仔派西一齊打低咗派厄思·希克尼。

喺霍格華茲大戰之後，佢啲仔女陸續結婚仲生咗仔女，佢啲孫仔孫女分別係薇朵兒Victoire、多美妮克Dominique、路易斯Louis、茉莉Molly、露西Lucy、弗雷二世Fred II、蘿珊妮Roxanne、露絲·格蘭傑─衛斯理Rose Granger-Weasley、曉高·格蘭傑─衛斯理Hugo Granger-Weasley，仲有佢啲外孫分別係詹姆·天狼星·波特James Sirius Potter、阿不思·賽佛勒斯·波特Albus Severus Potter，同埋莉莉·露娜·波特Lily Luna Potter。

茉莉·衛斯理[編輯]

茉莉·衛斯理
首次出場《哈利波特：神秘的魔法石》
尾次出場《哈利波特：死神的聖物2》
作者J·K·羅琳
扮演茱莉·華達絲（中文：茱莉·華特絲）
配音香港 蘇青鳳
詳細信息
性別女性
家庭
配偶亞瑟·衛斯理
親戚
  • 花兒·戴樂古（大家嫂）
  • 薇朵兒·衛斯理（孫女）
  • 多美妮克·衛斯理（孫女）
  • 路易斯·衛斯理（孫仔）
  • 奧黛麗·衛斯理（三家嫂）
  • 茉莉·衛斯理（孫女）
  • 露西·衛斯理（孫女）
  • 莉娜·強生（五家嫂）
  • 弗雷·衛斯理二世（孫仔）
  • 蘿珊妮·衛斯理（孫女）
  • 妙麗·格蘭傑（六家嫂）
  • 露絲·格蘭傑─衛斯理（孫女）
  • 雨果·格蘭傑─衛斯理（孫仔）
  • 哈利·波特（女婿）
  • 詹姆·天狼星·波特（外孫仔）
  • 阿不思·賽佛勒斯·波特（外孫仔）
  • 莉莉·露娜·波特（外孫女）
國籍英國

茉莉·衛斯理Molly Weasley係巫師家族姓衛斯理嘅長輩，佢老公係亞瑟·衛斯理，佢娘家姓普瑞Prewett[5]，喺第一次巫師世界大戰裡面犧牲嘅鳳凰會成員費邊·普瑞Fabian Prewett同埋吉昂·普瑞Gideon Prewett正正就係佢嘅兩個阿哥。

茉莉·衛斯理嘅身材肥肥哋，佢同老公亞瑟·衛斯理喺結咗婚之後生咗７個仔女，分別係比爾、查理、派西、弗雷、喬治、榮恩，同埋佢哋嘅細女金妮。

茉莉·衛斯理第一次出現喺《哈利波特：神秘的魔法石》，當時佢好親切咁話俾哈利·波特知點樣去穿過9¾月台嘅屏障，呢樣嘢後嚟令到佢嘅細仔榮恩同哈利做咗好朋友，仲有妙麗·格蘭傑。茉莉對哈利非常咁照顧，佢唔單止當正哈利係親生仔咁樣好到無得再好，有時仲好過對自己啲仔女，而且佢從來都唔會鬧哈利。

雖然茉莉平時對人好和善，但只要佢仔女犯錯同闖禍就會變得極度嚴厲，或者係因為大啲嗰三個仔嘅表現都好傑出，搞到佢對其他仔訓話嗰陣成日都「搬」比爾、查理同派西三個人嘅名出嚟。原著所描寫嘅情景通常係：當佢好嬲嗰陣，佢睇起嚟就好似鐵塔咁高，比佢最高嘅仔都仲要高；譬如喺《哈利波特：消失的密室》裡面提到：當佢發火嗰陣時，佢嗰三個仔都戰戰兢兢咁。

比爾·衛斯理[編輯]

比爾·衛斯理Bill Weasley係亞瑟同茉莉嘅大仔，佢嘅本名係威廉·亞瑟·衛斯理William Arthur Weasley，佢喺1970年11月29號出世[6][7]。作為衛斯理一家嘅成員，比爾有６個細佬妹，分別係查理、派西、弗雷、喬治、榮恩，同埋佢哋幾個嘅細妹金妮。小說裡面啲角色一般會叫佢做比爾，而唔係叫佢嘅本名。

比爾嘅外表又高又瘦，生得好靚仔。佢有一把衛斯理家族嘅火紅色頭髮，仲將頭髮留長到喺後尾枕紮一條辮仔，耳上仲帶住一隻尖牙形狀嘅耳環。麗塔·史譏（中文：麗塔·史譏）曾經喺一篇報導入面叫比爾做「長毛鬼」；不過哈利第一次見到比爾嗰陣，認為佢個樣淨係可以用個「型」字嚟形容；金妮都對比爾嘅外貌表達咗支持，佢話自己好鍾意比爾個樣。

比爾喺1982年入讀霍格華茲，仲喺1989年畢業[8]。佢嘅性格好悠閒、隨和同幽默，但係亦都認真咁對待自己嘅學業，喺學校表現優秀，仲喺五年級嗰陣獲選做葛萊分多學院嘅級長，七年級嗰陣做咗男生會主席，仲喺普等巫測O.W.Ls入面攞到12科嘅證書。比爾喺霍格華茲畢業之後就入職古靈閣，去到埃及做解咒師嘅嘢[9][10]。

1995年，比爾同阿媽一齊去到霍格華茲嚟為參加三巫鬥法大賽Triwizard Tournament入面第三項任務嘅哈利加油打氣，嗰次係花兒·戴樂古第一次見到比爾。比爾後嚟返到去英國做嘢仲加入咗復興之後嘅鳳凰會去抵抗已經復活嘅佛地魔[11]。比爾後來返到嚟英國做嘢，佢喺倫敦嘅古靈閣銀行總部撞返同樣喺嗰度做嘢嘅花兒，仲幫佢上堂嚟提高佢嘅英語水準。佢哋兩個喺呢段時間裡面一直約會，比爾仲喺佢哋兩個初初見面嘅一年之後向花兒求婚[11][12]。比爾跟住就帶佢嘅未婚妻返去屋企同家人去認識，不過佢嘅屋企人並唔認同花兒。

比爾喺《哈利波特：混血王子的背叛》結尾嘅天文塔之戰入面為咗保護一啲低年級嘅師弟妹而同十幾個食死人戰鬥，仲俾狼人焚銳·灰背偷襲仲咬到佢重傷。不幸中之大幸嘅就係，比爾被咬嗰陣並唔係月圓之夜嘅時候，因為咁就唔會好似路平咁樣做咗狼人，只是令到本嚟就有啲粗獷嘅比爾多咗啲狼嘅習性，例如係突然好鍾意食比較新鮮同埋嫩嘅肉類（特別係生牛肉），同埋個鼻子稍微變得靈敏啲。花兒認為比爾嘅傷疤係佢勇敢嘅驕傲標誌，堅信佢哋兩個嘅婚禮可以如期咁舉行，呢個令到比爾嘅屋企人對呢對戀人嘅力量留低咗深刻嘅印象。佢哋兩個後嚟喺《哈利波特：死神的聖物》嘅「七個波特」行動入面親眼睇住瘋眼穆敵俾佛地魔本人殺咗之後，仲喺返到去洞穴屋嗰陣宣佈呢件事。

比爾同花兒喺霍格華茲大戰之前結婚，不過佢哋兩個嘅婚禮俾魔法部冧檔嘅消息同埋中途趕到嚟搗亂嘅食死人打斷咗。佢哋兩口子結咗婚之後喺貝殼居嗰度定居，仲喺哈利、榮恩同妙麗幾個喺[[馬份莊園走甩咗之後，喺嗰度照顧咗佢哋一段時間。佢哋兩公婆之後同鳳凰會嘅其他成員參與霍格華茲大戰，仲喺大戰入面執返條命。

霍格華茲大戰之後，比爾同埋花兒生咗三個仔女，分別係兩個女一個仔，佢哋係：薇朵兒Victoire、多美妮克Dominique同埋路易斯Louis。小說《哈利波特：死神的聖物》嘅尾聲部分提到咗薇朵兒當時正喺度同雷木思·路平同小仙女·東施嘅獨生仔—泰迪·路平Teddy Lupin拍拖，佢哋兩個嘅戀情俾詹姆·天狼星·波特薇朵兒嘅表弟喺王十字車站嗰陣發現。

比爾·衛斯理嘅角色喺電影《哈利波特：阿茲卡班的逃犯》裡面係由演員李察·費殊Richard Fish去做；喺《哈利波特：死神的聖物1》同埋《哈利波特：死神的聖物2》裡面，比爾嘅角色係由當勞·基臣飾演，而佢現實中嘅老豆係喺成個系列入面做瘋眼穆敵嘅演員班頓·基臣（中文：布蘭頓·葛利森）；當勞·基臣亦都喺佛羅里達環球影城（中文：佛羅里達環球影城）裡面嘅哈利·波特嘅魔法世界（中文：哈利·波特的魔法世界 (奧蘭多環球影城)）入面，佢喺哈利波特與古靈閣大逃亡（英文：Harry Potter and the Escape from Gringotts）嘅過山車旅程入面出現。

查理·衛斯理[編輯]

查理·衛斯理Charlie Weasley係亞瑟同茉莉嘅第２個仔，佢喺1972年12月12號出世。作為衛斯理一家嘅成員，查理有１個阿哥、５個細佬同１個細妹。根據榮恩喺《哈利波特：神秘的魔法石》裡面講到，喺羅馬尼亞做馴龍人嘅查理，佢身上留低咗俾龍灼傷而留低嘅好得人驚嘅傷疤。喺哈利同妙麗佢哋為咗點樣安置魯霸·海格養嘅嗰隻挪威脊背龍蘿蔔而諗爆頭嗰陣時，榮恩曾經喺對話度提到查理曾經係馴龍人嘅經歷，促使哈利佢哋特登去寫信請查理幫手收留蘿蔔。查理後嚟請咗幾個朋友附約同哈利佢哋會合，順利咁將蘿蔔接走咗；不過哈利佢哋唔小心將隱形斗篷漏咗喺塔頂而俾人罰。查理喺系列入面亦都係鳳凰會嘅成員。

派西·衛斯理[編輯]

派西·衛斯理Percy Weasley係亞瑟同茉莉嘅第３個仔，佢喺1976年8月22號出世。派西嘅全名係派西·伊內修斯·衛斯理Percy Ignatius Weasley，作為衛斯理一家嘅成員，派西有２個阿哥、３個細佬同１個細妹。派西喺1987-1994年去到霍格華茲讀書，佢喺《哈利波特：神秘的魔法石》裡面登場，五年級嗰陣曾經係葛萊分多學院嘅級長，而七年級嗰陣係男生會（英文：Head girl and head boy）主席。派西嘅成績相當標青，佢仲通過咗12科嘅超勞巫測N.E.W.Ts。派西喺畢業之後首先去到魔法部做嘢，擔任巴堤·柯羅奇嘅助手，佢後尾就做咗魔法部部長康尼留斯·夫子嘅助理。

雖然派西係衛斯理太太最引以為傲嘅仔，不過佢非常之重視規則嘅死板性格同埋言行成日都被認為係衛斯理一家裡面唯一無幽默感嘅異類，因為咁而俾佢啲細佬仲有同學嘅挖苦同埋取笑。佢嘅細佬榮恩亦都曾經講過：「如果有人著住家庭小精靈（中文：家庭小精靈）多比嘅茶杯套裝喺佢面前裸體跳舞嘅話，派西都唔會知道嗰個係個笑話」，不過派西並唔信弗雷同喬治嘅笑話會行得好遠。另外，金妮無意中撞到六年級嘅派西曾經同佢嘅同學潘妮·清水Penelope Clearwater拍拖。

派西喺霍格華茲畢業後，成績標青嘅佢入到去魔法部做嘢，仲喺佢十分之崇拜守規則嘅巴堤·柯羅奇手下嘅國際魔法交流合作部嗰度做嘢。佢做咗一年之後就升咗做魔法部部長康尼留斯·夫子嘅初級私人助理；不過佢老豆認為佢嘅上位並唔係靠佢自己嘅個人努力，而係因為魔法部部長嘅陰謀，佢嘅目的係為咗監視住衛斯理一家，仲透過佢哋嚟監視住鄧不利多。極度崇尚權力同權威嘅派西唔認呢一點，佢仲堅定咁支持魔法部認為佛地魔唔係捲土重來嘅立場，仲屈鄧不利多同哈利已經去到癡線嘅狀態，又話自己啲屋企人對鄧不利多同鳳凰會嘅支持同隸屬。派西同佢老豆嘈咗一鑊，搞到佢同屋企嘅關係出現咗裂痕；派西因為驚住衛斯理家嘅立場會影響到自己嘅仕途而自己一個人搬咗出去倫敦住，仲同屋企人斷絕晒來往，嗰陣又推咗阿媽去探佢，甚至無去醫院去探受襲嘅老豆。但係當佢知道細佬榮恩做咗級長之後，派西就私下寫信去祝賀榮恩，但亦都建議佢同哈利·波特斷絕來往仲向魔法部同恩不里居投誠，榮恩同哈利睬佢都傻。

魔法部喺神秘部門大戰之後被迫接受咗黑魔王返生嘅事實。派西好明顯知道自己嘅錯，佢嘗試同屋企人修復關係，佢喺下一個聖誕節嗰陣跟住新任嘅魔法部部長盧夫·昆爵去到洞穴屋，不過昆爵嘅目的只係為咗說服哈利·波特去表態支持魔法部。派西喺嗰陣仲同阿媽講咗聖誕祝福，佢嘅嗰次嘅拜訪仲未可以令佢同屋企嘅關係完全恢復，派西之後亦都無去到幾個月後大佬比爾嘅婚禮。

魔法部喺1997年落入食死人嘅手上之後，派西做嘅嘢都身不由己，佢直到1998年霍格華茲大戰之前先至聯繫到鳳凰會嘅阿波佛·鄧不利多嚟去到霍格華茲，佢向屋企人懺悔自己一直以嚟關於佛地魔返嚟嘅成個過程入面所犯嘅錯，最後同屋企人都和解到仲一齊去戰鬥[13]。佢喺戰鬥嗰陣發揮咗佢喺魔咒學上面嘅高深造詣。派西喺同魔法部嘅傀儡部長派厄思·希克尼決鬥嗰時，佢話自己講過佢自己要辭職，呢個令到喺側邊聽到嘅弗雷非常之高興，因為呢個係派西開嘅第一個玩笑；但緊接住弗雷戰死咗，呢個令到派西覺得好悲痛，仲攬實佢細佬嘅遺體等佢唔好再受傷害[14]。派西同佢老豆亞瑟喺哈利假死期間嘅最後決戰入面一齊打低咗希克尼[15]。

派西喺佛地魔被打低同埋被消滅之後返番去魔法部做嘢，仲做咗新任魔法部部長金利·俠鉤帽領導屬下嘅魔法運輸部司長[16]，佢後尾同一個叫做奧黛麗Audrey嘅女仔結婚，之後生咗兩個女，分別叫做茉莉Molly（跟佢嫲嫲嘅名嚟改），同埋露西Lucy[17]。

喺電影《死神的聖物2》嘅最後一幕，派西大概係為咗送佢一個或者兩個女返學而出現喺9¾月台上面，期間佢同其他人傾緊飛天掃把（中文：哈利波特中的魔法物品#飛天掃帚）嘅規定[18]。

弗雷同喬治·衛斯理[編輯]

内文：弗雷、喬治·衛斯理

弗雷同喬治·衛斯理Fred and George Weasley係亞瑟同茉莉嘅一對孖生仔，佢哋係兩個人嘅第４同第５個仔，弗雷同喬治喺1978年4月1號愚人節出世[5]。弗雷同喬治有３個阿哥，同埋分別１個細佬同細妹。弗雷同喬治同其他家族成員一樣有火紅色嘅頭髮，佢哋兩個嘅名反映咗佢哋唔喺度嘅舅父—佢哋阿媽茉莉嘅兩個阿哥—費邊同吉昂·普瑞Fabian & Gideon Prewett嘅名，佢哋大個咗之後都好似佢哋兩個舅父一樣加入咗鳳凰會，仲參與對抗佛地魔嘅戰鬥。

弗雷同喬治非常之鍾意搞惡作劇，佢哋兩個自細就因為佢哋嘅外表同性格好難去分，以至於佢哋用嚟整蠱自己阿媽[19]；弗雷同喬治兩個仲好鍾意整蠱作為模範生嘅派西，不過佢哋取笑榮恩往往都唔係出於善意；弗雷同喬治透過佢哋細佬—榮恩而成為咗哈利·波特嘅朋友。弗雷同喬治兩個同阿妹金妮無論喺外表同性格上都非常之似，所以佢哋同金妮嘅關係好親密，而金妮亦都係咁樣。

弗雷同喬治係天生嘅惡作劇愛好者同發明家，佢哋自細就風趣幽默，佢哋兩個非常之熱衷仲陶醉喺製作笑話同惡作劇嘅實驗，仲有發明佢哋嘅惡作劇產品。弗雷與喬治喺霍格華茲亦都係葛萊分多嘅魁地奇（中文：魁地奇）球隊成員，喺學校裡面相當受歡迎。佢哋兩個非常熱衷喺整笑話同惡作劇產品，喺讀書嗰陣已經透過貓頭鷹郵購嘅方式嚟開展佢哋賣自己品牌嘅魔法笑話同惡作劇產品事業。直到《哈利波特：鳳凰會的密令》，佢哋喺仲未畢業嗰陣就已經喺斜角巷開咗間惡作劇舖頭—衛氏巫師法寶店，生意仲非常之好。

榮恩·衛斯理[編輯]

内文：榮恩·衛斯理

榮恩·衛斯理Ron Weasley係亞瑟同茉莉最細嘅仔，佢嘅全名係榮納德·畢流思·衛斯理Ronald Bilius Weasley，喺1980年3月1號出世[20][21]。榮恩有５個阿哥同１個細妹。`，佢同阿爸阿媽都好親密，同屋企人之間嘅關係亦都好好，就算佢有時會因為屋企無錢而覺得尷尬，但係佢都係會努力去保護自己啲阿哥同阿妹，亦都會堅決咁去撐自己嘅阿爸阿媽。

榮恩喺霍格華茲嘅學院係葛萊分多，亦都係哈利·波特嘅同學兼老友，佢宿舍嘅室友（中文：室友）包括哈利·波特、奈威·隆巴頓、西莫·斐尼干，同埋丁·湯瑪斯。榮恩喺畢業之前成為咗葛萊分多學院嘅魁地奇（中文：魁地奇）球隊成員。

金妮·衛斯理[編輯]

内文：金妮·衛斯理

金妮·衛斯理Ginny Weasley係亞瑟同茉莉唯一嘅女，亦都係佢哋嘅孻laai1女。金妮嘅全名係金妮芙拉·茉莉·衛斯理Ginevra Molly Weasley，佢喺1981年8月11號出世。根據系列嘅作者J·K·羅琳所講，金妮係衛斯理家族近幾代以嚟嘅第一個女，所以阿爸阿媽都非常之錫佢[5]。雖然金妮細粒到好似貓仔咁樣（細個嗰時），不過佢係個好叻用魔法嘅人。金妮喺遇到哈利之前就已經成日聽講過佢嘅事蹟，喺耳濡目染之下喺心入面亦都對哈利有一份崇拜嘅感情。雖然金妮嘅性格活潑開朗，但佢喺遇到哈利嗰陣就會覺得唔知點算好。

親屬[編輯]

花兒·戴樂古[編輯]

想知多啲：[[:花兒·戴樂古]]

花兒·戴樂古Fleur Delacour係比爾嘅老婆，佢嘅全名係花兒·伊莎貝爾·戴樂古Fleur Isabelle Delacour。花兒喺《哈利波特：火盃的考驗》入面係參加喺霍格華茲舉行嘅三巫鬥法大賽代表法國波巴洞魔法與巫術學院（中文：哈利波特中的魔法學校列表#波巴洞魔法與巫術學院）嘅冠軍代表。花兒因為有混血迷拉Half-Veela嘅血統而有迷人嘅銀色長髮同埋藍色嘅雙眼。

花兒同比爾結咗婚之後，佢哋兩個就住喺貝殼居嗰間屋度，佢哋亦都參與咗鳳凰會嘅任務，包括安全護送哈利去到洞穴屋嘅行動；仲俾喺同哈利仲有妙麗去搵分靈體嘅過程中離隊嘅榮恩留喺佢哋身邊；同埋照顧住喺馬份莊園救出嚟嘅哈利三人組仲有其他俾食死人捉走咗嘅人，為佢嘅提供咗一個安全嘅避風港。

喺霍格華茲大戰期間，比爾同花兒都係鳳凰會嘅戰鬥成員，佢哋仲諗辦法倖存落嚟。後尾英國同法國嘅魔法部都頒發咗英勇勳章俾花兒，用嚟表彰佢喺霍格華茲大戰裡面嘅貢獻。

霍格華茲大戰之後，比爾同埋花兒生咗三個仔女，分別係兩個女一個仔，佢哋係：薇朵兒Victoire、多美妮克Dominique同埋路易斯Louis[22]。

佳兒·戴樂古[編輯]

佳兒·戴樂古Gabrielle Delacour係花兒嘅細妹，佢喺《哈利波特：火盃的考驗》入面陪住花兒參加三巫鬥法大賽，當時佢仲未足８歲。佳兒同花兒一樣都係混血迷拉，所以佢都有迷人嘅銀色長髮。佳兒喺第四輯小說同電影度出場，佢對於哈利有好感。

牡丹姨婆[編輯]

牡丹姨婆Aunt Muriel係茉莉嘅姨媽，佢亦都係比爾、查理、派西、弗雷同喬治、榮恩同埋金妮幾兄妹嘅姨婆，佢有一個好似鳥喙咁樣嘅尖鼻。

住所[編輯]

現實嘅反映[編輯]

喺《哈利波特》嘅設定度，衛斯理一家成日俾魔法世界（中文：哈利波特世界觀與設定）裡面嘅人睇小，而紅頭髮嘅衛斯理家族成員可能代表英國嘅原住民—蓋爾特人[23]。

參考資料[編輯]

  1. ↑ 羅偉強 (2018-03-22). 〈【哈利波特】純種巫師家族「神聖二十八姓」 衛斯理家榜上有名？〉. 《香港01》 (香港中文). 原著喺2019-08-19歸檔. 喺2018-10-10搵到.
  2. ↑ Jen Brown (25 July 2007). "Stop your sobbing! More Potter to come". Today.com. 原著喺2020-06-30歸檔. 喺25 July 2007搵到. {{cite web}}: Unknown parameter |dead-url= ignored (|url-status= suggested) (help)
  3. ↑ "Deathly Hallows Draft". 原著喺2011-12-30歸檔. 喺2022-02-23搵到. {{cite web}}: Unknown parameter |dead-url= ignored (|url-status= suggested) (help)
  4. ↑ Brown, Jen (29 July 2007). "Rowling: I wanted to kill parents – Wild about Harry". MSNBC. 原著喺27 August 2007歸檔.
  5. ↑ 5.0 5.1 5.2 J.K.Rowling. "Section: Extra Stuff - Some Random Facts About The Weasley Family". J.K.Rowling Official Site. 原著喺2007-12-26歸檔. 喺2018-10-10搵到. {{cite web}}: Unknown parameter |dead-url= ignored (|url-status= suggested) (help)
  6. ↑ "Birthday Archive". 原著喺2007-02-23歸檔. 喺2008-05-07搵到. {{cite web}}: Unknown parameter |dead-url= ignored (|url-status= suggested) (help)
  7. ↑ "FAQ section on jkrowling.com; Accessed [[August 6]], 2007". 原著喺2012-02-04歸檔. 喺2008-05-07搵到. {{cite web}}: Unknown parameter |dead-url= ignored (|url-status= suggested) (help)
  8. ↑ 〈比爾·衛斯理的fandom〉. 原著喺2022-08-17歸檔. 喺2022-08-17搵到. {{cite web}}: Unknown parameter |dead-url= ignored (|url-status= suggested) (help)
  9. ↑ 《哈利波特：消失的密室》第12章：變身水。
  10. ↑ 《哈利波特：阿茲卡班的逃犯》第1章：貓頭鷹郵件。
  11. ↑ 11.0 11.1 《哈利波特：鳳凰會的密令》第4章：古里某街12號。
  12. ↑ 《哈利波特：混血王子的背叛》第5章：滿屋子蛙兒。
  13. ↑ Rowling, J. K. (2007). "Chapter 30". Harry Potter and the deathly hallows: Children's edition. London: Bloomsbury. ISBN 978-0-7475-9105-4.
  14. ↑ 罗琳, J.K. (2007). 〈第31、32章〉. 《哈利·波特与死亡圣器》. 马爱农; 马爱新翻譯. 北京: 人民文学出版社. ISBN 978-7-020-16895-8.
  15. ↑ Rowling, J. K. (2007). "36". Harry Potter and the deathly hallows. The complete Harry Potter collection (第[Adult ed.], 1. ed版). London: Bloomsbury. ISBN 978-0-7475-9105-4. {{cite book}}: |edition= has extra text (help)
  16. ↑ Pottermore - "DUMBLEDORE'S ARMY REUNITES AT QUIDDITCH WORLD CUP FINAL" (Daily Prophet, 08 July 2014)[失咗效嘅鏈]
  17. ↑ Times Online - The Unwritten Story of Harry's Friends and Their Children
  18. ↑ 罗琳 (2007). 〈尾声 十九年后〉. 《哈利·波特与死亡圣器》. 北京: 人民文学出版社.
  19. ↑ 《哈利波特：神秘的魔法石》第70頁（英國版）／第92頁（美國版）：「我唔係弗雷，我係喬治... 你唔可以話『我係喬治』咩？」
  20. ↑ World Potterian Association. 《《哈利波特．魔法教室》》. 台灣東販股份有限公司. pp. p20. ISBN 9789574733637. {{cite book}}: |access-date= requires |url= (help); |pages= has extra text (help)
  21. ↑ ""JKRowling.com Archives: Birthdays"". mugglenet.com. MuggleNet. 原著喺23 February 2007歸檔.
  22. ↑ J.K.Rowling – A Year in the Life; James Runcie; Independent6 Television (ITV); 2007
  23. ↑ 余宗翰 (2017-06-17). 〈哈利波特冷知識 衛斯理家族可能反映著英國的種族歧視〉. 原著喺2023-07-29歸檔. 喺2023-07-29搵到. {{cite news}}: Unknown parameter |dead-url= ignored (|url-status= suggested) (help)

外部連結[編輯]

由「https://zh-yue.wikipedia.org/w/index.php?title=衛斯理家族&oldid=2148538」收