哈利波特大事年表

哈利波特大事年表係J·K·羅琳嘅小說系列《哈利波特》嘅故事情節嘅時間表，呢個表亦都取材自作者擺喺佢嘅個人網站上面嘅補充材料又或者係各種採訪。呢個年表裡面包括住小說入面發生過同埋提及過嘅故事。呢個故事嘅一大亮點係魔法世界同埋平凡嘅麻瓜世界一齊存在，而平行存在嘅社會令佢哋共用咗相同嘅地理同埋年代，羅琳亦都承認呢個年表入面有啲疏漏同穿崩嘅地方，裡面亦都有啲自相矛盾嘅地方，有啲就係佢形容嘅故仔對唔到真實嘅儒略曆。

呢個年表裡面嘅日期同時間絕大部分都係源自嗰個系列嘅小說，有些少部份係嚟自羅琳嘅網站、公開嘅訪問、其他報章雜誌同埋佢個人提供嘅消息。舉例嚟講，喺《哈利波特：鳳凰會的密令》入面第一次提及嘅布莱克家族族譜，羅琳後嚟親自擴充咗內容，羅琳喺2006年1月將呢個族譜嘅手稿捐咗俾國際圖書援助組織Book Aid International仲喺2006年2月22號攞去拍賣，而呢個擴充咗嘅手稿版本就涵蓋咗幾個重要人物嘅生死時間。

華納公司喺1990年代後期就攞到《哈利波特》小說嘅電影改編權，仲開始收呢個系列改編成電影。2001年，嗰個系列嘅第１套戲《哈利波特：神秘的魔法石》上映。嗰個系列嘅其他續集電影幾乎都係用每年一集嘅方式去上映。電影系列入面嘅故事情節有時都係改編或發展自原著而嚟，不過呢啲改動或者發展都係經過原著作者嘅檢視，佢仲親自做咗修改之後先至獲准係「官方」嘅嘢。

年表

《哈利波特》巫師世界大事年表

年份（日期）		事件	人物出世	人物死亡	備註
公元前382年		奧利凡德家族開始經營魔杖製造事業，創立咗奧利凡魔杖店。
公元962年		歐洲嘅巫師開始用飛天掃把。
大約公元1000年		高錐客·葛萊分多、羅伊娜·雷文克勞、海加·赫夫帕夫同埋薩拉札·史萊哲林呢４位男女巫共同創辦咗霍格華茲魔法與巫術學院，嗰間魔法學校喺蘇格蘭某個地方，係英國唯一嘅魔法學校。
		史萊哲林學院淨係招收純血血統嘅學生同埋會去教黑魔法，薩拉札·史萊哲林因為咁樣而同其他３位學校創辦人唔夾而好嬲咁走咗去，佢喺離開學校之前留低咗「消失的密室」，淨係得史萊哲林嘅傳人先至可以開到。
		住喺怪地奇沼澤地邊嘅女巫葛蒂·凱朵喺日記裡面形容咗一種類似係今日嘅魁地奇運動咁嘅遊戲，呢種喺巫師世界入面最盛行嘅運動最早嘅文字紀錄。
		歐洲巫師社群盛行去捕獵金探鳥，金探鳥後尾演變成而家嘅金探子。
大約公元1100年		英國巫師贏佳·寧寫信俾住喺挪威嘅表弟歐拉夫，形容佢同佢老婆打咗一場「魁地奇Kwidditch」。
		海倫娜·雷文克勞偷走咗佢阿媽嘅雷文克勞嘅王冕仲離開咗英國。喺佢將嗰個王冕收埋喺阿爾巴尼亞嘅一棵樹入面之後，佢之後俾血腥男爵殺死，而後者亦都因為悔恨而自殺。羅威娜·雷文克勞喺呢件事之後無幾耐就死咗。		羅威娜·雷文克勞 海倫娜·雷文克勞
1105年		畫作「暴力王更瑟力克群雄Günther der Gewalttätige ist der Gewinner」描繪咗德國古代「尖撞圓Stichstock」呢種運動嘅比賽情形。嗰個運動喺１４世紀逐漸式微。
1107年		蘇格蘭巫師葛瑟利·拉奇林騎住飛天掃把由蒙特羅斯飛去艾布亞夫，仲留低咗文字紀錄。
1163年		魁地奇球隊泥水池聯隊Puddlemere United成立。
大約1200年		巫師世界發展出交易嘅習俗，飛天掃把受到呢個風俗影響而騎起上嚟更加舒適。
		古德溫·尼恩寫信俾佢表哥奧拉夫，信裡面形容寫咗早期嘅「鬼地奇Kwidditch」。
		飛俠獵手群嘅一件掛毯被縫製出嚟，而家保存喺魁地奇博物館。
1203年		一支完全由女巫組成嘅威爾斯魁地奇球隊—聖顱島女頭鳥隊Holyhead Harpies成立。
1269年		英國巫師評議會議長巴比若斯·巴格將「獵捕金探鳥」引入去一場叫做快地奇Cuaditch嘅比賽，係而家嘅魁地奇比賽入面「搜捕金探子」嘅前身。
1291年		愛爾蘭魁地奇球隊—坎梅爾茶隼隊Kenmare Kestrels成立。
1292年		蘇格蘭天空島嘅魁地奇球隊—波樹之光隊Pride of Portree成立。
大約1300年		霍格華茲、波巴洞仲有德姆蘭呢３間歐洲魔法學校舉行咗第一屆聯校嘅三巫鬥法大賽Triwizard Tournament，作為三間魔法學校之間嘅友誼賽。
1312年		魁地奇球隊「溫伯黃蜂隊Wimbourne Wasps」成立。
1326年		魔法石製造者尼樂·勒梅出世。	尼樂·勒梅
大約1350年		艾弗利達·克萊格上任做咗英國巫師評議會嘅議長之後就推動去將金探鳥列入瀕危保育動物，佢仲嚴禁喺魁地奇比賽入面去獵捕金探鳥。
		金探鳥嘅保育人士成立咗賴娜探鳥保育協會。
1357年		英格蘭諾佛克郡嘅魁地奇裁判塞普林·虞朵喺當地巫師舉辦嘅魁地奇友誼賽入面俾人落咗詛咒死咗。		塞普林·虞朵
1362年		英國巫師評議會禁止咗巫師社會喺城鎮方圓５０哩之內玩魁地奇。
		英國巫師評議會修正咗魁地奇地點嘅禁令，禁止嘅範圍擴大到城鎮方圓100哩以內。
1398年		巫師札恰里亞·孟普訂定魁地奇球賽嘅規矩，強調巫師社會應該盡可能避免麻瓜發現到魁地奇球賽嘅嘢。
1402年		愛爾蘭魁地奇球隊「卡菲利彈弓隊Caerphilly Catapults」成立。
1419年		英國巫師評議會落咗命令魁地奇比賽嚴禁俾麻瓜睇見。
1422年		魁地奇球隊「維格城流浪者隊Wigtown Wanderers」係由魔法屠夫華特·帕金嘅７個仔女（４男３女）成立，而家嗰隊球隊裡面仍然至少有１—２個帕金家族嘅後裔。
1473年		第一屆嘅魁地奇世界盃開賽，參賽國家全部都係歐洲國家，決賽由外西凡尼亞隊對弗蘭德隊。跟住之後嘅魁地奇世界盃固定喺每４年舉行一次。
1492年	10月31號	敏西-波平頓嘅尼古拉斯爵士被斬頭，但係因為無斬到好徹底而變成咗幽靈「差啲無頭嘅尼克」。		尼古拉斯爵士
大約15世紀		吟遊詩人皮陀創作咗出名嘅巫師兒童故事書《吟遊詩人皮陀故事集》。
1520年		魁地奇球隊「特茲丘龍捲風隊Tutshill Tornados」成立。
1538年		魁地奇球員唔准喺比賽入面用魔杖。
1612年		英國魁地奇球隊「蘋果地神箭隊Appleby Arrows」成立。
1620年		昆提斯·恩法威Quentus Enfawe出版咗佢嘅「魔法師的高尚運動The Noble Sport of Wizards」，對當時嘅魁地奇運動發展有詳盡嘅描寫。
1652年		第一屆魁地奇歐洲盃開賽。
1674年		英國同埋愛爾蘭成立咗職業魁地奇聯盟，包括英國同愛爾蘭嘅１３支球隊，其餘嘅球隊全部都勒令解散。
1692年		國際巫師大會舉行，通過咗《國際巫術保密協定》嚟將魔法社會同麻瓜世界永久咁隔絕咗。
1692年—1693年		發生咗賽勒姆巫審Salem Witch Trials事件。
1693年		美國魔法國會 (MACUSA)Magical Congress of the United States of America成立咗。
1709年		魔法師會議法案成立。
		巫師法律分將私自養龍判做犯法嘅事。
1717年		魔法部將蠻橫咒、酷刑咒同埋索命咒劃分做唔可以饒恕嘅咒語。
1750年		英國魔法部裡面嘅魔法遊戲與運動部門制定咗７條魁地奇比賽嘅規則。
		國際巫師聯盟新增咗第７３條嘅《國際巫術保密協定》，要求世界各國嘅魔法政府負起保密境內魔法生物同埋鬼魂嘅義務，仲要防止後者去侵擾麻瓜。
1762年		英國魔法部禁止蘇格蘭嘅巫師繼續去玩危險嘅遊戲「石雨Creaothceann」，理由係呢種要參賽者嘅頭上頂住個大釜、騎住掃把飛來飛去嚟接住跌落嚟嘅石頭遊戲實在係太過危險。
1771年		魁地奇用嘅波—快浮第１次釉成紅色用嚟方便去辨識。
1782年		有個叫做弗拉維斯·貝比Travis Babe嘅巫師去到巴布亞新畿內亞度假嗰陣時，佢被吸魂衣Lethifold呢種怪獸襲擊，留低咗魔法社會對呢種生物最早嘅文字紀錄。
1811年		英國魔法部確立咗「怪獸」同「靈性生物」嘅分野，判斷依據係「智力係咪能夠理解法律」，解決咗英國喺魔法動物學上面嘅歷史難題。
		根據呢項準則，山怪、小仙子、綠仙同埋地精都被劃分做「怪獸」；而丫烏同吸血鬼就被劃分做「靈性生物」。
		人馬同人魚都唔肯同丫烏仲有吸血鬼共同分享「靈性生物」嘅分類，寧願被分類做「野獸」。
1814年		蘇格蘭球隊「班克里鞭炮隊」因為任意放博格出嚟同埋企圖去獵捕布里底黑龍，俾英國魔法部嘅魔法遊戲與運動部勒令封掃把去解散。
1820年		艾略特·史密斯威克發明咗「咒語坐墊」，大幅咁提升咗飛天掃把嘅舒適性。
1875年		魔法部訂定咗《未成年魔法使用合理限制法規》。
1881年		阿不思·鄧不利多出世。	阿不思·鄧不利多
1883年	2月12號	英國魔法部嘅魔法遊戲與運動部門統一咗魁地奇球籃嘅標準。	蓋勒·葛林戴華德
1884年	6月21號	英國魔法部魔法遊戲與運動部公佈咗「包夾懲處」，禁止魁地奇球賽入面有一位以上嘅追蹤手飛入去得分禁區嚟干擾看守手。	阿波佛·鄧不利多
1885年				阿蕊安娜·鄧不利多
1894年		英國魔法部嘅魔法遊戲與運動部禁止「蘋果地神箭隊」嘅球迷繼續喺嗰隊得分嗰時用魔杖向天空射箭嘅傳統。嗰場比賽嘅裁判納真·帕茲嘅鼻即時因為咁而中箭受傷。
1897年		紐特·斯卡曼德出世。	紐特·斯卡曼德
1925年		魔份·岡特襲擊咗老湯姆·瑞斗。
		魔份同佢阿爸魔佛羅因為攻擊麻瓜同埋魔法部職員而被韞住喺阿茲卡班。
		魔份阿妹魔柔對老瑞斗落咗愛情魔藥，順利同老瑞斗相愛仲去私奔。
1926年		歐樂頓三兄弟成立咗狂風掃帚公司，專為魁地奇運動生產嘅掃把牌子「狂風系列」極之暢銷，一度壟斷咗市場。
		老湯姆·瑞斗離開咗魔柔，自己一個返咗去小漢果頓。
		黑巫師蓋勒·葛林戴華德喺紐約俾人拉咗。		小亨利·蕭 瑪莉·盧·巴波 查茜蒂·巴波
1926年	12月31號	懷咗身孕嘅魔柔喺孤兒院生咗湯姆·瑞斗，跟住因為難產而死。	湯姆·瑞斗	魔柔·岡特
1927年		魔法動物學家紐特·斯卡曼德出版咗佢嘅著作《怪獸與牠們的產地》。		莉塔·雷斯壯
		黑巫師葛林戴華德喺轉去倫敦嗰陣時成功逃獄走甩咗。
1928年		魯霸·海格出世。	魯霸·海格
1929年		蘭道夫·凱奇Randolph Keitch仲有巴西爾·霍頓Basil Horton成立咗彗星商業公司Comet Trading Company。 佢哋嘅飛天掃把牌子「彗星系列」有專利嘅霍頓-凱奇制動咒Horton-Keitch Braking Charm，成為咗英國同愛爾蘭魁地奇球隊都鍾意用嘅牌子。
1932年		一隻威爾士綠龍闖咗入面周圍都係麻瓜觀光客嘅沙灘上面；現場有一個巫師家庭即刻對其他麻瓜施展咗記憶咒，係２０世紀最大規模嘅麻瓜除憶行動。
1935年		女巫祖康達·賽克斯Jocunda Sykes騎住佢嘅飛天掃把—橡木柄７９Oakshaft 79飛越大西洋，係第１位騎住飛天掃把做呢類跨洋挑戰嘅女巫。	米奈娃·麥
1938年夏天		阿不思·鄧不利多親自去到孤兒院去邀請湯姆·瑞斗去霍格華茲返學。
		湯姆·瑞斗正式喺霍格華茲入學。
1940年夏天		魯霸·海格正式喺霍格華茲返學。
1942年	7月	湯姆·瑞斗去到岡特家族嘅大宅。		老湯姆·瑞斗同埋佢父母
		湯姆·瑞斗喺佢舅父魔份·岡特身上偷走魔佛羅嘅家族指環 。
		湯姆·瑞斗用索命咒殺咗佢老豆同阿爺阿嫲，仲將假嘅記憶移植去佢舅父魔份嘅腦度，屈佢就係兇手。
1943年	6月13號	瑞斗打開咗消失的密室，放咗蛇妖出嚟。
		雷文克勞學院嘅學生麥朵因為喺學校２樓嘅女生洗手間睇見蛇妖對眼而死。		愛哭鬼麥朵
		湯姆·瑞斗屈咗魯霸·海格就係放蛇妖出嚟嘅人兼謀殺麥朵嘅兇手，搞到對方俾霍格華茲踼出校。
		湯姆·瑞斗攞到學校嘅特殊貢獻獎。
		鄧不利多教授說服迪劈校長培訓魯霸·海格做獵場看守人。
		瑞斗將佢自己嘅記憶保存喺一本日記裡面嚟去俾學院嘅後人知道佢就係史萊哲林學院嘅傳人。
		瑞斗喺史拉轟教授嗰度知道分靈體嘅作用。
		瑞斗幫自己改咗「佛地魔」呢個名。
1945年		阿不思·鄧不利多喺一次決鬥裡面打敗咗黑巫師蓋勒·葛林戴華德，仲攞到接骨木魔杖同埋嗰支魔杖嘅忠誠。
		瑞斗喺霍格華茲畢業仲申請喺嗰度教書，不過結果唔成功。
		瑞斗去嘅波金與伯克斯商店做助手。
		瑞斗謀殺咗女巫花奇葩·史密Hepzibah Smith，仲偷咗史密喺霍格華茲兩位創辦人傳落嚟嘅兩件遺物。		花奇葩·史密
1947年		魔法史學家芭蒂達·巴沙特Bathilda Bagshot出版咗佢記載咗２０世紀以前嘅魔法世界歷史嘅著作《魔法史》。
1951年		貝拉·布萊克出世。	貝拉·布萊克
1952年		甘乃爾禾斐·惠斯普Kennilworthy Whisp寫嘅《穿越歷史的魁地奇》出版。
1953年		美黛·布萊克出世。	美黛·布萊克
1954年		魯休思·馬份出世。	魯休思·馬份
1955年		水仙·馬份出世。	水仙·馬份
1956年		阿不思·鄧不利多接替咗阿曼多·迪劈Armando Dippet去做霍格華茲嘅校長。
		米奈娃·麥開始喺霍格華茲教書。
		湯姆·瑞斗又再申請做黑魔法防禦術嘅教授，但係俾鄧不利多拒絕咗。
		做咗佛地魔嘅湯姆·瑞斗因為申請職位唔成功而對嗰個教職施咗個惡咒Jinx，搞到任何教授都做唔到一年以上。
		佛地魔喺離開霍格華茲之前將作為分靈體嘅雷文克勞王冕收埋喺萬應室裡面。
1960年		幾個角色喺呢年出世。	詹姆·波特 莉莉·波特 天狼星·布萊克 雷木思·路平 彼得·佩迪魯 賽佛勒斯·石內卜
1965年		英國魔法部嘅奇獸管控部門透過《實驗配種禁令Ban on experimental breeding》嚟防止新品種怪獸出現，去禁止英國魔法社會對魔法生物去配種。
1967年		光輪比賽掃帚公司Nimbus Racing Broom Company成立咗，嗰間公司生產嘅掃把牌子「光輪系列Nimbus」因為佢哋嘅優異表現而震驚業界。
1978年	4月1號	衛斯理家族嘅弗雷同埋喬治出世。	弗雷·衛斯理 喬治·衛斯理
1979年	9月19號	妙麗·格蘭傑出世。	妙麗·格蘭傑
1980年	3月1號	榮恩·衛斯理出世。	榮恩·衛斯理
1980年	7月31號	哈利·波特出世。	哈利·波特
1981年	10月31號	詹姆·波特同莉莉·波特俾佛地魔喺佢哋屋企殺死咗。 佛地魔試過將哈利·波特殺死，不過佢嘅戮咒被反彈搞到佛地魔無晒力量。 天狼星·布萊克因為被老屈一個假嘅罪名而被韞住喺阿茲卡班監獄。 哈利·波特被送咗去德思禮一家嗰度寄養。	金妮·衛斯理 露娜·羅古德	詹姆·波特 莉莉·波特
1984年		《哈利波特：霍格華茲之謎》故事嘅開始。
1991年	上半年	《哈利波特》系列故事開始。
	7月31號	哈利·波特嘅１１歲生日，由霍格華茲嘅獵場看守人魯霸·海格將霍格華茲嘅入學通知遞送俾佢。
	下半年	哈利·波特、榮恩·衛斯理、妙麗·格蘭傑、奈威·隆巴頓同埋跩哥·馬份佢哋入讀霍格華茲。
1992年	上半年	奎若教授同佛地魔企圖喺霍格華茲裡面將魔法石偷走，但係俾哈利·波特阻止咗。		奎若教授
	下半年	金妮·衛斯理因為俾佛地魔用嚟做分靈體嘅日記迷惑咗而打開史萊哲林嘅密室，仲將蛇妖放咗出嚟，引發咗一連串嘅事件出嚟。 哈利·波特摧毀咗佛地魔嘅日記、殺死蛇妖仲救返金妮出嚟，結束咗霍格華茲嘅密室恐慌。
1993年		天狼星·布萊克喺阿茲卡班監獄逃獄走甩咗出嚟，俾魔法部通緝。
1994年	上半年	魔法部曾經有１次喺霍格華茲拉咗天狼星·布萊克，但係後者又再成功走甩咗。
	下半年	魁地奇世界盃喺英國達特穆爾舉行，決賽由愛爾蘭隊對保加利亞隊。 三巫鬥法大賽喺中斷咗幾百年之後又再開賽，嗰次由霍格華茲主辦。 佛地魔喺小漢果頓嘅墓園裡面重生。 三巫鬥法大賽結束，最後由哈利·波特贏咗仲攞到獎金。		柏莎·喬金 巴堤·柯羅奇 西追·迪哥里
1995年		魔法部通過咗２３條《教育章程》，正式介入霍格華茲嘅校務。 魔法部嘅副政務官桃樂絲·恩不里居出任「霍格華茲總督察」，用嚟監控霍格華茲師生嘅言行。
1996年	上半年	霍格華茲校長阿不思·鄧不利多暫時離任，由桃樂絲·恩不里居接任做校長。 佛地魔同埋佢啲黨羽食死人入侵魔法部，佢哋企圖去搶奪一個預言球，佢哋同鳳凰會仲有鄧不利多的軍隊喺神秘部門入面發生激戰。 嗰個預言球俾奈威·隆巴頓甩手跌碎咗。 天狼星·布萊克喺決鬥入面俾貝拉·雷斯壯殺死咗。 佛地魔打輸咗走甩，包括魯休思·馬份喺裡面嘅幾個食死人俾人拉咗。 鄧不利多嘅校長職位復職，恩不里居離開咗霍格華茲。		天狼星·布萊克
	下半年	食死人公開咁反叛，出現好多單死傷事件，搞到英國嘅巫師社會陷入恐慌。 催狂魔集體叛變，佢哋同巨人一齊加入去食死人嘅陣營。 魔法部部長康尼留斯·夫子落台，由魔法執法部門嘅正氣師局局長盧夫·昆爵繼任做部長。 衛氏巫師法寶店喺英國倫敦嘅斜角巷開幕。		愛蜜莉·波恩 伊果·卡卡夫
1997年	上半年	食死人入侵霍格華茲，同嗰間學校嘅師生同埋教職員，仲有鳳凰會嘅成員激戰。 霍格華茲校長阿不思·鄧不利多喺學校嘅占星塔上面俾賽佛勒斯·石內卜殺死。 賽佛勒斯·石內卜將阿不思·鄧不利多殺死咗，呢個係鄧不利多同石內卜之間預先安排計劃嘅一部分。		阿不思·鄧不利多
	下半年			慈恩·波八吉 阿拉特·穆敵 盧夫·昆爵
1998年	上半年	哈利·波特、榮恩·衛斯理、妙麗·格蘭傑同埋妖精拉環變身闖入去古靈閣銀行，喺雷斯壯家族嘅金庫裡面偷走已經變成咗分靈體嘅赫夫帕夫金盃。
	下半年	霍格華茲大戰，佛地魔率眾進攻霍格華茲，同嗰間學校嘅師生、鳳凰會成員、活米村嘅居民展開咗決戰。 哈利·波特喺最後決鬥入面打低咗佛地魔，咁樣就結束咗第二次巫師世界大戰。	泰迪·路平	芭蒂達·巴沙特 泰迪·東施 小仙女·東施 德克·柯斯維 彼得·佩迪魯 家庭小精靈多比 蓋勒·葛林戴華德 文森·克拉 弗雷·衛斯理 雷木思·路平 柯林·克利維 賽佛勒斯·石內卜 貝拉·雷斯壯 佛地魔
2017年		《哈利波特：被詛咒的孩子》故事嘅開始。

相關條目

• 哈利波特角色列表
• 霍格華茲教職員

外部連結

• （繁體中文）哈利波特書籍臺灣官方網站--哈利波特:九又四分之三月台
• 《哈利波特》電影中文官方網站：大陆、臺灣、香港
• （英文）Harry Potter Wiki（Wayback Machine嘅版面存檔備份）
• （德文）（英文）（西班牙文）（意大利文）（日文）作者J·K·羅琳的官方網站（Wayback Machine嘅版面存檔備份）
• Official 華納兄弟哈利波特電影官方網站（Wayback Machine嘅版面存檔備份）