雷文克勞
 | |
| 雷文克勞 | |
|---|---|
| 學院創立者 | 羅威娜·雷文克勞 |
| 學院代表物 | 鷹 |
| 學院顏色 | 藍色、青銅色 |
| 學院院長 | 菲力·孚立維 |
| 選擇學生方式 | 聰明、睿智、好奇心 |
雷文克勞（英文：Ravenclaw），係J·K·羅琳嘅奇幻小說系列《哈利波特》入面，霍格華茲嘅四大學院之一[1]。呢個學院由羅威娜·雷文克勞創立，佢原有嘅代表動物係鷹而唔係渡鴉（電影入面為咗更貼題而將佢改成渡鴉），用智慧聰敏嚟做收生準則，著重知識、創造力同包容性；果個學院嘅導師係魔咒學教授菲力·孚立維，而學院幽靈係羅威娜·雷文克勞個女—海倫娜·雷文克勞（灰衣貴婦）。根據羅琳嘅講法，雷文克勞學院大致對應於四大元素入面嘅風[2]，佢嘅代表顏色係藍色同青銅色。
特質
[編輯]雷文克勞學院著重智慧、博學、睿智同機智，嗰個學院因為咁而更加傾向去揀啲有天份而且積極學習嘅學生。嗰個學院嘅代表物係鷹而唔係渡鴉（電影入面為咗貼題啲而將佢改成渡鴉），渡鴉喺傳說入面係一種能夠學嘢好快嘅聰明雀仔，而
根據羅琳形容，葛萊分多學院嘅妙麗·格蘭傑同米奈娃·麥都係好聰明嘅女巫，佢哋兩個分別喺佢班級入面成為最優秀嘅女巫，而分類帽都曾經好嚴肅咁考慮將佢哋兩個派到去雷文克勞學院。
另外，雷文克勞學院尊重個別差異，對於各類資質嘅學生都有好強嘅接納同包容性，嗰個學院嘅學生因為咁有時都會顯得好特別，有唔同尋常嘅知識興趣，比如哈利嘅好朋友—露娜·羅古德就係嗰個學院嘅學生。雷文克勞普遍歡迎仲接受呢啲「怪人」，而嗰度亦都係佢哋最理想嘅學院。
雷文克勞學院喺學業成就方面有相當嘅競爭力。赫夫帕夫學院嘅級長
哈利認為雷文克勞會同赫夫帕夫學院一樣，同葛萊分多學院企埋喺一齊對抗史萊哲林學院。後嚟亦都確實有好多雷文克勞嘅學生加入咗鄧不利多的軍隊，仲喺霍格華茲大戰裡面同葛萊分多仲有赫夫帕夫嘅師生並肩作戰，裡面包括哈利嘅初戀女友張秋[4]。
位置
[編輯]雷文克勞塔喺霍格華茲城堡嘅西面，佢嘅交誼廳係一間好大嘅圓形房，佢嘅穹頂天花板上畫咗星星，牆壁上嘅窗呈拱形，上面掛住藍色同青銅色嘅絲綢窗簾，地下舖住深藍色嘅地毯，地毯上都係佈滿星星。地板上擺放咗枱、扶手椅同書架，交誼廳入面仲有一尊戴住王冠嘅羅威娜·雷文克勞嘅白色大理石雕像複製品，嗰個雕像複製品佇立喺交誼廳大門對面嘅壁龕裡面。哈利·波特曾喺1998年為咗搵佛地魔分靈體嘅線索而入咗去嗰個交誼廳，哈利仲話雷文克勞「有周圍群山嘅壯麗景色」。
同其他學院交誼廳唔同嘅係，入去雷文克勞交誼廳嘅人一定要先答啱仲解決到由鷹形青銅門環畀出嚟嘅一個邏輯謎語先至可以入去，而葛萊分多同史萊哲林嘅交誼廳淨係需要密碼就可以入去。呢個說明咗無論入去嘅人係嚟自邊個學院，只要係擁有足夠智慧嘅人就可以入去裡面。作為葛萊分多學院導師嘅麥教授喺1998年由於準確咁解開咗謎題，佢因為咁就可以不費吹灰之力就可以入到去雷文克勞交誼廳。
相關物品
[編輯]雷文克勞嘅傳承物係雷文克勞嘅王冕，嗰個係屬於羅威娜·雷文克勞嘅一頂已經褪色生鏽嘅寶石皇冠，相傳戴咗上去就會令人更加聰明。後來羅威娜個女—海倫娜·雷文克勞為咗試吓變得比佢阿媽更聰明而偷咗嗰個王冕，仲收埋喺阿爾巴尼亞森林入面一棵空心樹嘅樹洞裡面，直至湯姆·瑞斗使計喺海倫娜嗰度知道呢件事。一直喺度搵有歷史意義嘅嘢嚟整分靈體嘅瑞斗，佢後來利用嗰個王冕整咗做佢嘅其中一個分靈體，仲喺好多年之後返到霍格華茲城堡嗰陣將佢收埋喺萬應室裡面。哈利·波特喺《死神的聖物》入面成功說服咗海倫娜將王冕嘅位置話畀佢知，令佢成功咁搵到做咗分靈體嘅王冕。嗰個王冕最後畀哈利嘅同學—克拉施放嘅惡魔之火摧毀咗。
代表人物
[編輯]參考資料
[編輯]- ↑ 大衛·巴格特、蕭恩·克萊因 (2006年9月)。《哈利波特的哲學世界》。臺北：麥田出版。ISBN 978-986-173-124-7。
- ↑ "Anelli, Melissa and Emerson Spartz. "The Leaky Cauldron and Mugglenet interview Joanne Kathleen Rowling: Part Three," The Leaky Cauldron, 16 July 2005". Accio Quote!. 原著喺2011-04-22歸檔. 喺2018-10-02搵到.
- ↑ 布萊恩·西布利 (2014年10月)。《哈利波特電影魔法書：八部電影幕後製作全記錄》。臺北：佳魁文化。ISBN 978-986-5712-89-1。
- ↑ 〈雷文克勞學院〉。原著喺2021-02-16歸檔。喺2020-09-05搵到。
| 小說 | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 改編電影 | |||||||||||||||||||||||||||||
| 角色 |
| ||||||||||||||||||||||||||||
| 網站 |
| ||||||||||||||||||||||||||||
