跳去內容

跩哥·馬份

出自維基百科,自由嘅百科全書
跩哥·馬份
Draco Malfoy
湯·費頓中文湯·費頓飾演嘅跩哥·馬份。
首次出場哈利波特:神秘的魔法石
尾次出場哈利波特:被詛咒的孩子
作者J·K·羅琳
扮演湯·費頓中文湯·費頓電影
阿歷·普萊斯英文Alex Price(舞台劇)
配音香港 陳祖兒粤语配音
詳細信息
性別男性
家庭
配偶翠菊·綠茵中文哈利波特角色列表#現時各學院的學生
仔女天蠍·馬份中文哈利波特角色列表#十九年後的孩子(仔)
親戚
國籍英國

跩哥·馬份英文Draco Malfoy)係英國作家J·K·羅琳嘅奇幻小說系列《哈利波特》嘅其中一個嘅人物。馬份被形容為同哈利·波特同屆入去霍格華茲魔法與巫術學院讀書嘅學生,佢同哈利·波特互相成為咗讀書時期嘅主要「敵人」。馬份後嚟派咗去史萊哲林學院,佢身邊由兩個同學院嘅同學—文森·克拉Vincent Crabbe葛果里·高爾Gregory Goyle傍住喺佢左右做佢跟班,佢哋兩個後嚟亦做咗馬份嘅心腹。

跩哥·馬份被形容做一個好懦弱嘅惡霸,佢會為咗得到自己想要嘅嘢而去呃同傷害其他人;不過,跩哥係個狡猾嘅巫師,佢喺小說同電影入面嘅係個有淡金色頭髮、面色蒼白同埋對眼係灰色嘅男仔。跩哥·馬份嘅角色喺《哈利波特》電影系列入面係由湯·費頓中文湯·費頓做嘅。

角色發展

[編輯]

跩哥·馬份作為哈利·波特映襯角色,佢嘅出現靈感嚟自J·K·羅琳喺學生時代所遇到蝦蝦霸霸嘅同學[1]。哈利喺摩金夫人各式長袍店中文哈利波特中的地點#摩金夫人各式長袍店嗰度第一次遇到勢利偏執嘅馬份[2]。羅琳利用馬份一家將佢哋嘅傲慢、無禮、偏執、唔寬容嘅主題引入到去場景設定入面,巫師世界嘅人大部分淨係崇尚純血血統中文哈利波特世界觀與設定#純血而唔係佢哋嘅良好品格或者成就嚟做判斷嘅環境。跩哥受到佢嘅家族影響同秉承著佢哋家族嘅信念,認為麻瓜出身中文哈利波特世界觀與設定#麻瓜出身嘅巫師同女巫唔配亦唔應該有機會去接受魔法教育,就好似妙麗·格蘭傑咁樣,亦都完全睇唔起佢哋,跩哥同其他角色甚至會用啲貶義、侮辱同歧視性嘅字眼去稱呼嗰啲有麻瓜血統嘅巫師同女巫,例如係「麻種Mudblood」。哈利喺遇到跩哥之後,令佢對巫師社區係個「魔幻仙境」種種美好嘅想像一眨眼就破滅咗。羅琳話:「(哈利)發現巫師世界裡面好多有權有勢嘅人其實同我哋嘅世界一樣咁腐敗同污糟邋遢[2]。」

喺第一輯小說《哈利波特:神秘的魔法石》最早期嘅草稿入面,馬份原本係叫做「跩哥Draco·斯彭根Spungen[3],「跩哥Draco」呢個名可能源於雅典第一位創造咗一部苛刻法律嘅立法者跩哥,而呢個名喺拉丁語入面嘅意思係或者[4],同時佢又有天龍座嘅意思;呢個符合佢哋呢個純血巫師家族用星座嚟幫細路仔改名嘅傳統。佢個姓「斯彭根Spungen」都曾經出現喺羅琳拍攝之前嗰個列表入面但係就被劃去咗,仲用姓氏「斯賓克斯Spinks」嚟取代,後嚟改成而家嘅「馬份Malfoy」,呢個姓氏都係喺列表完成之後加上去嘅。菲利普Philip·尼爾Nel認為,馬份呢個姓可能係源自法語入面嘅短語「背信棄義mal foi欺詐mal foy[5],佢仲認為「馬份」係由法文詞彙「壞嘅mal信念foi」衍生而成[5]尼爾Nel尼爾森Nilsen喺2002年發表嘅一篇文章裡面認為「跩哥Draco」同「draconian」呢個字有關,仲帶有嚴苛嘅內涵;而佢個姓氏用「mal」嚟開頭,喺法文入面嘅前綴係「壞人」或「邪惡」嘅意思[6]

跩哥·馬份嘅父系嗰邊係出身於富有嘅純血巫師家族—馬份家族,佢係魯休思·馬份水仙·馬份(外家姓布萊克)嘅獨仔。水仙·馬份外家嗰邊好多親戚(布萊克家族)都係用恆星或者星座嚟改名,例如:天狼星·布萊克獅子Regulus阿爾發Arcturus·布萊克Black美黛·東施中文美黛·東施天鵝星Cygnus·布萊克Black獵戶座Orion·布萊克Black貝拉·雷斯壯等等。跩哥個名本身都係一個星座(天龍座),佢自己後嚟都延續呢個傳統去用另一個星座—天蠍座嚟幫自己個仔改名做天蠍Scorpius[7]

角色性格同特徵

[編輯]

外觀上

[編輯]

跩哥·馬份喺1980年6月5號出世,作為馬份家獨生仔嘅佢,佢同馬份家族嘅絕大部分成員一樣都入咗史萊哲林學院。跩哥被形容做一個身形高大又苗條嘅男仔,有一頭闊氣油亮嘅淡金色頭髮,塊面尖得嚟有啲蒼白,仲有一對冰灰色嘅眼睛。

性格上

[編輯]

跩哥係個典型被縱壞嘅有錢仔,佢信自己屋企嘅財富同社會地位俾佢有權去恰嗰啲窮過自己嘅人,例如係榮恩·衛斯理。佢仲用「麻種」嚟稱呼妙麗·格蘭傑嚟侮辱佢麻瓜出身中文哈利波特世界觀與設定#麻瓜出身嘅身份,就好似魯霸·海格所講嘅咁樣,呢個係喺文明對話裡面唔應該用嘅術語。呢個就係羅琳喺1999年嘅訪問入面解釋嘅咁:「佢係一個偏執狂同惡霸,仲正如我所講,喺最精細嘅意義上面,佢係確切咁知道乜嘢會傷害到人哋[1]。」喺2005年7月嘅一次訪問入面,羅琳補充話跩哥同哈利一啲都唔似,跩哥從來唔會對自己嘅行為覺得自責:「我認為跩哥係個好有能力去劃分自己嘅生活同情緒嘅人,而且一直以嚟都係咁樣。所以佢收起自己嘅憐憫之心,令佢可以有效咁去恰其他人。佢已經收起咗同情心—如果唔係佢點會做到食死人[8]?」

跩哥同達力·德思禮都俾佢哋父母灌輸咗佢哋嘅信念。跩哥喺《哈利波特:神秘的魔法石》第一次出場嗰陣,佢傲慢嘅態度即刻令哈利·波特聯想到自己嗰個愚蠢同傲慢嘅麻瓜表哥;之後喺霍格華茲禮堂前嘅樓梯上面,跩哥曾經同哈利講:「你很快就會發現,有啲巫師家庭好過其他家庭好多,波特。你唔會想同另類嘅人做朋友掛。喺這一點上面我可以幫到你。」喺俾哈利冷冷咁拒絕咗之後,跩哥就同哈利做咗死對頭。羅琳評論話:「喺跩哥得到佢想要嘅嘢—成為食死人嘅嗰一刻,同埋好似《哈利波特:混血王子的背叛》咁樣受到佛地魔嘅使命嗰陣,現實終於打中咗佢。」因為佢嘅夢想係「咁唔同」。羅琳仲話跩哥確實存在住一種道德上面嘅懦弱,但係佢並唔係完全係壞人[9]

作為食死人嘅跩哥喺經歷咗第二次巫師戰爭嘅恐怖之後,佢放棄咗自己最初所堅信嘅純血統信念,仲成長做一個比佢年輕嗰陣更好嘅一個人,佢對巫師世界裡面嘅唔係純血血統中文哈利波特世界觀與設定#純血嘅人變得更加寬容同接受。佢仲確保將自己個仔天蠍·馬份中文哈利波特角色列表#十九年後的孩子訓練成為比佢自己細個果陣更好嘅細路,咁樣令到天蠍對哈利個仔—阿不思·波特表現出善意仲做埋朋友,呢個作為跩哥洗心革面嘅證據[10]

魔法能力同技巧

[編輯]

跩哥‧馬份喺成個系列入面被形容做一個狡猾、做到嘢嘅年輕巫師。佢支魔杖由山楂木製成,杖芯係帶有獨角獸嘅羽毛,長度精確到啱啱好10英寸。奧利凡德仲指佢「相當有彈性[11]」。

跩哥喺霍格華茲二年級嗰陣成功咁對哈利施展咗舞步咒Tarantallegra curse[12],呢個咒語都係食死人安東寧·杜魯哈喺第五輯小說入面所用嘅詛咒[13],跩哥仲成功咁喺同一個場景入面施展咗「蛇蛇攻Serpensortia」呢個咒語,喺佢嘅魔杖度召喚到一條蛇出嚟,就好似佛地魔後來喺第五輯小說入面對鄧不利多所做嘅嘢咁樣[13],仲有石內卜喺最後一輯小說入面對抗麥教授咁樣[14]

跩哥嘅性格喺第六集小說入面有進一步嘅發展,佢係少數能夠達到修讀高階魔藥學所需水平嘅其中一個學生[15]。跩哥喺鎖心術中文哈利波特中的魔法符咒#破心術與鎖心術方面都證明咗自己嘅能力,呢個係佢喺自己姨媽貝拉·雷斯壯身上學到嘅嘢[15]。羅琳記返起自己同佢嘅編輯討論跩哥已經掌握咗鎖心術而哈利就無嘅事,作者話呢個係因為跩哥係個「非常有能力去劃分自己嘅生活同情緒嘅一個人[8]」。當被問到跩哥嘅護法咒中文哈利波特世界觀與設定#護法咒係咩形態嗰陣,羅琳回答話,跩哥至少喺第六輯小說嘅結尾都無辦法召喚佢嘅護法,因為呢個並唔係霍格華茲常規課程入面所教嘅魔法[16]

家庭

[編輯]

馬份家族係其中一個最有錢而歷史悠久嘅純血巫師家族,亦都係《哈利波特》系列入面為數唔多嘅純血巫師家族之一。嗰個系列入面嘅反麻瓜編輯布魯圖斯·馬份就係佢哋嘅祖先。跩哥嘅三個祖輩嘅身份已經確認咗,分別係:阿不拉薩·馬份Abraxas Malfoy天鵝星·布萊克Cygnus Black同埋卓雅拉·羅西兒Druella Rosier。阿不拉薩·馬份喺成個系列開始之前就已經過咗身,而佢同赫瑞司·史拉轟中文赫瑞司·史拉轟教授係朋友。跩哥嘅阿爸魯休思·馬份喺兩次巫師大戰入面都有住食死人嘅身份,後來魯休思同水仙·馬份(外家姓布萊克)結婚仲生咗獨生仔跩哥,跩哥就係因為咁就同時成為咗呢兩個古老巫師家族嘅後裔。

跩哥係成個系列入面所介紹嘅第一個馬份家族成員。馬份一家透過水仙·馬份嘅關係嚟到同天狼星·布萊克嘅家族有血緣關係,令到跩哥成為咗貝拉·雷斯壯美黛·東施中文哈利波特角色列表#湯姆‧瑞斗和詹姆‧波特之間的時代(約1938年-1959年)嘅姨甥,跩哥亦都透過佢阿媽嘅關係而同小仙女·東施中文小仙女·東施成為咗表親。馬份一家住喺馬份莊園中文哈利波特中的地點#馬份莊園,嗰度係位於英國西部威爾特郡中文威爾特郡嘅一座優雅嘅豪宅,佢哋一家直到《哈利波特:消失的密室》尾聲都係由家庭小精靈中文家庭小精靈多比中文多比服侍。佢哋一家極端咁為自己純血巫師嘅血統而驕傲,仲好厭惡非巫師家庭出世嘅巫師(麻瓜)。

馬份家族作為一個喺巫師界受人尊敬嘅有錢紳士中文紳士階級家庭,主要係嚟自魯休思對魔法部聖蒙果醫院中文哈利波特中的地點#聖蒙果魔法疾病與傷害醫院嘅捐獻,同埋由於佢喺霍格華茲校董會做主席嘅職位而對對霍格華茲同魔法部有影響力。不過,佢喺第二輯小說嘅結尾度被免職,仲喺第五輯小說嘅神秘部門之戰後喺阿茲卡班中文哈利波特中的地點#阿茲卡班監獄坐監。就算馬份一家喺呢啲事件發生之前保持住俾人可敬但虛假嘅形象,不過有啲巫師界嘅人一直都知馬份一家效力於佛地魔黑魔法。人人都知道嘅就係,魯休思曾經用賄賂同威脅嘅手段嚟鞏固佢嘅地位,跩哥都不斷咁利用自己嘅精英地位同佢阿爸嘅名聲與影響力嚟攞到優勢仲威脅其他人。

馬份家嘅族譜
斐尼亞·耐吉·布萊克
沃布爾加·布萊克獵戶星·布萊克天鵝星·布萊克卓雅拉·羅西兒
天狼星·布萊克獅子阿爾發·布萊克貝拉·布萊克道夫·雷斯壯美黛·布萊克泰德·東施水仙·布萊克魯休斯·馬份
雷木思·路平小仙女·東施中文小仙女·東施跩哥·馬份翠菊·綠茵
泰迪·雷木思·路平中文哈利波特角色列表#十九年後的孩子天蠍·馬份中文哈利波特角色列表#十九年後的孩子

註:
貝拉·布萊克 = 貝拉·雷斯壯;
美黛·布萊克 = 美黛·東施;
水仙·布萊克 = 水仙·馬份。

相關情節

[編輯]

神秘的魔法石

[編輯]

跩哥·馬份第一次出現喺嗰個系列嘅小說度,當時佢同哈利·波特斜角巷中文斜角巷摩金夫人各式長袍店中文哈利波特中的地點#摩金夫人各式長袍店入面試校服嗰陣時遇到。跩哥當時無為意到舖頭入面嗰個男仔就係一歲嗰陣俾強大黑魔法巫師佛地魔謀殺但死唔去嘅哈利·波特,跩哥同哈利有禮貌咁傾咗兩句。不過,當跩哥問到佢父母係咪「我哋嘅同類(純血巫師中文哈利波特世界觀與設定#純血)嗰陣,哈利俾跩哥嘅傲慢疏遠咗。跩哥跟住話第二啲人中文哈利波特世界觀與設定#麻瓜出身由於「佢哋從來冇被培養成了解我哋嘅方式」而唔應該俾佢哋入去霍格華茲讀書。佢哋兩個男仔喺無自我介紹的嘅況下就分開咗,但佢哋喺霍格華茲特快列車上面又再撞返。喺跩哥嘲笑[[榮恩·衛斯理]嘅屋企人之後,哈利就拒絕咗馬份嘅交友邀請,佢哋握手就證明咗呢一點,佢哋之間嘅互相對抗亦都係由呢個而起。

根據作者羅琳嘅講法,馬份最初由於「因為哈利好出名,作為哈利·波特嘅朋友喺學校出現會好有型」而努力做哈利嘅朋友[1]。不過,因為跩哥好對粗魯咁對待哈利嘅朋友魯霸·海格榮恩·衛斯理,搞到哈利都唔想同馬份做朋友。在第一年嘅學院分類儀式上面,分類帽中文哈利波特中的魔法物品#分類帽喺幾乎無掂到佢個頭嘅情況下就將佢派咗去史萊哲林學院,傳聞所有壞巫師幾乎都係由嗰個學院培養出嚟,馬份喺嗰度即刻成為咗魔藥學教授兼史萊哲林學院嘅負責教授賽佛勒斯·石內卜最鍾意嘅學生,石內卜亦都係所謂嘅佛地魔追隨者。由於跩哥同哈利做咗死對頭嘅關係,佢成日都想搵機會將哈利踢出校,有一次跩哥透過呃哈利去參加午夜巫師嘅決鬥,佢事先秘密通知咗飛鼠先生中文霍格華茲教職員列表#阿各·飛七(管理員),但係當哈利避開飛鼠先生仲安全咁返去宿舍嗰陣時,佢嘅詭計最後失敗咗。

消失的密室

[編輯]

跩哥·馬份喺佢阿爸魯休思·馬份向學院史萊哲林學院捐贈咗高質量新嘅飛天掃把中文哈利波特中的魔法物品#飛天掃帚光輪2001中文魁地奇之後,佢就做咗史萊哲林學院魁地奇球隊嘅新任搜捕手。當妙麗·格蘭傑評論話葛萊分多嘅球員係透過天份而唔係賄賂嚟入去球隊嗰時,跩哥回應啲話佢係「麻種Mudblood」,呢個即刻引起咗榮恩·衛斯理即時強烈嘅反應。由於跩哥對麻瓜出身者嘅蔑視,令到哈利、榮恩同妙麗甚至懷疑佢就係最近將消失的密室之門重新打開嘅「史萊哲林嘅傳人」。後嚟哈利與榮恩用變身水假扮成克拉同高爾混入去史萊哲林交誼廳嚟試吓收集更多資訊,跟住佢哋就意識到自己最初對跩哥嘅懷疑係錯咗嘅。

阿茲卡班的逃犯

[編輯]

魯霸·海格第一次做咗奇獸飼育學導師嗰陣,因為跩哥無去遵守適當嘅協議下行埋去鷹馬巴嘴Buckbeak身邊,仲喺侮辱巴嘴嗰陣時受到佢嘅攻擊。跩哥誇大自己嘅傷勢,搞到巴嘴被判死刑,海格仲差啲被炒魷,仲有令史萊哲林學院同葛萊分多學院嘅魁地奇比賽有機會推遲去到嗰年遲啲先至舉行到。當跩哥嘲笑海格為咗巴嘴嘅死刑嘅判決而喊嗰陣,佢俾妙麗打咗一拳。跩哥暗示自己知道天狼星·布萊克係點樣捲入去哈利父母死亡嘅事件裡面,佢仲取笑哈利關於布萊克即將嚟到嘅威脅,佢仲挑釁性咁講:「如果係我,我想報仇。我會親自去拉佢。」

火盃的考驗

[編輯]

喺哈利意外選咗做三巫鬥法大賽嘅冠軍代表之後,跩哥向哈利展示咗一個「支持西追·迪哥里」嘅襟章,㩒落去然後就會轉成「波特很臭」嘅短語,目的係用嚟嘲笑哈利。馬份仲同《預言家日報》嘅黑幕揭發記者麗塔·史譏中文麗塔·史譏揭秘,提供咗有關哈利同海格嘅惡意而通常係虛假嘅資訊。當跩哥試吓喺哈利背後向佢落詛咒嗰陣,黑魔法防禦術嘅教授阿拉特·穆敵中文阿拉特·穆敵(實際上係由小巴堤·柯羅奇用變身水假冒嘅),佢將跩哥變成一隻雪貂中文雪貂仲反覆咁將佢撻落去又撞落地下,仲將佢丟入去高爾條褲裡面。

鳳凰會的密令

[編輯]

跩哥同佩茜·帕金森中文哈利波特角色列表#現時各學院的學生一齊被任命做史萊哲林學院嘅級長。隨着葛萊分多學院喺魁地奇比賽入面打贏咗史萊哲林學院之後,跩哥就侮辱哈利同衛斯理孖仔嘅屋企人,搞到佢哋喺比賽之後嗰場打交入面對佢攻擊,令到哈利同衛斯理孖仔被罰唔准入去葛萊分多魁地奇球隊。跩哥後嚟加入去桃樂絲·恩不里居嘅督察小隊,喺揭露鄧不利多的軍隊嘅過程入面扮演住重要嘅角色。當鄧不利多的軍隊成員喺[[霍格華茲#萬應室|萬應室}}走甩,跩哥喺捉到哈利之後幫史萊哲林學院贏到50分,並幫手將幾個成員困住喺恩不里居嘅辦公室,直至金妮·衛斯理施展佢最叻嘅蝙蝠精咒Bat-Bogey Hex嚟等佢哋走甩。

喺跩哥老豆同其他食死人神秘部門嘅事件俾人拉咗,仲被判去阿茲卡班中文哈利波特中的地點#阿茲卡班監獄坐監之後,跩哥有兩次試過向哈利報仇,佢嘅第一次嘗試俾石內卜同麥教授阻止咗,佢喺搭霍格華茲特快列車返屋企嗰陣試第二次,鄧不利多的軍隊嘅幾個成員幫哈利做防禦,佢哋用一連串嘅毒咒將跩哥、克拉喺同高爾佢哋三個變成好大條嘅蛞蝓

混血王子的背叛

[編輯]

跩哥喺呢一輯入面更直接咁參與食死人嘅活動,由於佢阿爸魯休思·馬份俾人拉咗仲失去咗佛地魔嘅寵愛,於是佢阿媽水仙·馬份同姨媽貝拉·雷斯壯去到石內卜嘅屋企去傾佛地魔交俾跩哥嘅一項危險任務。好擔心自己個仔會喺佢試吓完成任務嗰陣被殺嘅水仙,佢懇求石內卜發不破誓中文哈利波特中的魔法符咒#不破誓嚟幫跩哥完成呢項任務仲不惜一切代價去保護佢,甚至如果跩哥完成唔到嘅話,佢會自己搞掂;石內卜同意。

隱形斗篷中文哈利波特中的魔法物品#隱形斗篷下面嘅哈利、榮恩同妙麗秘密咁釣住跩哥嘅尾去到夜行巷中文哈利波特中的地點#夜行巷嘅一間黑魔法嘢嘅舖頭—波金與伯克氏商店中文哈利波特中的地點#波金與伯克氏商店。跩哥威脅住波金先生幫佢修理一樣嘢同埋幫佢保管另一樣嘢。跩哥向波金先生展示佢手臂上嘅嘢,哈利認為嗰個係佛地魔標誌嘅黑魔標記中文哈利波特中的魔法符咒#黑魔標記,不過哈利嘅諗法係咪啱就從來未得到證實(跩哥喺電影入面展示咗佢手臂上鄧不利多嘅黑魔標記)。哈利喺霍格華茲特快列車上面暗中監視住跩哥,仲喺無意中偷聽到佢同其他幾個史萊哲林嘅人去傾佛地魔嘅任務。跩哥喺知道哈利喺度之後,佢等到列車到咗站之後,當淨係剩低跩哥自己一個喺車廂裡面嗰陣,跩哥向哈利落固定咒搞到佢郁唔到仲打斷佢個鼻,搞到哈利更加憎跩哥。哈利被困喺火車上面,直到小仙女·東施中文小仙女·東施將佢救咗(電影入面嘅係露娜·羅古德)。哈利喺呢一年入面嘅大部分時間都喺佢嘅劫盜地圖上面追蹤住跩哥嘅去向,但係當跩哥入到去萬應室之後,佢嘅蹤跡就消失咗。當凱蒂·貝爾活米村中文哈利波特中的地點#活米村因為掂到一條落咗詛咒嘅頸鍊之後差啲無命,同埋榮恩因為飲咗有毒嘅蜂蜜酒而差啲死嗰陣,哈利就懷疑跩哥就係呢兩單襲擊嘅幕後黑手。

跩哥自從喺呢個系列入面被介紹以嚟,佢喺呢輯小說入面被形容做幾有主動性、獨創性同毅力。不過佢同成日依賴朋友嘅支持同埋幫手嘅哈利有啲唔同,跩哥大部分時間都喺萬應室裡面自己做嘢,仲唔肯向自己嘅朋友圈去傾或參與,佢對佢哋兩個仲似係下屬。佢喺呢一點意識到自己最終應該做乜嘢去實現,差啲將佢自己逼到去精神崩潰嘅地步。當哈利行入去愛哭鬼麥朵中文愛哭鬼麥朵嘅浴室見到正喺度喊緊嘅跩哥嗰陣,跩哥企圖向佢施展酷刑咒中文哈利波特中的魔法符咒#不赦咒。哈利喺神秘嘅混血王子本教科書度學到個一啲都唔起眼嘅咒語—撕淌三步殺Sectumsempra,嚟令到哈利平局嘅速度更快。嗰個咒語喺跩哥塊面同心口𠝹咗好深嘅傷口,搞到佢大量失血。石內卜俾麥朵嘅尖叫聲嘈到扎醒咗,佢好快趕到仲醫返好跩哥嘅傷勢,然後將佢帶到去學校嘅醫院側翼。

喺小說同電影接近尾聲嘅時候,跩哥喺霍格華茲占星塔伏擊嚴重虛弱嘅鄧不利多仲解除咗對方嘅武裝。跩哥喺解除咗鄧不利多嘅武裝之後,鄧不利多平靜咁同呢個嚇親嘅後生仔講道理,仲說服佢講出自己係點樣按照佛地魔嘅命令利用落咗詛咒嘅項鍊同有毒嘅蜂蜜酒嚟殺死校長。跩哥仲透露話自己修復咗萬應室裡面嘅消失衣櫃中文哈利波特中的魔法物品嚟做食死人入去霍格華茲嘅入口。跩哥對殺死鄧不利多顯得十五十六,最後佢都放低佢支魔杖。鄧不利多親自派石內卜來到,後尾佢帶住逃離霍格華茲。

就正如佢同鄧不利多嘅對峙入面所揭示咁樣,哈利俾佢喺浴室嘅事件仲有同跩哥決鬥嘅結果嚇親,哈利對佢嘅死對頭覺得「佢嘅厭惡夾雜住最微小嘅一滴憐憫」。羅琳喺2005年嘅一次訪問入面透露佢自己好鍾意喺呢本小說裡面對跩哥嘅寫作,而且呢個角色亦都「成長咗好多」[8]

死神的聖物

[編輯]
想知多啲:死神聖物

馬份一家作為佛地魔唔情願嘅追隨者,佛地魔而家將佢哋屋企用嚟做佢嘅食死人總部,跩哥仲親眼睇住佛地魔謀殺咗霍格華茲教麻瓜研究嘅教授慈恩·波八吉中文霍格華茲教職員列表#教職員及職位。哈利偶爾會睇到跩哥被迫執行佛地魔嘅命令而產生令人不安景象嘅幻覺,仲覺得「核突... 對於佛地魔而家對跩哥嘅利用覺得核突」。當哈利、榮恩同妙麗佢哋三個被捉咗去到馬份莊園中文哈利波特中的地點#馬份莊園,跩哥被要求認出佢哋,就算佢哋清晰到一認就可以認得出,但係跩哥只係模稜兩可咁去答「可能係」。喺多比中文多比率領被困住嘅人喺馬份莊園成功走甩期間,哈利制服咗跩哥仲搶走咗佢支魔杖。哈利、榮恩同妙麗喺萬應室去搵雷文克勞嘅冕嗰陣,跩哥同克拉仲有高爾一齊試吓活捉哈利但失敗(電影版裡面嘅係布雷司·剎比Blaise Zabini而唔係克拉)。不過克拉(電影版裡面係高爾)違抗跩哥嘅命令,佢仲試吓通過施展死得人嘅惡魔之火Fiendfyre嚟殺死哈利佢哋三個,但係因為佢無辦法控制嗰個咒語,佢喺哈利三人組營救跩哥同高爾(剎比)嗰陣喺大火入面燒死咗。雖然跩哥對克拉同高爾成日表現出居高臨下同輕視嘅態度(好似下屬咁對佢哋),但係佢都會為無咗個朋友而覺得悲傷。

大約就喺呢個時候,儲思盆中文哈利波特中的魔法物品#儲思盆顯示鄧不利多知道自己俾佛地魔嘅指環詛咒之後就嚟要死,但係為咗避免跩哥嘅靈魂永遠俾謀殺嚟玷污,鄧不利多同石內卜預先安排咗自己嘅死亡。佛地魔企圖喺殺死鄧不利多嘅過程入面打算殺埋跩哥,嚟到去懲罰魯休思喺魔法部攞唔到嗰個預言。

喺哈利俾索命咒中文哈利波特中的魔法符咒#不赦咒擊中之後,佛地魔命令水仙去確認哈利確實已經死咗嘅事實。佢察覺到哈利嘅心跳,但係佢對佛地魔講大話,因為佢知道如果食死人「作為征服軍隊嘅一部分」返到去霍格華茲嘅話,佢就可以搵返佢個仔。就算跩哥並無直接參與哈利同佛地魔嘅最後對決,但係當佢同佢阿爸阿媽為咗佢哋嘅人身安全而走甩呢場戰鬥嗰陣時,咁就俾佢影響咗結果:情節轉折揭示咗跩哥喺解除咗鄧不利多嘅武裝嗰陣就不知不覺咁做咗接骨木魔杖嘅新主人,就算跩哥從來都無真正咁擁有過呢支魔杖。嗰支魔杖嘅忠誠轉移去到打敗咗佢主人嘅巫師身上,就係因為咁,哈利喺馬份莊園搶到跩哥支魔杖,咁就成為咗接骨木魔杖嘅新主人;咁樣就可以阻止到佛地魔接骨木魔杖嚟運用佢所有力量。最後,就正係水仙為哈利嘅死向佛地魔講大話,咁樣先至可以俾馬份一家避得過被監禁喺阿茲卡班嘅命運[17]

後記

[編輯]

喺最後嘅結語入面,跩哥結咗婚仲有一個仔—天蠍·馬份中文哈利波特角色列表#十九年後的孩子。跩哥喺嗰陣時嘅髮際線向後移咗,令到佢塊面睇起嚟仲尖咗。雖然跩哥同哈利講唔上算係朋友,但佢對哈利喺某個程度上減少咗敵意,仲喺國王十字車站中文倫敦國王十字車站見到哈利、榮恩、妙麗同金妮之後,跩哥同佢哋輕輕咁點頭[17]

演出

[編輯]

電影

[編輯]

跩哥·馬份呢個角色喺8齣哈利波特系列電影入面都係由湯·費頓中文湯·費頓飾演嘅[18]。湯·費頓喺確定做跩哥·馬份呢個角色之前,佢曾經為哈利·波特榮恩·衛斯理嘅角色試鏡[19][20]。費頓為好多地方嘅首映、文章同採訪作出貢獻,仲喺2003年9月22號同飾演妙麗·格蘭傑愛瑪·屈臣憑住《哈利波特:消失的密室》一齊攞到迪士尼頻道嘅「最佳DVD影碟」[21];費頓亦憑住佢飾演嘅馬份喺《2010年MTV電影頒獎禮英文2010 MTV Movie Awards》同埋《2011年MTV電影頒獎禮英文2011 MTV Movie Awards》上面贏到「MTV電影獎最佳反派」。

由於費頓嘅演譯令到跩哥·馬份大個咗而成為嗰個系列入面最受歡迎嘅其中一個人氣角色,受到好多後生女粉絲嘅熱愛。費頓好快成為咗好多女粉絲嘅代名詞,呢個令到羅琳好沮喪。羅琳話自己並唔希望讀者鍾意馬份,佢話:

我好氣餒,都唔明點解自己會創造出令女仔著迷嘅反派角色。基本上跩哥就係個爛仔......而家嘅女仔對於反派嘅黑暗魅力存在住過多嘅浪漫幻想[22]。—— J·K·羅琳
我試吓清楚咁區分湯姆·費頓,佢係一個靚仔嘅細路,而跩哥唔理佢生得點樣都唔係個好人。呢個係一種浪漫但唔健康嘅事,唔好彩嘅係,啲女仔嘅錯覺太普遍喇......睇到啲後生女對呢個非常唔完美嘅角色投入誓死不渝嘅獻身精神,呢個實際上令我有啲擔憂......我嘅意思係,我理解呢種心理,但係佢都幾唔健康[8]。—— J·K·羅琳

羅琳仲指出,馬份喺電影裡面肯定好時尚[2]

舞台作品

[編輯]

跩哥·馬份呢個角色喺《哈利波特:被詛咒的孩子》入面係由阿歷士·派斯英文Alex Price飾演[23],後嚟呢個角色由詹姆斯·霍華德James Howard做嘅[24]。隨住跩哥逐漸大個仔,佢喺呢個舞台劇入面保持住佢阿爸嘅風格,就好似係佢嘅長頭髮。跩哥鍾意咗同樣係史萊哲林學院嘅女同學—翠菊·綠茵中文哈利波特角色列表#現時各學院的學生,不過佢哋呢段戀情同佢哋最終嘅婚姻進一步令到跩哥嘅父母更加失望,因為佢哋期望巫師世界最古老嘅純血家族中文哈利波特世界觀與設定#純血之一,亦都係一個有住古老純血信念化身嘅一個人係更合適嘅人選。呢個舞台劇探索咗跩哥喺霍格華茲大戰之後同埋戲劇入面嘅事件發生之前嘅一啲生活。由於跩哥同食死人相處期間嘅慘痛經歷,翠菊都睇到戰爭同舊信念所帶嚟嘅屠殺同恐怖(就算相比跩哥少)。跩哥對自己作為食死人嘅犯罪行為嘅悔恨,佢經已意識到自己喺處事方式上嘅錯誤,因此放棄咗佢自細就接受仲相信嘅古老純血血統信念。不過咁樣明顯引起咗佢同自己阿爸阿媽之間嘅摩擦(就算佢哋已叛離咗佛地魔,不過佢哋仍然堅持住嗰啲信念)。就算跩哥失去咗父母嘅寵愛,不過作為獨生仔嘅佢仍然繼承到馬份家族嘅巨額財富,令到佢可以獨立咁有錢而唔洗出去返工。另外,佢嘅繼承權仲包括佢阿爸收藏嘅黑魔法文物。

跩哥因為知道佢老婆翠菊嘅家族血統詛咒,嗰個詛咒可能會縮短佢嘅壽命唔俾佢生存去到老年,而分娩會進一步咁削弱佢嘅生命,所以跩哥喺結婚之後最初考慮唔生仔女,等馬份家族喺佢自己嗰代就完咗,嚟到去俾翠菊可以長命啲(呢個決定令到佢阿爸覺得好失望)。不過翠菊就說服佢唔好咁樣決定,因為佢想要仔女嘅諗法並唔係為咗純血嘅信念,而係為咗佢。咁樣嘅話,如果有一日佢死咗嘅話,跩哥都唔會孤單。後嚟,跩哥嘅第一個亦都係唯一嘅仔—天蠍·海柏利昂·馬份中文哈利波特角色列表#十九年後的孩子就咁樣誕生咗[23]

跩哥同佢個仔天蠍喺舞台劇入面一齊出場。作為阿爸,跩哥對天蠍嘅教養好嚴格,仲教佢唔好相信舊有嘅純血統信念,仲將佢培養成為一個比佢自己細個嗰陣更好嘅細路仔,仲肯去接受個仔因為違反校規而受到懲罰。就算佢同哈利喺學生時代有過互相有敵意嘅歷史,佢都支持自己個仔同哈利嘅細仔阿不思·賽佛勒斯·波特中文哈利波特角色列表#十九年後的孩子做朋友。就算天蠍嘅出世令到翠菊嘅健康進一步惡化,令到佢最後喺14年之後過身,不過跩哥就認為佢個仔嘅出世係佢人生裡面最偉大嘅一日。據透露,天蠍阿媽過身嗰陣啱啱係天蠍喺霍格華茲嘅第四年,跩哥喺嗰陣開始成為咗gwaan1夫。跩哥一直鼓勵住個仔同阿不思成為朋友,佢甚至相信阿不思可以幫到天蠍醫好佢無咗阿媽嘅痛苦。佢好重視兩個仔之間嘅友誼,以至到佢勇敢到親自去波特屋企嚟面對試圖將兩個最好朋友分開嘅哈利。跩哥面對住自己過去嘅死對頭變得更加有禮,不過跩哥仍然對佢哋保持冷漠同充滿嘲諷,包括繼續嘲笑哈利同佢啲朋友,同埋對金妮邀請天蠍留喺波特屋企嘅邀請只係俾咗冷淡嘅回覆。當佢哋兩個因為共同嘅危險而團結起上嚟去拯救佢哋兩個嘅仔嗰時,呢啲感覺先至開始逐漸消散。跩哥仲被揭露佢一直都羨慕哈利可以有好似榮恩·衛斯理妙麗·格蘭傑咁嘅直正朋友(後者做咗魔法部部長),而佢就只有克拉同高爾兩個,佢哋嗰兩個並唔可以做到跩哥嘅真正朋友。

跩哥喺舞台劇入面同哈利仲有佢啲朋友慢慢咁和好,因為呢班人一齊踏上咗由佛地魔個女—蝶菲Delphini手上拯救佢哋兩個仔嘅旅程,呢個表明咗佢慢慢同逐漸承認哈利做朋友,同埋作為佢自己以前做食死人最直截了當嘅譴責[10]

迴響及評價

[編輯]

喺皇家阿爾伯特音樂廳嘅一次採訪入面,羅琳指出啲男仔相比哈利更鍾意打扮成馬份,而且啲人「越嚟越鍾意跩哥」,令佢覺得「有啲令人擔憂」[2]。喺同一個採訪入面,史提芬·弗萊中文史蒂芬·弗莱指出,就好似哈利遇到馬份一樣,佢發現魔法世界都存在住種族主義,好多掌權嘅人物可能「好似我哋嘅世界一樣污糟邋遢同腐敗」。弗萊仲指出,雖然「馬份、克拉同高爾幾乎係無得救嘅壞人」,不過佢同佢啲同伴有啲唔同嘅係,馬份「相當時尚」[2]。《IGN中文IGN》仲將馬份列做《哈利波特》頂級角色入面嘅第九位[25]

流行文化

[編輯]
2006年7月,樂隊跩哥與馬份家族英文Draco and the Malfoys洛杉磯公共圖書館中文洛杉磯公共圖書館嘅表演。

巫師搖滾英文Wizard rock樂隊跩哥與馬份家族英文Draco and the Malfoys嘅歌詞靈感係嚟自《哈利波特》嘅小說,但亦都係嚟自跩哥·馬份嘅觀點[26]。就好似哈利與波特氏英文Harry and the Potters,跩哥與馬份家族嘅成員將自己打扮成霍格華茲嘅學生,喺呢種情況下著住史萊哲林嘅主題服裝。佢哋所演奏嘅音樂靈感嚟自《哈利波特》系列[26][27]

跩哥喺唔同嘅影視戲劇作品裡面出現:

  • 跩哥喺電視影集《少年魔法師中文少年魔法師》裡面嘅「巫師學校上集」同「巫師學校下集」入面戲仿住耶爾科Jerko·馮力士Phoenix,喺入面阿歷斯Alex賈斯汀·魯索Justin Russo去到一間叫做Wiz-tech嘅魔法學校返學,喺嗰度每個人都著住黃色同黑色嘅長袍,同埋令人諗起哈利·波特嘅眼鏡[28]
  • 跩哥仲喺《All That英文All That》嘅小品裡面以薩科Sacco嘅身份出現(由沙恩·里昂英文Shane Lyons做嘅),哈利·球膽Harry Bladder同其他學生喺裡面成日俾薩科搞惡作劇;
  • 在舞台劇《哈利·波特與討厭的聲音Harry Potter and the Obnoxious Voice》入面,可以睇到馬份同海格同埋催狂魔中文哈利波特中的生物#催狂魔嘅互動[29]
  • 跩哥喺《大咬一口英文Big Bite》嘅小品入面被戲仿,佢喺入面被叫做郵差仔(佢阿爸魯休思被戲仿做郵差);
  • 跩哥仲出現喺尼爾·齊切爾加英文Neil Cicierega嘅《波特木偶夥伴英文Potter Puppet Pals》嘅小品入面,跩哥喺《木偶跩哥》嘅一集裡面出現,佢同所有其他角色有啲唔同,佢只係簡單咁用紙張嚟整成,係個細隻啲嘅木偶,仲由木偶哈利揸住同整啲聲出嚟。哈利為咗折磨佢而整佢出嚟,喺木偶「激嬲」咗哈利之後,佢對紙製嘅跩哥做咗一系列奇怪嘅嘢,最後將佢放去個爐上面燒咗去;
  • 喺《非常波特的音樂劇英文A Very Potter Musical》裡面,跩哥嘅角色由女演員羅倫·洛佩茲Lauren Lopez飾演。佢喺入面對妙麗有住好明顯嘅迷戀,仲嘥咗大量時間喺度擺姿勢同埋喺地板上面轆嚟轆去。

參考

[編輯]
  1. 1.0 1.1 1.2 Christopher, Lyndon (12 October 1999). "J.K. Rowling Interview Transcript, Part 12: Draco". The Connection (WBUR Radio) on Accio Quote!. 喺31 December 2010搵到.
  2. 2.0 2.1 2.2 2.3 2.4 Fry, Stephen (26 June 2003). "J.K. Rowling at the Royal Albert Hall". MSN.com, on Accio Quote!. 喺31 December 2010搵到.
  3. "HPL: Guide to jkrowling.com- Transcript: Very early draft of Philosophers Stone (Page 1)". The Harry Potter Lexicon. 喺31 December 2010搵到.
  4. 王小花 (2018-11-15). 號學×哈利波特地魔的黑魔標記:骷髏與蛇・難分正邪 (香港中文). 香港01. 原著喺2021-07-19歸檔. 喺2019-03-19搵到.
  5. 5.0 5.1 Philip Nel (2001). Continuum International Publishing Group英文Continuum International Publishing Group (編). J.K. Rowling's Harry Potter Novels: A Reader's Guide (第illustrated版). New York, NY: Continuum. p. 16. ISBN 0-8264-5232-9. {{cite book}}: Check |editor= value (help)
  6. Alleen Pace Nilsen; Don L.F. Nilsen (November 23, 2016). "Lessons in the teaching of vocabulary from September 11 and Harry Potter" (PDF). Journal of Adolescent & Adult Literacy. 46 (3): 254–260. 原著 (PDF)喺15 July 2010歸檔. 喺26 August 2017搵到.
  7. "Harry Potter Character Names Derived From Astronomy". 原著喺30 May 2019歸檔. 喺22 September 2018搵到.
  8. 8.0 8.1 8.2 8.3 "The Leaky Cauldron and MN Interview Joanne Kathleen Rowling – Part 2". 破釜酒吧英文The Leaky Cauldron (website). 28 July 2007. 原著喺2022-04-10歸檔. 喺9 February 2022搵到.
  9. Vineyard, Jennifer (19 October 2007). "'Harry Potter' Author J.K. Rowling Outs Dumbledore at New York Event". MTV. 原著喺2009-08-01歸檔. 喺31 December 2010搵到.
  10. 10.0 10.1 Rowling, J. K. (2016). Harry Potter and the Cursed Child. Little, Brown and Company. ISBN 9780751565362.
  11. 哈利波特:死神的聖物》第493頁。
  12. 哈利波特:消失的密室》第11章。
  13. 13.0 13.1 哈利波特:鳳凰會的密令》第35章。
  14. 哈利波特:死神的聖物》第30章。
  15. 15.0 15.1 哈利波特:混血王子的背叛》 第9章。
  16. Rowling, J.K. "What is Draco Malfoy's Patronus?". J.K. Rowling Official Site. 原著喺26 December 2010歸檔. 喺1 January 2011搵到.
  17. 17.0 17.1 "J.K. Rowling Web Chat Transcript". 破釜酒吧英文The Leaky Cauldron (website). 30 July 2007. 喺30 July 2007搵到.
  18. 布萊恩·西布利 (2014年10月). . 臺北: 佳魁文化. ISBN 978-986-5712-89-1.
  19. Marino, Jennifer (3 June 2004). "Meet Tom Felton, actor". Time For Kids. 原著喺8 February 2010歸檔. 喺4 August 2007搵到.
  20. "Meet Tom Felton, actor". TIME For Kids (英文). 2004-06-03. 原著喺2010-02-08歸檔. 喺2019-10-07搵到.
  21. Harry Potter and the Chamber of Secrets wins Best DVD (英文), 原先內容歸檔喺2021-11-07, 喺2019-11-13搵到
  22. 利波特派馬份人氣超夯 羅琳表示:這很不健康 (臺灣中文). 自由娛樂. 2014-12-25. 原著喺2022-04-23歸檔. 喺2019-10-07搵到.
  23. 23.0 23.1 Bradley, Laura (2 June 2016). "Here's What Draco Malfoy and His Son Will Look Like in Harry Potter and the Cursed Child". Vanity Fair. 原著喺2021-04-11歸檔. 喺30 June 2017搵到.
  24. Wiegand, Chris (30 March 2017). "New cast announced for West End hit Harry Potter and the Cursed Child". Vanity Fair. 原著喺2022-03-10歸檔. 喺30 June 2017搵到.
  25. Brian Linder; Phil Pirrello; Eric Goldman; Matt Fowler (14 July 2009). "Top 25 Harry Potter Characters". IGN. 原著喺19 July 2009歸檔. 喺3 April 2011搵到.
  26. 26.0 26.1 Brady, Shaun (28 November 2006). "Yule Ball rolls into Philly". The 費城日報英文Philadelphia Daily News. 喺27 February 2007搵到. [失咗效嘅鏈]
  27. Humphries, Rachel (13 July 2007). "Harry Potter 'Wrockers' Conjure Musical Magic". United States: ABC News. 喺31 July 2007搵到.
  28. ""Wizards of Waverly Place" Wizard School (2008)". IMDb. 6 April 2008. 喺17 May 2008搵到.
  29. Jaquish, Jeannette. "Excerpts from Harry Potter and the Obnoxious Voice". 喺1 January 2011搵到.