澳門22號巴士
澳門22號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:澳巴.png澳巴 | ||||||||||
| 所屬車廠 | 北安車廠 | ||||||||||
| 路線用車 | 宇通ZK6115HG1 | ||||||||||
| 服務資訊 | |||||||||||
| 服務時間 | 平時06:15-00:07 禮拜06:15-00:09 | ||||||||||
| 班次間隔 | 繁忙時間：四至六分鐘 普通時間同禮拜：八至十分鐘 | ||||||||||
| 全程收費 | 六蚊葡幣 | ||||||||||
| 主要競爭交通 | 水坑尾→祐漢第二街：2、7、7A、12、19 | ||||||||||
澳門22號巴士，係澳門一條巴士路線，由祐漢第二街來回柯維納馬路嘅循環線。
歷史
[編輯]1988年10月18號，澳巴成立22號。初期以黑沙環黃金廣場做總站，途經黑沙環第五街、慕拉士大馬路、俾利喇街、美副將大馬路、二龍喉公園、水坑尾、約翰四世大馬路、葡京、澳氹大橋、凱悦、氹仔三家村、氹仔卓家村、官也街、地堡街、澳門賽馬會、奧林匹克圓形地、凱悦、澳氹大橋、友誼馬路、賈羅布、八角亭、水坑尾、荷蘭園、高士德、俾利喇、黑沙環同祐漢。同年11月3號，黑沙環總站搬到馬場海邊馬路。
1990年6月12號，配合加思欄行車橋正式啓用，而改經十月一日前地，唔再經賈羅布。
1991年2月1號，新增單向去澳門大學第一座宿舍嘅特別班次，每十二分鐘一班車。特別班次響同年5月28號配合呢條線其餘正常班次，由全日來回都經澳大而改為響繁忙時間先提供服務。
1995年，祐漢總站分拆，呢條線改響祐漢第一街做總站。
2001年，因為祐漢第一街改做反方向馬路，配合祐漢區道路重整，總站搬到「祐漢第二街」。
2016年6月25號，因配合輕軌高架橋吊裝工作，停靠「氹仔中葡小學」站之後，取消「黑橋／地堡街」、「澳門運動場」站，改停「基馬拉斯／濠景」站。
2016年9月24號，[1]「孫逸仙馬路/三家村」同「泉亮花園」站合併，分別改名做「泉亮花園」同「泉裕豪庭」站，改停「泉裕豪庭」站；「亞利雅架前地」同「寶龍花園」站合併，改名做「百利寶花園」站。
2016年10月9號，配合氹仔運動場圓形地同周圍馬路恢復，由10月9號晚黑八點開始，呢條線還原返之前噉行，停返「黑橋/地堡街」、「澳門運動場」站[2]。
2016年11月5號，因為重整祐漢區巴士站分佈同路線行程，所以去氹仔方向取消停「祐漢公園」站[3]。
2017年4月9號，按原線行到「黑沙環第五街」站之後，取消停「望廈體育館」站，之後按原線嚟行[4]。
2017年10月14號，因為廉政公署踢爆交通事物局多年冇按《嘉樂庇大橋、友誼大橋及引橋規章》管制，任得超過十五噸以上嘅巴士行嘉樂庇總督大橋，損害大橋使用年期，所以開始嚴格執行十五噸以下嘅巴士先畀用嘉樂庇總督大橋，呢條線用車先改用五洲龍FDG6101G（歐四大巴）同宇通ZK6115HG1大巴。
2019年7月27號起，「十月一日前地」站改名為「十月一號前地」站。
2019年12月28號起，配合輕軌氹仔線投入服務，新增停靠柯維納馬路站，並以本站為循環點。[5] 同時因應該交通樞紐啟用，以往由澳門去氹仔嘅循環中轉站亦由「氹仔」改名為「柯維納馬路」。
- 2020年4月18號，亞馬喇前地整治土建工程完工，呢條線取消停靠「葡京酒店」站。
用車
[編輯]呢條線係啱啱營運嗰時同大部分嘅路線一樣，都係以日產Civilian同豐田Coaster細巴嚟行。
喺日野RX4JFKA投入服務之後，就派咗幾部落嚟呢條線度行，不過就冇大巴行呢條線，但係隨住乘客係噉增加，原嚟嘅日產小巴應付唔到咁多人，再加上政府要求澳巴將服役咗成十幾年嘅舊車退役，所以喺2003年就派日野HR1J低地台巴士嚟行呢條線，後來又喺2005年派日野HR7JPAE低地台巴士行呢條線，提升載客能力。
喺2006年開始就續步續步派五洲龍FDG6920G嚟行呢條線，但係間唔中都會派其他車型嚟行呢條線。
喺新巴士服務模式前幾日就派五洲龍FDG6751G（歐四小巴）嚟行呢條線做測試。
2011年8月1號開始，因為新巴士服務模式規定廿二號一定要用大巴嚟行，所以就改派日野HR7JPAE巴士、五洲龍FDG6121GC3（11.6米）、樣辦車五洲龍FDG6110G同新買返嚟嘅五洲龍FDG6101G（歐四大巴）低地台巴士嚟行呢條線，係澳巴用車最多嘅一條日間巴士線。而五洲龍FDG6920G（9米）間唔中都被派到呢條線度，五洲龍FDG6951G（歐五中巴）亦曾經行過呢條線。自2014年12月11號開始就加入咗六架新款宇通ZK6118HGE（10.84米）低地台巴士嚟行呢條線，同時五洲龍FDG6121GC3（11.6米）退出公共巴士服務，2014年12月30號又有更多呢款新車出街，喺2014年嘅最後一日五架新款宇通ZK6128HGE（12米）低地台巴士全部出街都係行呢條線，喺呢個時候，澳巴嘅日野HR7JPAE開始退出公共巴士服務。
2015年，呢條線嘅用車已清一色用嗮宇通ZK6118HGE（10.84米）同宇通ZK6128HGE（12米）低地台巴士，五洲龍FDG6101G（歐四大巴）低地台巴士亦間唔中會行下呢條線。
2017年10月14號，因澳門特區政府交通事物局收緊使用嘉樂庇總督大橋通行嘅車輛重量限制，呢條線只可以用宇通ZK6115HG1大巴，原屬於新時代車隊，本線嘅宇通ZK6128HGE（12米）就轉去新時代服役到2018年8月1號。
路線
[編輯]收費
[編輯]- 全程車費：澳門幣六蚊
- 用澳門通全民卡，只係扣三蚊，其餘由政府畀
- 用澳門通學生卡，只係扣個半，其餘由政府畀
- 用澳門通長者卡，唔扣錢
服務
[編輯]| 服務時間 | 禮拜一到六 | 例假日（周日同公眾假期） | |
|---|---|---|---|
| 祐漢第二街 | 06:15-00:10 | ||
| 班距 | 尖峰 | 4-8分鐘 | 8-10分鐘 |
| 離峰 | 6-10分鐘 | ||
| 懸掛8號風球後15分鐘開出尾班車 | |||
路線停站
[編輯]
| 去祐漢第二街方向 |
|---|
|
客量
[編輯]呢條線係澳巴所有路線入面用車最多嘅路線，主要服務喺祐漢到氹仔同氹仔到水坑尾、高士德、祐漢嘅市民，以及喺一啲繁忙時間為學生、返工嘅人提供服務，所以爆棚。而喺平時就會有啲老人專門搭嚟遊車河。
重大意外
[編輯]2006年1月16號，澳巴廿二號一架日產Civilian小巴，由氹仔賽馬會開去祐漢時，啱啱行完嘉樂庇總督大橋之後就失控，好似波子機噉撞塌嗮啲石壆同亞馬喇前地嘅整路工程啲圍欄，車頭隊咗入地盤大洞入面，而車嘅後半部就擱腰喺馬路上面。呢單嘢搞到十五個巴士乘客受傷，消防局同澳門兩間醫院都要啟動災難應變措施。
2010年5月28號晚黑差唔多八點，澳巴廿二號一架五洲龍大巴喺美副將大馬路超車期間撞低咗左邊一架電單車，之後澳巴司機冇理到繼續開車，之後警方根據目擊者畀嘅資料搵到肇事司機，巴士司機話唔知出咗事[8]。
攷
[編輯]- ↑ 〈交通事務局調整離島多個巴士站停靠安排〉。交通事務局。2016-09-22。原著喺2016-09-23歸檔。喺2017-11-14搵到。
- ↑ 〈氹仔運動場圓形地周日起道路恢復〉。交通事務局。2016-10-07。
- ↑ 〈祐漢四巴士站周六起取消〉。交通事務局。03-11-2016。
{{cite news}}: Check date values in:|date=(help) - ↑ 〈7及7A路線4月9號起合併 延伸服務至皇朝區加快周轉〉。澳門特區政府交通事務局。2017-04-05。
- ↑ 〈柯維納馬路站周六啟用〉。交通事務局。2019-12-26。
- ↑ （繁體中文）澳巴>路線>22路線 互聯網檔案館嘅歸檔，歸檔日期2015年5月14號，.
- ↑ （繁體中文）城市指南>巴士網絡>22路線 互聯網檔案館嘅歸檔，歸檔日期2015年10月1號，.
- ↑ （繁體中文）〈巴士超車女騎士被撞受傷〉。澳門日報。2010-05-29。原著喺2010-06-02歸檔。喺2010-05-29搵到。
睇埋
[編輯]拎
[編輯]- （繁體中文）澳門公共汽車有限公司官方網頁